18 February 2012

Special Post ♥

.



بوست خاص ليكم انتم
رونا & ميهو
اولاً عشان واحشكم منى بوستات انا عارفه :$
وثانياً عشان خلتونى اقضى يوم جميل اوى زيكم كنت فعلا محتاجاه

مبسوطه اوى انى كنت معاكم
مبسوطه اوى انى اتعرفت عليكم
مبسوطه اننا شبه بعض فى حاجات كتير
اصل انا اول مره اقابل اصحاب ليا ويوافقوا يدخلوا معايا مكتبه
ده لوحده انجاز صراحه :D
وحتى اختلافاتنا بتخلينا نقوى صداقتنا اكتر مع حساب الاختلافات دى

مبسوطه اووى بقى اننا اتشاركنا فى شيكولاتايه
عشان يبقى بينا عيش وشيكولاته :)

رونا 

حاسه اننا شبه بعض فى كذا حاجه
تفكيرك كبير وانا حبيت ده فيكى من اول كلمه اصلا قريتهالك
بحب اتناقش معاكى اوى عشان بحس انك بتقولى كلام انا عايزه اقوله
بحبك وبحب دماغك

ميهو اصلا :P
انتى اصلا يعنى كتكوته خالص اصلا
بحب دلعك ورقتك رغم طولك اللى محسسنا كلنا اننا ازعه جنبك
معاكى دايماً بضيف كلمات جديده لقاموس اللغه
فظيعه منك "غلبان فى دماغه "دى :P

بحبك وبحب كلامك اوى


بحبكم كتير
ومبسوطه انى عرفتكم وشوفتكم
:)






واخيراً


ممتنه انا لـ قدر جمعنى بكن




32 comments

rona ali said...

هههههههههههههههههههههههههههههههههههههههه

واضح انك اتعديتى ب اصلا بتاعت مها
فعلا اللى يعرفها يحس انه لما بيقول الجمله دى علشان دى جمله مها مش علشان هى جات معاه كدة

دندن انا كمان مبسوطه جدآ جدآ انى اخيرآ قابلت حد من المدونين ووفيت بوعد ههههههههههه

انا مش هقول راي فيكى دوقتى انا ليا بوستى ارغي في براحتى بقي :)

m.hallawa said...

مساء الخير
ربنا يخليكم لبعض
حبيت أكون ول مهتي بهذة الصداقة الرائعة
مع خالص تحياتي

سواح في ملك اللــــــــــــــــــه- said...

حلوة اوي الصدقة عموما

خاصة لما تكونوا تشبهوابعض في حاجات

نرجوا دوام المحبة بينكم

تحيتي

Bent Men ElZman Da !! said...

rona ali

ههههههههههههههههههه
لا انا بقول اصلا عشان الغبطها واغيظها بس
وانا والله مبسوطه ان الانجاز ده اخيرا حصل ههههههه
مستنيه البوست بتاعك انتى وميهو اكيييييييد

Bent Men ElZman Da !! said...

m.hallawa

مساء النور :)
ميرسى اوى لحضرتك
وانا سعيده جدا بوجودك :)

Bent Men ElZman Da !! said...

سواح في ملك اللــــــــــــــــــه-

اللهم آمين
ميرسى ليك اوى يا خالد على زوقك :)

ابراهيم رزق said...

يا سلام سلم و احنا فين بقى

فين الشيكولاتة بتاعتنا

اللى ياكل شيكولاتة لوحده بقه يتلحوس

سعيد بسعادتكم و اتمنى ان تطول بكم الصداقة و المعرفة فانتم شخصيات جميلة

RoMa said...

لالالا انا مش لاعب كدة
انا لسة جاى من عند رنا و كاتبة نفس البوست تقريبا بس بأختلاف انها بتوحة كلامها ليكى و ل مها
عموما ..لا يسعنى الا انى اقولكوا
ربنا يخليكوا لبعض

Nour said...

اكيد مش همشي اتخانق على كل بوست ... انا اتخانقت عند رونا خلاص :D

مبسوطة اوي اوي بجد ليكوا ومش قادرة اخبي حقدي ان كان نفسي ابقى موجودة طبعا يعني :D

مصطفى سيف الدين said...

بوست مليان فرحة و ابتسامة حلوة
ربنا يديمها يا رب
و يخليكم لبعض دايما

ريبال بيهس said...

مساء الورد دينا

الصداقة هبة الأقدار ويجب أن نحافظ عليها ...

حفظكم الله وجمعكم دوماً

تحياتي وإحترامي

P A S H A said...

حلو أوي وصفك وتعبيرك في البوست ده :)
ربنا يكرمكن جميعاً ولا يحرمكن من بعض اللهم آمين

عميق احترامي وتقديري

The illusionist said...

nice nice nice

الحاجات المفرحه الحلوه دى بتخلى طعم للحياه

ايون كدهه
افرح وامرح وتعلم

هابى خروجه

faroukfahmy58 said...

واحنا بقى مالناش من الحب جاتب
ولو فترينه صغيرة على باب المدونه
ياربى كتر من الاحبه خاصة فى مثل ظروفنا القاسية
انا دلوقتى عرفت انتى بنت مين
انت بنت اللى زرعوا فيكى حب الناس وتوادهم وجمعهم على الحب فى اعياد الحب
وكل عيد حب وانت طيبة

Bent Men ElZman Da !! said...

ابراهيم رزق

هو حد يطول يتلحوس بالشكولاته هههههههههه
احنا بعد كده نجيب شيكولاته نوزعها فى كل المدونات بعد كل خروجه ان شاء الله :))
شكرا اوى لحضرتك :))

Bent Men ElZman Da !! said...

RoMa

اه الموضوع انتشر بوستات بقى ههههههههههه
ربنا يخليك يارب

Bent Men ElZman Da !! said...

Nour

ههههههههههه
لا يا نور بقى ان شاء الله المره الجايه تبقى معانا
عايزين نعمل اصلا لقاء اكسترا كده ونتقابل كلنا بقى ان شاء الله

Bent Men ElZman Da !! said...

مصطفى سيف الدين

ربنا يخليك يا مصطفى
ويارب يفرح قلبك انت كمان دايماً يارب :))

Bent Men ElZman Da !! said...

ريبال بيهس

مساء النور يا فارس
فعلا معاك حق
الصداقه بقت عمله نادره اليومين دول
الحمدالله اكيد :)
شكرا ليك اوى وسعيده جدا بوجودك :)

Bent Men ElZman Da !! said...

P A S H A

اللهم آمين
ميرسى ليك اوووى على زوقك :))

Bent Men ElZman Da !! said...

The illusionist

ايوه بالظبط كده يا محمد
فى حاجات بتدى للايام طعم كده

ميرسى ليك :)

Bent Men ElZman Da !! said...

faroukfahmy58

لا طبعا في
انا خلاص هاوزعلكم محبه وشيكولاتات وكل حاجه حلوه بعد كده على باب المدونه :))
شكرا لحضرتك جدااا على كلامك واسعدنى وجودك :)

♥همســــــه.. حـــــب♥ said...

ربنا يخليكم لبعض يارب يا جميل...
وتفضلو طول عمركم مع بعض...
قولوا امييييييييييييين

Miss LoZa said...

على فكرة لا اصلا مش وحشنى بوستاتك ولا اى حاجة اصلا :P
أنا برده مبسوطة من نفس كل الحاجات الى قولتيها دى وأكتر اصلا :)

يا جماعة حرام عليكم اصلا انتى قولى كتكوتة ورنا تقولى سذاجة وطفولة
هتحسسوا الناس انكم قابلتوا عصفورة
هههههههههههههههههه
أيه ده ! هو أنا بدّلع وعندى رقة !
لا أكيد كنتى مع واحدة تانية صدقينى مش أنا
هههههههههههههههه

وبعدين اصلا اصلا يا رخممممممممممممة أنا مش قولت غلبان فدماغه .. قولت غلبان فعقله صلحيها بقى ده أولا
انيا قولتلك انى هتكسف اقول عن حد مجنون يعنى الله عيب :$ :$
هبقى أعملك القاموس بتاعى وأجبهولك المرة الجاية علشان الكلمة الى تقف قدامك تطلعيها وتترجميها :P

أع ـقل مـ ج ـنـونــة said...

انا هالف ع البوستات واقول نفس الكلام ولا ايه
ياريتني كنت اخدت الرد اللي عند مها كوبي
هههههههههههههه

ماشية معاااااااااكم
:)))))))))

انتو كلكو اصلا اساسا عسليااااااات

برده للمرة التالتة
ربنا يخليكم لبعض
ويخليني ليكم
:D:D

عبير علاو said...

الله لا يغير عليكم يا رب

ريـــمـــاس said...

صباح الغارديينا دينا
وليس أجمل من دفئ الصداقة
ربنا يجمعكم ولايفرقكم "
؛؛
؛
لروحك عبق الغاردينيا
كانت هنا
reemaas

Bent Men ElZman Da !! said...

♥همســــــه.. حـــــب♥

امييييييين يارب
ميرسى ليكى يا جميله
نورتينى بوجودك :))

Bent Men ElZman Da !! said...

Miss LoZa

ما احنا بنقول الحقيقه يعنى نكدب مثلا هههههههههههه
لالا انتى على فكره انا متاكده بقى :P

ايوه هى غلبان فى عقله دى
والله تحفه شويه الكلمات الغريبه بتاعتك دى
بحبهم اوى

Bent Men ElZman Da !! said...

أع ـقل مـ ج ـنـونــة

يااارب يا ريمو
والله كان نفسى اشوفك اوووووى
ان شاء الله نقدر نعوضها فى مره تانيه وتبقى معانا بقى :)))

Bent Men ElZman Da !! said...

عبير علاو

ميرسى ليكى اووى يا قمر :))

Bent Men ElZman Da !! said...

ريـــمـــاس

ربنا يخليكى يا ريماس يا جميله
واحشنى اوووى بوجودك بجد :)))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget