01 April 2011

نبأ عاجل :D !!!!

.

مستغربه ومش مستوعبه ومزبهله...!!!
خطوه كانت من كام شهر بعيده تماما عن تفكيرى
قرار كنت مش شايفه انى عندى استعداد اخده خالص الفتره دى
بس حصل ..!!!
باختصار
.
.

انا
اتخطبت



اينعم تلك حقيقه واقعه لا مجال للشك فيها
مش كذبه ابريل حاكم انا عارفه الافكار السوداء دى
ايوه .. انا اخيرا اقتنعت واتغيرت ووافقت

مش متخيله انى بقيت خطيبتك انت
وانت تحديدا
لانك كنت ابعد شخص عن خيالى
بس دلوقتى بقيت اجمل انسان فى عمرى

ايدى اليمين ذادت حته
كل ما ابصلها استغرب اوى ان الحته دى منك انت
عقبال ما انقلها فى ايدى الشمال ويارب اكون وقتها استوعبت
والا الموضوع هيبقى خطر ساعتها

ربنا يقدرنى واكون اد مسئوليه دبلتك اللى بقت فى ايدى
وربنا يقدرنى واقدر اسعدك
ويارب يكملنا على خير ويجعل لينا خير فى بعض ان شاء الله

مبسوطه بيك اوووى
مبسوطه بوجودك فى حياتى
مبسوطه بحياتى معاك
مبسوطه بحنيتك
مبسوطه بطيبه قلبك
مبسوطه بكل لحظه بنعيشها مع بعض
مبسوطه بحُبك
مبسوطه انك خطيبى :$


10 comments

maioya said...

وحياتك ولاهتستوعبي الا بعد الفرح بيومين وحتي لما تبقوفي بيت واحد هتصحي كل يوم وانتي مستغربه وساعات بيتوه عن بالك انكو اتجوزتو اصلا هههههه اسالي مجرب
عموما مبروك يادودو ربنا يتمملك بخير يارب وعقبال القستان الابيض ان شاءالله قريب :*:)

NaiRa said...

واااااااااااااااااااااااادى جاااااااااااااااامد عشان جامد مخدش هههههههههههههههههههههههههههههههه
والله العظيم فرحانه مووووووووووووووووووووووووووووت عشان انتو الاتنين حته منى وبجد انتو احلى عروسين شوفتهم فى حياااااااتى ومودى الله اكبر عليه راجل وكان قد المسؤليه وانتى يا دودى احلى بنوته وارق عروسه فى الدنيا ربنا يحميكو ياااااااارب ونشوف مودى الصغير كمان سنه ان شاء الله

Silver Eyes said...

مبرووووووووووووك
:):)

Bent Men ElZaman Da !! said...

maioya

ههههههههههههههههههههه لا طمنتينى يا مى
اعمل حسابى ان اول يوم جواز هاقوله انت ايه اللى جابك هنا يعنى :D :D
الله يبارك فيكى يا حبيبتى ربنا يخليكى ليا وعقبال ما نفرح بالبيبى بتاعكم ان شاء الله :)))

Bent Men ElZaman Da !! said...

NaiRa

كمان سنه ايه يابت يا نيره
انتى هاطله يابنتى والا هتلبسينى تهمه الله يحرقك :D :D
الله يباركى فيكى يا مجنونه عقبالك بقى عشان تهمدى شويه

Bent Men ElZaman Da !! said...

Silver Eyes

الله يبارك فيكى يا قمر :))))

ღ أحاسيس آيـــوشـاღ said...

الف مبروك ربنا يتمم بخير يارب ويسعدكم دايما

Bent Men ElZaman Da !! said...

ღ أحاسيس آيـــوشـاღ

الله يبارك فيكى يا قمر ربنا يخليكى :)))

Timo.. said...

"قرار كنت مش شايفه انى عندى استعداد اخده خالص الفتره دى
بس حصل ..!!!
باختصار
.
.

انا
اتخطبت"

مع اني مش اعرف الا اني مع النقطتين وانا بانزل لتحت حسيت انك ها تقولي كده..
يمكن عشان انا باقدر كل ضغطة كيبورد وكل نقطة :)

بجد الف مبروك وربنا يهنيكم ببعض :)

Bent Men ElZaman Da !! said...

Timo..

بيعجبنى اوى اهتمامك بأنك تفهم احساس اللى بتقراه نفسيا مش اللى مكتوب بتهتم بالنقط اللى فى الموضوع حتى :)))

ميرسى اووى ليك يا تيمو
نورتنى :)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget