09 January 2009

وجهات نظر....!!!

.


موقف ونقاش حصل بينى وبين ساره صاحبتى
يمكن مش كان مهم او مش طلعنا منه بحاجه
بس وصلى احساس مهم حبيت اقوله هنا
ويمكن يكون فى حد متفق او مختلف معانا فى الرأى

*****

مره انا وهى ماشيين ولفت نظرنا اتنين بيتكلموا على اللى بيحصل فى غزه

الصراحه الراجل توهنى فى اللى كان بيقوله
مابقتش فاهمه هو عايزنا نحارب والا مش عايزنا نحارب
شويه يقول عبد الناصر كان غبى لما خلانا نروح نحارب فى حاجه مش لينا فيها اصلا
وشويه يقول "واعدو لهم ما اسطتعتم من قوة و من رباط الخيل لترهبو بها عدو الله و عدوكم"
طب يا ابن الحلال ما ترسالك على بر
وفهمنا انت عايز ايه بالظبط !!!!
بس لما مشينا الحوار ده فتح بينى وبينها موضوع مهم
يمكن كنا مختلفين تماماٌ فى الرأى
بس كنت مبسوطه اننا بنتكلم فى الموضوع ده
هى شايفه ان الفلسطنين اللى وصلوا نفسهم لكده
قولتلها ازاى يعنى
قالتلى لما السادات طلب من عرفات انه يدخل معاه فى المعاهده ويرجعله جزء من فلسطين هو رفض
واضايق اوى لما السادات راح اسرائيل يعمل المعاهده
ولما جه مصر تف (بصق يعنى بلاش جهل
) على قبر السادات
انا ماكنتش اعرف المعلومه الاخيره دى
بس قولتلها ان كان ده حصل ماعتقدش اننا هناخد شعب كامل بذنب فرد واحد منه
وان كان ناس زمان غلطت ماعتقدش بردو ان الاطفال اللى بيموتوا دلوقتى ليهم ذنب
قالتلى ان اكيد مالهمش ذنب
بس سألتنى اشمعنا عايزين مصر اللى تحارب؟ عايزين يحطوها فى وش المدفع مثلا والا ايه
قولتلها ان كنا بنتكلم فا احنا ما بنتكلمش على حرب
احنا بنتكلم على الاقل على معاهده سلام على واقفه عربيه من كل الدول مش من مصر بس
قالتلى ان كلامها كله او معظمه ماكنش رأيها لوحدها
ده كان رأى ناس تانيه كانت بتتناقش معاهم فى الموضوع
لما سمعت كلامها حسيت احساس غريب بصراحه
لما احنا مجرد افراد ومش قادرين نتفق فى الرأى
ازاى رؤساء الدول بهيبتهم ومسؤوليتهم وقرارتهم هيقدرو يتفقوا فى الرأى؟؟؟
المهم انى فى النهايه وصلت لحاجه مهمه اوى
انى اتشائمت


3 comments

MR-BOLICA said...

بصفتنا دايما مختلفين يادودو .. وده طبعا كالمعتاد فانا حتفق مع راى ساره فى نقطه الفلسطنين هما اللى عملوو كده فى نفسهم
احنا خلينا عمليين .. الوضع ده من 48 لغايه دلوقتى مش اتحل
والواقع بيقول انوو مش حيتحل
اسرائيل مش طالعه اصلا وفلسطين بيخلصوا عليها
كان بالاحرى بقا ان فلسطين واسرائيل كانوو فضلو جمب بعض .. ووكان فى مفاضوات تامت وكده
انما كون ان اسرائيل تطلع مهش طالعه
لانها مفيش حته تطلع فيها اصلا

Bent Men ElZman Da !! said...

نفسى فى مره نتفق يا احمد على رأى :D
ماشى يا احمد لو هما اللى عملوا كده فى نفسهم ايه ذنب الاطفال دلوقتى
انت لو جدودك كانو عملوا فيك كده اكيد هتيجى وتقول طب انا ذنبى ايه فى اللى بيحصل
اتاخد بذنب اللى سبقونى ليه
وبعدين فلسطين واسرائيل صعب اوى يكونوا جنب بعض بعد اللى اسرائيل عماله تعمله ده
دى كل يوم عن يوم بيلغوا فكره السلام اصلا من دماغهم ده اذا كانت وارده من اساسه

MR-BOLICA said...

االقصة كلها سببها حماس ... والناس اللىب تتكلم كتتير

حماس مش اد اسرائيل
دول مش موتوا الا 10 جنديين لغايه دلوقتى او ال اعتقد
وهيا د سياسيه الاخوان اصلا ودماغهم الناشفه يعنى افتكر ان الموضوع حيستمر وفلسطين بتتصفى .... وده هيا اللى عايزاه

انتى طبعا فاهمه اللى انا بقوله ودارسه قانون دولى وعارفه

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment