13 May 2007

حـــاجــة نـــقـــصـــانــى

.


نقصاني

احاسيس تهز كياني

نقصاني

فكر يغير افكاري

حرماني

الدنيا من احلامي

حرماني

وللاوهام سيباني

ملكاني

افكار هتضيعني

ملكاني

ماضي ملوعني

ملزماني

حكاوي بتألمني

ملزماني

مخاوف هتظلمني

مش شيفا

غير امثال مجروحه

مش شيفا

غير قلوب مدبوحه

مش شيفا

غير دموع محبوسه

مش شيفا

غير عقول محتاره

مش شيفا

غير اهات جباره

مش سمعا

غير خوف من رنة غاره

مش سمعا

غير صرخة سمكه في صناره

احساس غريب

بالجماد و الاشياء

احساس غريب

بجمال الفراق

احساس غريب

بعذاب حتي الحيوان

احساس غريب

بأني أجن انسان

سعات بكون

مش فهما كلامي

سعات كمان

مش بحس ألامي

سعات بقول

كفايني جنون

وسعات أحس

اني مش فهماني

فجأه

اسرح في الطيور

فجأه

ادعي يا رب اغور

وفجأه

احب مرايتي واقول

الله يا بدر البدور

يا تري

مجنونه انا؟

يا تري

علي فهم الحياه اودامي كام سنه؟

ولا اكون

اعقل العاقلين

فليوسفة جيلي

وانتم مش عارفين

ولا اكون

عن الفهم ابعد ما يكون

والخيال والوهم امتلكني بجنون

وع الشكوك والظنون

انام واقوم

لحسن اكون

من العجائب البشريه

ويتعمل عليه مليون نظريه

واللي يقول دي فضائيه

واللي يقول دي مش انسيه

لأ لأ

انا مش جنية ولا فضائيه

انا روح ادبحت علي ايد البشريه

انا روح تايها ما بين السما و الارض

عايزه اجيب حقي

بس مش عارفه اظلم حد

انا روح خفيه

عيشا بين جروحكم

انا روح خفيه

بتتعلم من عذابكم

انا روح خفيه

في مراية كل بنت

انا روح خفيه

بالغباء البشري امنت

وعشان انا روح خفيه

ومعاكم عشت الفرح والقاسيه

تهت

مابقتش عرفا انا فين

في مراية انهي بنت

في قلب مين سكنت

من انهي عيون دمعت

تهت

فا خفت وبعدت

بس رجعت

ويارتني ما رجعت


.
.


(منقول لان الكلام حساه اوى وللاسف ماعرفش بتاع مين)

9 comments

meroooo said...

كلام جامد
بس ماحدش فينا في الحياه دي كلها قادر يفهم حاجتين
الحب+الدنيا
يوم ماهنفهم حد منهم اكيد هنرتاح في الدنيا او في الحياه

aya mohamed said...

دندونه بجد البلوج بتاعك رائع
وكلامك جميل اوى وكله احساس
تسلم ايدك يا قمر

safa7_karmooz said...

مش فاهم حاجه بجد :D

Doaa Ebrahim Aaql said...

جميل اوى البوست
بجد مُعبر اوى

تحياتى

Amr wetied said...

حاجة ناقصاكى ؟؟؟

ربنا يكملك بعقلك يا دينا

:P

Bent Men ElZman Da !! said...

YoYo
ميرسى ليكى يا يويو يا قمر
انتى اللى احساسك جميل عشان كدة حاسة الكلام جميل
نورتى البلوج

*******

safa7_karmooz
اكيد العيب مش منى :d
ولا من الكلام :d
يبقى من اية ياترى :d

*******

princess dodo
ميرسى ليكى يا قمر
شكرا ليكى على الكومينت

*******

Amr wetied
محسسنى دايما انى مجنونة ياعمرو :d

Bent Men ElZman Da !! said...

meroooo

الحب جزء من الدنيا
والدنيا بحالها احنا لحد ما نموت مش هنقدر نفهمها يا ميرو
ميرسى يا حبيبتى على الكومينت

romansy said...

كلامتك ولا اروع
طول ما انتى موجوده مش ناقصنا حاجه

Bent Men ElZman Da !! said...

romansy

ميرسى ليك اوى
وميرسى على زوقك وكلامك الجميل ده :)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment