04 October 2009

التعليم فى زمن انفلونزا الخنازير

.



النهارده كان يوم فحلقى
ماعرفش ايه الفحلقى ده
بس هو كان يوم مالوش الوان فعلا
ال ايه انفلونزا الخنازير
شوف ازاااااااااى
ازاى يا جدع
قالوا نقلل التواجد فى الاماكن المزدحمه
وقالوا المناديل والكمامات والمعقمات حاجات اساسيه
قالوا بلاش التواجد فى الاماكن المقفوله
بس على مييييييين
احنا شعب خلقنا لنعترض
انا مستغربه بجد
ده لو الناس قاصدين يتعدوا مش هينزلوا بالكميه دى
المدارس وقالوا عليها رقابه
ومع ذلك فى عيال عندهم انفلونزا عاديه واهلهم سايبينهم ينزلوا
وده لوحده مبرر انه يعمل توتر للاطفال المتشردين دول واهاليهم
والا الكليات بقى
ماشاء الله مش فى دماغهم نهائى
حفله الترحيب بالطلبه الجداد شغاله عادى
والزحمه شئ لا يصدقه عقل
مقسمين كل دفعه على 3 اقسام
طب باقى الدفعات جايين ليييييييييييه
فى ناس خلصت بقالها 5 سنين مثلا
طب بردو جايين لييييييييييييييه
فى ناس ماعندهاش دراسه اصلا فى اليوم ده
طب بيخنقونا وجايين لييييييييييه بردو
اموت وافهم
بس اللى هيشلنى
انى اصلا طول سنينى فى الكليه ماروحتش اول يوم
السنه المنحوسه اللى المفروض خلصت فيها
انزل اول يوم
ياخراشى على هبلى
مين العبيط اللى طاوعنى فى الموقف ده
وازاى عقلى اللى عنده هسهس يطاوعنى فى لحظه زى دى
حقا انه شئ لا يصدقه عقل

14 comments

mimi said...

طبعا أول تعليق

mimi said...

أخ ... مممممممم

ممكن يكون مش أول تعليق ...

mimi said...

علي العموم مش فارقة خالص يا بنوتة ...
بصراحة أنا حاسة إن موضوع انفلوانزا الخنازير ده أشتغالة كبيرة والمستفيد منها حد كبير ...
بدليل المطارات الموظفين اللي فيها مش فيهم حد لابس كمامات

موظفين مترو الأنفاق

ولو هيا مصيبة بجد ليه مش أجلوا الدراسة السنة دي؟

ربنا يستر وإن شاء الله خير
تحياتي يالا روحي نامي

Bent Men ElZman Da !! said...

طبعا اول تعليق :c:
انا فعلا حاسه ان الحكومه عملت قلق من غير داعى
وحسسونى انه وباء على الفاضى
لان لو ده حقيقى وباء
كانوا عملوا علينا حجر صحى
بس الغريبه هما ليه بيوتروا الناس اوى كده
ميرسى يا قمر
ويلا على النوم انتى كمان :P

The illusionist said...

قشطه يا حقق يا عسل
واحشنى
لالالا
بجد
ليكى وحشه
فينك وفين بوستاتك
لازم ازعلقلك عشان بوست ينزل
ايه نزلك اول يوم
انا عن نفسى نزلت
لانى كده كده هموت طول ما انا فى المنوفيه
بس
مش اكتر
لكن غير كده
انا وربنا مستبيع
انا عاوز البس كمامه
بس الناس كلها تلبسها
وبس كله كوم
والعطس اللى العيال بتتفنن تعطسه كل ثانيه ده
مدمر
هههههههههههههههههههههه
انا منور
وواحشااااااااااااااااااااااااااانى

adel said...

هههههههههههه

اولا حمدالله علي السرمة من الغيبة

ويابنتي بتتكلمي عن ايه ؟
ده طبيعي اصلا
احنا شعب عاطتفشي و مينفعش منتجمعش سوا في حتة واحدةو لازم نبــــــــوس بعضينا كمان
ولازم ولازم ولازم

انتظروا الوزباء

*البت المشمشية *حلوة بس شقية * said...

بصى
انتى تحسى انك عايشة فى كدبة كبيرة
متعرفيش اذاكان المرض خطير
ولا هما بيهولو

Bent Men ElZman Da !! said...

THE illusionist

معلش الدنيا ملاهى ههههههههههه
انا كنت مستنيه تعليقك اصلا عشان انزل بوست :P
طب بما انك فى المنوفيه ماتقولنا ايه الاخبار هناك
وايه الاحتياطات اللى حاصله
ما احنا لازم نعمل مباحثات بين كل المحافظات يمكن نوصل لنتيجه ادام الحكومه مش عارفه looooool
انت منوووور دايما
ميرسى يا جميل

Bent Men ElZman Da !! said...

adel

الله يسلمك يا عادل ميرسى على زوقك
احنا مش بس شعب عاطتفشى
وبنتفنن ازاى نعمل ازمه فى وسط الازمه اللى جوه الازمه
فاهم حاجه؟
اكيد لا لانى اصلا مش فاهمه هههههههههههههههه

Bent Men ElZman Da !! said...

*البت المشمشية *حلوة بس شقية *

بيتهيالى فعلا الموضوع بجد
لان فى كذا حاله ظهرت فى المدارس
وفى مدارس قفلت بالفعل
يمكن كانوا بيهولوا فى الاول
بس دلوقتى ماعتقدش
ربنا يستر علينا

mimi said...

مدونتك أخر شقاوة ... كلها ألوان بحبها وحركات

ده غزل عفيف

ههههههههههههههههههه

Zika said...

مش لازم رعب في حكاية الاتش وان ان وان
لان الرعب هيادي لحاجات عكسيه
كل واحد بس يهتم بالنظافه الشخصيه ونبطل عداتنا المصريه زي البوس والاحضان والحاجات دي والمرض مش هاينتشر
ومافيش داعي فعلا لاننا نلغي الدراسه
الا في حالة لو مالتزمناش بالكلام ده
انا عارف حسستك انك في اعلان ديتول بس اصل كان نفسي اقول الكلمتين دول اوي ههههه

Bent Men ElZman Da !! said...

mimi

وانا احبك فى الغزل العفيف ههههههههههه
ميرسى ليكى يا جميله

Bent Men ElZman Da !! said...

Zika

ايوه انا حساك بردو نفسك تبقى مكان وزير الصحه والا حاجه
كأنك بتكلم معتز الدمرداش فى 90 دقيقه مثلا
قولت اسيبك تاخد فرصتك وتقول اللى فى نفسك ماحرمكش من حاجه هههههههه
بص هى النضافه مطلوبه
بس المشكله ان فى ناس كتييير مكبره
وشايفه ان الموضوع مش واصل للى بيتحكى فيه ده ومجرد كلام وتهويل مش اكتر

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment