02 January 2011

حرااام

.




مش عارفه أبدا منين
ولا اقول ايه
بس عندى احساس بالقرف مسيطر عليا
اه احساس بالقرف
قرف ان ناس مالهاش اى ذنب تموت فى عز ما هى بتفرح
قرف من ناس ماعندهاش اى عقل ولا اى دين تفكر تقتل نفس الناس اللى مالهمش ذنب
قرف من ناس بتفكر تعمل تفرقه بالمنظر الفظيع ده
مش قادره اتخيل ان اللى عملوا كده ينفع يتقال عليهم ناس اصلا
لانهم اكيد مايعرفوش يعنى ايه انسانيه
ولا بنى ادمين عشان الادميه مالهاش علاقه باللى بيحصل ده
هو ليه ده كله بيحصل دلوقتى
ومين اللى قاصد يعمل كده اصلا
البلد مش ناقصه طائفيه
فيها بلاوى تكفينا اد 50 سنه جايين
اللى بيعملوا كده هيستفدوا ايه
يدمرونا وخلاص؟!!؟
ما كده كده اللى بيحصل فى البلد من سياسه لقرف العيشه
هيدمرنا على المدى البعيد او حتى القريب ده اكيد
انما ليه بيلعبوا على الحته اللى بتيجى فى مقتل دى
اللى بيحصل بيقتلنا احنا كمسلمين قبل ما بيقتل المسيحين
بيقتلنا معنويا والنوع ده من القتل مش بينتهى لانه اصعب
حرام اوى اللى بيحصل ده
اللى بيحصل ده ارهاب
والارهاب بعيدا تماما عن اى دين
عشان مفيش اى دين سماوى او حتى غير سماوى
بيقول انك تموت ناس وهى بتحتفل وبتفرح
مفيش اى دين بيقول انك تقتل فرحه ناس بالبشاعه دى
مفيش اى دين بيحلل القتل من اصله
جوه كل واحد فينا
باختلاف ديانتنا حزن كبير اوووى
حزن على الناس اللى بتموت من غير ذنب
حزن على لحظات المفروض تكون جميله بس بتنتهى بموت
حزن على محاولات التفرقه دى
الحاجه الوحيده الكويسه
التضامن اللى ما بينا كلنا كمسلمين او مسيحين
ده بيوضح اد ايه اننا اعقل من اى حد بيحاول يوصل للتفرقه ما بينا
اننا كـ مصريين مع بعضنا اووى واخوات اوى
و اننا كـ بنى ادمين رافضين الارهاب بجميع انواع واشكاله وجنسياته وطرقه

بسم الله الرحمن الرحيم
﴿ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ
صدق الله العظيم

7 comments

adel said...

وانتي طيبة وربنا يرحمنا برحمته

من كل بستان زهرة said...

بسم الله الرحمن الرحيم
﴿ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ ﴾
صدق الله العظيم

اروع كلام هو كلام الله
وصدق الله العظيم العادل الرحيم فيما قال
ان الله سوف يمكر لنا وينتقم من مثيري الفتن
يارب

(ست* جنى* الحسن) said...

سلامو عليكو..
انا معاكى فى كل كلمة قولتيها
وبقول للى عمل كده
والله المستعان على ما يصفون
لك تحياتى

Bent Men ElZman Da !! said...

adel

وانت طيب يا عادل
كنت بتمنى اقولهالك بنفس وتحسها فعلا
ربنا يرحمنا

Bent Men ElZman Da !! said...

من كل بستان زهرة

ونعم بالله
اكيد ربنا قادر على رد اى فتنه

Bent Men ElZman Da !! said...

(ست* جنى* الحسن)

وعليكم السلام
ربنا يمهل ولا يهمل
واللى عمل كده اكيد هياخد جزاءه فى يوم من الايام

NaiRa said...

حسبى الله ونعم الوكيل

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment