03 June 2011

3/6....جاتكم خيبه

.



هى الناس دى فاضيه؟؟
الواد وليام والبت كيت دول هيجيبوا للواحد شلل
يعنى بعد ما جابولنا ازبهلال بسبب فرحهم المتواضع اوى ده
وكميه الفلوس اللى اتصرفت فيه دى
والناس اللى اتشحططت ياعينى من كل حته شويه
عشان يشوفوا المنيلين دول وهما بيتجوزوا
فى الاخر يطلقوا؟؟
طب كان عليهم بأيه من الاول
وذنبنا احنا ايه معاهم
مش كانوا يتبرعولنا بفلوس الفرح دى كلها
دى احنا دوله لسه خارجه من ثوره وحالتها صعبه يعنى
مش كانت نفعتنا الفلوس دى احنا اولى منهم
بدل ما هما بيلعبوا كده
لما هما كانوا ناويين على شهر بس
ما كانوا ضربولهم ورقه عرفى بدل وجع الدماغ اللى عملوه ده :D
والا اصلا الناس دى مش بتحتاج ورق عرفى يعنى هى هتفرق معاهم :D

الموضوع ده بردو
خلانى افكر فى كذا موقف قدامى
ناس كتير بتتجوز وتتطلق بعد فتره قليله اوى
وممكن يكونوا الاتنين كانوا بيحبوا بعض من قبلها
الجواز مش حاجه سهله
والطلاق اصعب منه بكتير كمان
الخسائر بتبقى على الطرفين وان كانت على البنت اكتر
بس انا عايزه اعرف الاتنين اللى لسه بدأين حياتهم مع بعض
وبيحاولوا لسه يبنوها سوا
بيكون تفكيرهم ايه لما يقررو فجاه انهم يهدموا كل احلامهم دى فى لحظه
ده ان كان فى بدايه الجواز
فى الاول بيكونوا لسه فى بدايتهم مش حمل صدمه زى دى
والاهم لو هما بيحبوا بعض كمان
ولو بعد فتره عشره بينهم
لان بعد فتره بيكون بينهم حاجات كتير صعب انها تنتهى
ياترى دى بيكون بسبب ايه؟
اختلاف فى وجهات النظر مش بيبان الا بعد الجواز؟
والا قله خبره فى الحياه مثلا؟
والا بس نصيب؟؟


8 comments

ღ أحاسيس آيـــوشـه ღ said...

لسه مش مصدقة موضوع الطلاق
بس انا كنت واثقة انهم يفترقوا فى يوم
لكن مكنتش متخيلة بالسرعة دى

مصطفى سيف said...

بما انك بتتكلمي عن الموضوع بصفة عامة مش عن ويليام وكيت بس
لكن بتقولي ايه سبب طلاق اي زوجين بعد خمس اسابيع بس
اولا العشرة عامل مهم جدا بعد الجواز الزوجين بيفضلوا مع بعض اربعة وعشرين ساعة وبيتضح سلبيات مكنتش ظاهرة على الطرفين الاول يعني تقدر تجمل نفسك ساعتين وتبقى في ابهى الصور لكن مش هتقدر تخبي حاجة مثلا زي الشخير او اي حاجة تانية مستحل تمثل الاربعة وعشرين ساعة
تاني حاجة الاهل ودول العامل الاكبر في تبويظ اي جوازة وطول ما دخل فيها الاهل يبقى خربت والدته ووالدتها والده ووالدها وكل واحد يفضل يعددلك في مساوىء التاني وياكل دماغك
تالت حاجة انه ميكونش حب يكون مجرد احساس كاذب
تحياتي لعرضك قضية مهمة

montana said...

:a:
تعرفي انا نفسي ابقي أول كومنت عندك عشان أقولك زوق مدونتك تحفه وبشكر سوني عشان شيرت اللنك دا مع ان كتير كاتبين عن الخبر بس بصراحه دمك خفيف ومدونتك ستايلها تحفه
وانا من مكاني هذا بقول
ياريت تكون دي اشعه .. و يرجع الامير يتوج الاميره بحبه و حنانه وميخليش الناس تضيع وقتها في التفكير هو الامير اتجوز ولا الامير طلق و يبتدوا يحققوا احلامهم وكل واحد يبقي امير نقسه وامير اميرته و يعيشها الحي جوووو
مش كداااا :)))

Bent Men ElZaman Da !! said...

ღ أحاسيس آيـــوشـه ღ

والله يا آيوش الواحد فى الزمن ده يصدق اى حاجه
انا لو مكانهم
هيصعب عليا الفرح اللى اتعمل ده وهاقول بلاش منه الطلاق عشان خاطر الفرح بس :D
بس كنتى ليه متوقعه انهم هينفصلوا؟

Bent Men ElZaman Da !! said...

مصطفى سيف

صح اووووى الاسباب اللى قولتها
موضوع ان الواحد بعد الجواز بيكتشف شخصيه مختلفه
او على الاقل جزء من الشخصيه لازم يبان بالتعامل اليومى فى كل لحظه
كان صعب يبان من قبلها
الحكايه دى اللى بتفرق كتير
وكمان الظروف وتدخل الاهل زى ما قولت
بيكون من اهم الاسباب
بس ده بردو بيرجع للزوجين هما اللى بيسمحوا ان اى حد يدخل بينهم ادام الموضوع ماخرجش بره اطار مشاكلهم الشخصيه يبقى المفروض مايوصلش عشان زى ما وضحت هيفضل كل طرف يطلع مساؤى الطرف التانى
ممكن اوى الزوجين يتصالحوا
بس الاهل بيبقى صعب اوى عليهم ينسوا

نورتنى يا مصطفى وميرسى على ردك وتوضيحك :))

Bent Men ElZaman Da !! said...

montana

زعلانه ليه طيب كده :((
مش مهم تكونى اول تعليق
كفايه انك نورتنينى وكفايه رأيك فى المدونه اللى انا فخوره بيه جداااا بجد

كلامك تحفه
فعلا احنا شوفناها امير وبيتجوز اميرته اللى اختارها
بس تحسى ان الواقع صدمك انهم اطلقوا
ده يفكرك ان الامير اكيد كان عنده عمى الوان وهو بيختار اميرته او هى اللى عندها حول بقى :D

منورانى يا قمر والله :))

وجع البنفسج said...

والله فعلا ناس فاضية بصحيح .. كل اللي عملوه وفي الاخر ماكملوش شهر ع بعضه ..
::::::::::::::::::::::
سعيدة بتعرفي على مدونتك وان شاء الله من المتابعين لكل جديد

دمت بخير وبالتوفيق في حملة التدوين اليومي

Bent Men ElZaman Da !! said...

هما عملوا كده عشان يغيظونا بفرحهم بس مش اكتر
انا اسعدانك شرفتينى
واتمنى ليكى كمان التوفيق :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget