07 December 2011

شويه كلام

.




لما من فتره قريبه شوفت اعلانات وزاره الاسكان 
اللى بيقولوا فيها انهم هيبنوا وحدات سكنيه 
بمعدل 25000 وحده كل سنه
واللى يحب يقدم يبقى عن طريق البريد ويبعت جوابات لوزاره الاسكان
والجواب المسجل بعلم الوصول بيكون رسومه 7 جنيه
الكلام ده فكرنى بالظبط بعد الثوره لما كله قدم على طلبات شغل
عن طريق البريد بردو لوزاره الاسكان
والحمدالله ماحدش اشتغل لدلوقتى

البلد بتتغير
و الوزارات بتتغير
والسبعه جنيه زى ما هما
اكيد العيب فى السبعه جنيه على فكره !!


most shocking
ده برنامج بيجى على ام بى سى اكشن
بيجى فيه حوادث بتحصل فى امريكا من جميع الولايات
جابوا فى البرنامج ده
ان الامريكان هناك عملوا مظاهره ضد الحكومه 
عشان كانوا رافضين حاجه معينه
مش فاكره كانت ايه للاسف
بس اللى فاكراه اوى
منظر الشوارع وهى مولعه ومتكسره 
وكل المحلات فى الشارع ده والشوارع اللى جنبه متكسره
والناس متبهدله واللى واقع على الارض واللى مصاب
لما كل ده بيحصل عندهم
اومال مش بنشوفه ومش بيتكلموا عنه ليه؟؟
ولما احنا بيحصل ده عندنا فى مصر
بيبقى فضيحه وحاجه عمرها ما حصلت ليه يعنى ؟!؟


المنحوس منحوس ولوعلقوا فى انتخاباته فانوس :D
اشمعنا انتخابات الدايره بتاعتنا الوحيده من ضمن المرحله الاولى كلها
اللى تتلغى
ايه التفرقه العنصريه دى يا جدعان
هو انا اه مش محموقه عشان مرشح معين
كنت هاموت ويكسب يعنى
لانهم كلهم فى البطيخ اساسا
بس ليه الحظ المنيل ده
لا والحركه الاجمد بقى
ان فى الاعاده الناس تنزل عادى جدا 
والمدارس تبقى موت وبالطوابير وهى اصلا ملغيه
احنا نفتخر بأننا ناس ماشيين عكس التيار :D
بالعند فيكم بردو يا مرشحين دايره الساحل
انا هانزل
ومش هاختار حد فيكم وهابطل صوتى واطلعلكم لسانى


بالنسبه للوزارء الجدد
هو الموضوع ليه قلب دار مسنين كده؟؟
وبالنسبه لفايزه ابو النجا
هى عامله لكرسى الوزاره عمل؟؟
وبالنسبه لمرارتنا الغلبانه
مش ناوين تراعو ظروفها والا ايه النظام؟؟

24 comments

nour alqamar said...

بجد موضوع حلو عجبنى كثيييير ..وبالتوفيق ليكي ياقمر
مع تحياتى لك ...
نور

Bent Men ElZman Da !! said...

نور القمر

ميرسى ليكى اوى يا حبيبتى
وبالتوفيق ليكى يارب
نورتينى بوجودك

سواح في ملك اللــــــــــــــــــه- said...

تفائلي خيرا

انا متفائل

ابراهيم رزق said...

ههههههههههههههه

با النسبة للسبعة جنيه لو ميت الف يبقوا سبعمائة

اما الانتخابات حد يطول يعوص صباعه بالحبر اربع مرات

قلنا كده على الوزارة قالوا اطلعوا من البلد

تحياتى

Bent Men ElZman Da !! said...

سواح في ملك اللــــــــــــــــــه-

لا والله متفائله الحمدالله
الواحد لو مش متفائل هيكتئب :D
نورتنى بوجودك :))

Bent Men ElZman Da !! said...

ابراهيم رزق

ايوه هو المبلغ فى الاخر هيبقى كبير اوى
بس ليه مش 5 جنيه وليه مش 10 اشمعنا ال 7 دول

صحيح ما الواحد بقى فاضى للانتخابات وبس هههههههههه

لا مش هانطلع من البلد وهنفضل قاعدين على قلبهم كده بالعند فيهم

نورتنى يا استاذ ابراهيم :))

reemaas said...

هههههههههههههه
يابنتى السبعه جنيه من المقدسااااااااااات

واه بصراحة ديرتكم منحوسة وهموت وافهم كانت بتعيد ليه لما هى ملغيه

ماعلينا

مش متفقة معاكى فى ابطال صوتك ده مش حل ممكن يكونوا اللى نازليين مش راضيين طموحاتك بس اكيد فيهم وحش اوى وفيهم مقبول
حاولى تفكرى فيها

Casper said...

تعليقا على الاحداث التي تحدث في الخارج ولا يسلط الضوء عليها فالسبب واضح لانها امريكا !

======

كلمات معبرة جدا
خالص تقديري

مصطفى سيف الدين said...

هكذا هو حال كل المسابقات وكل من ينتظر ان تكون لتلك المسابقات اهمية
--------------------------
بالنسبة ان محدش بيبص لامريكا خالص ده علشان بصلة المحب خروف
----------------
بالنسبة لدايرتكم دي كانت لازم تتلغي دي صناديق مرمية اكتر من خمستاشر ساعة
بالنسبة انك هتبطلي صوتك هي بقت موضة ولا ايه؟ تبطليه ليه؟ على الاقل متبطليهوش في القائمة بلاش تبصي للاشخاص وبصي للحزب اللي تلاقيه متوافق مع افكارك
---------------------------
بالنسبة للوزراء الجدد ده ربنا يعيننا و نلاقي زيت كويس علشان ندلكلهم بيه المفاصل المتيبسة
تحياتي

Bent Men ElZman Da !! said...

reemaas

ايوه السبعه جنيه دول اساسى فى اى وزاره
ده ستايل

ال ايه ماكنش جه للقاضى حكم المحكمه بالالغاء فا مشوها عادى !!

ماهو اللى هيحصل دلوقتى
انى اختار احسن الوحشين
فعلا حاجه ماترضيش الطموح والمتوقع ابداااا

ميرسى يا نور شرفتينى يا قمر :)

Bent Men ElZman Da !! said...

Casper

طيب امتا الريشه اللى على راس امريكا دى هتتشال؟!؟

شكرا ليك على تعليقك
وشرفتينى بوجودك :)

Bent Men ElZman Da !! said...

مصطفى سيف الدين

ههههههههههههههههههههههههههههه
انا مت من الضحك بجد على حكايه المفاصل المتيبسه دى

بالنسبه لبصله المحب خروف
هو مين الخروف فى الموضوع؟؟

اختار قايمه وفى الاخر تكسب الحريه والعداله!!
انا حاسه ان الحريه والعداله بقوا المعادل الطبيعى للحزب الوطنى :D

سعيده بتعليقك يا دكتور
ونورتنى :)

AhMeD RaDy said...

امممممممممم

دا اول تلعيق ليا هنا فى دونتك التى لم اقراء منها الا هذا البوست !

بالنسبة للى بيحصل فى امريكا .. هعتير السؤال برئ واقولك لان فيها حاجة اسمها اعلام .. وسياسة اعلام وايه اللى يظهر للعالم وامتى وازى وكيف ! ولكن السؤال الاهم من اننا ليه مش بنعرف هو ليه مش بنعرف ؟؟ لان احنا لا نملك اى اليات اعلامية بجد ! لا قناة محترمة اخبارية ولا اى برنانمج قادر على التواصل عالميا .. دا عكس ال bbc او ال cnn

لان الاحداث الملفتة فى مصر بينقلوها وبيتابعوا كويس

بالنسبة للسبعة جنيه ولدار المسنيين .. .. ايه الجديد هو انتوا لسه هتعرفوا حسنى مبارك النهاردة !! حكومة من ضمن الحكومات اللى بيعينها وطريقة الغالى فى لم الفلوس يا جدعان !

بالنسبة لدائرة الساحل اللى اتلغت انتخاباتها .. يمكن تكون المنطقة الوحيدة فى القاهرة اللى ناس يوم ما هتنزل هتكون نازلة تختار بجد !!

AHMED SAMIR said...

بالنسبة لوزارة الاسكان
ثبت بما لا يدع مجالا للشك ان العيب لا في الوزراء و لا في الحكومات
العيب في البيروقراطية و التنبلة اللي عششت في نفوس و عقول الموظفين من اصغرهم لأكبرهم و اللي محتاجة اجيال كتيرة لإصلاحها

بالنسبة للسادة الوزراء
يبدو ان السيدة فايزة ابو النجا انضمت مؤخرا الى قائمة الخطوط الحمراء اللي كل يوم بيزيدوا خط

سندباد said...

تعليقا علي الاحداث
اول حاجة جت في بالي وانا بقرا البوست
علقتي علي مجمل الاحداث بطريقة جميلة فيها نبرة اسي خفيفة وخوف علي الوطن
بس ربنا يعفو عنا ويرحمنا ويعديها علي خير
احسنتي

faroukfahmy said...

بنت ميت
اسمحى لى انا هعمل زى زجالنا الكبير بيرم التونسى
الاوله آه وآه وآه على فقدان السبعة جنيه يعيشوا ويدفعوا غيرها احنا تدفع وبس وغيرنا ياخد ويحش
الثانية آه وآهين طب ده ياستى بيحصل فى ولاية من ولايات امريكا مش باب الشعرية والا السيدة
همه فى نظر انفسهم ناس واحنا فى نظرهم نسانيس للاسف وعشان كده بتبقى فضيحتنا فضيحة
الثالثه آه متلته
فايزه ابو النجا باعتبارها ام النجا ووالدها ابو النجا نفدت بجلدها ونجت من عدم حرمانها من الوزارة
والرابعة سلام مربع لكى من عدم اختيارك وهو اكبر عقاب لهم
الفاروق

د/دودى said...

سألت ماما تفتكرى عملوا ايه بورق تقديم الشغل قالت لى تلاقيهم حرقوه ...قالت لها طب ما نحط فيه لب احسن ..قالت لى الحرق احسن عشان محدش يفتكر اصلا

ابقوا صفوا نيتكم فى الاعاده عشان متتعدش تانى الانتخابات

نيللي علي said...

امريكا دايما عاوزه تبان انها مفيش زيها ابدا ,اما بالنسبه للأنتخابات دى اسمها ألتخابات المفروض من كتر اللبخه اللى بيحصل فيها

Bent Men ElZman Da !! said...

AhMeD RaDy

اهلا بيك فى مدونتى وسعيده بتعليقك جدا

الاعلام عندنا للاسف مش قادر يتواصل داخليا يبقى اكيد مش هيقدر يتواصل عالميا نهائى

هو مشى بس ثقافته متأصله

لا والله فى كتير بردو هينزلوا عشان الغرامه
اصل فى اشاعه طالعه اقوى من الاولى ان توقيع الغرامه مؤكد

ميرسى ليك جدا على زيارتك
واتمنى تتكرر تانى ان شاء الله
شرفنى وجودك :)

Bent Men ElZman Da !! said...

AHMED SAMIR

العيب اصلا فى اسلوب روتينى مش بياخدوا منه غير الفلوس وخلاااااااص

شكرا لحضرتك
وشرفنى وجودك :)

Bent Men ElZman Da !! said...

سندباد

ربنا يعديها على خير ان شاء الله
انا متفائله :)

ميرسى ليك جدا على تعليقك
وشرفتنى بوجودك

Bent Men ElZman Da !! said...

faroukfahmy58

لازم يحوشوا اومال يعملوا ملايين ازاى

اه فى نظرهم اللى بيعملوه ده ديمقراطيه وحريه التغبير عن الرأى واللى عندنا همجيه وقله ادب !!

فعلا اموت واعرف مالها فايزه ابو النجا دى معاهم
اسم على مسمى

انا بردو بقول كده
هاحرمهم من شرف اختيارى ليهم هههههه

شرفتنى بجد يا استاذ فارق
وميرسى اوى على تعليقك

Bent Men ElZman Da !! said...

د/دودى

لا اللب ده احنا اللى بناخده
انما هما تخصص حرايق

لا الموضوع مش نيه والله
ده رزقهم معانا

نورتينى يا دينا :))

Bent Men ElZman Da !! said...

نيللى

دى تصرفاتهم كلها لبخات مش الانتخابات بس

نورتينى ياحبيبتى

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment