06 August 2011

(5) رمضان بين زمان ودلوقتى

.



التلفزيون فى كل حاجه بقى مختلف ايام زمان عن ايامنا الفحلقى دى
بس فى رمضان الوضع مختلف 
لان فى رمضان العرض من كل حاجه بيبقى مكثف
سواء برامج او اعلانات او مسلسلات
اما الافلام فا بيقل دورها فى الفتره دى
بيسيبوا بقى المسلسلات عشان تاخد فرصتها
انا يمكن مش فاكره مسلسلات زمان اللى كانت بتيجى فى رمضان
بس المهم بردو ان كان بيجى مسلسلات بجد الواحد بيستناها
وممثلين معينين مواعدهم معروفه والواحد بيبقى منتظرهم
وعمتا بتبقى المسلسلات معدوده ومواعيدها معروفه
بتدى الواحد فرصه انه يأدى فروضه
اللى المفروض تكون شئ اساسى فى شهر كريم زى ده
كمان كان فى حاجه جميله جداااا
والجيل بتاع دلوقتى ضاع منه كتير اوى انه ماشفهاش ولا عاش معاها زينا
وهى طبعا الفوازير
نيللى وشيريهان وسمير غانم
شئ لا يعوض بجد
كانت جميله اوى حتى لو شوفناها دلوقتى وحسينا انها كانت سهله وعبيطه
بس فيها شغل وموسيقى واسلوب واستعراض
مفيش حد بيقدمه دلوقتى


 
اما دلوقتى
المسلسلات فى رمضان تعتبر وباء
بمعدل 50 مسلسل بيتعرضوا كل يوم على مختلف القنوات
من المسلسلات المصريه للخليجيه للسوريه للبنانيه للتركيه للكوالالمبوريه
اهو كله ماشى واحنا ادينا بنتفرج
هو ليه المنتجين والا الممثلين دول مش بيرأفوا بحالنا ويراعوا مشاعرنا
ويعرضوا عدد كافى ان الواحد يتابع اللى بيقدموه
الواحد بطل اصلا يتفرج على حاجه خالص
لانه عارف ان كل ده هيتعاد تانى من اول وجديد بعد رمضان
واحنا فى الاخر اللى بيجيلنا هبل فى دماغنا من كتر اللى بنشوفه
وياسلام بقى على الفوازير
ياسلام كده لما الاقى الست ميريام فارس جايلنا تعملنا الفوازير
والنبى فيهم الخير
هو حد يلاقى ميريام فارس ترقصله كل يوم ويقول لا
هى بس لو تتعرض فى اى وقت غير رمضان
احتمال الواحد يشوفها
ولو انى اشك بردو

*******************************

دعاء النهارده

اللهم اجعلنى فيه من المستغفرين
واجعلنى فيه من عبادك القانتين
واجعلنى فيه من اوليائك المقربين
برأفتك يا ارحم الراحمين

******

حدث النهارده

حدث فى 6 رمضان
 
22 هجري

اتجهت سرية أرسلها عمرو بن العاص إلى بلاد النوبة في السودان بقادة عقبة بن نافع, واشتبك مع قبائلها, ثم عقد معها صلحا.‏

63 هجري

تم فتح بلاد السند بقيادة محمد بن القاسم الثقفي بعد انتصار الجيش العربي في اليوم الموافق 14 أيار 682 ميلادي, وكان ذلك في منتصف عهد الوليد بن عبد الملك باني الجامع الأموي, وفي أيام الوليد بلغ الجيش العربي القوقاز والمغرب والأندلس وصقلية وبخارى وسمرقند.‏

91 هجري

عبر طريف بن مالك المضيق الذي يفصل بين المغرب والأندلس على راس قوات استطلاع قوامها مائة فارس وأربعمائة من راجل (مشاة), ونزل في مكان أطلق عليه اسمه (تاريفا) حتى الآن, بينما أطلق على المضيق اسم طارق الذي قام بفتح الأندلس بعد انتصاره على لذريق (رودريكو) في رمضان عام 92 كما عبر موسى بن نصير المضيق ليتابع الفتح في رمضان 93 هجري.‏

210 هجري

بايع الناس الإمام علي الرضا بن موسى بن جعفر بن محمد بن علي بن الحسين بن علي بن أبي طالب رضي الله عنهم.‏

وقد وجه الخليفة العباسي المأمون الدعوة إلى الرضا للتوجه إلى مرو, وهناك استقبله استقبالا حارا, وعرض عليه أن يخلع نفسه من الخلافة ويسلمها للرضا, وظل على ذلك شهرين, لكن الرضا أبى ما عرضه المأمون ورضي بولاية العهد, وما حدث أن عليا توفي في خلافة المأمون ودفن في طوس شمال شرق إيران, وبوفاته بقيت الخلافة في الأسرة العباسية.‏

223 هجري

حاصر الخليفة العباسي المعتصم مدينة عمورية في مثل هذا اليوم المصادف الأول من آب 838 ميلادي, وكانت عمورية إحدى أزهى المدن في آسيا الصغرى, وتمكن من تحطيم أسوارها ودخولها, شن الحرب على عمورية معروفة في كتب التاريخ والأدب أنها استجابة لامرأة استنجدت به بقولها (وامعتصماه) فقال لها لبيك عندما نقلت إليه استغاثتها.‏

والواقعة كاملة أن المعتصم قاد جيشا كبيرا للرد على العدوان البيزنطي, فقد استغل الإمبراطور البيزنطي تيوفولوليس انشغال المعتصم بالقضاء على وثورة بابك الخرمي وأغار على مدينة زبرطة وأحرقها وأسر من فيها من المسلمين, فلما جاءت الأخبار إلى المعتصم سأل عن أكثر مدن الروم عزة وصعوبة فقيل له مدينة عمورية, وقد حاول المنجمون ثنيه عن مقصده لأنهم وجدوا في كتبهم أنه سيهزم في ذلك الوقت, لكن المعتصم لم يستمع إليهم ومضى في رد العدوان البيزنطي, وفي ذلك قصيدة البحتري ومطلعها: السيف أصدق أنباء من الكتب.‏
 
 364 هجرى

  أثناء ظهور الدولة الفاطمية في مصر والشام دخل الروم البيزنطيون بعلبك وأحرقوا ما حولها سلباً ونهباً ، ووصلت جيوشهم إلى البقاع وما حولها
 
387 هجرى
أصدر الخليفة الفاطمي الحاكم بأمر الله قراراً باعفاء الصيادين في البحر الأحمر من دفع ما عليهم من ضرائب .

395 هجري‏

وصل إلى مصر العالم الكبير حسن بن الهيثم, في اليوم المصادف للأول من شهر حزيران للعام الميلادي 1005 ملبيا دعوة خليفتها الحاكم بأمر الله الفاطمي لاستشارته في أمر استغلال مياه نهر النيل و التحكم في فيضانه, وقد قام ابن الهيثم بزيارة إلى أسوان في الجنوب للتعرف على فيضان النيل و استخدام أدواته و كان نواة للتفكير في السد العالي الذي تم إنشاؤه في العصر الحديث.‏
 
436 هجرى
 
وفاة الوزير الفاطمي المشهور أبو القاسم الجرجائي 
وحين توفي ترك في بيت المال 1.7 مليون دينار 
بالاضافة إلى 621 ديناراً ونصف دينار وثمن دينار
أي كان الحساب الفاطمي دقيقاً في تقييد الداخل والمنصرف ..!!
 

532 هجري

قام جماعة من المتأولين بقتل الخليفة العباسي الراشد أبو جعفر, حين توجه إلى همدان وقتلوه غدرا, وبلغ الخبر السلطان مسعود عندما كان متوجها من بغداد إلى الموصل, واستبق القتلة ذلك بفتوى تبيح خلع الحاكم الذي يثبت فسقه.‏
 
 

16 comments

Radwa Ashraf said...

بلاس أتكلم ع المسلسلات و البرامج
عشان الواحد لسة بادئ صيام ..
بس نفسى يفهمةا أنهم بيتعالموا مع بنى آدمين لما يلاقوا 50 مسلسل فى رمضان مش هيشوفوا حاجة
لآنهم هينسوا أصلا هم شافوا ايه من كترهم !!
و ياريتهم حلوووين كمان أو ينفعو أنهم حتى يتعرضو فى رمضان

Bent Men ElZman Da !! said...

تحسى انهم بيتعاملوا مع ناس مبرمجه مثلا
مش اننا بنى ادمين وعندنا قدره محدد فى استيعاب كل المسلسلات دى
ده غير اننا اصلا فى رمضان الواحد المفروض يبعد عن الجو ده خالص
بس هما مش قادرين يفهموا ده !!

ميرسى ليكى يا رضوى ومنورانى دايما :))

شهرزاد المصرية said...

أنا عاجبانى اوى مقالاتك دى عن رمضان زمان
فعلا رمضان زمان كان مختلف و له طعم جميل
و فوازير نيللى و شريهان و سمير غانم كانت رائعة و لا يمكن تعويضها
و كان يا دوب هما كام مسلسل على القنوات الأرضية الواحد يتابعهم بس كانوا روعة منتهى الجمال و الرقى
مش زى دلوقت كل حاجة كثير و بسرعة ومالهاش طعم

كل سنة و أنت طيبة يا عزيزتى

ابراهيم رزق said...

كان زمان فى الستينات و السبعينات كان فى فوازير الثلاثى سمير و جورج و الضيف و كانت اخراج محمد سالم

الفوازير دى اشتغل فيها عمالقة مثل صلاح جاهين و حسين السيد و الموجى و كمال الطويل القائمة طويلة

تحياتى

Bent Men ElZman Da !! said...

شهرزاد المصرية

زمان رغم ان الحاجات كانت قليله
بس ليها طعم
دلوقتى العكس صحيح

شكرا لحضرتك جدا ومبسوطه ان البوستات عجبتك :)
نورتينى

Bent Men ElZman Da !! said...

ابراهيم رزق

انا مش شوفتهم بصراحه
بس اكيد الحاجات دى اجمل واجمل
كل ما الحاجه بتكون قديمه كل ما بتكون ليها طعم خاص
وفوازير اشتغل فيها ناس كبار زى دول
دلوقتى ماعتقدش ان حد فينا اصلا يعرف مين حتى مخرج الفوازير دى

شكرا لحضرتك ونورتنى :))

reemaas said...

ده بسبب ان فيه يجى عشرومية قناه
زمان قانت الاولى والتانيه ومسلسلين تلاته مع الف ليله والفوازير كده يبقى رمضان بجد
لكن دلوقتى حاجة خنييييييييييقه النليفزيون ده

كريمة سندي said...

والله بوست جميل أوي لا تعليق لي سوى قول إيش جاب لجاب

أحسنت اختيار موضوع التدوينة الجميلة دي تحياتي الصادقة

Bent Men ElZman Da !! said...

reemaas

ماهما مش فاهمين الحكايه بالكيف مش بالكم
كل ما العدد بيكبر كل ما الحاجات بتبقى ممله اكتر ومباحه اكتر طول السنه مش فى شهر رمضان بس

ميرسى ليكى يا جميله :)

Bent Men ElZman Da !! said...

كريمة سندي

فعلا فى فرق كبير

شكرا لحضرتك جدا ومبسوطه انها عجبتك نورتينى :)

heba atteya youssef said...

جميله كعادتك

احييك ع الفكره الرائعه

حدث فى 6 رمضان

سلمت يداك

مصطفى سيف الدين said...

انا اسف اولا على تقصيري لكن حضرتك عارفة رمضان والوقت مش ملكك فيه
بصراحة التلفزيون زمان وزمان اوي كان بيجيب مسلسلات تاريخية ودينية هادفة دلوقت اي كلام في اي كلام واللي يتابعه هيضيع صيامه بين متابعة سبعين مسلسل
تحياتي

Bent Men ElZman Da !! said...

heba atteya youssef

ميرسى ليكى يا جميله على زوقك
ومبسوطه ان الفكره عجبتك
ونورتينى :))

Bent Men ElZman Da !! said...

مصطفى سيف

ولا يهمك يا دكتور
انت منورنى دايما فى اى وقت :))

زمان كان فى حاجات قليله وهادفه فى نفس الوقت
ودى الميزه اللى مش موجوده دلوقتى للاسف

شكرا ليك جدا :))

الذوق الرفيع said...

مقالك مميز عن رمضان بصراحة
وبالفعل الزمن ده تغير كثييييير
الله يستر لوين بيوصل حالنا الله المستعان
اعذريني على التقصير في متابعتك
ولكني مشغولة جداً
تحياتي ^_^

Bent Men ElZman Da !! said...

الذوق الرفيع

ربنا يستر ونفضل على كده ومش نتغير اكتر
ولا يهمك يا جميله يكفينى انك بتدخلى من وقت للتانى ده شئ بيشرفنى
وربنا يقويكى :))

منورانى :)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment