30 August 2011

˙·٠•●♥ عــيــد ســعــيـــد ♥●•٠·˙

.
29 التعليقات



رمضان خلاص خلص للاسف
ربنا يتقبل مننا صالح اعمالنا فى الشهر ده
ربنا يجعلنا من عتقاء شهر رمضان
يارب سامحنا واعفر لنا ذنوبنا كلها كبيرها وصغيرها
يارب انى اسالك العفو والعافيه فى دينى واهلى
اللهم انك انت التواب تغفر لمن تشاء

كل سنه وانتم طيبين
وعيد سعيد عليكم
وكل سنه واحنا دايماً وبخير
ويارب يجعل ايامنا كلها عيد ان شاء الله


readmore »»

26 August 2011

حجاب رمضان ..!!!

.
22 التعليقات



من ضمن الظواهر اللى بنشوفها فى رمضان
هى حجاب رمضان
وسبب التسميه دى
ان الحجاب عند بعض البنات
بيبقى مرتبط برمضان بس
زى حكايه حجاب اتنين وخميس دى

ربنا امرنا بالحجاب
بس كل واحده فينا ليها وقت للهدايه
فى اللى ربنا كتبلها تلبس الحجاب من بدرى
وفى اللى لسه

بس الملفت للنظر
ان فى بنات بيقرروا يلبسوا الحجاب فى رمضان بس
وبيبقوا ناويين من البدايه انهم هيشلوه فى العيد

المشكله ان الحجاب كده بيكون لعبه
تلبسه لفتره او لغرض
وتخلعه
يعنى مش عن اقتناع واعتزاز بالحجاب نفسه

يعنى بدل ما بتنوى الخير وتقول يارب اهدينى على طول
واجعلنى لابساه دايماً
بتنوى انه يكون حاجه مؤقته
لكن اوقات ربنا يهدى ناس فعلا فى وقت زى ده
وتفضل لابسه الحجاب على طول
له فى ذلك حكم

*****************************************

دعاء النهارده

اللهم وفر فيه حظى من بركاته
وسهل سبيلى الى خيراته
ولا تحرمنى قبول حسناته
يا هادياً الى الحق المبين

*******

معلومه النهارده
فضل يوم الجمعه

كلنا نعرف افضال يوم الجمعة وبركته عند الله  ...
ميزات يوم الجمعة ...

1. خلق الله عز وجل آدم عليه السلام في يوم المجعة
2.أدخل الله آدم عليه السلام الجنة يوم الجمعة
3. واخرج آدم عليه السلام منها يوم الجمعة
4. ونزل آدم عليه السلام الى الارض يوم الجمعة
5. وتاب الله على آدم عليه السلام في يوم الجمعة
6. وقبض آدم عليه السلام في يوم الجمعة
7. وفيها النفخة والصعقة
8. وفيها تقوم الساعة
9. فيها ساعة لايرد فيها دعاء , 
قال رسول الله صلى الله عليه وسلم :12 ساعة لايوجد فيها عبد مسلم يسأل الله شيئا إلا آتاه الله إياه فالتمسوها آخر ساعة بعد العصر
10. أول صلاة جمعة بعد وفاة الرسول عليه الصلاة والسلام

التخلف عن صلاة الجمعه

قال رسول الله صلى الله عليه وسلم في حديث صحيح :
ليهين أقوام عن ودعهم الجمعة 
أو ليختمن الله على قلوبهم ثم ليكونن من الغافلين ...

الغسل واجب ... والتطيب محبب

قال رسول الله صلى الله عليه وسلم : 
حق على المسلمين أن يغتسلوا 
وليمتس أحدكم من طيب أهله وان لم يجد فالماء له طيب ...

توصيات في يوم الجمعة

قال رسول الله صلى الله عليه وسلم في عدة أحاديث صحيحة :
أكثروا من الصلاة علي واقرؤا سورة الكهف 
فمن قرأها أضاء الله له من النور ما بين الجمعتين


readmore »»

22 August 2011

الخيمه الرمضانيه...!!

.
34 التعليقات


فى ظواهر اجتماعيه بنشوفها فى رمضان بالذات
فى منها اللى بيستفزنا اوى
زى مثلا الخيم الرمضانيه



الخيم الرمضانيه بدأت تنتشر جدا فى مجتمعنا من كام سنه بس
بتبقى سهرات للصبح وسحور
وفنانين حاضرين ومطربين بيغنوا طول الليل لحد طلوع الفجر
يعنى بدل الناس ما تبقى وقت الفجر بتصلى وبتتعبد لربنا
تبقى قاعده بتغنى وبيسمعوا اغانى !
وكمان بقى دلوقتى فى اماكن بتتنافس على مين يعمل احسن خيمه
ومين يجيب مطربين اكبر فى الخيمه بتاعته
واكيد انا فى غنى عن انى اقول الخيم دى بتكسب اد ايه !

الموضوع غريب صراحه
ومش قادره اعرف الفكره دى جت منين
لان المفروض جو رمضان الروحانى اوى ده
مايبقاش فيه الحاجات دى

وعشان فى ناس كتير معترضه على فكره الخيم الرمضانيه دى
والتجاوزات اللى بتحصل فيها
بقى دلوقتى بيتعمل كمان حاجه كويسه اوى
خيم رمضانيه بس دينيه
يعنى الاغانى اللى فيها بتبقى دينيه وتواشيح وادعيه
الفكره حلوه اوووى
وكمان انها هتبقى قصاد الخيم اللى من النوع الاولانى
فى انها توصل للناس وتنتشر زيها
وخصوصا ان دلوقتى الاغانى الدينيه بقت كتير
والمطربين اللى بيغنوا اغانى دينيه كتروا
حتى بعض من الفنانين المعروفين بقى ليهم اغانى دينيه كتير
وده فيه تشجيع وفرصه اكتر لانتشار الخيم الدينيه

الخيم الدينيه دى فكرتنى بالخيم بتاعه زمان
اللى كانت بتتعمل فى اى مولد
يتقال فيها التواشيخ والادعيه
واللى للاسف مابقتش منتشره دلوقتى كتير
الا فى بعض المحافظات وبنسبه قليله

*************************************************

دعاء النهارده

اللهم نبهنى فيه لبركات اسحاره
ونَوِّر فيه قلبى بضياء انواره
وخذ بكل اعضائى الى اتباع اثاره
بنورك يا منور قلوب العارفين


*****

معلوماه النهارده
من مفسدات الصيام

تجنب الكفر بأنواعه الثلاثة وعدم الوقوع فيه مطلقًا وهذه الأنواع هي:

الكفر القولي:
  كمسبه الله أو الإسلام أو الأنبياء أو القرءان أو الملائكة أو الصلاة أو الصيام.
والكفر الاعتقادي: كاعتقاد أن الله جسم أو ضوء أو روح.
والكفر الفعلي: كرمي المصحف في القاذورات أو سجود لصنم.
ما يجب على المفطر عامدًا في رمضان:

المفطر في حال يجب عليه القضاء فقط 
وفي حال يجب القضاء والفدية معًا وفي
حال تجب الفدية فقط بدل الصيام، وفي حال يجب القضاء والكفارة معًا.


1- فأما المفطر الذي يجب عليه القضاء فقط فهو:

أ) الذي أفطر بسبب مرض يرجى شفاؤه.
ب) ومن كان في سفر طويل أفطر فيه.
ج) والحائض والنفساء.
د) والذي أفطر عامدًا في رمضان بدون عذر.
ه) والحامل والمرضع إن خافتا على أنفسهما
فهؤلاء جميعًا عليهم قضاء كل يوم بيوم فقط.

الحامل والمرضع
إن خافتا على ولديهما فأفطرتا
فعليهما القضاء والفدية عن كل يوم مد من غالب قوت البلد.
وهي في المذهب الحنفي
إطعام مسكين مقدار ما يغديه ويعشيه أو قيمتهما.

3- وأما المفطر الذي يجب عليه الفدية فقط فهو:

أ) الشيخ العجوز الذي لا يتحمل الصوم أو تلحقه مشقة
شديدة فإنه يفطر فيفدي عن كل يوم بيومه.
ب) وكذلك المريض الذي لا يرجى شفاؤه فلا صوم عليه ولا قضاء، 
وإنما يجب عليه الفدية فقط، وهي مد من غالب قوت البلد.

4- وأما المفطر الذي يجب عليه القضاء والكفارة معًا فهو:

الرجل الذي جامع في نهار رمضان
عامدًا باختياره ذاكرًا للصيام، فإن عليه
قضاء هذا النهار الذي أفسده كما يجب عليه الكفارة.

والكفارة على هذا الترتيب:
عتقُ رقبة مؤمنة، فإن لم يستطع فصيام شهرين متتابعين غير يوم القضاء، فإن
عجز عن الصيام
أطعم ستين مسكينًا لكل مسكين مقدار ما يغدي ويعشي وهذا في المذهب الحنفي.
فإن عجز عنها كلها استقرت الكفارة في ذمته ولا شىء عليه بدلها.

الأيام التي يحرم الصيام فيها:
يوم عيد الفطر وهو أول شوال. ويوم عيد الأضحى.


readmore »»

20 August 2011

(6) احلى ما فى رمضان

.
24 التعليقات




من ضمن روحانيات رمضان
اللى بتبقى جميله اوى وكلنا بنواظب عليها
هى قرأه القرآن
بيبقى شئ اساسى عندنا اننا لازم نقرأ قرآن فى الشهر الكريم
وبنصمم اننا نختمه على الاقل مره
وبنسابق بعض عشان نشوف مين هيختم اكتر
وده احلى سباق فى الدنيا
عشان بنسابق بعض فى الخير
لاننا عايزين نوصل لربنا
اللى بيكون منتظرنا دايما طول الشهر ده
اننا نقربله بالعباده والصلاه والصوم والقرآن
يعنى اقل عمل خير بنعمله بنتجازى عليه جدا فى الشهر ده
ومن ضمن الاعمال دى القرآن

المشكله بتبقى فى حاجه واحده
ان بعد رمضان قرائتنا للقرآن بتقل
ومش بنواظب عليها باقى السنه زى الشهر ده
ويمكن الموضوع بيقتصر على قصار السور
او سوره الكهف كل يوم جمعه
طب ليه مش نحاول زى ما كنا بنتسابق فى رمضان عشان نختم القرآن
نتسابق بردو بعد رمضان اننا نختمه.. ايه المانع؟؟
 
******************************

دعاء النهارد

 اللهم اهدنى فيه لصالح الاعمال
واقض لى فيه الحوائج والامال
يامن لا يحتاج الى التفسير والسؤال
يا عالماً بما فى صدور العلمين
صل على محمد وآله الطاهرين

********

موقع النهارده



موقع جميل اوى
بيعرض المصحف الشريف بطريقه الفلاش
وبيكون عباره عن صوره بالظبط للصحف
تقدر تقرأ منه بسهوله وتقلب الصفحات زى المصحف بالظبط


******
 ملحوظه صغيره

كده تبقى  سلسله احلى ما فى رمضان  خلصت :))



readmore »»

19 August 2011

(5) احلى ما فى رمضان

.
10 التعليقات




من ضمن اجمل المظاهر اللى بنشوفها فى رمضان
موائد الرحمن
وتعتبر من اهم اعمال الخير اللى بتتعمل فى الشهر الكريم

بالرغم من ان فى اشكال مبسطه لفكره موائد الرحمن
من عصر الرسول عليه الصلاه والسلام
الا ان اول موائد الرحمن بشكلها المعتاد اللى احنا عارفينه
كانت فى عهد احمد ابن طولون
هو اول حد دعا لعمل مائده رحمن 
بس وقتها دعا ليها كل الاغنياء والحكام فى الوقت ده
وفوجئ وقتها الحكام بوجود فقراء ومحتاجين كتير
وقتها طلب منهم احمد ابن طولون 
انهم يكونوا بنفس السخاء طول شهر رمضان
والاستمرار فى اقامه موائد الرحمن
ودى كانت الفتره اللى استمرت منها عاده موائد الرحمن
الى الان



مش معنى ان حد بيفطر فى مائده رحمن يبقى محتاج
ممكن تكون ظروفه سمحتله انه يبقى فى الشارع فى وقت الفطار
فا بيكون الحل قدامه انه يروح مائده رحمن لو هى قدامه
وحتى وقتها هيحس بروح الناس اللى بتفطر مع بعضها
زى ما قولنا رمضان بيحب اللمه
تخيل بقى اللمه دى كلها بتبقى روحها عامله ازاى

وحتى بالرغم من سوء ظروف البلد
وسوء ظروف الاحوال الاقتصاديه
بس بردو الموائد دى لسه مستمره
والناس اللى بتتعود تعملها 
بيحسوا انهم ماينفعش يجى رمضان عليهم من غير ما تتعمل
فى روح فيها بتبقى حلوه
شوف الواحد بيكون ايه شعوره لما يحس انه هياخد ثواب افطار صائم
وده مش صائم واحد
انما بيوصلوا للالاف

ياريت الناس المقتدره 
تعمل الموائد دى طول السنه مش بس فى رمضان
عشان تبقى سبيل لكل المحتاجين والفقراء
بدل ما يمدوا ايديهم ويطلبوا حق أكلهم

*********************************

دعاء النهارده

اللهم ارزقنى فيه رحمه الايتام
واطعام الطعام
وافشاء السلام
وصحبه الكرام
بطولك يا ملجا الأملين

****

حديث النهارده


قال رسول الله صلى الله عليه وسلم:
" من فطر صائما كان له مثل أجره ـ غير أنه لا ينقص من أجر الصائم شيئا "
 (صحيح).

قال شيخ الاسلام 
والمراد بتفطيره ان يشبعه
وقد كان السلف الصالح يحرصون على اطعام الطعام ويرونه من افضل العبادات


بركة تفطير الصائم:
الملائكة تصلي عليك وجبريل يصافحك !
فقد قال: رسول الله صلى الله عليه وسلم:
" من فطر صائما في شهر رمضان من كسب حلال 
صلت عليه الملائكة ليالي رمضان كلها، وصافحه جبريل ليلة القدر، ومن صافحه جبريل عليه السلام يرق قلبه وتكثر دموعه" ..

فما أجمل هذا التقدير من جبريل لمن فطر صائماً
وكون المصافحة في ليلة القدر، إشارة بفوز هذه المسلم بثواب هذه الليلة

والجزاء بالمثل وأعظم 
وعن أبي سعيد الخدري أنه قال :

أيما مؤمن سقى مؤمنا شربع غلى ظمأ ,
سقاه الله يوم القيامه من الرحيق المختوم
وأيما مؤمن أطعم مؤمنا على جوع، أطعمه الله من ثمار الجنة ... "
(صحيح).

ولا ريب ان تفطير الصائمين من خصال الخير
لما يترتب عليه من المصالح العظيمه
وعلى رأسها زياده التألف والحب بين المسلمين

readmore »»

18 August 2011

(4) احلى ما فى رمضان

.
18 التعليقات




من الظواهر الرمضانيه اللى مش اختفت
بالعكس دى بتستمر وبتطور اكتر
الدورات الرمضانيه
الخاصه بالكوره

الدورات دى بتبدأ مع بدايه اول ليله فى رمضان
كل شباب الشارع بيلموا بعض ويتفقوا على مجموعه من الماتشات
ما بين اكتر من فريقين
تحس انه دورى مصغر
او ممكن نقول دورى مناطق

وبيجمعوا من بعض فلوس ويشتروا اى حاجه تلزمهم للماتشات دى
وفى كمان بيجمعوا فلوس كمبلغ معين
بياخده الفريق اللى بيكسب فى اخر الدوره الرمضانيه دى
ودى بتبقى روح حلوه اوى بينهم 
ان منهم فيهم بيدوا جايزه للى يكسب فى الاخر

حتى لو الشباب بيعملوا دورات فى اى وقت تانى
بس الدوره الرمضانيه ليها نظره تانيه خالص وشكل مختلف


اجمل حاجه
ان الشباب بيتعاملوا مع الدوره دى على انها شئ اساسى
صعب واحد فيهم يكسل عنها فى يوم
او يقول لا ماليش مزاج العب

والاجمل بقى
ان لو نفس الدورات دى لو اشتغلت فى اى وقت تانى
اهالى المنطقه مش هيقبلوا بالدوشه اللى بتحصل ابدا
بس فى رمضان الموضوع بيبقى مختلف تماما
بالعكس الاهالى بيعجبهم اوى الجو ده
وفى ناس كتير منهم
بتخرج فى الشبابيك والبلكونات يتفرجوا

الدوره الرمضانيه من الظواهر اللى مصر بالتحديد
بتتميز بيها عن باقى الدول العربيه

*****************************************

دعاء النهارده

اللهم ارزقنى فيه طاعه الخاشعين
واشرح فيه صدرى بانابه المخبتين
بأمانك يامان الخائفين

*****

حدث النهارده



وفاة سيف الله المسلول “خالد بن الوليد”:

في 18 من رمضان 21هـ الموافق 20 من أغسطس 642م: 
توفي سيف الله المسلول “خالد بن الوليد” 
صاحب العديد من الفتوحات والانتصارات على أعتى إمبراطوريتين 
هما “الفرس” و”الروم”، 
وقد قضى حياته كلها بين كرٍّ وفرٍّ وجهاد 
في سبيل إعلاء كلمة الحق ونصرة الدين.


اندلاع أعمال عنف بين الهندوس والمسلمين في مدينة كالكوتا الهندية:

في 18 من رمضان 1365 هـ الموافق 16 من أغسطس 1946م: 
اندلعت أعمال عنف بين الهندوس والمسلمين في مدينة كالكوتا الهندية 
وامتدادها إلى عدد من المدن الأخرى، 
واستمرت الاشتباكات 3 أيام، أسفرت عن سقوط 7 آلاف قتيل.
 
مبايعة الحسن بن علي بالخلافة

في 18 رمضان 40هـ الموافق 24 يناير 661 
بويع الحسن بن علي رضي الله عنهما بالخلافة بعد مقتل أبيه.


يوسف بن تاشفين يجمع شمل المسلمين في الأندلس

في 18 رمضان 484هـ الموافق 1091م 
استطاع القائد يوسف بن تاشفين أن يجمع شمل المسلمين في الأندلس، 
ويقضي على التفرقة بين ملوك الطوائف هناك.


نهاية دولة المرابطين في المغرب

في 18 رمضان عام 539هـ، 
كانت نهاية دولة المرابطين في المغرب العربي،
وقيام دولة الموحدين، 
فعندما اشتد الصراع بين (المرابطين) 
بقيادة تاشفين بن علي بن يوسف بن تاشفين والموحدين
- بقيادة عبد المؤمن بن علي- 
حصل قتال ومطاردة بين الجيشين، 
وقتل تاشفين بعد أن هوى من فوق الصخرة، 
فقطع الموحدون رأسه وحملوه إلى (تينمل) مركز الدعوة الموحدية، 
وكان هذا الحادث هو نهاية دولة المرابطين في المغرب، 
علمًا بأن المرابطين ولوا بعد تاشفين أخاه إسحاق 
الذي لم يكن له أي أثر في التاريخ فيما بعد.

readmore »»

17 August 2011

(3) احلى ما فى رمضان

.
18 التعليقات





فى رمضان بتزيد حاجات كتير جميله جوانا
يمكن مش بتزيد
بس بتظهر بعد ما ظروفنا وحياتنا بتخليها تستخبى جوانا
رمضان بيخلينا نشوف حاجات كتير جميله فينا احنا مش شايفنها
او مش قادرين نشوفها لانها مستخبيه
ومغطيه عليها حاجات كتير اوى
رمضان من اكتر الشهور واهمها
اللى صعب تلاقى فيها فقير مش لاقى ياكل
الخير فيها بيزيد اوى
كل الناس بتحاول تدى بعضها
وبقول بتحاول لان كل واحد بيحاول يدى على اد مقدرته
غير الزكاه اللى واجبه علينا
بس بردو بندى اللى نقدر عليه للى شايفينه محتاج
العطف جوانا بيزيد
حبنا لمساعده الفقراء بيزيد
صعب اوى نشوف حد محتاج بجد ومش نساعده

يمكن المشكله الوحيده للاسف
ان فى ناس بتستغل الوقت ده
عشان تاخد حاجه مش من حقها
بأدعاء الحاجه
وقتها ربنا هو الأعلم بنواياهم
واكيد اعلم بنوايا اللى بيديهم
وانه مش قاصد غير انه يساعد فى الخير

****************************

دعاء النهارده

اللهم حبب الى فيه الاحسان
وكره الى فيه الفسوق والعصيان
وحرم علىَ فيه السخط والنيران
بعونك يا غياث المُستغيثين

*****
 
خير النهارده


 

(( لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ  ))
 
آل عمران-92

 إطعام صومالي لمدة شهر : 65 جنيه
إطعام عائلة صومالية لمدة شهر : 400 جنيه
هما فى ازمه وبجد محتاجين
القرار قرارك !
اتصل باتحاد الأطباء العرب : -0111116808 أو 0104002121
وسيصلك المندوب لباب بيتك لجمع التبرع

في كذا وسيلــــة للتبـرع ممكن تتصل وتعرف:

القاهرة
0104400045
0104002121

الأسكندرية
0100545152

ممكن كمان تتبرع على:

بنك مصر حساب رقم:
1/18810/101

بنك فيصل حساب رقم:
212051
سوفت كــود:
FIEGEGCXCAI

البنك العربي الأفريقي حساب رقم:
555600
سوفت كود:
ARAIEGCX

البريد المصري بجميع فروعه،، حساب رقم:
148741

لجنة الإغاثة والطوارئ،، اتحاد الأطباء العرب:
العنوان: القاهرة 42 شارع القصر العيني - دار الحكمة

فى حاجه كمان

مستشفى أبو الريش 
بيستقبل 3 آلاف طفل يومياً... وأرقامهم للتأكد
23683680 - 23683802
العناية المركزة فيها 10 سراير بس. 
والميزانية مبتكملش نص المطلوب. 
المستشفى قائم على التبرعات. 
فا اللي يقدر يتبرع هيعمل كده سواء بإرسال الفلوس عن طريق حوالة
أو تسليمها بالإيد لإدارة المستشفى..

للى يحب يعرف كل التفاصيل



readmore »»

16 August 2011

(2) احلى ما فى رمضان

.
26 التعليقات




يمكن رمضان بيبقى سبب كبير اوى
فى ان الناس تبدأ تسأل على بعدها
ولان كل واحد فينا بيبقى داخل على رمضان بنيه صافيه
وامنيه جواه انه يخرج من الشهر ده واخد ثواب كبير
وشايل كل حاجه وحشه من جواه
وربنا يتقبل توبته عن اى حاجه عملها تغضبه سبحانه وتعالى

زى ما بنبدأ بدايه جديده من جوانا
بنحاول نبدأ بدايه جديده مع كل اللى حوالينا
سواء اصحاب او قرايب او زمايل او جيران
او حتى ناس لسه معرفتنا بيهم جديده وسطحيه
بناخد دايما رمضان والتهنئه بيه وسيله عشان نكلم بعض

قبل رمضان بكام يوم
بتبدا اتصالاتنا بكل الناس اللى نعرفهم عشان نقولهم كل سنه وهما طيبين
ولو مفيش مكالمات بيبقى فى رسايل
بجد بتبقى حاجه كويسه عشان بتخلينا نقرب من بعض
ولو حد شايل جواه حاجه من ناحيه اى شخص تانى
هيقدر يمسحها نهائى من جواه
لو زعلان من حد وانت بدأت تكلمه هتلاقى انه نسى الزعل ده اول ما قولتله كل سنه وانت طيب
كل واحد فينا بتبقى نفسيته مستعده انه يسامح التانى

الحاجه التانيه كمان
ان فى رمضان بتكتر الزيارات العائليه
ويمكن دى من اهم واحلى النقط اللى فى رمضان
صله الرحم مذكوره فى القرآن ومن تعاليم ديَنا الاساسيه
وبما ان احنا بقينا فى وقت كل حاجه فيه سريعه
وماحدش عنده وقت للزيارات واشغالنا واخدانا من كل اللى حوالينا
رمضان بيكون فرصه للزيارات دى
بيقرب الاهالى من بعضهم وبيعمل بينهم اُلفه جميله اوى
الواحد فى وسط لمه العيله دى
بيحس انه مبسوط من جواه وبيضحك من غير اى حاجه
دايما بنتمنى ان كل الايام تبقى رمضان عشان كده
عشان رمضان دايما بيجمع كل الناس
ياريت نفضل كده فى رمضان وفى غير رمضان

*************************************

دعاء النهارده

اللهم لا تؤاخذنى فيه بالثغرات
واقلنى فيه من الخطايا والهفوات
ولا تجعلنى فيه عرضا للبلايا والافات
بعزتك يا عز المسلمين

*****

تفسير النهارده

قال تعالى :
 (( وَاعْبُدُوا اللَّهَ وَلا تُشْرِكُوا بِهِ شَيْئاً وَبِالْوَالِدَيْنِ إِحْسَاناً 

وَبِذِي الْقُرْبَى وَالْيَتَامَى وَالْمَسَاكِينِ وَالْجَارِ ذِي الْقُرْبَى وَالْجَارِ الْجُنُبِ 

وَالصَّاحِبِ بِالْجَنْبِ وَابْنِ السَّبِيلِ وَمَا  مَلَكَتْ أَيْمَانُكُمْ

 إِنَّ اللَّهَ لا يُحِبُّ مَنْ كَانَ مُخْتَالاً فَخُوراً))  
(النساء:36) 


   بعد أن قام الله عز وجل بتنظيم العلاقات الأسرية ، وأرسى نظامها، 
بدأ بتنظيم العلاقات الإنسانية العامة بما فيها الأقربون وغيرهم، 
وذلك بعد أن بين ما يجب على الإنسان تجاه الخالق، حيث أمر الله العباد بأن يعبدوه حق العبادة ، 
ولا يجعلوا له ندا أو شريكا من حجر أو جماد أو نبات أو ملائكة أو بشر ،
فإنه هو الإله الواحد الذي شريك له
قال النبى صلى الله عليه وسلم لمعاذ ابن جبل :
" أتدري ما حق الله على العباد؟" 
قال: الله ورسوله أعلم ، قال : "أن يعبدوه ولا يشركوا به شيئا " 
ثم قال: أتدري ما حق العباد على الله إذا فعلوا ذلك ؟ أن لا يعذبهم ".
ثم أوصى بالإحسان إلى الوالدين،
فإن الله سبحانه جعلهما سببا لخروجك من العدم إلى الوجود، 

ثم ابن السبيل وهو المسافر المنقطع عن بلده سواء كان ثريا أم لا .
ثم أوصى بملك الأيمان من العبيد والإماء ، 
وقد أطلق سبحانه الإحسان الى هؤلاء ليشمل صنوف الحفاوة والإكرام، و
قد كان تأكيد الإسلام بالإحسان الى هؤلاء تمشياً مع روحه العام في توثيق صلة البشر بعضهم مع بعض، 
وجمعهم في رباط الود والحب والوئام. 
ثم أخذ سبحانه ببيان الصفات التي تفسد هذا الود والحب والوئام وأنه مبغض لها،

ألا وهي كل مختال متبختر متكبر، 
والفخور الذي يفخر بمناقبه كبراً واعتزازاً وتطاولاً،
وكثيراً ما يتطاول ويتكبر فلا يحسن إلى الأصناف المذكورة في الآية الكريمة،
ألا فأنعم به من شرع حكيم
.

readmore »»

15 August 2011

(1) احلى ما فى رمضان

.
26 التعليقات



لما الواحد بيشوف شكل الجوامع فى رمضان
وقت صلاه التراويح خصوصا 
بجد قلبه بينشرح
المنظر بيبقى يفرح اووى
واول حاجه الواحد بيقولها يارب نبقى كده على طول
معظم الناس بتتجمع فى الوقت ده وخصوصا الرجال
بتبقى فرصه عشان الناس تتقابل
يعنى دى حكمه من ربنا كمان فى صلاه الجماعه
عشان يقوى الترابط اللى ما بينا

الشارع بيكون مقفول ساعه الصلاه
الناس كلها بتتزاحم بحب عشان تروح تصلى
كله بيحاول يساعد بعض جوه الجامع
وشوش الناس اصلا تحس انها بتضحك
صعب اوى اتنين رايحين يصلوا التراويح 
ويتخانقوا على مكان يقفوا فيه مثلا !
عشان احنا فى بيت ربنا صعب ده يحصل
بيبقى فى راحه نفسيه موجوده وده من رضا ربنا علينا واحنا بين ايديه



حتى فى صلاه العيد كمان الجو بحس انه ملائكى اوى حوالينا
جو خاص لا يُعوض 
الواحد فينا يحب يعيشه كل يوم مش كل سنه مره ولا كل كام شهر

المشكله تبقى فى حاجه واحده بس
ان بعد رمضان مش بنلاقى ناس كتير بتصلى فى الجامع زى ما كنا بنشوف
طيب ليه مش نستمر زى ما احنا بعد رمضان
يعنى نحاول نشجع بعض اننا نصلى فى جماعه زى ما كنا بنعمل.. ايه المانع؟

***********************

دعاء النهارده

اللهم طهرنى فيه من الدنس والاقذار
وصبرنى فيه على كائنات الاقدار
ووفقنى فيه للتقى وصحبه الابرار
بعونك يا قره عين المساكين

******

معلومه النهارده

ماهى صلاه التراويح


هي الصلاة التي تصلى جماعة في ليالي رمضان
والتراويح جمع ترويحة،سميت بذلك لأنهم كانوا أول ما اجتمعوا
عليها يستريحون بين كل تسليمتين ,وتعرف كذلك بقيام رمضان.

حكمها

سنة مؤكدة , وقيل فرض كفــاية
وهي شعار من شعارات المسلمين في رمضان
قال القحطاني رحمه الله في نونيته:
وصيامنا رمضان فرض واجب وقيامنا المسنون في رمضـان
إن التراويـح راحـة في ليله ونشاط كل عويجز كســـلان
والله ما جعل التراويح منكـراً إلا المجوس و شيعـة الشيطان

دليل الحكم

قيام رمضان في جماعة مشروع سنه رسول الله صلى الله عليه وسلم 
ولم يداوم عليه خشية أن يفرض، عن عائشة رضي
الله عنها أن رسول الله صلى الله عليه وسلم خرج ليلة من جوف الليل فصلى في المسجد، وصلى رجال بصلاته،
فأصبح الناس فتحدثوا، فاجتمع أكثر منهم، فصلى فصلوا معه،
فأصبح الناس فتحدثوا فكثر أهل المسجد من الليلة الثالثة،
فخرج رسول الله صلى الله عليه وسلم فصٌلِّي بصلاته، 
فلما كانت الليلة الرابعة عَجَزَ المسجد عن أهله حتى خرج لصلاة
الصبح، فلما قضى الفجر أقبل على الناس فتشهد ثم قال: 
أما بعد فإنه لم يخف عليِّ مكانكم، ولكني خشيتٌ أن تفرض
عليكم فتعجزوا عنها، فتوفي رسول الله صلى الله عليه وسلم والأمر على ذلك"

فضلها

لقد حث رسول الله صلى الله عليه وسلم على قيام رمضان ورغب فهي ولم يعزم،
فعلى جميع المسلمين أن يحيوا سنة نبيهم وألا يتهاونوا فيها 
ولا يتشاغلوا عنها بمالا فائدة منه، 
فقد قرن صلى الله عليه وسلم بين الصيام والقيام،
فعن أبي هريرة رضي الله عنه قـال:
"سمعت رسول الله صلى الله عليه وسلم يقول
لرمضان من أقامه إيماناً واحتساباً غفر له ما تقدم من ذنبه".
وفي رواية في الصحيح كذلك عنه:
"من قام رمضان إيماناً واحتساباً غفر له ما تقدم من ذنبه". وقتها
من بعد صلاة العشاء إلى طلوع الفجر ... وتختلف من مسجد إلى آخر 
فمنهم من يطيل ومنهم من يخفف ,, فالأمر متاح للجميع وفيه سهولة ويسر ..

عدد ركعاتها
 
أفضل القيام في رمضان وغيره إحدى عشرة ركعة، 
وهو ما واظب عليه صلى الله عليه وسلم، 
كما صح عن عائشة رضي الله عنها وقد سئلت:
كيف كانت صلاته صلى الله عليه وسلم في رمضان؟ 
فقالت: ما كان يزيد في رمضان ولا فيغيره
عن إحدى عشرة ركعة، يصلي أربعاً11 فلا تسأل عن حسنهن وطولهن، 
ثم يصلي أربعاً فلا تسأل عن حسنهن وطولهن، ثم يصلي ثلاثاً"
وإن كان الأمر فيه سعة، وقد أحصى الحافظ ابن حجر رحمه الله في الفتح
الأقوال في ذلك مع ذكر الأدلة، وهي:
1. إحدى عشرة ركعة مع الوتر بثلاث ركعات.
2. ثلاث عشرة ركعة مع الوتر بثلاث ركعات.
3. إحدى وعشرون ركعة مع الوتر بثلاث ركعات.
4. ثلاث وعشرون ركعة مع الوتر بثلاث ركعات.
5. تسع وثلاثون ركعة مع الوتر بثلاث ركعات.
6. إحدى وأربعون ركعة مع الوتر بثلاث ركعات.
7. تسع وأربعون ركعة مع الوتر بثلاث ركعات.

لم يصح حديث عن النبي صلى الله عليه و سلم في عدد ركعات صلاة التراويح
إلا حديث عائشة: "أحد عشرة ركعة"، 
وما روي عن ابن عباس رضي الله عنه:
"كان رسول الله صلى الله عليه وسلم يصلي في رمضان عشرين ركعة والوتر"
فإسناده ضعيف كما قال الحافظ ابن حجر.

و الأعداد الأخرى سوى الإحدى عشرة أُثرت عن الصحابة والتابعين ومن تبعهم بإحسان إلى يوم الدين ، 
والقاعدة  عندهم في ذلك أنهم كانوا إذا أطالوا القراءة قللوا عدد الركعات 
وإذا أخفوا القراءة زادوا في عدد الركعات.
و لله در الشافعي ما أفقهه حيث قال، كما روى عنه الزعفراني:
(رأيت الناس يقومون بالمدية بتسع وثلاثين، وبمكة
بثلاث وعشرين، وليس في شيء من ذلك ضيق)
وقال أيضاً: (إن أطالوا القيام وأقلوا السجود فحسن وإن أكثروا السجود وأخفوا القراءة فحسن، والأول أحب إلي).

والخلاصة أن أصح وأفضل شيء أن يقام رمضان بإحدى عشرة ركعة مع إطالة القراءة، ولا حرج على من قام بأكثر من ذلك.
واحذروا أيها الأئمة من التخفيف المخل، 
بأن تقرءوا في الأولى مثلاً بعد الفاتحة بآية نحو "مدهامتان" أو بقصار السور
من الزلزلة وما بعدها، وفي الثانية دائماً بالإخلاص، فهذا تخفيف مخل، هذا مع عدم الاطمئنان في الركوع والسجود

والمسابقة حيث يصبح من التجاوز إطلاق القيام على من يفعل ذلك.
وحذار أيها المأموم أن تحتج على إمامك إذا حول أن يطيل في ظنك بقوله صلى الله عليه وسلم: "من أم الناس فليخفف"،
فهذا استدلال مع الفارق والفارق الكبير، حيث قال صلى الله عليه وسلم ذلك لمعاذ عندما قرأ في الركعة الأولى في
صلاة العشاء بالبقرة كلها، وفي الثانية بما يناصف البقرة


readmore »»

14 August 2011

فى نُص رمضان

.
26 التعليقات



نص رمضان عدى
الواحد مش حس نهائى ان 14 يوم عدوا من رمضان
ايامه بتجرى بسرعه اوى
واحنا بنجرى معاها
عشان نلحق ونقدر نعمل كل خير وحسنه تقربنا اكتر من ربنا
ويااارب يتقبل مننا
ويارب ان شاء الله نخرج منه معتقوين من النار ومغفوره ذنوبنا



بعد ما خلصت سلسله رمضان بين زمان ودلوقتى
واللى اتكلمت فيها عن ايه اللى مختلف فى نظرى بين رمضان دلوقتى
وبين رمضان زمان

 وبمناسبه ان نص رمضان عدى
وزى ما كنت قادره اشوف ايه اللى اختلف
وخلانا نحس ان بريق جزء كبير من عاداتنا اختفى
وفى حاجات كتير بقت ناقصانا فى جو رمضان
انا بردو قادره اشوف ان فى حاجات فى رمضان مميزه جدااا
مش ممكن هتتغير فينا
بل على العكس
احنا بسببها بنتمنى ان ده يبقى حالنا طول السنه
مش بس يكون فى رمضان

ولان دايما رمضان بيظهر احسن ما فينا
وفى كل اللى حوالينا
وبيخلينا نشوف فى نفسنا صفات احنا اصلا مش واخدين بالنا منها
فا انا نويت ان شاء الله
ان من بكره و للكام يوم الجايين
هاتكلم عن سلسله جديده
اسمها احلى ما فى رمضان
هتكلم عن عادات جميله ومميزه فى رمضان
بنتمنى دايما اننا نستمر عليها طول السنه

*******************************

دعاء النهارده


اللهم زينى فيه بالستر والعفاف
واسترنى فيه بلباس القنوع والكفاف
واحملنى فيه على العدل والانصاف
وامنى فيه من كل ما اخاف
بعصمتك يا عصمه الخائفين

******

معلومه النهارده

قال صلى الله عليه وسلم
"رمضان اوله رحمه واوسطه مغفره واخره عتق من النار"
حديث ضعيف
 قال عنه الشيخ العلامه / محمد ناصر الدين الالبانى انه حديث منكر
والمنكر هو قسم من اقسام الاحاديث الضعيفه
واذا كان الحديث من فضائل الاعمال
فقد جعل اهل العلم العمل به وفق شروط خمسه وهى

1.. ان لا يكون شديد الضعف
2.. ان لا يخالف اصلاً من اصول الاسلام
3.. ان لا يعتقد نسبته للنبى صلى الله عليه وسلم
4.. ان لا يُشهره بين الناس ففى الصحيح غُنيه وكفايه
5.. ان لا يكون فى الاحكام , فلا يًقبل الحديث الضعيف فى الحلال والحرام ولا فى العقائد


readmore »»

09 August 2011

(8) رمضان بين زمان ودلوقتى

.
22 التعليقات



دى تقريبا معظم او كل الحاجات اللى انا شايفاها اختلفت فى رمضان
بين زمان ودلوقتى
يمكن اكون بيتهيألى وانا اللى بحن كتير لكل حاجه قديمه وبتفكرنى بزمان
يمكن انا اللى شايفه كل حاجه مش بنفس جمال حياتنا زمان

اللى حسيته اتغير من وجهه نظرى الشخصيه قولته
جايز يكون التغيير ده فى المحيط اللى حواليا بس
بس فعلا زمان كانت كل حاجه بتاخد مننا حقها فى الاحساس بيها

و الاكيد
ان مع الوقت
لمعان الدهب بيقل
وده بالظبط اللى بيحصل لعادات كتير كنا متعودين عليها

والاهم من كل ده
ان شهر رمضان نفسه برونقه وهدوئه النفسى وعباداته وطابعه الدينى
مش بيتغير وبيفضل عايش جوانا دايماً


كده سلسله رمضان بين زمان ودلوقتى انتهت
ومش هانزل بوست بكره
هاخد يومين تلاته كده اجازه
وان شاء الله لما ارجع
هاتكلم عن سلسله جديده

****************************

دعاء النهارده

اللهم أجعلنى فيه من المتوكلين عليك
وأجعلنى فيه من الفائزين لديك
وأجعلنى فيه من المقربين اليك
بأحسانك يا غايه الطالبين

******

صوره النهارده




readmore »»

08 August 2011

(7) رمضان بين زمان ودلوقتى

.
19 التعليقات




مدفع الفطار من ايام الفاطميين
اللى كتيير من عاداتنا خدناها فى العصر ده ومنها اللى مرتبطه برمضان
كان فى العصر ده مدفع الفطار مؤشر اساسى للفطار
وهو الطريقه الوحيده اللى بيتم بيها الاعلان عن وقت الفطار
لعدم وجود ميكروفانات تسمع كل الناس
ولا وسائل اعلاميه مختلفه زى الراديو والتليفزيون
فا كان مدفع الفطار هو الوسيله الوحيده لاعلان ميعاد الفطار

وفى عصرنا احنا
كان المدفع كمان مهم رغم ظهور الراديو وفيما بعده التلفزيون فى بدايته
بس الناس لانها اتعودت عليه فا كان اساسى
حتى لفتره قريبه كان فى التلفزيون المصرى لازم قبل آذان المغرب
يجيبوا اشاره ان المدفع ضرب
كان شئ رمزى بس تمسك مننا بالعادات القديمه الجميله

اما دلوقتى
المدفع مش بقاله دور
ونادرا لما الواحد بيشوفه اصلا
المدفع الحقيقى الوحيد اللى شوفته كان فى المتحف
مش بقاله دور زيه زى المحسراتى وغيره من المظاهر الكتير
اللى اختفت ومابقتش موجوده

************************************

دعاء النهارده

اللهم اعنى فيه على صيامه وقيامه
وجنبنى فيه من هفواته واثامه
وارزقنى فيه ذكرك بدوامه
بتوفيقك يا هادى المضلين

*******

حكمه النهارده

التمر على اختلاف أنواعه يعد من أفضل الأغذية على الإطلاق
لقيمته الغذائية العالية وتنوع ما يمد الجسم به من طاقة وبروتينات وحديد

ومن أنواعه العجوة وهي أطيب التمر وألينه وألذه
وفي الصحيحين عن سعد بن أبي وقاص 
ورد عن النبي قوله " صلى الله عليه وسلم"
...((من تصبح بسبع تمرات عجوة لم يضره ذلك اليوم سم ولا سحر ))

وقال " صلى الله عليه وسلم"
(( بيت لا تمر فيه جياع أهله ))

وجاء في كتاب الطب النبوي 
أن التمر مقوي للكبد ملين للطبع
، وهو من أكثر الثمار تغذية للبدن
كما ورد أن أكله على الريق يقتل ديدان وطفيليات الجهاز الهضمي
فهو فاكهة وغذاء ودواء وشراب وحلوى .

وهناك الكثير لا يدركون قيمة السنة والهدي النبوي 
في الإفطار على التمر الذي سنه رسول الله صلي الله عليه وسلم
، فعن أنس رضي الله عنه قال
(كان رسول الله صلى الله عليه وسلم يفطر قبل أن يصلي على رطبات فإن لم تكن تميرات حسوات من ماء) 
رواه أبو داود والترمذي وقال حديث حسن.

وقد روي في الأثر:
(من أفطر صائماً بشق من التمر فله الجنة)
ولقد حث الرسول صلى الله عليه وسلم 
الصائمين في رمضان أن يجعلوا بداية فطورهم بعد صيامهم 
أن يكون على الرطب أو التمر؛ 
وذلك لأنهم فقدوا ما ادخروا من سكريات خلال ساعات صومهم.

إن نقص نسبة السكر في الجسم أثناء الصيام 
هي التي تسبب الإحساس بالجوع وليست قلة الطعام والشراب هي سر ذلك؛
ولذا كان السر في الإفطار بالتمر وكذلك كالسحور، 
وخاصة أن سكر الفركتوز يعوض السكر المحترق في الدم 
نتاج الحركة وبذل الجهد فلا يفتر الصائم ولا يتعب 
ناهيك عن أنه يقوي الكبد والقلب والدم 
لما يحتويه من منجم معادن سهلة وسريعة الامتصاص 
فخلال ساعة يهضم التمر كالعسل وهذه حكمة ربانية كبيرة.


readmore »»

07 August 2011

(6) رمضان بين زمان ودلوقتى

.
20 التعليقات




انا بيتهيالى زمان لو سألت اى بيت مصرى
فى اول يوم فى رمضان
انتوا عاملين اكل ايه النهارده
هيردوا كلهم اجابه واحده
تحسوا ان كورس كده
حافظين مش فاهمين
احنا طلعنا لاقينا اهلنا بيعملوا الاكل ده يبقى احنا زيهم
تعود ان ده اللى المفروض يتعمل فى رمضان
ورمضان مميز باكلات فى موجوده فى اى وقت تانى
زى القطايف والكنافه 
اللى مفيش بيت مصرى مش بيعملهم اول يوم رمضان
لو مش كان النوعين يبقى على الاقل نوع واحد منهم
بالرغم من اننا اصلا مش بيكون فينا نفس ناكل اى حاجه بعد الفطار
بس اتعودنا على كده
وكمان الفول اللى شئ مقدس على السحور و مفيش غنى عنه

اما دلوقتى
الموضوع مابقاش فارق كتير
القطايف والكنافه موجودين طول شهور السنه
لو حبيت تاكلهم فى اى وقت هتجبهم وتعملهم
الموضوع مابقاش مرتبط برمضان خالص
حتى حكايه الاكل المحدد اللى كلنا اتعودنا نعمله ده
عادى بردو ممكن يتعمل او يتعمل غيره خالص
حتى السفره بكل اللى عليها بقى مختلف
اما السحور فا مابقاش شرط اساسى انه يكون فول
اصل احنا جيل معدته تعبانه اصلا
الناس مازالت متفقين فى حاجه واحده بس
انهم يشتروا كل اللى تطوله ايديهم
ولا كأننا داخلين على مجاعات
ويارتنا حتى بناكل نص الاكل ده

*********************************

دعاء النهارده

اللهم اجعل لى فيه نصيباً من رحمتك الواسعه
واهدنى فيه لتراهينك الساطعه
وخذ بناصيتى الى مرضاتك الجامعه
بمحبتك يا امل المشتاقين

*****

فيديو النهارده

فيديو النهارده هو حلقه من برنامج ثوره على النفس
البرنامج تقديم معز مسعود
بيتكلم فيه كل يوم عن صفه المفروض نتخلص منها
وزى ما كنا قادرين نعمل ثوره على احوال البلد اللى مش عاجبانا
نقدر نعمل ثوره على نفسنا ونغيرها للاحسن ان شاء الله
البرنامج رائع بجد
وفيه حوار مع ناس من الشارع وشخصيات مشهوره
وطريقه معز مسعود فيه بسيطه كعادته وتوصل للواحد بسلاسه

مواعيد عرض البرنامج
على القناه الثانيه المصريه
الساعه 6 وربع
وعلى قناه cbc
الساعه 6 وربع بردو  وبيتراجع مع ميعاد الفطار يومياَ
والاعاده فى 3 وربع الفجر

وده فيديو لأحدى حلقات البرنامج



ودى صفحه معز مسعود على الفيس بوك
بينزل عليها يومياً الحلقات لو حد يحب يتابع

Moez Masoud معز مسعود


readmore »»
 

FaceBook Comments

wibiya widget