08 August 2011

(7) رمضان بين زمان ودلوقتى

.




مدفع الفطار من ايام الفاطميين
اللى كتيير من عاداتنا خدناها فى العصر ده ومنها اللى مرتبطه برمضان
كان فى العصر ده مدفع الفطار مؤشر اساسى للفطار
وهو الطريقه الوحيده اللى بيتم بيها الاعلان عن وقت الفطار
لعدم وجود ميكروفانات تسمع كل الناس
ولا وسائل اعلاميه مختلفه زى الراديو والتليفزيون
فا كان مدفع الفطار هو الوسيله الوحيده لاعلان ميعاد الفطار

وفى عصرنا احنا
كان المدفع كمان مهم رغم ظهور الراديو وفيما بعده التلفزيون فى بدايته
بس الناس لانها اتعودت عليه فا كان اساسى
حتى لفتره قريبه كان فى التلفزيون المصرى لازم قبل آذان المغرب
يجيبوا اشاره ان المدفع ضرب
كان شئ رمزى بس تمسك مننا بالعادات القديمه الجميله

اما دلوقتى
المدفع مش بقاله دور
ونادرا لما الواحد بيشوفه اصلا
المدفع الحقيقى الوحيد اللى شوفته كان فى المتحف
مش بقاله دور زيه زى المحسراتى وغيره من المظاهر الكتير
اللى اختفت ومابقتش موجوده

************************************

دعاء النهارده

اللهم اعنى فيه على صيامه وقيامه
وجنبنى فيه من هفواته واثامه
وارزقنى فيه ذكرك بدوامه
بتوفيقك يا هادى المضلين

*******

حكمه النهارده

التمر على اختلاف أنواعه يعد من أفضل الأغذية على الإطلاق
لقيمته الغذائية العالية وتنوع ما يمد الجسم به من طاقة وبروتينات وحديد

ومن أنواعه العجوة وهي أطيب التمر وألينه وألذه
وفي الصحيحين عن سعد بن أبي وقاص 
ورد عن النبي قوله " صلى الله عليه وسلم"
...((من تصبح بسبع تمرات عجوة لم يضره ذلك اليوم سم ولا سحر ))

وقال " صلى الله عليه وسلم"
(( بيت لا تمر فيه جياع أهله ))

وجاء في كتاب الطب النبوي 
أن التمر مقوي للكبد ملين للطبع
، وهو من أكثر الثمار تغذية للبدن
كما ورد أن أكله على الريق يقتل ديدان وطفيليات الجهاز الهضمي
فهو فاكهة وغذاء ودواء وشراب وحلوى .

وهناك الكثير لا يدركون قيمة السنة والهدي النبوي 
في الإفطار على التمر الذي سنه رسول الله صلي الله عليه وسلم
، فعن أنس رضي الله عنه قال
(كان رسول الله صلى الله عليه وسلم يفطر قبل أن يصلي على رطبات فإن لم تكن تميرات حسوات من ماء) 
رواه أبو داود والترمذي وقال حديث حسن.

وقد روي في الأثر:
(من أفطر صائماً بشق من التمر فله الجنة)
ولقد حث الرسول صلى الله عليه وسلم 
الصائمين في رمضان أن يجعلوا بداية فطورهم بعد صيامهم 
أن يكون على الرطب أو التمر؛ 
وذلك لأنهم فقدوا ما ادخروا من سكريات خلال ساعات صومهم.

إن نقص نسبة السكر في الجسم أثناء الصيام 
هي التي تسبب الإحساس بالجوع وليست قلة الطعام والشراب هي سر ذلك؛
ولذا كان السر في الإفطار بالتمر وكذلك كالسحور، 
وخاصة أن سكر الفركتوز يعوض السكر المحترق في الدم 
نتاج الحركة وبذل الجهد فلا يفتر الصائم ولا يتعب 
ناهيك عن أنه يقوي الكبد والقلب والدم 
لما يحتويه من منجم معادن سهلة وسريعة الامتصاص 
فخلال ساعة يهضم التمر كالعسل وهذه حكمة ربانية كبيرة.


19 comments

سواح في ملك اللــــــــــــــــــه- said...

هي فكرة المدفع دي كانت فكرة عبقرية في هذا الوقت

جزاكي الله خير ا علي التذكير

Noha Saleh said...

معاكى حق والله بس احنا عندنا مسحراتى :)

EL pRiNcEssA said...

طب كويس اوي اخر معلومة دي لاني انا واهلي دايما نفطر بلح
جزاكي الله خيرا

Bent Men ElZman Da !! said...

سواح في ملك اللــــــــــــــــــه-

شكرا ليك جدا
ومنورنى دايما :))

Bent Men ElZman Da !! said...

Noha Saleh

يا بختكم والله

ميرسى ليكى يا قمر نورتينى :))

Bent Men ElZman Da !! said...

EL pRiNcEssA

مبسوطه ان عجبتك المعلومه
ميرسى ليكى يا قمر :)

ابراهيم رزق said...

اولا متشكرين على المعلومات القيمة

يجب ان ان نحافظ على طقوسنا و تراثنا مازال فى انجلترا موعد تغيير الحرس من امام القصر الملكى مقدسا و بنفس الازياء بل اصبح مزارا للسياح
يجب ان نحافظ حتى لا نندم بعد ان تندثر

تحياتى

Radwa Ashraf said...

للأسف معاكى حق , حتى المدفع
اللى هو كا أساس رمضان معادش له دور !!
هو و المسحراتى اللى اختفى
ميرسى على الدعاء الجميل و المعلومات عن البلح
مكنتش عارفة كده عنه :)

Lady E said...

عجباني اوي السلسلة الرمضانية دي معلومات بجد رائعة وفي معلومات أول مرة اعرفها كمان

بجد بجد تسلم ايدك

انا لسه بحب أشوف المدفع كل يوم قبل الفطار في تلفزيون الشارقة لان التوقيت قريب من التوقيت هنا وكمان ساعات كتير بفتقد المسحراتي مع ان الناس اساسا دلوقتي مش محتاجين يناموا علشان يصحوا هما بيسهروا من غير اي مؤثرات :)

Unknown said...

كل سنة وانت طيبة
الا يطلع ايه المحسراتى ده
حد يقعد يحسرك على اللى فات؟

blue-wave said...

حلو الدعاء
وانا بحب التمر جدا على فكرة:))

Bent Men ElZman Da !! said...

ابراهيم رزق

للاسف ده بيحصل فى انجلترا واحنا لا
مع ان المفروض احنا اللى نحافظ اكتر كده

شكرا لحضرتك على متابعتك
ومنورنى دايما :))

Bent Men ElZman Da !! said...

Radwa Ashraf

ميرسى ليكى يا رضوى ويارب اكون قدرت افيدك
ومنورانى دايما يا جميله :)

Bent Men ElZman Da !! said...

Lady E

الناس اصلا بيدأو يسهروا تقريبا الساعه 1 وقت ما المسحراتى بيكون جاى
يعنى هو بيجى تقضيه واجب بس تقريبا
مبسوطه اوى ان السلسله دى عجبتك
نورتينى بجد :))

Bent Men ElZman Da !! said...

تايه

هو تقريبا المسحراتى دلوقتى بيجى عشان يحسرنا فعلا على اللى فات

شكرا ليك اوى:)

Bent Men ElZman Da !! said...

blue-wave

شكرا ليك اوى
ونورتنى :))

reemaas said...

حابه اعترفلك اعتراف

لما قلتى انك هتكتبى كل يوم بوست رمضان ماتخيلتش انك هتعرفى تطلعى كل الحاجات دى

برافو بجد

Bent Men ElZman Da !! said...

reemaas

ميرسى ليكى يا نور
انا بردو ماكنتش متخيله ههههههه
انا كده خلصتها كمان
ومبسوطه اوووى انها عاجبتك
منورانى دايما :))

شهرزاد المصرية said...

ليه و الفانوس إللى على شكل مدفع و بيضرب كمان راح فين
جميلة سلسلتك هذه عن رمضان فكرة جميلة و كتابةممتعة
تحياتى

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment