27 March 2010

حبيبى....فى ستين داهيه

.




حبيبى سابقا

وحياه البرفيوم المعفن اللى كنت بتحطه فى كل مقابله بينا
(برفيوم ايه بس!! قصدى الاسانس اللى كنت بتحطه)
وحياه كل شوز (جزمه يعنى) دابت من كتر اللف مع حضرتك
وحياه كل ورده دبلانه ومالهاش ريحه جبتهالى
(ام نص جنيه بتوع الكورنيش دول فاكرها؟)
وحياه كل كول مى بعتهالى عشان اكلمك
(يا جربان يا شحات)
وحياه كل رساله بعتهالك على الموبيل بمناسبه ومن غير مناسبه
(كنت عبيطه وهبله بقى تقول ايه !!)
وحياه كل تحويله خمسه جنيه عشان اكلمك بيها
(واحيانا كان بيبقى سلفنى شكرا)
وحياه سهر الليالى وسرحانى وتوهانى
(وقله مذاكرتى اللى خلتنى اشيل ماده الاقتصاد مرتين على التوالى)
وحياه كل محاضراتى اللى ماكنتش بحضرها عشان اشاهد فى جمال حضرتك
وحياه فلوسى ومصروفى والجمعيات اللى كنت بدخلها اللى ضاعت كلها على الهدايا
(سوف يتم طرح الهدايا فى تشريده اخرى)
وحياه كل فاتوره نت جاتلنا ايام ماكنت بدخل ديل اب عشانك
(لان الدى اس ال كان فاصل وقتها)
وحياه كل اغنيه بتفكرنى بيك
( وخصوصا اغنيتك المفضله.. الحنطور)
وحياه كل شعر واغنيه كتبتها عشانك رغم انى اساسا ماكنتش بكتب شعر
(نزلت عليا الوحل فجاءه الله يحرقك يوووووووه قصدى الوحى)
وحياه الزهايمر المبكر اللى جالى ومش لاقياله حل ده


واخيرااا
وحياه كل الايام المهببه السودا اللى شوفتها معاك ....
هنساك .... هنساك
هـــــنــســــاك ...... هـــــنــســــاك
كل غلطه غلطها قلبك يوم فى حقى كل جرح وكل دمعه بكاها قلبى
هردهااااااالك مش هنسهااااااالك
يوووووووووووه انا كده دخلت على ااغنيه محمد فؤاد
لا انا فعلا هنساك
مش كلام اغانى
واول ما اشوفك (المحك بس وانت هتشوف منى ايام سودا)
لازم اقولك
حبيبى ...... فى ستين داهيه


مع تحياتى
انا
المتنيله على عينها
حبيبتك السابقه


ملحوظه اخيره
الطاسه اللى فى الصوره دى
هتاخد بيها على دماغك لو شوفت خلقتك

ماتنساش
حبيبتك المتنيله على عينها

67 comments

adel said...

والله 10/10
بس تصدقي عمري ما استقطعت واحدة بكلمني كشرا و الكلام ده
بس ممكن كده اجربها مدام بتحولوا رصيد بجد
هههههههههههه

Bent Men ElZaman Da !! said...

هههههههههههههههه
ياخراشى
هو انت قصدت
مفيش بنت هبله اوى كده
دى فقط من وحل الخيال
يووووووه
قصدى وحى

adel said...

وش طبعا صدقت

Bent Men ElZaman Da !! said...

ههههههههههههههههههههههههههههههههه
لا بتهرج
انا عبيطه اه
بس مش للدرجه دى ههههههههههههههه

adel said...

وانا مالي
هي قفشت و انا صدقت خلاص
ومتخافيش مش هابعتلك انتي يعني
:)
هاستلف مع بنات تانين
:):)

Bent Men ElZaman Da !! said...

بس ابقى افتكرنى انا اللى عرفتك الطريق اهو
ههههههههههههههه

adel said...

هههههههههههههه
خلاص هنبقي نقسم سوا
انا عن نفسي الشبكة الحمرا
حودة فوون

Bent Men ElZaman Da !! said...

وانا كمان تبع الاخ فودا
كده ضمنا الشحن خلاص
هههههههههههههه

NaiRa said...

ععععععععععععععععع
يعنى يا دينا كنتى تعرفى واحد شحات
ههههههههههههههههههههههههه شكلك اتعديتى منو اهوه
على فكره يا استاذ عادل انا اختها واللى هيرسى على اختى يرسى عليا
هتحولها تحولى
فيها يا اخفيهااااااااااااااا
انا قولتلكو اهوه
وايوه يا دينا كان على يدى
مكنش بيحط برفيوم
كان بيحط ريحه الخنفرى او كلونيا 55555
هههههههههههههههههههههههههههههههههههه
:f:

من كل بستان زهرة said...

ههههههههههههههههههه
انت زي العسل

ياصبرك عليه كل ده وانت سكته

انا لو منك كنت من أول كلمني شكرا

ضربته بالطاسه عل دماغه

مش هدايا بقى وجمعيات

استغلالي فظيع
يلا في ستين .......... هههههههه

حـــلـــم كــــان said...

ههههههههههههههههههههههههههههههه

ايه ده كله

دمه خفيف اوى

Bent Men ElZaman Da !! said...

NaiRa

لا يا نيره يا حبيبتى
انا ماعرفش شحاتين غيرك فى حياتى للاسف
وبعدين انتى جايه تبصيلى فى الكام ملطوش اللى عادل ناوى يحولهملى والا اييييييه
لا كده انا هاتجنن عليكى
كله الا الرصيد
نموت نموت ويحيا الرصيد
شوفى طريقك يا ماما

Bent Men ElZaman Da !! said...

من كل بستان زهرة

شوفتى انا متحمله ازاى بقى
ده انا ليا الجنه
انا بس قولت اصبر عليه للاخر يمكن يتعدل
طلع انه مالوش الا الطاسه
ميرسى يا جميله نورتينى :)

Bent Men ElZaman Da !! said...

حـــلـــم كــــان

ميرسى ليكى يا قمر :)
نورتينى

MeGltNa 3mr Wa2el said...

iهههههههههههههههههههه
كعادتك يا بنت من الزمن دة تشردي الدنيا كلها و تقولي كلام مش ينفع يتقااااااال
شوية شوية هتغني الحب بهدلة و البدل الى جبتهالك و الشامبو يا واطي
دنتي شردتي الحبيبة منك لله ههههههههههبس دمها لذيذ اوي اووعي تاكلي دريتوس كتير

NaiRa said...

انا شحاته يا حكيره
من شبه اخاه فما ظلم
ابقى شوفى مين هيعملك البسبوسه يوم الفرى ععععععععععععععععععع
اى حاجه انا مش فيها هتتحرق
يارب اللاب يفرقع فى وشك لانى انا بحقد بدل الجهاز العقيم اللى انا اعده عليه ده
:i:

MeGltNa 3mr Wa2el said...

طوووووووووووووول عمرك بتقولي كلام بجد لذيذ و يهدف الى التشريد و الفضايح تمثلي عندي بوابة اذا فتحت احد اطرافها انفجرت بكم هائل من التشريد حسب لغتنا المتعارف عليها ف القهاوي و الكافيهات وسط الشليموهااااات
بس تحفة

Bent Men ElZaman Da !! said...

MeGltNa 3mr Wa2el

انا واحده بتحب الفضايح والتشريد اساسا
ههههههههههههههههههه
اتقل بس انت وهتلاقى فضايح الهدايا قريب
بس قولى اشمعنا ابطل اكل دوريتوس
فكرك يكون ده اللى مخلينى كده هههههههههه

Bent Men ElZaman Da !! said...

NaiRa

نيره
شوفى طريقك يا ماما من هنا

Bent Men ElZaman Da !! said...

MeGltNa 3mr Wa2el

هههههههههههههههه
حلوه بوابه بكم هائل من التشريد دى ههههههههههه
ده انا بريئه ووديعه خالص اهو
:h:

norahaty said...

هههههههههههههه
ياخبرررررhttp://i306.photobucket.com/albums/nn252/cebong_ipit/templateanna/boy-emoticon-018.gifر ابيض
ايه دا الست سنية جونح بتتكلم
متهيأللى الواد قطع النفس وجاله
السرعة والاستبحس والتيhttp://i306.photobucket.com/albums/nn252/cebong_ipit/templateanna/boy-emoticon-014.gifفويد كمان من الخضه

norahaty said...

بس بجد انا
لو منك افـتح
مــدرسة اسمها
كيف تخلصى تارك
من حبيبك السابق

Bent Men ElZaman Da !! said...

هههههههههههههههههههه
قولى مات احسن ههههههههههههه
انا بفكر ابدأها بحمله كيف تشردى للمنيل على عينه
ولو الموضوع لاقيت عليه اقبال ممكن افتح المدرسه
هههههههههههههههههههههه

ميرسى ليكى يا جميله نورتينى

سمع هوص (Abo 3li) said...

ههههههههههههههههههههههههههههه.... والله انتي مشكلة... بس علي فكرة تعليقا علي التعليقات القريتها فوق.. فيه بنات بتعمل اكتر من كده.. وبيتضحك عليهم اكتر من كده..ههههه..

بس انتي شرانية اوي.. بالطاسة؟؟؟ هوا حرامي حلة؟؟ ولا حبيب سابق؟!! ههههه

تحياتي علي مدونتك الجميلة دي... اول ما النت يشد حيله كده... هفجرهالك كلها... اصل الكونكش عندي ضعيف دلوقتي .. ومدونتك تقيلة الي حد ما..

تحياتي

Bent Men ElZaman Da !! said...

لا يا اخويا اوعى تفتكرنا من البنات دول
اااااه ده انا اللى يقولى احوله 2 جنيه هاعضه
كله الا الرصيد اه
انا حسيت انه اخره الطاسه صراحه هههههههههههه
بص انا عايزه اسمع فرقعه فى وسط المدونه ماقولكش بقى هههههههههههههه
منور ياباشا فى اى وقت
ميرسى ليك اوى

انسان عادي said...

يا ساتر يا رب
ايه ده دانتي قلبك اسود قوي
وبعدين انتي اللي بتعرفي اشكال مش تمام
بصي حواليكي كده هتلاقي شباب زي الفل يعني
بس انتي دوري كويس بس
:c:
هههههههههه

بس البوست جميل تسلم ايديكي

Bent Men ElZaman Da !! said...

ده انا شرانيه وماحدش قدر عليا هههههههههههه
وعد منى هادور المره الجايه على حد كويس
يكون مش بيبعت كلمنى شكرا
يدينى ميسد بس ههههههههههههههههه
ميرسى ليك يا باشا نورت

A32L MaGNoNa said...

ههههههه

بوست تحفة بجد

لا فعلا بنت م الزمن دا

تقبلي مروري الاول وان شاء الله مش هيكون الاخير

ويارب نظل علي تواصل دااااائما

Bent Men ElZaman Da !! said...

هههههههههههه
ميرسى ليكى يا قمر
نورتينى
ويارب نكون على تواصل دايما

فتافيت said...

:f:
مسخرة بجد.. ده انتي شردتيه يا بنتي خالص
هههههههههههههههههههههههههه
بس جامدة اخر حاجة

كفايـة طيبـة said...

احسن حاجة انك خلصتى منه
:D
حظ اوفر المرة القادمة

Bent Men ElZaman Da !! said...

فتافيت

المشكله انى كمان شردت لنفسى هههههههههههههههه
حمدالله على السلامه ياقمر ويارب مش تغيبى تانى :)

Bent Men ElZaman Da !! said...

كفايـة طيبـة

خربش تانى تكسب فى ثوانى هههههههههههههههههههه
ميرسى ليكى يا قمر

راوى المقهى said...

السلام عليكم ورحمة الله وبركاته انا بادء بالسلام اهه يعنى اى نية غدر ..ذغد.. تلطيش ..رش ميه شتيمه ..عض ابوس ايدك انا مش هاستحمل قلم ..أعوذ بالله ايه التعليق اللى الواحد قاعد يكتبه وهو بيبسمل و ويحوقل ..خايف فأى لحظه احم احم طاااااخ.. أى. الكف يفرقع على وشه..مشيها على وشه مش قفا.... يوووه خليها وشه احسن ..المهم بجد مرسى خالص على تعليقك على كلامى عند نيره واتمنى ان نصبح اصدقاء من خلال الكتابه ومستنى تشريفك وتعليقك عندى فى المدونه وبجد احييكى على صلابتك وتخطيك الموقف بروح فى منتهى الكومديا على فكره ليس العيب فى من يحب بصدق ولكن العيب كل العيب فى من لا يقدر هذا الحب ويتعامل بمنتهى الانتهازيه..دعينى اذكرك بمقوله أومن بها وهى.. رائع أن تحب ولكن الأروع أن يحبك من تحب بصدق واخلاص .... فنحن أثرياء الحب أشرف بمشاعرنا من غيرنا الذين يدعون الحب

The illusionist said...

يا خبر ازرق يا دينا
بقى انتى
بتاعه حقوق
اللى دماغها المفروض كانت الكترون
بوقت حاليا حلزون
يتعمل فيكى كده
وكمان كنتى بتحبى واحد بيحب اغنيه الحنطور
او ماى جد
زس از انبوسيبل
بس فعلا
بوست رائع
اخرجتى فيه كبتك التراكمى
وبما ان الام ام ليها النص
والاب اخ ليه الربع
يبقى التركه تتوزع بالعدل
بصى يا ستى
دى حاجه تنقط فعلا
زى ما تعملى خدمه لحد
وفجاه يبقى ناكر ليها
بتستخسريها جامد
ما بالك بكل الكلام الللى قولتيه ده
ده انتى غالبا بتغلى من جواكى
انا شوفت البوست ده وربنا اول واحد
ساعه ما علقتى عندى ومشيتى
بس كنت قعدت اضحك
ونسيت اعلق
ده غالبا زهايمر
بسمش من ستات الحمد لله
صحيح
جالك زهايمر منو ليه
انتى كنتى بتحبى دكتور ولا ايه
واخيرا
ربنا يكون فى عونك
بتخشى ديل اب عشانه
شت

Bent Men ElZaman Da !! said...

The illusionist

ادى اخره حقوق واللى عملته فينا
وبعدين ايه التركه اللى جاي تقسمها هنا دى
عرفنى بس العيله دى شايله فلوسها فين
وانا اخلصكم من الدوشه دى نوهائى
يا جدعان وربنا البوست ده مش حقيقى
ده من وحل الخيال هههههههههههههههه
بقى انا اعرف شخصيه بالمنظر ده
نو واااااى كلا البتا
ده انا انتحر لو فكرت احبه هههههههههههه

Bent Men ElZaman Da !! said...

راوى المقهى

انا شوفت الكومنت بتاعك
ونشرته بس جيت مالقتوش
لا سحر ولا شعوذه
فكرك ده من ايه
يكونش المتنيل على عينه سربلى عفاريت فى المدونه عقابا على البوست ده
لاااا انا ولا بيهمنى

ماتخفش والله انا مش هاعض
ده البوست ده كلام خرافى غير واقعى بالمره يعنى
فعلا انا كان عاجبنى التعبير اللى قولته فى مدونه نيره
نورت مدونتى ويارب مش تكون الزياره الاخيره
وان شاء الله نكون على تواصل دايما :)

ghorBty said...

ههههههه

بجد انتي زي السكر

هي ديه القوه والا بلا

ربنا ييسر امرك يارب ويهدي قلبك

فرحت اوي بمروري هنا ..

Bent Men ElZaman Da !! said...

ده عشان بس يعرفوا ان البنات مش اى كلام
ههههههههههههه
ميرسى ليكى يا جميله
ونورتينى

ســـهــــر said...

:e: ههههههههههههههههه
ياظالمة يا مفترية
دة انتى كرهتينى فى الواد
لو شفته انا هولع فية

رجالة اخر زمن يا اوختشى والنبى


دمك زى الشربات على فكرة

Bent Men ElZaman Da !! said...

طب اديكى عنوان الحبيب المجهول ده وتروحى تولعى فيه وحياتك هههههههههههههههههه
رجاله عايزه ضرب النار وحياتك
ميرسى يا قمر انتى اللى زى السكر

safa7_karmooz said...

على فكرة جامدة اوى اوى اوى الطاسة دى

تيفال ولا ايه نوعها؟؟

اصلى بجهز نفسى :p

Bent Men ElZaman Da !! said...

اه طبعا تيفال
وانا هاضرب بأقل من تيفال بردو
بتجهز نفسك لايه بالظبط
لو هتتجوز
يبقى خلى الطاسه عليا اجبهالك هديه :P

Timo.. said...

صباحك معطر..
بجد البوست بتاعك سبب ابتسامتي الصباحية لانه خفيف جدا واجمل ما فيه انت واضحة دلوقت مع نفسك ومصالحاها وعارفة انت عاوزة ايه و(مش) عاوزة ايه.. :D: D

Bent Men ElZaman Da !! said...

مبسوطه بجد انى كنت سبب فى ابتسامتك :)
حتى لو بحاجه شريره زى دى هههههههههه
ميرسى ليك ونورت المدونه

micheal said...

يا لهوي كل ده
لأ في ستين داهية طبعا
بس على فكرة موضوع سلفني شكرا ده زاد أوي في الفترة الأخيرة
يلا أهي تجربة وعدت
تحياتي

Bent Men ElZaman Da !! said...

سلفنى شكرا وجميع عروض الشحاته كترت
فودافون شويه وهيشتمونا
نورتنى

صوت من مصر said...

مش هلاقى رد اكبر من شكرا
كيمو

Bent Men ElZaman Da !! said...

لا شكر على واجب
وربنا يجعلها اخر الاحزان
وشد حيلك
:)

اقصوصه said...

لوووووووول


قطع الحب وسنينو :)

Bent Men ElZaman Da !! said...

هههههههههههههههه
على رأيك :D

Anonymous said...

نسيت احط اسمى فى التعليق اللى عدى

عرفة فاروق الاسيوطى

مدون سابق

Anonymous said...

تصدقى انا وبقرأ البوست كنت بسمع عبد الحليم

اهواك واتمنى لو انساك

ثم انتى مش هتتعبى

مش جابلك زهيمر

يا عينى كان بيحبك قوى فعمله خسابه عشان تنسيه بسرعة

عقبال الجاى واللى بعده واللى بعده

يووووه
دا انا كدة هعذبك
يارب يكتبلك السعادة

Bent Men ElZaman Da !! said...

لا اهواك وعبد الحليم ماينفعوش خالص مع الجو ده
دى مش عايزه اهواك
دى عايزه اعضك اكرهك حاجه حلوه من دول كده ههههههههههههه
اللى بعده واللى بعده ايه
ده انا كده هانسى انا مين ذات نفسى اصلا
نورت يا عرفه
ويارب مش تكون اخر مره

Tarkieb said...

عشان سابك بقى دلوقتي خخة ودلوقتي ظهرت عيوبه؟ لما تحاولى تقنعى نفسك انك كدة كسبانة فانك بتحطي من قدر نفسك لان الشخص ده كان برضة بتمشي معاه....والناس بيشوفكي معاه.

فكرة من الزمن ده said...

طيب انتي وانتي معاه ما كونتيش شايفة كل الحاجات دي
طيب يبقى العيب عليكي انك شفتي كل ده وسكتي
يلا بقى اخد الشر وراح وانا من وجع القلب ح ارتاح
حلوة الطاسة
تحياتي

فكرة من الزمن ده said...

http://i306.photobucket.com/albums/nn252/cebong_ipit/templateanna/emo-girl-009.gif

:l:
كنت باجرب بس البنوتة الشقية اللي بتغمز بعنيها
اه صحيح سكتي البنت اللي بتعيط دية زمانها تعبت
هههههه
حلوين ربنا يخليهم ليكي

Bent Men ElZaman Da !! said...

Tarkieb

فكره من الزمن ده


ومين قال اصلا يا جماعه اللى انا كاتباه ده حقيقى
لو كنتوا قريتوا الردود اللى قبل كده
كنتوا هتعرفوا ان دى مجرد تهييس مش اكتر
شكرا ليكم على مروركم

ليله شتاء said...

هههههههههههه
هههههههههه
هى البنات ((أحنا يعنى)) عبييييييييييييطة عالول كده وهما((اللى فى ستين داهيه يعنى)) ولا بلاش...........
ههههههههه
thanks

ليله شتاء said...

مدونتك حلوة أوى تسمحيلى أضفها للمتابعة

Bent Men ElZaman Da !! said...

لا احنا مش عبط
احنا غلابه والله
ميرسى يا جميله على مرورك والكومنت
واكيد ليا الشرف انك تضيفى مدونتى عندك
نورتى :)

سمع هوص (Abo 3li) said...

ياااااااااااااااااااااااه... حمدالله علي السلامة... ايه يابنتي كنتي فين؟؟

Bent Men ElZaman Da !! said...

كنت تايهه هههههههههههههههههههه

هوبتي said...

ههههههههههههههههههههههههههههههههههههههههههههههههههههههههههههههههههههههههههه

مش قدره امسك نفسي فاكرتيني بالذي مضي يا شيخه ههههههههههههههههههههههههههههههههههههههههههههههههههه
اهو انا كنت من عينتك الهبله الموكوسه دي

Bent Men ElZaman Da !! said...

ما انا الحمدالله حصلتك وطلعت من العينه الهبله الموكوسه ده ههههههههههههههههههههههههه
ربنا يبعدنا عن الوكسه قولى امين بسرعه ههههههههههه

Miss LoZa said...

HAHAHAHHAHAHAHHAA

Mas5araaaaaaaaa xD

Bent Men ElZman Da !! said...

Miss LoZa

ههههههههههههههههههههه
انا بردو قولت كده

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget