06 June 2011

6/6... هو انا كده ابقى مجنونه؟!؟

.


لما ببقى ماشيه فى الشارع لوحدى
مش بلاقى حاجه تشغلنى الا
وشوش الناس
اه بجد
وشوش الناس دى فيها قصص وحكايات
ماكنتش بركز فى الموضوع ده بصراحه
بس لما ببقى ماشيه وم
ش لاقيه حاجه اعملها
جربت اتفرج على الناس (واكيد بيبقى فى حد بيتفرج عليا برد
و )
بحس ان حياه كل شخص من الاشخاص اللى بقابلهم مرسومه على وشه
وشه بيحكى حكايته
اللى مبسوط
اللى زعلان
اللى سرحان
اللى بيكلم نفسه
اوقات بتمنى من ربنا ان يدينى قدره اعرف أقرا اللى فى دماغ الناس
مش تجسس منى
بس عشان الصوره تكمل مع الحكايه
اكيد حكايه كل واحد هتتفق مع وشه
بس فى سؤال...
هو انا كده ابقى مجنونه؟؟؟

"اسرار كتير بعدد البيوت فى الشارع الطيب يا ناس
مايبنش منها غير اللى يطلع منه صوت
"
البيوت
البيوت دى كمان فيها حكايات مستخبيه والله
مابيظهرش منها الا اللى اصحاب البيوت دى عايزين يظهروه
وباقى الناس مش بتشوف غير الظاهر
ماتعرفش ومابتخدش بالها من المستخبى
بس دايما المستخبى بيكون اعمق واهم من الظاهر

انا قولت انى نفسى اطلع دكتوره نفسيه ماحدش صدقنى
مش عارفه ليه !!

مازال السؤال بيطرح نفسه
هو انا كده ابقى مجنونه؟؟


2 comments

Śђąžล ฬąђ٤єĐ ♥ said...

ههههههههه .. مجنونه دي مفيهاش شك
بس عندك حق أكيييييد
البيوت والوشوش والعيون ليها حكايات كتير مستخبيه مش بيعرفها غير صحابها وبس
المهمـ اننا منبصش من بره زي بقية الناس
نحاول نشوف كل حاجه من جواها عشان نظرتنا ليها تكون اعمق واصدق
جامده انتي يا دودو :)

Bent Men ElZaman Da !! said...

صح وبالذات العيون دى
بتقول حاجات مش بتتقال بالكلام ابدا
المهم ان نظرتنا ماتبقاش سطحيه
نحاول نشوف اللى جوه لانه اهم كتير من اللى بره
منوره انتى وربنا ;)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget