02 March 2010

خــط احـــمـــر

.



كنت ناويه اكتب بوست تانى غير ده خالص
بس يمكن لانى لاقيت حاجه شاغله تفكيرى اكتر الفتره دى
هو يعنى ايه مــثــليــين؟؟
انا مش غبيه
ولا بحاول استهبل بردو
وعارفه يعنى ايه
بس اللى نفسى اعرفه هو الناس دى بتفكر ازاى؟؟
اصل اكيد فى حاجه فى تفكيرهم غير منطقيه او انا مش قادره اوصلها

انا دايما مقتنعه ان كل واحد حر فى تصرفاته ادام مش بيضر غيره
طب اشمعنا دول بالذات اللى انا مش قادره اقتنع بمبدأ الحريه ليهم
وشايفه ان مش ده نوع الحريه اللى المفروض الواحد ياخده
والا يمكن لانه بالعقل كده ده حاجه عيب وغلط وحرام
ومفيش اى دين سماوى وغير سماوى مش قال انها حرام

لما فكرت وحاولت افهم والاقى ليهم عزر
كنت بقول ان فى جزء منهم يمكن تعرضوا لأى نوع من انواع التحرش
ايا كانت الطريقه او الشكل او الشخص اللى عمل كده
بس ده فى النهايه ممكن يوصل لعقده نفسيه تخيلهم يعملوا كده
بس بردو ماقتنعتش
لان ده مايمنعش ان الشخص يتعالج نفسياً لا هو عيب ولا حرام
ماهو مش معقول محرج او خايف من العلاج النفسى
ومش محرج ولا خايف من القرف اللى انت بتعمله ده

اما بقى بالنسبه للشخصيات اللى ماتعرضتش لاى موقف سبب فى التحول النفسى ده
فا دول ناس بقى واخده الانحراف مبدأ وقله الادب موهبه والانحلال اسلوب

من فتره قريبه كنت متاكده انى عمرى ما اقدر اتعامل مع شخصيات من النوعيه دى
واحتراماً لحرياتهم وحياتهم الا انى بردو بستحقرهم بكل صراحه
ومبدأى فى الحياه ان اى شخص من النوعيه دى ابقى بعيده عنه بعد السماء عن الارض
سواء كان بنت او ولد

اما دلوقتى
لما الظروف اجبرتنى انى اتعامل مع شخصيات من النوع ده
وتحديدا بنات
مانكرش انى اتفاجئت وازبهليت وتنحت وقرفت واتعقدت
ده اول ما عرفت
بس مع الوقت لاقتنى فجأه بعدى الموضوع
حتى لو كنت بحاسب احيانا على تصرفاتى معاهم
واحيانا اخرى ببصلهم بصات غريبه و عجيبه و مريبه
الا انى بردو بتعامل معاهم عادى جدااااااا
وبقيت انسا اوقات انهم كده
استغربت نفسى اوى
وحسيت انى متناقضه جدا
ازاى انا شايفه ان الناس دى غلط وبسكت عن الغلط !!
وشايفه ان ماينفعش اقعد او اتعامل معاهم وبتعامل معاهم !!
مهما الظروف اجبرتنى
حتى لو كان تفكيرى ده غلط بس انا مقتنعه بيه
او المفروض انى مقتنعه بيه
ايه اللى جد بقى وخلانى شايفه ان الموضوع ايزى اوى كده
ليه حسيت انى اتعديت الخط الاحمر اللى هو مبدأى وتفكيرى
المفروض ان مبدأى ده اهم حاجه عندى
وماتنازلش عنه حتى فى ابسط الامور ادام مقتنعه انى صح

كنت ومازلت وهافضل شايفه انهم غلط
وبيعملوا حاجه غلط
بس ليه انا حسانى متساهله فى تعاملاتى معاهم
وكأن الموضوع عادى
وهما عادى
مش قادره افهمنى فى الحته دى بصراحه
!!!!!!!

14 comments

adel said...

بصي انا زيك مبحبش الناس دي
بس مين قال اني عشان مش مثالي بقيت قديس
احنا كلنا مرضي و كلنا مليانين اخطاء
هو غلطه العلاقة دي
وانا غلطتي مثلا الشتيمة و انتي غلطك (س)من الاخطاء

متحاسبيش حد
ومدام في العلاقة بينكم هما متعدوش الحدود او الصداقة يبقي خلاص

العلاقات الانسانية ملهاش دعوة بالتواجهات الجنسية

Bent Men ElZman Da !! said...

معاك ان ماحدش مثالى
لكن درجات الخطأ بتختلف
فعلا العلاقات الانسانيه مالهاش دعوه بالتواجهات الجنسيه
والغريبه انى اكتشفت انى بتعامل معاهم على الاساس ده من غير مااكون حاسه
او حتى احاول اقنع نفسى بيه

حـــــروف متــبعترة " عــمرو الشــايب said...

اقوللك يا برنسس انتى الناس دول هما دول عنهم ناقص بحس انهم ناس مش ساويين لانهم لو هما مش بيعملوا غلط من وجهة نظرهم بيخافوا جدا ان ح يكتشف امرهم و بيحسوا بالعار و تلاقي اغلبهم بيدعي الفضيلة و هو سوري ف الاكسبرشن ولاد ستين كلب اصلا بيبقى عندهم نقص بيعوضوه ف الحاجات دي و بيحسوا انهم بكدة قضوا على النقص و لكن بتزيد عندهم حتى لما توصل لاكبر مرحلة و هو الناس دول المفروض انهم يبعدوا خالص عن اى مكان فية سكان و يروحوا ف الصحرا لحد ما يموتوا ان بقول اي بس

لاسع افندى said...

بصى
من حقك تعتزلى ناس فيهم صفه معينه
بس بدون ماتحتقريهم
يعنى مثلا فيه ناس ماتحبش تتعامل مع الكذاب
او....او...... وده من حقهم
لو انتى مش بترتاحى ليهم مش عيب تسيبيهم لحالهم

وانا شخصياانصحك بالابتعاد عنهم لئلا يؤثر تواجدك معهم على سمعتك ويصفك الناس بصفاتهم

تحياتى

Ebtsam said...

الزملاء الأعزاء تحيه طيبة وبعد:
تسعي الشبكة العربية لمعلومات حقوق الإنسان لإصدار مطبوعة دورية خاصة بالصحافة الشعبية تحت اسم "وصلة " تنشر فيها بعض مما ينشره المدونين من كتابات وتعليقات على الأوضاع المحيطة بهم في مصر والعالم العربي .
ونرجو مشاركتكم معنا في المطبوعة بالسماح لنا الاستعانة ببعض مما تكتبونه على مدوناتكم من موضوعات بعد موافقتكم على النشر .
نرجو سرعة الرد
مع الشكر
ابتسام تعلب
للتواصل
الايميل : wasla@anhri.net

micheal said...

أنا عن نفسي مش بحتقرهم ولا بحتقر حد ..كل الموضوع بالنسبة لي إختلاف في أوضة النوم فقط
المهم ألا يحاول أحد فرض وجهة نظره عليا أو أنا أحاول أفرض وضع معين ع الناس كلها
لو هما عاوزين يتغيروا ويبقوا مش مثليين..برضه هما حريين
:)
تحياتي

maioya said...

انا معارضه اوي فكره ان كلنا مليانين اخطاء
ومنحاسبش بعض
لان زي ماقولتي غلط عن غلط بيفرق
اه كلها في الاخر اخطاء
بس في غلط بنقع فيه سهوا
وفي غلط بنعمله عمدا
واللي بتتكلمي عنه ده غلط عن تعمد واصرار
اصل ماتقنعنيش ان حد من المثليين دول
اتعرض لحادثه في صغره خليته كده
وهوا فضل علي كده عشان غصب عنه
الحالات دي ليها علاج بس اللي عايز هوا اللي بيدور عليه لكن في فرق بين حد عايز كده وحابب انه يبقي كده شاذ عن بقيه خلق الله
وحد نفسه يبقي صح يبقي كويس
انا اتعاملت مع ناس كده اه محاولتش انصح حد
بس كتير نصحو ومفيش فايده
اتعاملت معاهم باشمئزاز كده وفي الاخر قطعت العلاقه
عشان شايفه انهم ناس غير طبيعيه
مينفعش اتعامل معاهم
معرفتش اشوفهم غير كده
وحشاني كتير يابنتي والله
بس الهوتميل الحقير حلف ماهو نازل علي جهازي
ابقي طمنيني عليكي (k)

Bent Men ElZman Da !! said...

MeGltNa

ما اللى يغيظ
انى بلاقى مثلا ناس زى دول بتصلى
بستغرب اوى
ازاى الواحد منهم بيقدر يفرق فى احساسيسه اوى كده
ازاى بيطيع ربنا فى حاجه ويعصيه فى حاجه كبيره زى دى
يمكن مش الحل انهم يقعدوا لوحدهم
بس اكيد الحل انهم يتعالجوا نفسياً
ميرسى اوى ليك على تعليقك

Bent Men ElZman Da !! said...

Ebtsam

عجبتنى الفكره جدا
عشان كده نشرت التعليق لو عجبت حد وحب يقولك
ميرسى ليكى

Bent Men ElZman Da !! said...

micheal

وتفتكر لو حد كان بيفرض رأيه عليهم كانوا هيفضلوا مستمرين فى الغلط
اخر حاجه ان الواحد ينصحهم
اكتر من كده ماعتقدش انه يحصل
لان ماحدش بيفرض رأيه على حد فى الزمن اللى احنا فيه ده
ميرسى ليك كتير

Bent Men ElZman Da !! said...

maioya

معاكى حق
فى غلط بنعديه ونقول هيتصلح مع الوقت
بس فى غلطات تانيه بتحسى انها بتأثر فيكى اكتر من انك تعديها
انا زيك شايفه انهم ناس غير طبيعيه
بس ازاى معدياها كده وبتعامل عادى
مش عارفه بصراحه
وحشانى جداااا
ووحشنى بجد كلامنا وسهرنا مع بعض
وشويه وهاجى افجر الجهاز بتاعك على فكره :@
انا تمام يا حبيبتى
ابقى طمنينى عليكى دايما
(K)

Unknown said...

على فكره انا زيكا بتاع مدونة المخرج بس داخل بالاكاونت اللي بتاع اليو تيوب
غلطه مطبعيه يعني

Unknown said...

امممم
متهيألي ان ده مش تناقض قد ما هو صراع جواكي
انك شايفه الناس دي عاديه وفنفس الوقت عندك حاجز نفسي بينك وبينك بيقول عليهم انهم مش طبيعيين
متهيألي الاجابه عندك
انتي عايزه تشوفيهم ايه او تعامليهم على اي اساس
او اي منطق وهكذا

Bent Men ElZman Da !! said...

عرفتك من الاسم عشان الفيس توك :D
ما المشكله لما الواحد يبقى مش عارف يحدد هو عايز يتعامل على انهى اساس اصلا
منور بأى اكونت :)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment