26 August 2011

حجاب رمضان ..!!!

.



من ضمن الظواهر اللى بنشوفها فى رمضان
هى حجاب رمضان
وسبب التسميه دى
ان الحجاب عند بعض البنات
بيبقى مرتبط برمضان بس
زى حكايه حجاب اتنين وخميس دى

ربنا امرنا بالحجاب
بس كل واحده فينا ليها وقت للهدايه
فى اللى ربنا كتبلها تلبس الحجاب من بدرى
وفى اللى لسه

بس الملفت للنظر
ان فى بنات بيقرروا يلبسوا الحجاب فى رمضان بس
وبيبقوا ناويين من البدايه انهم هيشلوه فى العيد

المشكله ان الحجاب كده بيكون لعبه
تلبسه لفتره او لغرض
وتخلعه
يعنى مش عن اقتناع واعتزاز بالحجاب نفسه

يعنى بدل ما بتنوى الخير وتقول يارب اهدينى على طول
واجعلنى لابساه دايماً
بتنوى انه يكون حاجه مؤقته
لكن اوقات ربنا يهدى ناس فعلا فى وقت زى ده
وتفضل لابسه الحجاب على طول
له فى ذلك حكم

*****************************************

دعاء النهارده

اللهم وفر فيه حظى من بركاته
وسهل سبيلى الى خيراته
ولا تحرمنى قبول حسناته
يا هادياً الى الحق المبين

*******

معلومه النهارده
فضل يوم الجمعه

كلنا نعرف افضال يوم الجمعة وبركته عند الله  ...
ميزات يوم الجمعة ...

1. خلق الله عز وجل آدم عليه السلام في يوم المجعة
2.أدخل الله آدم عليه السلام الجنة يوم الجمعة
3. واخرج آدم عليه السلام منها يوم الجمعة
4. ونزل آدم عليه السلام الى الارض يوم الجمعة
5. وتاب الله على آدم عليه السلام في يوم الجمعة
6. وقبض آدم عليه السلام في يوم الجمعة
7. وفيها النفخة والصعقة
8. وفيها تقوم الساعة
9. فيها ساعة لايرد فيها دعاء , 
قال رسول الله صلى الله عليه وسلم :12 ساعة لايوجد فيها عبد مسلم يسأل الله شيئا إلا آتاه الله إياه فالتمسوها آخر ساعة بعد العصر
10. أول صلاة جمعة بعد وفاة الرسول عليه الصلاة والسلام

التخلف عن صلاة الجمعه

قال رسول الله صلى الله عليه وسلم في حديث صحيح :
ليهين أقوام عن ودعهم الجمعة 
أو ليختمن الله على قلوبهم ثم ليكونن من الغافلين ...

الغسل واجب ... والتطيب محبب

قال رسول الله صلى الله عليه وسلم : 
حق على المسلمين أن يغتسلوا 
وليمتس أحدكم من طيب أهله وان لم يجد فالماء له طيب ...

توصيات في يوم الجمعة

قال رسول الله صلى الله عليه وسلم في عدة أحاديث صحيحة :
أكثروا من الصلاة علي واقرؤا سورة الكهف 
فمن قرأها أضاء الله له من النور ما بين الجمعتين


22 comments

د/دودى said...

بصى عشان برضه منبقاش قاسين هو فى الاول و فى الاخر و فى النص اختيار شخصى و قناعه و اذا كانت البنت بتلبس و تلتزم شويه عشان متضيعش صيام غيرها او عشان تحافظ على صيامها على قد ما تقدر نبقى نشجعها ...و لا نقولها لا متلبيسيش او يا كله يا بلاش ؟..ايه الداعى ...مره فمره ربنا يهدى و تقتنع

ابراهيم رزق said...

اعتقد انها ظاهرة صحية و هى بداية التعود
و مشوار الالف ميل يبدء بخطوة
و الهداية و الحجاب يبدء برمضان

تحياتى

Anonymous said...

مساء الورد بنت من الزمن دا

بالفعل لاحظت هذا الموضوع وكان يحز في نفسي

خلع بعض البنات للحجاب بعد رمضان ولكن نقول

بإذن الله أنها بادرة خير وعسى الله أن يهديهم لطريق

الصواب ...

تحياتي وإحترامي

Unknown said...

اللهم وفر فيه حظى من بركاته
وسهل سبيلى الى خيراته
ولا تحرمنى قبول حسناته
يا هادياً الى الحق المبين


موضوع الحجاب ده ياما عن اقتناع ..ويكو حجاب كامل ..يا بلاش منه

علشان ميبقاش اساءه لنا

:)

سواح في ملك اللــــــــــــــــــه- said...

خجاب رمضان عند اللي

ده فيه اعتراف ضمنني ان الي مش محجبة تبقي غلط

يعني اللي بتهاجم الحجاب في الايام العادية

وتلبسه في رمضان

دي موقفها ايه

مواضيعك مميزة تحيتي

israa essam said...

جزاكي الله كل خير يا رب الدعاء و المعلومات مفيدة جدا بس اللي انا استغربتلو ف موضوع الحجاب دة حجاب اتنين و خميس ؟؟؟!!! إزاي يعني؟؟؟ يعني بيلبسوه اتنين و خميس و باقي الاسبوع لا؟؟؟ انا سمعت عن موضوع حجاب رمضان بس اول مرة اسمع عن حجاب دة؟؟؟ يللا ربنا يهدي و جزاكي الله كل خير

Sara said...

فعلاً يا دندن
أنا بتضايق جدًا من فكرة حجاب رمضان دي
و بستغرب من بنات كتير بتقولي (طب ما بتتحجبيش حتى و لو في رمضان ؟! )
مش بفهم الغرض من الكلام دا بجد
يا إما إلتزام باللبس يا إما لا !
مينفعش اللون الرمادي دا ! مش بحبه !
و ربنا يهدي الجميع :)

rona ali said...

ربنا يهدى جميع بنات المسلمين انا من الناس اللي كان دايما الحجاب من اولى اعدادى بيشدنى بس فضلت استنى شويه البسه عن اقتناع اكثر وحب علشان مرجعش في خطوة

بس فعلا لاحظت ناس كتير في المدرسه وقتها بتعمل كدة تلبسه في رمضان تقلعه فيما بعد
بصراحه كنت بستغرب ازاى بعد ماحد قرب من ربنا بالفرض دة وحس بحلاه اايمان يرجع تانى يلبس اي حاجه وبدون ايشارب غريبه فعلا :) بس كلامك طبعا كله مظبوط

Bent Men ElZman Da !! said...

د/دودى

ماهو زى ما قولت
يمكن يكون فتره حجابها ده بدايه الهدايه اللى ربنا كتبهالها
وتكمل بعدها
المهم ان تبقى النيه خير من الاول

شكرا ليكى اوى نورتى :))

Bent Men ElZman Da !! said...

ابراهيم رزق

معاك حق يا استاذ ابراهيم

شكرا لحضرتك جدا على رأيك :))

Bent Men ElZman Da !! said...

ريبال بيهس

مساء النور
يمكن ربنا كاتبلهم البدايه فى رمضان
ربنا الاعلم

شكرا لحضرتك ونورتنى :)

Bent Men ElZman Da !! said...

خالد ناجى

ما الحكايه فى الاقتناع دى
لان كتير من البنات بتعمل كده
وبتكون متردده ومش عارفه هى عايزه تلبس الحجاب والا لا

شكرا لحضرتك ونورتنى :))

Bent Men ElZman Da !! said...

سواح في ملك اللــــــــــــــــــه-

هى كمان اللى مش محجبه بتفكر انها بلاش تلفت النظر فى رمضان
مش عشان نفسها وبس
عشان غيرها كمان

شكرا لحضرتك ونورتنى:)

Bent Men ElZman Da !! said...

فتاه في زمن غريب

حجاب اتنين وخميس
ده مجرد مسمى من ضمن المسميات
عشان يظهر ان الحجاب عند بنات كتير
مرتبط بالفترات الزمنيه زى رمضان مثلا
مش مرتبط بالاقتناع وانها لابساه على طول

شكرا ليكى جدا ونورتينى :))

Bent Men ElZman Da !! said...

Sara

الحجاب بتاع رمضان ده بحس انه زيه زى حكايه الصلاه فى رمضان بس
بتاخد ثواب عليه
بس بتاخد عقاب اكبر لما تنقطع عنه بعد رمضان

ميرسى ليكى اوى يا ساره منورانى يا قمر :))

Bent Men ElZman Da !! said...

كلمات من نبع احساسي

فى المدارس فعلا بتبقى ملحوظه اوى وخصوصا فى الثانوى مثلا
ربنا يهدينا جميعاً ان شاء الله

ميرسى ليكى يا قمر نورتينى :))

EL pRiNcEssA said...

واالله ممكن تكون بتوارب مع ربنا باب فربنا يهديها بعد كده
يعني ممكن تبدا برمضان وبعدين يبقي السنة كلها والعمر كله
فسيبوهم يعملوا كده ومتقاطعوش
خليهم يعملوا كده واكتفوا بالنصيحة يمكن ربنا يهديهم طول العمر

The illusionist said...

بخ يا دينا

حلو يا دينا

انا مبلبسش حجاب ومبقتش ابص للبنات بقالى كام يوم

بخ عليا وبخ عليكى
هو مين فين ليه بقى

اصل لو الواحد قال رأيه الرقابه هتحذف نصه

فبخ عليا وبخ عليكى

وعيد حليوه عليكى

Bent Men ElZman Da !! said...

EL pRiNcEssA

ما زى ما انا قولت يا جميله
يمكن يكون ربنا كتبهالها كبدايه
ماحدش يعلم

ميرسى ليكى ونورتينى :)

Bent Men ElZman Da !! said...

The illusionist

والله يا محمد انا مش فاهمه اى حاجه من اللى انت بتقولها :D
بس كل سنه وانت طيب :)

ابراهيم رزق said...

كل سنة و انتى طيبة
كل سنة و انتى اكثر سعادة
عيد سعيد عليكى

Bent Men ElZman Da !! said...

كل سنه وحضرتك بألف خير يا استاذ ابراهيم
وعيد سعيد عليك ان شاء الله :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment