02 January 2012

~ My Wish List ~

.


عمرى فى اى سنه من السنين فكرت اعمل قائمه بالحاجات اللى بتمناها
مش لان ماعنديش اى امنيه ممكن اتمناها مع بدايه السنه
بس عشان انا عارفه نفسى
لو فى حاجه من الحاجات دى ماحصلتش
هلاقى الادمان قصدى الاكتئاب يطرق الابواب فى اى وقت
بس السنادى قولت انا لازم اعمل حاجه جديده
فا قررت اعملها ولاول مره
يمكن مش تكون كبيره او مش صعبه
بس اهو ادينى بجرب نفسى
يمكن انفع
واقدر فعلا احققهم



~ My Wish List ~


1_ عايزه اقرب من ربنا اكتر

2-بما ان حكايه الاتصال بحد دى صعبه معايا شويه فا انا ان شاء الله هاتصل بـ 5  اشخاص مش كلمتهم من فتره طويله

3- هاقرأ على الاقل 30 كتاب
 
4- هاروح 5 اماكن مش روحتهم قبل كده

5- مش هازعل ماما فى اى حاجه

6- هاشترى لكل حد فى البيت حاجه حتى ولو بسيطه

7- مش هاعمل حاجه تزعل خطيبى منى

8- هاخرج انا واختى وصاحبتها لوحدنا خروجه من اللى كنا بنخرجهم زمان

9- هافرش شقتنا انا وخطيبى زى ما بنحلم مع بعض فى كل تفصيله حتى ولو صغيره

10-  اخد كورس انجليزى

11-  ازور حد من اهلى مش زورته من فتره 

12- اتعرف على 5 اشخاص جداد حتى لو على النت

13- اقابل بنات عرفتهم من هنا ومبسوطه بمعرفتهم دى اوى ونفسى تزيد

14- اعمل فرحى فى 12/12 ان شاء الله

15- امشى على الدايت مظبوط 

16- اكتب 50 بوست فى المدونه واعرف مدونين و مدونات جديده

17- علاقتى تبقى احسن بكل الناس اللى حواليه

18- ادخل فيلم تيتانك ثرى دى :D

19- احاول ابقى اجتماعيه اكتر

20- ابطل عصبيه شويه


I Wish This List Be True :))






تحديث 


الف سلامه عليكى يا ريماس
يارب تبقى كويسه وترجعلنا بالسلامه
اللهم اشفها شفاء ليس بعده سقما ابدا
اللهم خذ بيدها اللهم احرسها بعينيك التى لا تنام
اللهم البسها ثوب الصحة والعافية عاجلا غير اجلا ياأرحم الراحمين

اللهم امين



***



اتوفى والد المدونه منه صاحبه مدونه أحــيــــا بـحـــبـــك
البقاء لله يا حبيبتى وربنا يصبر قلبك على فراقه
شدى حيلك وادعيله دايماً
وربنا يجعل قبره روضه من رياض الجنه 



41 comments

شيرين سامي said...

الله حلوه أوي يا دندون يا رب تقدري تحققي كل اللي بتتمنيه أنا كمان مقصره مع ناس كتير و مش عايزه أعمل قائمة لحسن هتبقى طويله و غالباً هتقلب بكآبه :)

Bent Men ElZman Da !! said...

شيرين سامي

ايوه ما هى المشكله يا شيرين بتبقى فى الاكتئاب
فا انا عشان كده قولت اتحدى نفسى المره دى
وربنا يستر بقى
يارب انتى كمان تحققى كل اللى بتتمنيه ياااارب :))

AHMED SAMIR said...

كلها امنيات مشروعة تماما
يارب تحققيها كلها
بالتوفيق ان شاء الله

Timo.. said...

حلو قوي الامنيات دي ولو ان فيه امنيه مهمة جدا مشتركة بينا..
وهي موضوع الفرح 12/12 ده :)
وانا من هنا باناشد فريدة تظهر وتبان لان اخر فرصة عندك يوم 11/12 :)

ربنا يحقق كل احلامك :)

Bent Men ElZman Da !! said...

AHMED SAMIR

ميرسى ليك اوى
ويارب تحقق كل امنياتك ان شاء الله :))

Bent Men ElZman Da !! said...

Timo..

هههههههههههه
ربنا يرزقك بفريده ياااارب يا تامر ان شاء الله
وتعمل فرحك انت كمان فى 12/12
وتحقق كل اللى بتحلمى بيه :))

د/دودى said...

ههههه على الرغم من بساطه لائحه الامانى الا ان مشكلتها ان كلها عايزه استمراريه ...انا عن نفسى فشلت فيها اتمنى نجاحك

Miss LoZa said...

أنا بالنسبة ليا عادى موضوع انى محققش أمنية ده مش بيضايقنى خالص
اصل انا لو فشلت فتحقق واحدة هبقى نجحت فتحقيق 10 غيرها اصلا ف بيس :D
انا عارفة انك قصدك عليا وانتى بتقولى

هاتصل بـ 5 اشخاص مش كلمتهم من فتره طويله

وطبعا عندما تذكر البنات الكويسين الى بيفرحوا الواحد لما بيعرفوه .. لازم تذكر مها طبعا اصلا (H) احم

ربنا يحقللك كل حاجة بتحلمى بيها واكتر يا دندونى :)

Bent Men ElZman Da !! said...

د/دودى

ايوه صح يا دينا هى الفكره فى الاستمراريه دى
مش يبقى مجرد هدف مؤقت
يارب تحققى كل اللى بتتمنيه انتى كمان يارب :))

Bent Men ElZman Da !! said...

Miss LoZa

ياسلام عليكى وانت متفائله كده
يبقى انا خلاص مش هازعل على الامنيات اللى مش هاحققها ادام حققت غيرها واقول ميهو كانت السبب ;)

ايوه انا عايزه اتصل بيكى فعلا بس بستهبل شويه :D

اصلا اصلا يعنى انتى من الناس اللى فرحتنى اول السنه دى
ومبسوطه خالص اوى انى عرفتك <3

يارب تحققى كل اللى انتى بتتمنيه يا حبيبتى ان شاء الله :))

سواح في ملك اللــــــــــــــــــه- said...

ربنا يحققلك كل امنياتك


وتعملي فرحك وكل اللي انتي عايزاه وبتتمنيه

تحيتي

faroukfahmy58 said...

الحمد لله ان طلباتك بسيطه ومقدور عليها ومعظمها لاسعاد الغير فيما عدا القليل الذى يخصك عشان كده
سيتحقق كله انشاء الله
الفاروق

شمس النهار said...

ربنا يحقق لك كل امنياتك

وحاولي تعملي اللي عليكي وتحققيها
:)

وربنا يرجع ريمانس بالسلامة


والبقاء لله في والد منة

rona ali said...

اولا ربنا يشفي ريماس اللهم آمين
ولدعاء والد منه امين يارب يسكنه فسيح جناته ويغفرله ويرحمه

بالنسبه لليسته
انا انا قابلينى انا بقي الله
وبعدين ممكن نتعرف انا وانتى ومها وريمو ونيللي ومنه تانى ويبقي كدة اتعرفتى علي ناس جديده هييييييييييييه

بالنسبه لخطيبك والفرح وماما ان شاء الله اللهم آمين

بالنسبه للاجتماعيه تعالى ماسينجر ياهو معانا مرة وهتبقي اجتماعيه غصب عنك لانك اصلا كدة بس بتحجمى نفسك شويه ممكن لتجربه ما مرت قبل كدة

الخروجه بقي لو عملتيها ابقي احكيلي لان بقالي زمن مخرجتش خروجه حلوة من بتاعت زمان دى

دينا من الاخر الليسته دى منسابنى اوى هاتيها نعملها مع بعض ^_^

Bent Men ElZman Da !! said...

سواح في ملك اللــــــــــــــــــه-

ربنا يخليك يا خالد
يارب انت كمان تحقق كل اللى بتحلم بيه ان شاء الله :))

Bent Men ElZman Da !! said...

faroukfahmy58

يارب ان شاء الله اقدر احققهم
شكرا لحضرتك استاذ فارق
واتمنى تحقق كل اللى بتتمناه :))

Bent Men ElZman Da !! said...

شمس النهار

اللهم آمين

شكرا لحضرتك جدا
ويارب تحققى كل ما بتتمنيه :))

Bent Men ElZman Da !! said...

rona ali

يارب ترجع ريماس بالسلامه
وربنا يصبر منه يااارب

والله فكره تحفه
انا اصلا نفسى اقابلكم جداااا
وكنتوا فى دماغى اوى وانا بكتب الامنيه دى

يارب آمين

بصى انا هاجى اول مره هتلاقينى ساكته انما بعد كده ماحدش هيعرف يسكتنى ههههههههه
ياريت فعلا انا نفسى نتعرف على بعض اكتر

انا هابقى اصورهالك كلها او تيجى معانا احسن هتبقى احلى بكتير

انا موافقه نعملها مع بعض
يلا بقى :))

reemaas said...

فكيرة جامدة جدا بتاعه القايمة دى بس بينى وبينك مش هعرف اعملها اخاف الحقيقة مانفزهاش وساعتها هكتئب جداااااااااااااااااا

البقاء والدوام لله

مدونة رحلة حياه said...

السلام عليكم
ربنا يحقق امانيك ويجعلها سنة سعيدة
ويشفى ريماس ويطمنا عليها
ويرحم والد منه ويسطنه فسيح جناته ويرزقهم الصبر والاجر

عبير علاو said...

بالتوفيق إن شاء الله تبشرينا بتحققهم كلهم

نيللى said...

كل اللى أقدر أقولهولك
يارب تحققى كل حاج بتحلمى بيها يارب آمين

وربنا يشفى ريماس يارب
والبقاء لله

أع ـقل مـ ج ـنـونــة said...

عجبتني امنياتك جدا
ويارب تحققيهم
تصوري امنياتي قريبة منك جداً !!

مممم
كان نفسي اعمل فرحي 11-11-2011
للأسف منفعش :(
ومش هقدر استني ل 12-12 عشان اقلدك :P

بس يار يجمعني ويجمعك مع احبائنا يارب ويرزقنا الذرية الصالحة يارب

حزنت لمرض ريماس
الله يشفيها ويعافيها يارب

والبقاء لله في والد منة
لله ما أخذ ولله ما أعطي
ان لله وإنا إليه راجعون


الحمدلله علي السراء والضراء

نهر الحب said...

اه ياني هو كل الناس عاوزين فرحهم 12/12
كدة مش حيبقي فيه مكان
هو محدش خيتجوز ياقي السنة
ع العموم دي امنية الشعب السنجلاوي كله عشان مافيش 13/13

:)
ربنا يسعد قلبك وتحققي كل اللي تتمنيه
علي فكرة امنياتك مش صعبة ان شاء الله هي محتاجة ترتيب وتركيز بس

نهر الحب said...

كل الشعب عنده امنية
12/12 دي
ماهو اخر امل صحيح
تقيربا مافيش حد حيتجوز ياقي السنة
:))
ربنا يسعد قلبك ويحققلك اللي تتمنيه

علي فكرة امنياتك جميلة اوي وسهل تتحقق ان شاء الله بس محتاجة شوية ترتيب وتجهيز
ربنا معاكي ونفرح بيكي

Bent Men ElZman Da !! said...

reemaas

انا بردو بأكتئب من الحكايه دى يا نور
بس اهو تحدى لنفسى يمكن اعرف اعملها
ولو مش عرفت اعمل كله وحققت نصه بس كمحاوله اولى هيبقى كويس :))

Bent Men ElZman Da !! said...

مدونة رحلة حياه

وعليكم السلام
اللهم آمين
ويتقبل دعائك يااارب

شرفتنى بوجودك :))

Bent Men ElZman Da !! said...

عبير علاو

اللهم آمين
ميرسى ليكى جدا
وسعيده بمرورك
نورتينى :))

Bent Men ElZman Da !! said...

نيللى

ربنا يخليكى يا نيللى ويسمع منك
ويارب انتى كمان تحققى كل اللى بتتمنيه ان شاء الله :))

Bent Men ElZman Da !! said...

أع ـقل مـ ج ـنـونــة

يبقى كده امنياتنا مشتركه انا وانتى ورنا
وممكن نحققهم مع بعض بقى :)

اللهم امين يا حبيبتى
وتحققى كل اللى بتتمنيه يارب

وربنا يشفى ريماس
ويصبر منه يااارب

Bent Men ElZman Da !! said...

نهر الحب

هههههههههههه
ما انا بردو بقول الواحد المفروض يحجز مكان الفرح قبلها بسنه يعنى يدوب نلحق دلوقتى

ميرسى ليكى يا قمر
ويارب تحققى كل اللى بتتمنيه انتى كمان :))

AhMeD RaDy said...

اولا

اكتبيها بقى فى ورقة .. وعلقيها على سرير

وكل يوم تشوفى انتى وصلتى لايه بالظبط من اهدافك دى !

وبالتوفيق

وبالنسبة لموضوع ان الواحد يعمل زيك

نيهاهاهاهاهاهاهاها انا بصراحة لو عملت كدا هبقى بعقد نفسى على الاخر

!!!!!

Bent Men ElZman Da !! said...

AhMeD RaDy

حلوه والله فكره الورقه اللى جنب السرير دى
هيبقى فيها تحدى اكتر

هههههههههههه
والله كلنا هذا الرجل
بس اننا نحققهم دى فى حد ذاتها امنيه اصلا

شرفتينى بوجودك :))

♥نبع الغرام♥♪≈ said...

ربنا يسعدك يا حبيبتى ويكرمك كل الخير وتقدرى تحققى كل اللى بتتمنيه
والف سلامه على اختنا ريماس وان شاء الله ترجع بالسلامه

والف رحمه على والد اختنا منه يارب يرحمه ويصبر قلوبهم

Sea Lover said...

ربنا يحقق لك كل اللى بتتمنيه يا دينا ^^
بصراحة عمرى ما فكرت فى الـ wish list دى أبداً
إنسانة عشوائية بقى :D
بس بصراحة طلعتيها فى دماغى وبفكر أنفذها حتى لو مش هاعمل حاجة منها :))

كريمة سندي said...

والله الاكتئاب خلنا في عالم تاني مش حاسين بالنعم

كوبي إنك عملتي لائحة بالسلبيات والإيجابيات

ربنا يشفي ريماس

Bent Men ElZman Da !! said...

♥نبع الغرام♥♪≈

ميرسى ليكى يا قمر
ويارب تحققى انتى كمان كل اللى فى نفسك
نورتينى بزيارتك :))

Bent Men ElZman Da !! said...

Sea Lover

والله هى فكره حلوه
حتى لو الواحد مش نفذها
بس على الاقل هيكون فى اول مره حدد اهدافه وعرف اصلا هو عايز يعمل ايه
والمرات اللى بعدها ان شاء الله يتحققوا
ربنا يحققلك كل اللى تتمنيه يا جميله
نورتينى :))

Bent Men ElZman Da !! said...

كريمة سندي

اهو الاكتئاب ده اللى دايماً بيجبنا لورا :(

شكرا لحضرتك
ومبسوطه بوجودك ورجوعك من تانى :))

أفراح said...

اظن بأن أمينة رقم 16 تحققت وها أنا أتعرفٌ على مدونتك الجميلة .. وأحببتُها حقا ً ولن تكون هذه زيارتي الأخيرة لها بلا شك

دُمتي بخير

Bent Men ElZman Da !! said...

أفراح

وجودك هو الجميل
انا اللى سعيده بزيارتك واتمنى مش تكون الاخيره

حبيت اسمك اوووى :))
نورتينى

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget