03 December 2011

December Moments ♥‿♥

.


الشهر ده من كل سنه

بيبقى دايماً مميز بالنسبه ليا
بحبه عشان اخر السنه 
وبنكون داخلين على سنه جديده وامل جديد
بحبه عشان بيكون شتاء وبرد ومطر
بحبه عشان بيكون فيه
عيد ميلادك
وعيد ميلادى


كل عيد ميلاد بيعدى عليا

مش بفكر فيه ان سنه من حياتى راحت
بفكر اكتر ان سنه جديده من حياتى جايه
ببص للى جاى اكتر من اللى فات
مش بحب اكون لوحدى ابداً فى يوم زى ده
عشان الموضوع بيقلب معايا بأكتئاب

مبسوطه اوووووى اوووووى

بكل حد قالى كل سنه وانتى طيبه
مبسوطه اوى السنادى عشان فى ناس كتير عرفتهم من هنا
وكانوا من اول الناس اللى عايدتنى
مبسوطه اكتر عشان البوست اللى منه عملتهولى
وبقولها ربنا يخليكى ليا ياااااارب
♥ 
انتى مش تتخيلى انا فرحت اد ايه بالبوست ده
وعقبال يارب ما افرح بيكى واعملك احتفال كبييييير ان شاء الله
بجد مش تخيلت ان يبقى فى بينى وبين ناس عمرى ما شوفتهم ولا اتكلمت معاهم بطريقه مباشره
حب بالشكل ده
ربنا يخليكم ليا

مبسوطه انك دايماً معايا

عشان انت سبب لسعادتى
ربنا يخليك ليا ومش يحرمنى منك أبداً
عشان انا بجد بحبك

31 comments

m.hallawa said...

كل سنة وحضرتك طيبة

بحبه عشان بيكون شتاء وبرد ومطر

ربنا ما يوريكي الاي بشوفة هنا يا دينا من الكلام دة
ههههه
بس انا بلم نفسي واقعد في البيت
كل ديسمبر وانتي طيبة
تحياتي

rona ali said...

ونبي يابنتى انتى خساره في الزمن دة ^_^

كل سنه وانتى طيوبه وفيسعاده وهنا تانى وتالت ورابع

انا مش هعلق علي حاجه بقي لحسن انا بتكثف من غير حاجه مابالك بحاجه بقي

ربنا يسعدك ويبسط قلبك الجميل دايمآ يا دندن ^_^

Anonymous said...

صباحك غاردينيا يادينا
كل سنة وأنتي طيبة
وكل عام وأنتِ بخير
وكل سنة وأنتِ في قلب حبيبك
وكل عام وأنتي حبيبته
ربنا مايفرقكم عن بعض
ويارب احلى سنة حب وسعادة :)
؛؛
؛
بالنسبة لمنه مش بستغرب كلامك
هو في زي منه وقلبها الطيب
بوجه لها تحيه :)
؛؛
؛
لروحك عبق الغاردينيا
كانت هنا
reemaas

faroukfahmy said...

كنت اتمنى ان يكون فى هذا الشهر مولدى حتى نفرحان بى ايضا وافرح بكما ومعكما وفى جميع الاحوال انا سعيد بكما وسعادنكما فيها ومنهاسعادتى وكل عام وانتما بكامل الصحة والسعادة
الفاروق

ابراهيم رزق said...

كل سنة و انت طيبة
كل سنة و كل اللى بتحبيهم طيبين
بأذن الله القادم افضل

Unknown said...

:h:كل سنة وانتى طيبة كل سنة وانتى جميلة كل سنة وانتى امورة كل سنة وفضل أعاكسك كده واللله العظيم اوى يمكن متقبلناش بس انا من نوع اللى ديما قلبي يحب الناس اللى يستهله وانتى أكتر وحده تستهلى تتحبي^_^

مصطفى سيف الدين said...

كل سنة وانتي طيبة وعقبال 100 سنة تحققي فيها كل احلامك
بس ديسمبر السنادي بارد جدا :)

reemaas said...

كل سنة وانتى وهو بخير وطيبين يا دينا وديما مع بعض

مع ان نظرتى للسنة مش متفائلة خااااااااالص بس ربنا يجبها سنة سعيدة علينا كلنا يارب

أع ـقل مـ ج ـنـونــة said...

كل سنة وانتي زي العسل
وربنا يخليكو لبعض
ويخليكي لينا <3

أمنية said...

البوست بتاعك جاب المفيد بجد

بعشق الشهر ده لانه شهر ديسمبر ....لانه الشتاء ...لانه الحب

لانه الجمال

لان عيد ميلادي فيه :)

بوستك وهمي :)

أمنية said...

كل سنة وانتي طيوبة ومحبوبة يارب :)

Bent Men ElZman Da !! said...

m.hallawa

وحضرتك بألف خير ربنا يخليك :))

الواحد ماينكرش صراحه ان الجو لما بيقلب برد اوى لدرجه ان مش تبقى فى حاجه نافعه مع الساقعه دى بتبقى حاجه وحشه اوووى
شكرا لحضرتك على وجودك اللى اسعدنى :)

Bent Men ElZman Da !! said...

rona ali

ايه الاحراج ده بقى :$
ربنا يخليكى يا حبيبتى ويسعدك انتى كمان ياااارب دايماً
ميرسى ليكى اوووى يا رونا :))

Tamer Moghazy said...

كل سنة وكل لحظة وانت سعيدة :)

Bent Men ElZman Da !! said...

ريــــمــــاس

ميرسى يا ريموس اووى وانتى بألف خير يا قمر
ربنا يخليكى ياحبيبتى على زوقك :))

فعلا منه من البنات الطيبه اوووى واللى قلبهم ابيض ربنا يحميها يارب

شرفتينى بوجودك والله :))

Bent Men ElZman Da !! said...

faroukfahmy58

كفايه وجود حضرتك معانا هنا دايماً ده محتاج احتفال كل يوم :))
شكرا لحضرتك جدا
نورتنى بوجودك :)

Bent Men ElZman Da !! said...

ابراهيم رزق

وحضرتك بألف خير يارب
شكرا ليك اوى
ونورتنى :))

Bent Men ElZman Da !! said...

mena

لو كل سنه هتفضلى تعاكسينى كده انا موافقه ههههههههه
ميرسى ليكى يا حبيبتى بجد والله مش عارفه اشكرك ازاى
تسلميلى ويارب اعرف اردلك اللى انتى عملتيه عشانى ده فى يوم ان شاء الله
ميرسى ليكى يا حبيبتى :*

Bent Men ElZman Da !! said...

مصطفى سيف الدين

وانت بألف خير يارب
فعلا السنادى ديسمبر جاى بارد عن قبل كده :)
بس حلو الجو ده اوى
نورتنى يا دكتور :)

Bent Men ElZman Da !! said...

reemaas

ربنا يخليكى يا نور وتكونى بخير دايماً يارب
هو فعلا كل الاحداث اللى بتحصل لا تدعو للتفائل خالص
بس الاهم ان يكون عندنا امل :)
نورتينى يا جميله :))

Bent Men ElZman Da !! said...

أع ـقل مـ ج ـنـونــة

ميرسى ليكى يا ريمو
ربنا يديم المحبه بينا كلنا ياااااارب <3

Bent Men ElZman Da !! said...

أمنية

ميرسى ليكى اووووى يا قمر
وانتى بألف خير يارب
سعيده جدا بزيارتك لمدونتى
نورتينى بوجودك والله :))

Bent Men ElZman Da !! said...

Timo..

وانت بألف خير يارب
ميرسى ليك يا نيمو :))

أمل م.أ said...

كل سنة وكل يوم وكل لحظة
وانتي احسن وافضل واروع واجمل
وانتي بالف خير

بجد عجبتني كمية التفائل والامل هون
وكيف انك بتنظري للعام القادم بكل تفاؤل
ولا تبكي على عمر مضى وراح منك
اتمنى دايما تكوني باحسن حالاتك

لكِ مني كل الحب
كوني بخير دوما

Bent Men ElZman Da !! said...

أمل م.أ

وانتى اجمل دايماً يا قمر
ربنا يخليكى يارب :)

لازم الواحد يدى لنفسه شويه تفائل عشان الاكتئاب مش يتطور بس هههههههه

ميرسى ليكى يا جميله
وشرفنى وجودك والله :))

P A S H A said...

كل سنة وأنتي طيبة وبألف خير وصحة وسعادة إن شاء الله
:)
خالص تحياتي

Nada Emam ʚɞ said...

كل سنة وانتي بخير و متفائلة يا دينا
جميل التفاؤل وحبك دا :) بجد عجبتني اووي

Bent Men ElZman Da !! said...

P A S H A

ميرسى ليك اووى وانت طيب
نورتنى وسعيده بزيارتك جدا

Bent Men ElZman Da !! said...

Nada Emam ㋡

وانتى طيبه يا حبيبتى
انتى اجمل يا نودى :))
ميرسى يا جميله اوى

Sara said...

كل سنة و انتي طيبة يا دندن :)
و السنة الجاية تبقى أحلى و أحلى

Bent Men ElZman Da !! said...

Sara

وانتى اجمل يا سووو
ويارب تكونى دايماً مبسوطه والسنادى تكون احلى عليكى انتى كمان يا قمر :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment