29 June 2011

29/6.... طياره ورق

.




نفسى أطير طياره ورق
نفسى تروح لبعيد..بعيييد
نفسى ماحدش يشوفها غيرى انا
نفسى احس انى بطير معاها
نفسى احس نفس احساسها.. بس هى اصلا الطياره الورق بتحس؟!؟
نفسى احس انى طايره زيها
وفرده دراعى زى ماهى فرده ورقها فى السما
نفسى تكون سما من غيوم
نفسى لما اطير معاها اشوف لون السما الصافيه
نفسى لون السما الصافيه يخلينى من جوايا انا كمان صافيه

من الاخر
نفسى احس انى طايره
واحس من جوايا انى صافيه
نفسى أبقى طياره ورق

*********

ياريت لو حد عاجبته اى تدوينه يرشحهالى
عشان مشروع كتاب ال 100 تدوينه
لانى مش اخترت حاجه لسه 
  وشكراً اوى :))


19 comments

Noha Saleh said...

جميلة اوى
انا برشحلك الزواج على يد مأذونة

reemaas said...

خلتينى يبقى نفسى نفس الاحساس ده

ليكى ان تختارى بين البوست ده وبين كلام والسلام كلاكيت سابع مرة

مصطفى سيف الدين said...

بوست في منتهى الجمال
كلنا بنتمنى نحس اننا طايرين في الهوا
ونتمنى نكون صافيين طايرين في سما صافية
التحليق حلم الجميع
تحياتي لابداعك الرائع

مصطفى سيف الدين said...

اعتقد بوست كلام والسلام حلو بارشحهولك

آرثـر رامبـو said...

صبـاح الخيـر

الصدق هنـا أكثـف من أن تحتملـه طائره ورقيـة


تقبلي تطفلـي مع الصبح

Mahmoud Ahmed said...

و انا كمان و الله نفسي اطيييييييييييييير

ابراهيم رزق said...

جميلة لكن ما فكرتيش هيكون احساسك ايه و انتى طايرة و الخيط اتقطع هتكملى الرحلة او ستخافين من المجهول

تحياتى

شهرزاد المصرية said...

تدوينة جميلة
حسستنى بالطفولة و الحرية و الرغبة فى اللعب و الإنطلاق
أنا كمان نفسى أبقى طيارة ورق

كريمة سندي said...

أحاسيس جميلة تدل على الحرية والانطلاق

Bent Men ElZman Da !! said...

Noha Saleh

ميرسى ليكى يا قمر
وشكرا جدااا على ترشيحك للتدوينه دى :))

Bent Men ElZman Da !! said...

reemaas

حاسه انه هيبقى احساس حلو بجد

ميرسى ليكى يا قمر على ترشيحك ومنورانى دايما :))

Bent Men ElZman Da !! said...

مصطفى سيف

صح يا دكتور
التحليق حلم للجميع
ماحدش عايز يقعد على الارض تقريبا :)

ميرسى ليك على تعليقك وترشيحك
منورنى دايما :))

Bent Men ElZman Da !! said...

..... آرثـر رامبـو .....

ميرسى ليك جدااا على تعليقك
ونورتنى بزيارتك :))

Bent Men ElZman Da !! said...

سبايدرمان

ميرسى ليك يا سبايدر ونورتنى :))

Bent Men ElZman Da !! said...

ابراهيم رزق

لا هاكمل
بس الخوف من انى اقع فى الاخر :(

ميرسى ليك جدا ونورتنى :)

Bent Men ElZman Da !! said...

شهرزاد المصرية

الحريه بالشكل ده
حلم بجد لأى حد

ميرسى ليكى جدا ونورتنيى بزيارتك :))

Bent Men ElZman Da !! said...

كريمة سندي

ميرسى ليكى جدا
ومنورانى دايما بمتابعتك :))

شمس النهار said...

احساس جميل والله يابنوته
فكرتيني بتيتانك
:))
انتي كمان محتارة زي طيب اختاري لي واختارلك
:))

Bent Men ElZman Da !! said...

شمس النهار

اه كنت بحب اوى الحركه اللى عملوها فى تيتانيك دى :))
ما انا اخترت ليكى تدونتين
المهر وعجله الانتاج عاجبونى جدااا

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment