01 August 2011

اهــلا رمــضـــان

.




رمضان شهر لكل سنه
بس شهر بالسنه كلها
كل يوم فيه بيكون مميز
كل حاجه فينا بتبقى مختلفه
احساسنا بكل حاجه حوالينا
قربنا من ربنا
صله الرحم بتزيد
بنحس اننا متصالحين مع نفسنا اكتر
متصالحين مع كل اللى حوالينا اكتر
صعب رمضان يجى واحنا متخاصمين مع حد
بنبقى مبسوطين ان كل حاجه من جوانا وحوالينا حلوه
وبيبقى نفسنا السنه كلها تبقى رمضان عشان نفضل بنفس الحاله دى


من اكتر الحاجات المميزه لرمضان
واللى بتعبر عن جو رمضان على مدار السنين
اغانى رمضان اللى ماتغيرتش من زماااان
والواحد صعب يحس بطعم وريحه رمضان فى اغانى غيرها
زى رمضان جانا ومرحب شهر الصوم وغيرها كتير
وعرض الفوانيس فى جميع المحلات
واقبال الناس على شراء الاكلات اللى بيتميز بيها الشهر ده
برغم من انها ممكن تكون متواجده طول السنه
بس ليها طابع مميز جدا فى رمضان

رمضان فى كل بلد من البلاد العربيه ليه طابع خاص
وكل بلد ليها عاداتها وتقاليدها اللى مميزه بيها فى شهر رمضان
يمكن مع السنين العادات دى بتقل او بتختلف الى حد ما
بس الروح نفسها الخاصه بالشهر ده
دايما باقيه


رغم انى دايما بتمنى السنه تجرى بسرعه عشان الشهر ده يجى
بس فى حاجات ببقى مفتقداها دايما
بحس كتير جدا ان رمضان مختلف دلوقتى عن زمان
انا اه سنى مش كبير
بس انا اللى شوفته دايما فى شهر رمضان 
بيقل احساسه ووجوده مع الوقت
 
بمناسبه ان فى حمله للتدوين الشهر ده
ولانها جايه فى شهر رمضان بالذات
فا انا نويت ان شاء الله
انى هبدأ الشهر ده بموضوع كان فى دماغى
هاتكلم فيه عن عادات او تقاليد اتعودنا واتربينا عليها فى رمضان
يمكن تكون اختلفت مع الايام

وفى الايام الجايه
هاعمل سلسله اسمها رمضان بين زمان ودلوقتى
هقول كل يوم حاجه انا شايفاها بقت مختلفه فى شهر رمضان عن زمان
هقول اللى انا شايفاه من وجهه نظرى الشخصيه فقط لا غير
وبعد السلسله دى هاتكلم عن ظواهر اجتماعيه بنلاحظها اوى فى الشهر ده
سواء كانت محببه لينا او غير محببه

يعنى التدوين الشهر ده
هيكون خاص بشهر رمضان الكريم بس
سواء دينياً او اجتماعياً



35 comments

Ramy said...

كل سنة و انت طيبة

رمضان كريييم

ياسمين said...

كل سنة وانت طيبة ياجميل..وتددوين موفق .,,وعندك حق اي حاجة ف رمضان بتبقي ليها طعم تاني خاص مختلف

m.hallawa said...

السلام عليكم
كل سنة وانتى طيبة
فكرة طيبة بجد
انا خصصت قسم عندى سميتة رمضانيات
طبعا خاص للشهر الكريم
اعادة الله علينا وعليكم باليمن والبركات
وتقبل الله منا ومنكم سائر الاعمال
وجعلها في ميزان حساناتك
تحياتي

Tarkieb said...

كل سنة وانت طيبة ورمضان كريم
اخوكي صاحب محل عالم تركيب ع الناصية اللي جنبك

ابراهيم رزق said...

يعنى هتكتبى حاجة بريحة المسحراتى و طعم الكنافة و القطايف و شكل الفانوس

لو صح قولى صح لو مش صح اعتبريه تخاريف صيام

تحياتى

Mona Hekal said...

كل سنة و انتي طيبة و بألف خير

و اكيد البوستات الجايه هاتكون جميلة لانها عن
رمضان و خصوصا انك اكيد هاتوصفي فيها رمضان الشبراوي :)) هاستناها كل يوم

اما عن العادات الجميلة اللي ابتدت تتلاشي يا رب نحافظ علي الباقي منها لاننا من غيرها مش هانحس ابدا بجمال رمضان و ايامه

رمضان كريم

reemaas said...

بس رمضان فى مصر غير على فكرة يا بنوتة

مختلف تماما عن باقى البلاد

ينعاد علينا بالخير يارب

بالنوسبة للحمله
يارب اقدر اتابع يوميا لانى مش هقدر اشارك فى رمضان خالص

مصطفى سيف الدين said...

رمضان اتغير خالص بين زمان ودلوقت
ربنا يوفقك في الحملة ورمضان كريم

من كل بستان زهرة said...

كل سنه وانت طيبه يا بنوته
ربنا يتقبل منك صيامك وقيامك

رمضان كريم

زهرة الضحا said...

كل سنه و انتي و كل المسلمين بخير
انا بحس إن أروحنا بتختلف في رمضان
ربنا يجعله سبب للعتق لينا من النار و يجعله شفاعه لينا يوم القيامه

تاكاشى said...

حلوةالفكرة جدا جدا

وفرصه ناخد بالنا من حاجات كتير فايتانا

رمضان مابيتغيرش احنا اللى بنتغير

بدايه موفقه وشهر كله خير عليكي وعلينا كلنا ان شاء الله

heba atteya youssef said...

بس فى حاجات ببقى مفتقداها دايما
بحس كتير جدا ان رمضان مختلف دلوقتى عن زمان
انا اه سنى مش كبير
بس انا اللى شوفته دايما فى شهر رمضان
بيقل احساسه ووجوده مع الوقت
...............

عندك حق .. بس كل سن وليه أحاسيسه ومشاعره
دائماً مانتمني ان نعود اطفال
نحن نحب الماضي لأنه ذهب .. ولو عاد لكرهناه
تحياتي

سواح في ملك اللــــــــــــــــــه- said...

انشاء الله هنتابعك

كل عام وانتي بخير

Radwa Ashraf said...

رمضان كريم و كل سنة و أنتى طيبة يا جميلة =)
و أكيد رمضان بيختلف فى كل سنة
و انا طبعا منتظرة تدويناتك ان شاء الله
:)

Emtiaz Zourob said...

كل سنة وانت طيبة ،، بالتوفيق في الحملة اليومية وان شاء الله من المتابعين لكل جديد ..

Emtiaz Zourob said...

كل عام وانت بخير ..
وبالتوفيق في الحملة

Mahmoud Ahmed said...

السلام عليكم
اهلا رمضان ، و اهلا باول ايام رمضان

منتظرين البوستات و يارب بس اعرف اشوفها
عشان دخولي قليل :(

Bent Men ElZman Da !! said...

Ramy

الله اكرم
كل سنه وانت طيب :)

Bent Men ElZman Da !! said...

ياسمين

وانتى طيبه :))
ميرسى ليكى يا ياسمين

Bent Men ElZman Da !! said...

m.hallawa

ان شاء الله اتابع حضرتك
شكرا ليك جدا :))

Bent Men ElZman Da !! said...

Tarkieb

الله اكرم
نورتنى :)

Bent Men ElZman Da !! said...

ابراهيم رزق

بالظبط كده
لا ماهو حضرتك مش بتقول حاجه غلط ابدا :))

Bent Men ElZman Da !! said...

Mona Abo - Elso3od

وانتى طيبه يارب
اه هاوصف رمضان الشبراوى
بس اكيد مش هيجى زى وصفك ليه :))
فعلا ياريت نحافظ على اللى باقى بس

ميرسى ليكى ونورتينى :)

Bent Men ElZman Da !! said...

reemaas

رمضان فى كل بلد فيه حاجه مميزه
ميرسى ليكى يا قمر :))

Bent Men ElZman Da !! said...

مصطفى سيف

شكرا ليك جدا
نورتنى :)

Bent Men ElZman Da !! said...

من كل بستان زهرة

اللهم امين
كل سنه وانتى طيبه يا جميله :))

Bent Men ElZman Da !! said...

زهرة الضحا

اللهم آمين
وربنا يتقبل مننا

ميرسى ليكى اوى :)

Bent Men ElZman Da !! said...

تاكاشى

احنا اللى نتغير وبنغير جو رمضان من حوالينا باختلافاتنا

كل سنه وانت طيب
وشكرا ليك :))

Bent Men ElZman Da !! said...

heba atteya youssef

عاجبتنى جملتك اوى
احنا دايما بنحن لاى حاجه فاتت

ميرسى ليكى ونورتينى بزيارتك :))

Bent Men ElZman Da !! said...

سواح في ملك اللــــــــــــــــــه-

ميرسى ليك وكل سنه وانت طيب :))

Bent Men ElZman Da !! said...

Radwa Ashraf

وانتى طيبه يا رودى
ميرسى ليكى يا قمر ومنورانى :)

Bent Men ElZman Da !! said...

وجع البنفسج

شكرا لحضرتك
وكل سنه وانتى بألف خير :)

Bent Men ElZman Da !! said...

سبايدرمان

شكرا ليك يا محمود
وفى انتظار تدويناتك انت كمان :))

EL pRiNcEssA said...

كل سنة وانتي طيبة ياقمرررررر

Bent Men ElZman Da !! said...

EL pRiNcEssA

وانتى بخير دايما يا جميله :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment