09 August 2009

احنا مين وفين وليه؟والنبى اللى يعرف يقولى

.

دخلت الاسبوع اللى فات او اللى قبله يعنى مش فاكره
(السن بقى معلش)
فيلم الف مبروك
بخلاف ان الفيلم مش حسيته حلو قوى بس هو فى المجمل حلو
لكن مش موضوعنا
فى جمله اتقالت فيه ولافته نظرى من وقتها
"احنا نقدر نغير الواقع لان احنا اللى بنعمله لكن مانقدرش نغير القدر"
لان مش احنا السبب فيه يعنى
السؤال اللى جه فى دماغى بقى
طب وهو ايه القدر وايه الواقع؟؟
ما الاتنين مجرد مسميات والنتيجه هى حياتنا
وبعدين احنا قدرنا مكتوبلنا فى كل حاجه بتحصلنا
يعنى ازاى نفرق بين ان ده قدر وان ده واقع
قبل ما الحاجه بتحصلك يعنى بيكون مكتوبلك فى الاوبشن بتاعها انها واقع مثلا
كل حاجه بتعدى علينا بنقول انها مكتوبالنا من قبل ما نتولد
يعنى قدر
يعنى ايا كانت الوسائل اللى بنمارس بيها حياتنا
فا هى بتوصلنا لنفس اللى هنوصله
تمشى يمين تمشى شمال ان شاء الله تمشى لفوق
هتوصل لنفس المكان اللى مكتوبلك توصله
الموضوع ده جاب فى دماغى حاجه جميله اوى
وانا فى ثانوى كنت باخد فلسفه مادتى المفضله
كان عندنا جدل فيها ان ياترى الانسان مسير والا مخير
وكان فى اراء واختلافات كتير اوى
وكل رأي انت تقتنع بيه ميه فى الميه يجى الرأى اللى بعده يخليك تغير وجهه نظرك تماما
بس ياترى احنا من جوانا حاسيين بأيه
احنا فعلا مجبرين على كل حاجه بتمر بينا فى حياتنا
والا احنا اللى بنحدد اختيارتنا
يعنى ماشيين على خط مرسوم لينا من قبل ما نيجى الدنيا
والا احنا بنحاول نرسم الخط ده
الموضوع مش تدخل فى الدين ولا القدر لان القدر ده شئ الحمدالله مؤمنين بيه
بس الفكره كلها احنا بنأثر علي حياتنا بأيه
والا هى اللى بتأثر فينا
احنا مجرد ممثلين بنأدى دور فى المسرح الكبييييييير اللى اسمه الحياه
والا احنا الجماهير اللى بنتفرج وبنحدد هنكمل فرجه على العرض ده والا لا
دور احنا حافظينه وبنأديه
والا دور احنا بنغير فيه

18 comments

MR-BOLICA said...

دودو الكلام ده كبير
الواقع انك تكتبى البوست ده او لا
انما القدر انى لازم ارد
ههههههههه

بنجاواتى said...

السلام عليكم

انا شايف ان الانسان مش مخير بشكل مطلق ولا مصير بشكل مطلق
لكنه ميسّر
كل ميسر لما خلق له

طيب ما احنا ميسرين لاقدارنا المكتوبة؟؟؟
اقولك ان الاسباب من القدر
يعنى السعى يصنع القدر

تحياتى

بنجاواتى said...

السلام عليكم

انا كنت زيك تمام فى التفكير فى الموضوع ده والحمد لله عرفت بعدد كده الاتى

ان الانسان ليس نصير بشكل كلى او مخير بشكل مطلق وانما هو "ميسّر"
كل انسان ميسّر لما خلق له

يعنى ربنا خلق الانسان ووفقه الى الاسباب التى توصله الى قدره الذى كتبه الله عليه
والحاجة المهمة فى الموضوع هى ان الاسباب من القدر

يعنى الموضوع فيه جانب ارادة وتيسير من الله
وترك الاسباب يترتب عليه عدم وقوع الفعل

تحياتى

The illusionist said...

انا هعلق

The illusionist said...

اناغ علقت ولا لسه
لسه
سيتم العرض بعد الموافقه
لالالالالالالالالالالالالالالالالا
محدش يتكم فيا
انا البرنس
لالالالالالالالالالالالالالالالالا

The illusionist said...

انا بعلن الاحتلالالالالالالالالالالالالالالالالالالال

انا هتلالالالالالالالالالالالالالالالالار

maioya said...

والله يادودو انا قربت احس انه كله زي بعضه
وان مفيش في ايدينا نغير اي حاجه
ون احنا اصلا مجبرين نعيش كده
وكأن كل حاجه مفروضه علينا
واحنا مش ممثلين زي ماقولتي
ده انا بقيت بحس
ان احنا زي عرايس الماريونيت بتتحرك بخيط
ومفيش في ايدنا نحرك نفسنا
ياااااه علي القرف واليأس

Bent Men ElZman Da !! said...

MR-BOLICA

وانا قدرى ونصيبى اقولك منور يا احمد :D

Bent Men ElZman Da !! said...

بنجاواتى

وعليكم السلام ورحمه الله وبركاته

عاجبنى رأيك بصراحه
بس لما ربنا بيوفقنا للاسباب اللى توصلنا للى مكتوبلنا يبقى بردو احنا ماشيين ناحيه ما القدر بيودينا
لان انت مش هتختار غير اللى ربنا موفقك ليه
بس فعلا انسب حاجه
اننا ميسرين لاقدارنا المكتوبه
دى المقوله اللى تنفع علينا
ميرسى اوى يا بنجا على ردك

Bent Men ElZman Da !! said...

THE illusionist

مالك بس؟اعصابك :D

Bent Men ElZman Da !! said...

maioya

والله يا ميويا انا مش حساه قرف ويأس
انا حساه نتيجه طبيعيه للى بيحصلنا
ولو الواحد بيختار اللى بيمر بيه
هيتحمل نتيجته ايا كان
بس لما يبقى اللى بتمرى بيه بيجيلك سواء شئتى ام ابيتى فا ده اللى بيخلينا بنحس باليأس
هتقولى اصل انا هاعمل ايه يعنى
وادينا مستنين

safa7_karmooz said...

:h:

*البت المشمشية *حلوة بس شقية * said...

ممكن بس يا امورة انتى
اعرف انتى عاملة الخلفية بتاعه المدونة حلوة كدة ازاى
من انهى موقع
وازاى
وتردى عندى فى البلوج

The illusionist said...

ههههههههههههههههههههه
انا اعلنت الاحتلال ونسيت احتل
سورى بقى
انا الزهايمر مدمر دماغى جدا
ممممممم
السؤال صعب
القدر والواقع
الواقع ممكن فعلا يتغير
والقدر ممكن كمان يتغير
بيقولك الدعوات والتضرع لله
بتقابل القدر فى السماء وتغير
وفى قصه مؤكده ايام الرسول
احد اهل المدينه دعا الرسول الى عرسه
ولم يحضر الرسول
فذهب الرجل له فى اليوم التالى
ليستفسر منه
فقال له الرسول
اما زلت حيا
قال له نعم
قال لقد علمت من جبريل انه يوم وفاتك هو يوم عرسك
ولم احضر لهذا السبب
ثم ساله
ماذا فعلت قبل العرس
قال له
مرت علينا امراه فقيره
فاطعمناها
وسقيناها
واكرمناها
فدعت لى بطول العمر وصلاح الذريه

عجبتنى القصه دى جدا جدا
بس المشكله
ان الواقع فى مصر
مبيتغيرش
والقدر
مش هيتغير
دى مصر
ام الدونيا

adel said...

الموضوع ابسط من كده
احنا فعلا مخيرين في كل افعالنا
ربنا عارف احنا هنختار ايه بس مش بيجربنا علي حاجة

ممكن يكون ربنا شايف الصح ليك وانت تختار العكس و هو عارف انك هتختار العكس بس برضه بيسيبك

بالنسبة للقدر فهو الشئ اللي ملناش دخل بيه زي الموت

لكن الواقع اللي هو الاختيار

طبعا مفهتميش
ولا انا
ههههههههههههه
:e:

Bent Men ElZman Da !! said...

safa7_karmooz

:h:

Bent Men ElZman Da !! said...

THE illusionist

القصه اللى قولتها بجد تحففففففففففه
اول مره اسمعها
ميرسى اوى على رأيك

Bent Men ElZman Da !! said...

adel

عاجبنى والله تحليلك ياعادل
يمكن ربنا بيسبنا نختار عشان نتعلم
هو تقريبا الموضوع مش مفهوم اصلا هههههههههه
ميرسى اوى على ردك وزيارتك للمدونه

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment