15 July 2009

ده جنان ده والا ايه؟!!!؟

.


من ساعه الامتحانات وانا عندى احساس غريب
(ده بخلاف طبعا احساس الاكتئاب الفظيع من الامتحانات الهايله اللى مريت بيها)
حاسه انى نفسى اقف فى مكان فااااااضى واشد فى شعرى واقول عاااااااااااااااااااا
عااااااااا دى مش يعنى بعيط
لا لا
دى اعتراضا منى على كل حاجه حواليا
على الناس وتصرفاتهم وعليا وعلي تصرفاتى
ايوه واركز اوى عليا وعلى تصرفاتى دى
انا بقيت وحششششششششششششششه
فى اعتراف اكتر من كده؟؟!!؟؟
مابقتش عارفه اتعامل كويس مع الناس
مابقتش عايزه اكلم حد
مابقتش عايزه احكى حاجه عنى
مابقتش عارفه اسامح حد
مابقتش بهتم بحاجه ولا بهتم بحد ولا فاااااااااارقه معايا
عايزه اعيش فى هدوء من غير دوشه (هسسسسسسسس يعنى)
سور عااااااااالى اتبنى جوايا من ناحيه ناس كتير
من اقل موقف بزهق وبتخنق وبمل وبتعصب وبتنرفز وباكل فى هدومى وبقطع فى شعرى
تقريبا والله اعلم بتلكك !!!
لدرجه انى بقيت احس ان جالى مرض نفسى مثلا
وعارفه ان ماحدش هيستحملنى على الحال ده كتير
والمصيبه والمشكله انى مش عايزه حد يستحملنى اصلا
انا بقيت مخنوقه ومضايقه من نفسى
فما بالك الناس بقى تعمل فيا ايه؟
يولعوا فيا؟ والا يعلقونى من رجليا لمده اسبوع فى الشمس الحارقه دى
يمكن اتلم واحترم اخلاقى واتعدل
واتكلم كويس وارد كويس وابطل ازعق واترنرفز على اقل حاجه
غير بقى كل ده
انا مابقتش بشوف فيا الا الحاجات الوحشه
كل موقف كنت ساذجه فيه
كل حاجه عملتها غلط بقصد او من غير قصد
او كلمه تضايق وتخنق وتشل قولتها
كل تصرف اهبل وعبيط طلع منى
كل الحاجات دى شايفاها بتعدى قدام عينى
ياترى ده نتيجه طبيعيه لقله الزوق اللى بقيت فيها؟
والا جنان ده والا ايييييييييييه؟!!!!!!!!!؟

26 comments

THE illusionist said...

احب اقول
انا الاواااااااااااااااااااااااااااااااااااال
هههههههههههههههههه
نياهاهاهاهاهاهاها
اخيرا
فى ليله واحده انا الاول فى تلت مدونات
انا محترف
هيييييييييييييييييييييييييييييه

THE illusionist said...

اولا نبتدى نقرا الموضوع بتمعن زياده
بس انا مش عارف اركز من صوت المروحه
عاااااااااااااااااااااا
يخرب بيت المروحه
هف
ثوانى وهرجع
مش معلق دلوقتى الا لما اصلحها

THE illusionist said...

بيقولى سيتم عرض التعليق بعد الموافقه عليه
وانا كنت فاكر ان النت بايظ
انا بسجل احتجاجى
شيلى الخاصيه دى
انا عايز اشوف ان انا الاول
عايز اخد الشرف ده
بلييييييييييييييييييييييظ
معناها ارجوكى

THE illusionist said...

صلحت المروحه
ودى افضل خطوه فى طريقى الى تعليق جميل هادى خالى من اى عوائق او مطبات
اولا
المشكله الاولى
انك بتكتبى على النت انى قرفانه من ناس وبتزعقى فيهم
اى انك دخلتى كائنات نتيه اى مستخدمه للنت فى مشكله زى دى
فى حين ان العمليه مش طالبه اكتر من حاجه ساقعه
وشويه هوا من المروحه
وتفكرى بعقل
وشوفى اسباب خنقتك
وحاولى متخلطيش حزنك وخنقتك بتعاملك مع الناس
عشان انا مليش ذنب الاقى نكد هنا
هه
انا قولت انتى فى حقوق
يبقى العمليه موز خالص يعنى
دماغ حقوق يا بنتى اى شاب يتمناها
مفيش اى نوع مخدر يعمل دماغ
زى حقوق
حقوق مش بتدى الشاب اى فرصه انه يتعاطى مخدر
لانها اقوى من اى مخدر
انها نايس
استهدى بالله كده
انتى اصلا منزله البوست على الصبحيه
يعنى معاد فل قوى
يبقى تفكرى بالراحه كده
ايه اللى بيخنقك ويعصبك على خلق الله
اكيد حاجه فى حياتك مش ماشيه صح
وبالتالى محتاجه
شويه تعديل
عشان تفكرى صح وتعيدى ترتيبها
وتزبيطها

THE illusionist said...

بسم الله
اولا انا بحيى الحاج ابو احمد
والحاجه ام احمد
ثانيا
احب انوه انى مش الشخص اللى لسه معلق
انا استاذ منفصم فى الشخصيه
انا شخص عبيط ومناقض تماما للكائن اللى لسه رادد من شويه
فبمسى عليكى واقولك
انتى صح
العالم ميستاهلش غير خنقتك عليهم
يعنى مثلا
واحده صاحبتك
فيها اللى مكفيها
وقرفانه
ومخنوقه
تيجى تفضفضلك
تقرفيها فى عيشتها
وتخنقيها
دى احسن حاجه
واوعدك
كمان كام شهر
انا بنفسى هباركلك ان البلوج قفل عشان الناس
مش هتستحمل وده المطلوب
ده اسمه دليل الفضل الدولى فى معامله البشر
وبحييى سيادتك من موقعى
وبقولك
كلما زادت خنقتك
زادت وجدتك
مثال مصرى من تاليفى

MR-BOLICA said...

يعجنى فيكى يا دودو احساسك العالى بنفك
بس الحاله دى مش من قريب دى من فتره على فكره
مفتكرش ده جنان لان لو جنان كنتى حتبقى مودك متقلب

MǿиY El-Shreef said...

ده طبيعي ياحبي

حالة مابعد الامتحنات

والازبهلال الي بيحصل بعد ما نخلص

مش بنصدق ان مافيش مذاكره تاني

ف بيسيب اثر عكسي ع البني ادم

حالك حالي ياروح قلبي

ربنا يعين

maioya said...

تعرفي نفسي بجد اشوف دلوقتي
حد يديني اي أمل صغير
في الدنيا
كلنا مش عاوزين تتكلم
كلنا مخنوقين
كل قرفانين
كلنا عاوزين نبعد بس عن مين متعرفيش
زي مايكون الناس هيا السبب في اللي احتا فيه
كلنا عاوزين نتعالج نفسيا
بجد حاجه تزهق
ده مش جنان
بس الدنيا ملطشه فينا اوي
اوي

blue-wave said...

دى غالبا كدا حالة استبحس مستعصيه:))
لأ بجد بقى
مش الحل انك تهربى وتزعقى
انتى وصلتى لنص الطريق انك عرفتى عيبك ومشكلتك
والنص التانى انك تعالجيها
ربنا معاكى

Lady E said...

وباكل فى هدومى وبقطع فى شعرى
ياااه هو دا الاستبحس اللي بيقولو عليه

معلش كل دا من تأثير حاجه كنتي متعودة عليها وهي الدراسة وخلاص الحمد لله سبتيها وخلصتي عقبالي يا اوختشي

وعلى فكرة حالة صحية جدا اللي بتمري بيها لأنك عايزة تغيري من التصرفات اللي مش عاجباكي في نفسك وبالتالي عارفة ان في حاجه مضايقاكي فبتحاولي تصلحيها ودا بيدل على عكس كلامك انك انسانة جميلة جدا ورقيقة جدا جدا لان الانسان الوحش مبيحسش انه وحش اصلا

الحمد لله على سلامتك وان شاء الله اباركلك على النجاح قريب

YoYo said...

انا بردو حسيت ان فيكى حاجه
ده تقريبا جنان متقلقيش ليه علاج
لا يا بنتى لا جنان ولا حاجه انتى بس عايزه فترة نقاهه بس بتهيالى يا دودو انتى اخدتيها بقالك كتير بعيده عن الناس حاولى ترجعى تانى دودو زى ما كنتى علشان فعلا وحشتينا

Bent Men ElZaman Da !! said...

THE illusionist

والله انت تحفه هههههههههههههههههه
انا من رأيى انك تغير المروحه اصلا بدل التعب ده
اهو وريتك ان انت الاول ولا تزعل نفسك احنا يهمنا صحتك بردو :D
المشكله انى مش بعرف اطلع خنقتنى الا هنا
معلش استحملنى بقى :(
ومن ناحيه العمليه موز فا هى موز خالص فعلا :D
بس موز علينا مش لينا الحقيقه :D
بس جامده حته حقوق احسن مخدر دى هههههههههههههه
طب بزمتك فى احسن من الدماغ اللى هى عملالهالى دى
وقت الصبح ده هو الوقت الوحيد اللى مش بيبقى فى حد اتعامل معاه عشان كده بكون موجوده فيه :D
اكيد فى حاجه فى حياتى مش ماشيه صح وده اللى مش قادره اوصله :D
ميرسى يا باشا على ردك نورت :)

Bent Men ElZaman Da !! said...

بالنسبه للحاج احمد اللى منفصم خالص عن الشخصيه السابقه
فا انا بقولك ومن موقعى هذا مش هأكئب على حد الا عليكم :P

Bent Men ElZaman Da !! said...

MR-BOLICA

اهم حاجه الاحساس العالى يابنى هههههههههههههههههههه
ورحم الله امرا عرف قدر نفسه :D
تفتكر لو جنان يبقى المود متقلب؟
والله وجه نظر يا احمد تصدق :D

THE illusionist said...

العفو يا حاجه
انا بس كنت بصبح على الدماغ بتاعه سيادتك
وعلى فكره
القانون الدولى
احسن ماده تعمل دماغ
فى الجون والله الدماغ دى
انا مجربها
ولو فاضيه عايزك تبقى تشرفينى
http://nightpiper.blogspot.com/

Bent Men ElZaman Da !! said...

MǿиY El-Shreef

هى ممكن فعلا تكون حاله ما بعد الامتحانات
بس انا مش مصدقه ان مفيش مذاكره تانى
لانى متوقعه بالفعل ان فى مذاكره تانى هههههههههههه
ربنا يكون فى عونا يا مونى والله

Bent Men ElZaman Da !! said...

maioya

والله يا مى بجد كتير كنت مضايقه بس انتوا او اللى حواليا عموما بيقوونى
دلوقتى لما اشوفكم واشوف ناس كتير بالحاله دى
بحس ان ده بقى الطبيعى بتاعنا كلنا
وضع عام يعنى مش حاله خاصه بيا
بقول انا كده فى السليم :D
المشكله ان احنا عشان مش عارفين نلاقى فى نفسنا حل
بنطلع همنا وخنقتنا على الناس
مش لاقيين مفر غير كده

Bent Men ElZaman Da !! said...

blue-wave

يارتها جت على الاستبحس :D
ربنا يخليك ياباشا نورت :)

Bent Men ElZaman Da !! said...

Lady E

يارب بس اعرف اغير التصرفات دى والا هتبقى اخرتى وحشه اوى والناس هتعلقنى فعلا من رجلى فى الشمس اللى احنا فيها دى
تخيلى ساعتها هيبقى منظرى ازاى :D
هابقى اختكم السوادنيه شونجابونجا :D
ويارب يا اختى تكونى اول حد يباركلى
ياخراشى ده انا بس اعملها وانجح وهتلاقينى عامله حفله هنا وجايبلكم دى جى واحتمال اجبلكم سعد الصغير كمان ان شاء الله ماحد حوش
عقبال يارب يا قمر لما تخلصى انتى كمان على خير ان شاء الله

Bent Men ElZaman Da !! said...

YoYo

مالقيش عندك يا اختى حل للجنان ده :D
والله انتوا كمان واحشنى جدااااااااا يا يويو
بس بقله ادبى اللى انا فيها دى ماينفعش خالص :D

Bent Men ElZaman Da !! said...

THE illusionist

حرام علييييييييييييك
ده القانون الدولى ده يجيب اكتئاب للواحد اكتر ما الواحد عنده اصلا :D

MR-BOLICA said...

اكبد يابنتى المجانين زى مابيقولو فى نعيم
وانتى مش فى نعيم انتى فى البارك
ههههههههههههههههههه

safa7_karmooz said...

ايه ده

طلعتى من زملاء الكفاح فى حقوق ^_^

ربنا معاكى فى النتيجة

عندنا طالعه اشاعة اننا هنتخرج الاسبوع الجاى :S

ما علينا يعنى

المهم نفس حالتك دى عندى

والناس بقت خلاص مش طيقنى

لدرجة ان اصحابى القريبين منى بطلت اهزر معاهم عشان بجرحهم وانا مش واخد بالى

ونفس السور اللى جوا ده مش عارف اتبنى امتى ولا ازاى

لو لقيتى الحل بليز باصيه ^_^

حلو الاخ ده بالمناسبة :e:

Bent Men ElZaman Da !! said...

MR-BOLICA

ههههههههههههههه
ده انت شكلك بتتريق بقىىىى
ما بلاش انت معايا انت عارف لو استلمتك هتشوف منى ايام فحلقى :P

Bent Men ElZaman Da !! said...

safa7_karmooz

اهلا اهلا بزميل الكفاح
من الواضح وضوح الشمس فى كبد السماء (حلوه حته الافلام دى)
واضح يعنى ان طلبه حقوق يعتبروا المفهورين فى الارض
احساسى الفظيع بيقولى ان حقوق هى اللى وصلتنا لكده
تفتكر صح والا صح :D
ما هو لازم يكون صح والا هنبقى مجانين فعلا
وحياتك اول ما اعرف العلاج مش هابصهولك وبس
ده انا هاعملك بيه نشره هنا
:e:
لو عاجبك الواد ده اتفضله وربنا
هو اصلا عاملى قلق :D
نورت ياباشا

كيــــــــــــارا said...

مالك يابنتي بس

خدي راحه من التفكير واستعيدي نفسك

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget