09 August 2011

(8) رمضان بين زمان ودلوقتى

.



دى تقريبا معظم او كل الحاجات اللى انا شايفاها اختلفت فى رمضان
بين زمان ودلوقتى
يمكن اكون بيتهيألى وانا اللى بحن كتير لكل حاجه قديمه وبتفكرنى بزمان
يمكن انا اللى شايفه كل حاجه مش بنفس جمال حياتنا زمان

اللى حسيته اتغير من وجهه نظرى الشخصيه قولته
جايز يكون التغيير ده فى المحيط اللى حواليا بس
بس فعلا زمان كانت كل حاجه بتاخد مننا حقها فى الاحساس بيها

و الاكيد
ان مع الوقت
لمعان الدهب بيقل
وده بالظبط اللى بيحصل لعادات كتير كنا متعودين عليها

والاهم من كل ده
ان شهر رمضان نفسه برونقه وهدوئه النفسى وعباداته وطابعه الدينى
مش بيتغير وبيفضل عايش جوانا دايماً


كده سلسله رمضان بين زمان ودلوقتى انتهت
ومش هانزل بوست بكره
هاخد يومين تلاته كده اجازه
وان شاء الله لما ارجع
هاتكلم عن سلسله جديده

****************************

دعاء النهارده

اللهم أجعلنى فيه من المتوكلين عليك
وأجعلنى فيه من الفائزين لديك
وأجعلنى فيه من المقربين اليك
بأحسانك يا غايه الطالبين

******

صوره النهارده




22 comments

سواح في ملك اللــــــــــــــــــه- said...

رمضان هو رمضان

بس حالة التفكك الي اصابتنا

كنا دايما نفرح باللمة

دلوقتي نادرا ماتجدي ذلك

نظرا للظروف الاقتصادية

فالناس مبقتش فاضية للمجاملات والعزومات

زي زمان

Bent Men ElZman Da !! said...

يعنى بردو المشكله فينا فى الاول والاخر
ونقدر نغير ده

شكرا ليك على متابعتك :))

heba atteya youssef said...

والاهم من كل ده
ان شهر رمضان نفسه برونقه وهدوئه النفسى وعباداته وطابعه الدينى
مش بيتغير وبيفضل عايش جوانا دايماً

صدقت ..سلمت يداك

Bent Men ElZman Da !! said...

شكرا ليكى يا هبه
نورتينى :))

EL pRiNcEssA said...

لا لسه متكلمتيش عن الخشاف
ولسه متكلمتيش عن الجدة اللي كانت بتنور البيت
والجدة بتاعت دلوقتي اللي بتخرب البيت
متكلمتيش عن الاب ودخلته علي ولاده بعد الشغل ف رمضان
وحاله اللي اتغير دلوقتي وبقا يضرب فيهم
متكلمتيش عن العيدية
عن يوم العيد
لا لسه السلسلة منتهتش
فكري بس واحنا معاكي اهو

Bent Men ElZman Da !! said...

EL pRiNcEssA

فعلا والله معاكى حق
كل الحاجات دى اتغيرت
بس يمكن لانى اصلا مش عشتها
فا مش جت فى دماغى للاسف
انا حسيت ان اللى قولته ده اللى اتغير من حواليا مش اكتر
يعنى دى اكتر حاجات انا لمستها حواليا وحسيت بعدم وجودها
فى كتير حاجات اتغيرت فى محيط وبيئه كل واحد عايش فيها
عشان كده دلوقتى كل واحد فينا بقى شايف رمضان دلوقتى بنظرته المختلفه عن نظرته ايام زمان

ميرسى ليكى اوووى يا قمر
وبجد منورانى :))

مصطفى سيف الدين said...

رمضان هوه هوه
احنا اللي بنتغير
تحياتي

ابراهيم رزق said...

فعلا الحياة تغيرت و الطقوس تغيرت

يبقى للذكريات شجن جميل لانها مرتبطة بالطفولة البريئة و اشخاص قد يكونون بعيدا عنا

تحياتى

صاحبة الشباك said...

فعلاً والله
إحساسنا بكل بقى متغير
مافيش جوانا غير الحنين لكل اللي أحنا بنحسه
الواحد مهما حاول يقنع نفسه بإنه هيحاول حد يغير الإحساس اللي جواه ده ، بس برضو في حاجة ناقصة !

يا رب بس يتقبل مننا عبادته وطاعته :)

reemaas said...

السؤال اللى بيطرح نفسه هنا بقى يا بنوتة تفتكرى الاجيال الجايه هيترحموا على انهى رمضان فيهم
رمضان بتعنا ولا رمضان اللى هبقى بتاعهم؟

شهرزاد المصرية said...

سلسلة جميلة يا عزيزتى يؤسفنى إنها إنتهت فقد أحببتها
و يدهشنى أنك صغيرة فى السن و تحنين للماضى بهذا الشكل
فهذا ليس طابع جيلك و لكنك مختلفة و هذا شئ جميل
فى إنتظار سلسلتك الجديدة

تحياتى

sendbad said...

للاسف الشديد كل يوم بنفقد حاجة جميلة جوانا ومش عارفين ياتري العيب فينا ولا في اللي حولينا ورغم الاختلاف ندعو الله يان يتقبل منا ومنكم صالح الاعمال
تقديري واحترامي

كريمة سندي said...

التغيير سمة من سمات العصر وفي اعتقادي أن العولمة لعبت دور كبير في تغير الدفة بين رمضان الأمس ورمضان اليوم

مجهود رائع بذلتيه غاليتي تحياتي الصادقة

Bent Men ElZman Da !! said...

مصطفى سيف

فعلا يا دكتور انا معاك جدا
شكرا ليك ونورتنى :)

Bent Men ElZman Da !! said...

ابراهيم رزق

دايما احنا فى المواققف اللى بنلاقى حاجات راحت مننا
مش بيكون فى ايدينا غير الذكريات

شكرا لحضرتك ونورتنى :)

Bent Men ElZman Da !! said...

NaDa

بيبقى ناقص احساسنا الجميل بكل حاجه عدت

ميرسى ليكى يا جميله ومبسوطه بزيارتك اوى :)

Bent Men ElZman Da !! said...

reemaas

هما هيفتكروا الزمن بتاعهم بس
عشان مش عاشوا اللى احنا عشناه للاسف

ميرسى ليكى يا جميله :)

Bent Men ElZman Da !! said...

شهرزاد المصرية

شكرا لحضرتك جدااا
وسعيده برأيك ده اوووى بجد

نورتينى :))

Bent Men ElZman Da !! said...

sendbad

للاسف التغيير مننا عشان احنا اللى بننسى عاداتنا
وربنا يتقبل مننا صالح الاعمال ياارب

شكرا ليك ونورتنى :))

Bent Men ElZman Da !! said...

كريمة سندي

زى ما العولمه غيرت كتير من حياتنا وعاداتنا
اكيد غيرت بين رمضان زمان ودلوقتى
بس يارب التغيير يقف لحد كده

شكرا لحضرتك ونورتينى :))

rona ali said...

انتى يا دودو مش سبتى حاجه بجد كلهم رائعين كلهم بيفكرونى بايام زمان ولو انى بالنسبه لجيل اللي قبلي يبقي مشوفتش حاجه
تسلم ايدك بجد علي الذكريات دى :)

Bent Men ElZman Da !! said...

كلمات من نبع احساسي

ميرسى ليكى يا جميله على زوقك
مبسوطه اووى بجد ان السلسله عاجبتك
منورانى يا قمر :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment