31 December 2009

فى ستيييين .... سلامه

.



مستريحه جداااااا ان السنادى خلصت
لانى شايفاها سنه كئيبه اوى من اولها لاخرها
مافيهاش حاجه كويسه الا تخرجى اليتيم اللى مافرحتش بيه
بس الحمد الله انى خلصت الكليه الهباب دى وانا بكامل قوايا العقليه
(ولو انى بقيت اشك فى الحكايه دى)
لكن مضايقه انى مكتوب فى شهاتى دفعه 2009
لانى شايفاها سنه مش حسباها فى عمرى
شايفه انها مش عدت عليا اصلا غير بمشاكلها بس

وحاسه انى لسه عندى 21 سنه
السنه الزياده دى هتبرع بيها لاى جمعيه خيريه
او اللى عايزها هافتحله باب تقديم الطلب ويتفضلها والله ما تغلى على حد

المهم انها خلصت وخدت الشر وراحت
وفى ستييييين ... يلا هاجى على نفسى واقول سلامه


اهلى
انتوا وبس محور حياتى
حياتى من غيركم فاضيه اوى ولوحدى اوى
انا من غيركم ولا حاجه

لكل اللى الناس اللى خرجت من حياتى ومن تفكيرى السنادى
حياتى احسن من غيركم
وعلمتونى كتير اوووى

لكل الناس اللى دخلت حياتى
....
ولا حاجه لان مفيش حد جديد دخل فى حياتى

لكل الناس اللى كانت ومازالت ويارب تفضل موجوده فى حياتى
وكل اصحابى اللى كانوا فعلا اصحابى بجد
حياتى احسن بيكم
وساعدتونى اعدى حاجات كتير من غير ما تحسوا ولا تقصدوا
وخليتوا ايام فى حياتى احلى بكتير
ربنا يخليكم ليا

اما انت
you are special one for me
خليك عارف الجمله دى كويس اووى
اه اوقات بتضايقنى واوقات بترخم عليا
وانا اوقات بضايقك واوقات برخم عليك
بس ده مايمنعش انى كنت ومازلت وهافضل
شايفاك اهم واجمل شخص عدى عليا فى حياتى
من فتره طويله اوى ماقابلتش حد بيفهمنى زيك
وقت حزنى كنت اول حد جنبى
وقت فرحى بتكون اول حد معايا لانك فى الغالب بتبقى سبب الفرحه دى
لو فى ضحكه اترسمت على وشى فا انت اكيد سبب فيها
ولو يوم نمت وانا مرتاحه نفسياً فا انت اكيد سبب فى ده
مش شايفه انى معاك بضيع اى يوم ومش طالبه ابدا منك اكتر من كده
ليه بقى بقولك كل ده؟!
يمكن لانى مش عارفه اقولهولك قدامك
ويمكن لانى مش عايزه اوصل معنى اكتر من اللى بقوله ده
ويمكن لانى مش عايزه احس ان فى قلق ممكن يحصل لو اتكلمت
ويمكن لانى عارفه انك الوحيد اللى هتفهم انا قصدى ايه
اسفه لو كنت ضايقتك فى يوم بقصد او من غير قصد
اسفه لو كنت ضايقت اى حد بقصد او من غير قصد
عايزه أبدا سنه جديده مع كل الاشخاص اللى فى حياتى
اسفه انى فى يوم كنت ضعيفه او ماكنتش أد اى حاجه بتمر عليا
اسفه انى فى يوم حسيت بأحباط
واسفه انى مش متابعه المدونه زى الاول
ولا حتى بشوف باقى المدونات

مش بتمنى اى حاجه
غير ان الايام الجايه تبقى احسن من اى ايام فاتت
&
Happy New Year 2 all

5 comments

mimi said...

وحشتينا يا بنوتة ،، يارب 2010 تحققي فيها ذاتك وأحلامك

كل سنة وأنتي بألف خير

you are special one for me
خليكي فاكراها كويس أنتي برده
هههههه مش حد تاني بس (:

اقصوصه said...

سنه ميلاديه سعيده

زاخره بطاعة الرحمن

اتمناها لك :)

yoya said...

دودو بجد وحشتينا جدا

ويارب السنه دى تبقى احلى من كل اللى فات

ربنا يوفقك ويقدملك الخير يارب

MǿиY El-Shreef said...

كل سنه وانتي طيبه يادينا ويارب السنادي تكونلك احلى واحلى

والله بجد ليكي وحشه

Bent Men ElZaman Da !! said...

ميرسى ليكم كلكم
انتوا كمان وحشتونى اوى
اسفه انى مقصره فى متابعه المدونات
ويارب تكون سنه جميله علينا كلنا
معلش رديت متاخر

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget