30 December 2008

بوش اضرب بالجزمه...طب وبعدين؟؟!!!؟؟

.




بصراحه اول ما سمعت موضوع ضرب بوش بالجزمه
اتبسطت اوى
قولت اخيرا الراجل ده حد بينله قيمته
وان قيمته فى نظرنا اقل من الجزمه اللى اتحدف بيها
بس مع الوقت بصراحه
بدأت افكر فى الموضوع من ناحيه تانيه
احنا دايما عايزين نبين لهم صورتنا قدامهم اننا مش زى ما هما متخيلين
واننا كعرب مسلمين مش همجين ولا متخلفين زى ما هما متخيلين
يعنى ايه وجه الاستفاده من الموقف ده؟
لو فكرنا شويه هنلاقى ان بالعكس الموقف ده جه بالضرر علينا
مش هاقول دلوقتى
بس على الاقل فيما بعد
انا قصدى .. اننا فعلا حققنا وجهه نظرهم فينا
اننا متخلفين
تفتكروا الجزمه اللى اتحدفت فى وشه دى
هترجعلنا طفل من الاطفال اللى ماتوا فى العراق والا فى فلسطين؟؟
هترجعلنا العراق وفلسطين نفسهم زى ما كانوا؟؟
هتصلح اى حاجه هو او غيره عملوها؟؟
بالعكس
هما شايفنا دلوقتى بالصوره دى
رد فعلنا نرمى بالجزم
تفتكروا احنا عايزين تبقى صورتنا كده ؟؟؟
ماعتقدش

انا لا مع الموضوع ولا ضده بصراحه
مانكرش انها حركه شجاعه من الصحفى اللى عمل كده
وماننكرش ان اى حد فينا اتمنى ان تيجى عليه لحظه شجاعه زى دى
وماننكرش كمان ان الصحفى ده هيروح فى ابو كازوزه من ورا اللى حصل

كل الحكايه ان ده اللى جه فى دماغى بصراحه من ناحيه الموضوع ده
يمكن يكون صح وممكن اوى يكون غلط

4 comments

meroooo said...

بصي هو ممكن فعلا دا كان يحصل لو كان لسه بوش في الاداره الامريكيه بس انا كنت متابعه الاخبار عشان اعرف رائي الاوروربين فينا ايه لاقيتهم وصلتلهم وجهه نظرنا في اللي حصل ده وانه موقف شجاع من شخص ارضه محتله
بس انه ده هيغير حاجه او هيرجع حاجه مااعتقدش لان شوفي اسرائيل بتعمل ايه في عزه عشان حماس بتلعب معاهم بالالعاب الناريه بتاع راس السنه تخيلي اطفال ونساء وشيوخ بيموتوا عشان مجرد لعب لو كانت الجزمه هتحل صدقيني كانت اتعملت من زمان بس مفيش جديد في الموضوع وماحدش عارف نهايه ده ايه بس اهو ادينا بندعي ان ربنا يفكر كبرنا وخصوصا كربهم تعرفي ان ساعات بحسد الفلسطنين خصوصا لانهم بيموتوا شهداء وكلنا بنتمني نموت الموته دي ويابختهم يعني الصراحه وكفايه انهم عايشين في البلد اللي كانت اول قبله لي مسلمين ربنا اكيد شايل حاجه كبيره ليهم ماحدش عارف ايه هيا بس اكيد كل اللي احنا فيه ده اختبار بس يارب ناخد بالنا ونتحرك وبعدين كلنا عارفين نهايتهم هتكون ازاي

DaNDoNa said...

سواء كان بوش لسه فى الاداره الامريكيه والا لا مش فارقه كتير
لا اللى حصل غير حاجه ولا استفدنا منه حاجه
وان كان فى جزء من الاروبيين زى ما بتقولى متفهمين موقف الصحفى
اكيييييد فى غيرهم بينتقضوا الموقف ده
وانا معاكى اكيد ان مفيش حاجه هتحل
لان مفيش حاجه بتتحل بضرب الجزم
وان كان ربنا بيعوض الفلسطنين فا بيعوضهم بأنهم بيموتوا شهداء وحقهم عند ربنا
واكيد ربنا شايلهم حاجه احسن قدام
ميرسى اوى يا ميرو على الكومنت

Sara said...

معاكي حق يا دينا

ينضرب بالجزمة ماشي ...العلم الاسرائيلي ينزل من ع السفارة... ماشي

بس و بعدين ؟!!

فين حقنا اللي راح ؟!

حقنا هيرجع لما ندوس بجزمتنا على أرضنا و تكون من حقنا مش غرباء عليها

مش مجرد جزمة و لا علم يترفع أو يتشال !

Bent Men ElZman Da !! said...

sara

بالظبط يا ساره
حقنا هيرجع بأفعال ليها نتيجه ايجابيه علينا
مش بحدف جزمه
وده قصدى

ميرسى يا قمر

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget