30 December 2008

بوش اضرب بالجزمه...طب وبعدين؟؟!!!؟؟

.
4 التعليقات




بصراحه اول ما سمعت موضوع ضرب بوش بالجزمه
اتبسطت اوى
قولت اخيرا الراجل ده حد بينله قيمته
وان قيمته فى نظرنا اقل من الجزمه اللى اتحدف بيها
بس مع الوقت بصراحه
بدأت افكر فى الموضوع من ناحيه تانيه
احنا دايما عايزين نبين لهم صورتنا قدامهم اننا مش زى ما هما متخيلين
واننا كعرب مسلمين مش همجين ولا متخلفين زى ما هما متخيلين
يعنى ايه وجه الاستفاده من الموقف ده؟
لو فكرنا شويه هنلاقى ان بالعكس الموقف ده جه بالضرر علينا
مش هاقول دلوقتى
بس على الاقل فيما بعد
انا قصدى .. اننا فعلا حققنا وجهه نظرهم فينا
اننا متخلفين
تفتكروا الجزمه اللى اتحدفت فى وشه دى
هترجعلنا طفل من الاطفال اللى ماتوا فى العراق والا فى فلسطين؟؟
هترجعلنا العراق وفلسطين نفسهم زى ما كانوا؟؟
هتصلح اى حاجه هو او غيره عملوها؟؟
بالعكس
هما شايفنا دلوقتى بالصوره دى
رد فعلنا نرمى بالجزم
تفتكروا احنا عايزين تبقى صورتنا كده ؟؟؟
ماعتقدش

انا لا مع الموضوع ولا ضده بصراحه
مانكرش انها حركه شجاعه من الصحفى اللى عمل كده
وماننكرش ان اى حد فينا اتمنى ان تيجى عليه لحظه شجاعه زى دى
وماننكرش كمان ان الصحفى ده هيروح فى ابو كازوزه من ورا اللى حصل

كل الحكايه ان ده اللى جه فى دماغى بصراحه من ناحيه الموضوع ده
يمكن يكون صح وممكن اوى يكون غلط

readmore »»

27 December 2008

اتارى الدنيا غداره..!!

.
7 التعليقات




الدنيا دى وحشه اوى بجد
لما بفكر فى يوم انها حلوه
او بمعنى اصح بقنع نفسى انها حلوه
واننا لازم نعيش فيها بحلوها ومرها
بلاقيها فى نفس اللحظه بتدينى حته قلم على وشى يفوقنى
تقولى ماتحلميش وشوفينى على حقيقتى
ولما اشوف حقيقتها
الاقيها اسوء حتى من تخيلاتى
انا مش مكت
ئبه على فكره
بس احساسى بأنها فعلا وحشه مسيطر عليا
ممكن تيجى فى يوم تطلعك فووووووووووووووق
وتانى يوم تنزل سابع ارض
غدر ده والا مش غدر
قسوه دى والا مش قسوه
لما شخص بيقسى علينا او حتى بيعاملنا وحش
بيبقى الحل اننا نبعد عنه ح
تى لو كان شخص قريب مننا
بس ده لاننا مش بنستحمل حد يقسى علينا
انما الدنيا دى حلها ايه؟؟؟؟؟؟؟
لا هينفع الواحد يبعد عنها
ولا يشوفله صاحب غيرها
ورانا ورانا
طب هنستحملها مره واتنين وعشره
بس هى عمرها ما
هتقف عند ال عشره ابدا
وهنستحمل لحد امتا
صدقت الست ورده لما قالت
اتارى الدنيا غداره بتغدر كل يوم بينا

readmore »»