26 September 2011

عدت ســنــه

.




اختى : على فكره انا شاكه فيكم انتوا الاتنين كلامكم الكتير ده مش طبيعى
انا : لا يابنتى عادى احنا اصحاب بس

صاحبتى : يابنتى ما تفكرى فى الموضوع ده بقى
انا : لا طبعا  انتى عارفه انه ماينفعش ابداً

صاحبه اختى : ايه يا دينا هو فى ايه بينكم
انا : مفيش حاجه
هى بردو : طب ما يبقى في (مع ابتسامه خبيثه على وشها)


زى الايام دى دلوقتى من سنه
كنت بسمع الجمل اللى فوق دى
وبيدور نفس الحوار بينى وبين اى حد بيشوف علاقتنا ببعض 
وصداقتنا اللى زادت فجأه
ورغم ان ردودى دى كنت مقتنعه بيها اوى
ورغم انى دايماً كنت بقنع نفسى ان مفيش اى حاجه بينا
الا أنى كنت متوقعه نهايه غير اللى كنت بقولهم عليها
بس ماكنتش متخيله انها هتبقى لدرجه ان دلوقتى
انا لابسه دبلتك فى ايدى

سنه عدت من غير ما احس بيها ابداً
الحلو فيها فاكراه بكل تفاصيله
عشان بس عشته معاك

مش حسيت بالسنه دى ابدا
لان السنه جنبك بتعدى ثانيه
زى ما كل حاجه حلوه بتعدى بسرعه اووى

كل حاجه عرفت انى بحلم بيها وبتمناها
حققتهالى

صعب اوى ابقى جنبك محتاجه لحاجه
عشان اصلاً انت فى نظرى كل حاجه

و مش شايفه اى حد غيرك فى الدنيا
عشان مفيش اى حد فى الدنيا يملى عينى زيك

عقبال سنين جايه كتير نعيش فيها مع بعض
واحنا بنحب بعض كل يوم اكتر من اللى قبله

سامحنى لو عملت اى حاجه فى اى وقت زعليتك من غير ما اقصد
سامحنى لو فى يوم من الايام ماعرفتش  اخليك تحس انا اد ايه بحبك
 
 شكراً لانك دايما بتتحملنى فى جميع حالاتى
شكراً لأنك دايماً معايا
شكراً لأنك حبيبى ♥

51 comments

سواح في ملك اللــــــــــــــــــه- said...

كل عام وانتم سويا

وحقق الله لكما امانيكم

شمس النهار said...

كلمات جميلة
من القلب
فادخلت القلب
:))
يارب دايما في سعادة وحب

The illusionist said...

استطيع اقول ان البوست ده

بجد بجد رفع معنوياتى بشده قوى

البوست ده مليان كوبايات شاى بالفواكه اللى بتدلدق عاطفه

الله وربنا

يعاجبنى والله العظيم

وحياه بوست التكتك اللى معلقتش عليه عااااااااااااجبنى

الله يا رايق

سوق على مهلك سوق

ابراهيم رزق said...

ربنا يديم عليكو السعادة دى يارب

و يتمم فرحتكم

و تفضل تلك الرومانسية بعد الزواج
وش واحد خبيث
ههههههههههه

يارب يسعدكوا

مصطفى سيف الدين said...

كلمات لها مذاق العسل حين يمتزج بقلوب تنبض جمالا
تحياتي لكي

Mahmoud Ahmed said...

ربنا يحققلكوا كل امنياتكوا
ان شاء الله

Miss LoZa said...

ربنا يخليكو لبعض يا رب
وعقبالى بقه
هههههههههههه

وظائف مصرية said...

ممتاز وكلام جميل مدونة رائعة شكرا لك ...

Anonymous said...

مساء الغاردينيا دينا
اخيراً عرفت أسمك :)
يارب ماأكون غلطانه ههههههه
ياه قد ايه حبيت كلامك وإحساسك ويارب دايماً مع بعض وعقبال الفرح اوعي ماتعزميني حستنى العزومة :)
وعشان المناسبة دي نفسي اهديكي أغنية بحبها اوي اوي اوي
يارب يارب تعجبك
؛؛
؛
http://www.youtube.com/watch?v=WUSfJyQP3sE&feature=relmfu
؛؛
؛
أسمعيها انتي وحبيب القلب الا هو اسمه ايه :)
؛؛
؛
لروحك عبق الغاردينيا
كانت هنا
reemaas

Anonymous said...

مساء الورد

ألف مبروك وأتمنى من الله أن يجمعكم ولا

يفرقكم وتعيشوا أحلى لحظات العمر

مع بعض ...

تحياتي وإحترامي

Bent Men ElZman Da !! said...

سواح في ملك اللــــــــــــــــــه-

شكرا ليك اوى
وربنا يحققلك كل امانيك انت كمان يااارب :)

Bent Men ElZman Da !! said...

شمس النهار

ربنا يخليكى
ويارب حياتك كلها حب ان شاء الله :)

Bent Men ElZman Da !! said...

The illusionist

ههههههههههههه
مبسوطه والله يا محمد ان البوست ده رفع معنوياتك اوى كده
ويارب دايما معنوياتك مرفوعه ان شاء الله :)

Bent Men ElZman Da !! said...

ابراهيم رزق

هههههههههههههههه
يارب يا استاذ ابراهيم
وش واحده بتتمنى ههههههه
ربنا يخليك يارب :)

Bent Men ElZman Da !! said...

مصطفى سيف الدين

تحياتى ليك على تعليقك الجميل يا دكتور
ميرسى ليك اوى :)

kmhmhgfd said...

كلماترقيقة اووى يا دينا
ربنا يديم الحب بينكم يارب :)

Bent Men ElZman Da !! said...

سبايدرمان

ويارب تحقق انت كمان كل اللى بتتمناه يارب
شكرا ليك اوى :)

Bent Men ElZman Da !! said...

Miss LoZa

ياااارب يا حبيبتى ان شاء الله
وربنا يسعدك دايما :)

Bent Men ElZman Da !! said...

وظائف مصرية

شكرا ليك :)

Bent Men ElZman Da !! said...

ريــــمــــاس

ههههههههههههههههه
كل ده مش كنتى عارفه اسمى يا ريماس
اسمى دينا صح
وهو اسمه محمد
وميرسى يا حبيبه قلبى على الاغنيه اوووووى
تسلم ايدك بجد
وربنا يسعدك دايما ان شاء الله :)

Bent Men ElZman Da !! said...

ريبال بيهس

شكرا لحضرتك جدا :)

الاحلام said...

يارب دائما فى سعاده ودائما فى هنا اتمنى من الله ان يحقق امانيكى وتكونى سعيده مع من تحبين تحياتى الاحـــــــلام

Anonymous said...

ربنا يتمملك على خير بوست في منتهى الرقه و المفروض لما يقراها يحطك فوق راسه...ربنا يديم عليكم الحب و يزيد بعد الجواز و يسعدكم دائماً يا أجمل بنت من الزمن ده :)

كل عيد خطوبه و إنتم بألف خير


شيرين سامي

reemaas said...

ربنا يهنيكوا حبيبتى ويتملك على خير يا دينا يااااااااااااااااااااارب

نيللي علي said...

ربنا يسعدك كمان وكمان وعقبال مليون سنه فى حب وهنا وسعاده

Bent Men ElZman Da !! said...

الاحلام

شكرا لحضرتك جدا
وانا كمان اتمنالك السعاده وتحقق كل اللى بتتمناه ان شاء الله :)

Bent Men ElZman Da !! said...

شيرين سامى

ربنا يخليكى يا احلى شيرين فى الدنيا
ويسعدك دايما ياااارب
ميرسى ليكى اوى :)

Bent Men ElZman Da !! said...

reemaas

ربنا يخليكى يا حبيبتى
ويهنيكى دايما يااارب :)

Bent Men ElZman Da !! said...

نيللى

ميرسى ليكى يا نيللى
وربنا يسعدك انتى كمان دايما يااارب :)

m.hallawa said...

صباح الخير
شكرا للزيارة الكريمة
تحياتي

Sara said...

جميلة أوي يا دينا :)

ربنا يخليكو لبعض دايمًا على طول :) :)

Bent Men ElZman Da !! said...

m.hallawa

شكرا لحضرتك على زوقك :)

Bent Men ElZman Da !! said...

Sara

انتى اجمل يا ساره
ربنا يخليكى يا حبيبتى ويسعدك انتى كمان يارب :)

فشكووول said...

السلام عليكم
تحياتى
انا بس بقول مبروك ولونها متأخره سنه لكن فى الخطوبه المبروك دايما طازه
خليكى مع فيروز بتقول كلام حلو وشايفه البحر شو كبير
تحياتى

rona ali said...

لاء قشطه بقي

هو دة التفائل اللي جاى في وقته

هى دى البوستات والا فلا

هو دة الروقان اللي باحساس ولو ان بقالي بحس بحس

ومافيش غير كدة دلوقتى :)

انا بقول استنى كمان سنه علشان تكتبي بوست تانى

اصل بعد البوست الرومانسي دة مينفعشي يجى بوستات تانيه بعده
:):):)

ربنا يخليكم لبعض يا دودو والدبله تبقي في الشمال بقي ان شاء الله :)

بس البوست دة
آة من البوست دة

Bent Men ElZman Da !! said...

فشكووول

كفايه والله ان حضرتك تقولى مبروك
فيروز دايما بتقول المفيد :)

شكرا ليك جدا وشرفتينى بمرورك :)

Bent Men ElZman Da !! said...

rona ali

ربنا يخليكى يا حبيبتى
ميرسى بجد على كلامك اوووى
نورتينى يا قمر :)

NaiRa said...

ya banty ana diman klamy fe elgoooooon mb2olsh 7aga w t5yaaab etl3i men dool b2aaa :f:
rbna ys3dak ya mozaa w y5lilk modddy yarb 7bib 2lpyyy :c:

Bent Men ElZman Da !! said...

NaiRa

ههههههههههههههه
ويخليكى يارب وتجنيننا دايما كده :D

Bent Men ElZman Da !! said...

zay maTigy

ميرسى ليكى يا جميله على زوقك
نورتينى :)

نهر الحب said...

:)))

الله
ما شاء الله عليكوا
ربنا يسعدك
الكلام حسسني ان فيه امل في الحياة وان الدنيا ممكن تديني حاجة حلوة في يوم من ذات الايام
:))))))))))

سعيدة اوي انك سعيدة ويا رب ديما يااااااااارب

الذوق الرفيع said...

بوست راااائع موفقة حبيبتي
سامحيني على التقصير
ودي :)

Bent Men ElZman Da !! said...

نهر الحب

ميرسى ليكى يا جميله على كلامك
واكيد مهما حصل حاجات وحشه فى حياتنا
ربنا دايما بيبقى شايلنا حاجه احسن احنا مش عارفنها
ربنا يقدملك كل حاجه فيها خير ليكى يارب :)

Bent Men ElZman Da !! said...

الذوق الرفيع

ميرسى ليكى يا قمر
وولا يهمك وربنا يوفقك انتى كمان يارب :)

كريمة سندي said...

كل سنة وأنت بخير غاليتي

السعادة الحقيقة دتكون صادقة ودائمة

Bent Men ElZman Da !! said...

كريمة سندي

شكرا لحضرتك جدا :))

maioya said...

عقبال ماتحتفلي بعيد جوازكم يادودو :)

Bent Men ElZman Da !! said...

maioya

ميرسى ليكى يا ميويا
ربنا يخليكى يا حبيبتى :)

eng_semsem said...

ربنا يديم عليكي السعاده ويملى ايامكم فرح ويقربكم من بعض اكترواكتر
تحياتي

Bent Men ElZman Da !! said...

eng_semsem

اللهم آمين
ميرسى ليك اوى على كلامك :)

الاحلام said...

كثيرا من الناس افكارهم تتعدى الحدود الاسلاميه ولكن الحمد لله ان الاسلام به العفه المطلوبه والتى حددها الله ورسوله الكريم والتى لا يمكن تعديها باى شكل
عفانا الله من كل سوء ومن الافكار الغربيه القاتله
تقبلى مرورى تحياتى الاحـــــلام

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment