11 December 2011

مقاسك ايه؟؟

.




اهو احنا كده
الدنيا دايماً مقاسها كبير علينا
واحنا بكل الكيان ده صغيرين اوى فيها
بنمشى فيها نتخبط هنا وهنا غصب عننا
قليل اوى لما نفكر او نقدر نمشى فيها على مقاسنا
وفى ناس بتعيش وتموت
وماتعرفش مقاسها فى الدنيا ايه اصلاً !!


24 comments

AhMeD RaDy said...

اممممممممممممممم

موضوع المقاسات دا موضوع كبير اوى بصراحة !

ومحتاج نتكلم مش فى المقاس وبس .. دا احنا كمان فى الللون والموضة والشكل واللبس اساسا عبارة عن ايه ؟

وهينفع الكلاسيك ولا الكاجوال ! شبشب ولا صندل ولا اوبائب احسن !

على فكرة الانسان ساعات بينخدع .. ومش بيعرف ان مقاسه الحقيقى اتغير ! الا لما يرجله تدخله فى الدنيا ويستريح لها كمان !

Bent Men ElZman Da !! said...

AhMeD RaDy

والله معاك حق
ما هى الحياه بقت استايلات دلوقتى

ميرسى ليك على تعليقك
نورتنى :)

faroukfahmy said...

كلمات رغم صغرها الا ان وزنها تقيل لا يحملها الا كل من يستطيع دفع مهرها
امهرتينا بعذب الكلام بيفكرنى بالزمن الجميل
شكرا على هداياك اللغوية
الفاروق

مصطفى سيف الدين said...

على راي اللي قال الدنيا كلها مآسي
هو مقاس حضرتك كام
وانتي هنا جاية بتقوليلنا ان النكتة دي غير شرعية وان الراجل ده كداب :)
بعد فاصل الهزار ندخل في الجد
فلسفتك جميلة اوي ومحدش اصلا يعرف مقاسه ايه بس المقاس بتاعنا بيرتبط بطموحاتنا واحلامنا وعملنا
تحياتي

سواح في ملك اللــــــــــــــــــه- said...

مقاسك =ضميرك =مهارات تعلمتينها =حب الناس

P A S H A said...

حلو التعبير .. عجبني بصراحة
:))

دمتي مبدعة ومتألقة

تحياتي

Miss LoZa said...

الذكى الى يخليها يعرف يمشى فيها حتى لو مش مقاسه :)

Bent Men ElZman Da !! said...

faroukfahmy58

شكرا بجد على كلام حضرتك
الواحد مش هيجى حاجه اكيد قصاد اللى حضرتك بتبهرنا بيه :))

شرفنى وجودك

Bent Men ElZman Da !! said...

مصطفى سيف الدين

ههههههههههههههههه
اه انا جايه اكشف النكته دى على حقيقتها

مقاسنا بيبقى احنا شايفين نفسنا ايه اصلا
بس ده مايمنعش ان فى ناس مش شايفه نفسها كويس

ميرسى ليك على تعليقك
وشرفنى وجودك :))

Bent Men ElZman Da !! said...

سواح في ملك اللــــــــــــــــــه-

معادله مش سهله

ميرسى ليك يا خالد
وشرفنى وجودك :)

Bent Men ElZman Da !! said...

P A S H A

مبسوطه ان البوست عجبك
ميرسى ليك اوى على تعليقك
شرفتنى بوجودك :))

Bent Men ElZman Da !! said...

Miss LoZa

اوقات كتير بنكون اذكياء
واوقات بيتوه مننا الذكاء ده :)

نورتينى يا حبيبتى

rona ali said...

واو لايك يا بنتى انا مش اليك علي إيه ولا إيه عندك ^_^

هى بقت بالمقاسات كمان
لو علي الجزمه ملحوقه
هو اينعم الدنيا بقيت بتعرضها معانا شويتين تلاته

بس اعتقد لو قستيها بالمتر والسنتى
هتلاقينا واخدين حقنا وزياده بس احنا اللي مش عارفين نتكيف علي مقاستنا دائمآ الحاجه الي الطمع تفرض علينا اخذ ماهو اكبر عن حجمنا

كمان اعتقد محدش يقدر يعرف مقاسه إيه كانك بتقولى ليه شايف نفسك كويس وواخد حقك ولا لأ ومحدش بيقول آة هههههههههههههههه
دونياااااااا

Bent Men ElZman Da !! said...

rona ali

احنا واخدين حقنا وزياده فعلا من كل حاجه
حلو ووحش وخلى بالك من الوحش دى اوى
الانسان بطبعه طماع عشان كده عمره ما بيقول اه
والطمع كتييير بيأثر علينا بالعكس

ميرسى اوووى يا حبيبتى على كلامك
ده انتى اللى عايزه لايك كبيره انك بتنورينى <3

reemaas said...

وده يحتاج مننا لاننا نركز اوى

اللى يعيش فى حاجة مش مقاسة يتعب
لكن اللى يتطلع لان مقاسه يكبر بعلى اد ماهو بيكبر هو ده اللى بينجح بجد

عجبتنى الفلسفه

Bent Men ElZman Da !! said...

reemaas

كلامك عاجبنى يا نور
كل ما بنكبر كل ما مقاسنا يكبر معانا
وده لان احنا فى الاصل بنكون عايشين فى مقاسنا المظبوط

ميرسى يا قمر
نورتينى :)

Anonymous said...

مساء الغاردينيا دينا
وسـ نتخبط حتى نصل
مهما تعثرنا بمقاس أكبر منا "
؛؛
؛
رائعة
وأختيارك للصورة جميل
لروحك عبق الغاردينيا
كانت هنا
reemaas

ابراهيم رزق said...

انت عارفة المعادلة صعبة


لو كل واحد عرف امكانياته بالظبط و ظبط مقاسه عليها لا اكثر و لا اقل ستنظبط المعادلة

تحياتى

Bent Men ElZman Da !! said...

ريــــمــــاس

المهم اننا فى الاخر نوصل لمقاسنا فعلا
وجودك يا ريماس هو الاجمل

نورتينى يا قمر :)

Bent Men ElZman Da !! said...

ابراهيم رزق

بس اوقات كتير بتكون المعادله مش سهل
وده اللى بيخلينا نتخبط

شرفتنى بوجودك استاذى :))

EL pRiNcEssA said...

كلامك صح :g:

Bent Men ElZman Da !! said...

EL pRiNcEssA

نورتينى يا قمر ميرسى على تعليقك :))

آخر العنقــــــود said...

تدوينة عجبتني اوى مش عارفه ليه
بس يمكن عشان انا من الناس اللي عماله تخبط في جدران الدنيا يمين وشمال في اوقات كتيرة
تشبيه رائع
دام قلمك

Bent Men ElZman Da !! said...

آخر العنقــــــود

والله يا حبيبتى كلنا كده
عشان كده حسيت ان الصوره دى منطبقه علينا فى اوقات كتير

نورتينى يا جميله

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment