14 March 2012

كلام والسلام ... كلاكيت 14 مره

.



لما بقابل اشخاص معينين فى طريقى
هما اخر اشخاص بتمنى اقابلهم
بيبقى نتيجه ده ان بطنى بتوجعنى اوى !!
زى ما بتوجعنى لما بكون راكبه عربيه 
ونازله من على كوبرى بسرعه اوى 
حاسه ده معناه ان الاشخاص دول 
بينزلوا من نظرى وقلبى بنفس السرعه .. واكتر !

**********

لما بقعد افكر وافكر لحد ما اتخنق وازهق
عشان اعرف اوصل أيه اللى وصلنا لكده
ومابوصلش !
بتأكد ان ده اللى كان المفروض يحصل
باختلاف الظروف والاوقات والاسباب
بس ده اللى ربنا كاتبه
وكان لازم يكون

**********

لما احسب الاشخاص اللى فى البيت
واللى محتاجه اجبلهم هدايا بسيطه نفسى اجبهالهم من غير ما يعرفوا
واحسبك معاهم !
يبقى انا وبعد كل الفتره دى 
لسه مش قادره استوعب بردو انك مابقتش موجود

**********

لما بنحط عنينا على حاجه 
عايزين نوصلها 
يمكن بنضحى بكتير اوى عشانها
بس للاسف مش بنقدر نفهم ان لو الحاجه دى اصلا من نصيبنا
كانت هتيجى بطرق تانيه كتير اوى يمكن اسهل مما نتخيل

**********

لما ابسط الحاجات تفرحك
وفى نفس الوقت ابسط الحاجات تحبطك وتضايقك
يبقى اكيد العيب فيك
مش فى اى حاجه تانيه حواليك

**********

لما بعد كل موقف يحصل يضايقنى او يحبطنى او يضيع فرحه عايشاها
ويكون اول كلام تقولهولى
كفايه اننا مع بعض ومش عايزين اى حاجه تانيه
و تحاول تحققلى كل اللى عايزاه
بتأكد ان ربنا بعتك ليا
عشان تكون جنبى فى الوقت ده بالذات من حياتى
لانى متأكده انى ماكنتش هاعرف اعدى الوقت ده من غيرك


27 comments

مصطفى سيف الدين said...

على فكرة بحب كلامك و السلام
بيبقى فيه شحنة احساس جميلة اوي
تسلمي
روعة بجد

Bent Men ElZman Da !! said...

مصطفى سيف الدين

الاروع هو وجودك يا مصطفى :))
مبسوطه انه عجبك
نورتنى :)

حنين محمد said...

مساء الغاردينيا دينا
أخر جزء عجبني اووي بجد حسيته وخاصة انه دايما بقولها لـ فارس او ريبال .كفايا انك موجود معايا لان دا بالدنيا والي فيها
؛؛
؛
انا كمان زي أستاذ مصطفى
بحب كلام والسلام بس بحبك اكتر :) "
؛؛
؛
لروحك عبق الغاردينيا
كانت هنا
reemaas

Bent Men ElZman Da !! said...

ريـــمـــاس

ربنا يخليكم لبعض يا حبيبتى
بجد ربنا بيخلقلنا ناس فى اوقات بنبقى محتاجين وجودهم دايماً فى حياتنا
وقتها بتأكد ان ربنا فعلا بيحبنا

انا بحب وجودك
وبحبك اكتر بقى :))

Unknown said...

دينا أهنئك على " فلسفتك " يا صديقتي

faroukfahmy said...

كل الاجزاء عجبانى فيها حاجة فى داخلها بس ادخل منين لو دخلت من هنا والا من هناك احترت فى الاقرب والاسهل والاوصل
محتاجه اكتر من قراءة واكتر من زيارة
انت بنت مين بالضبط
بارك الله فيكى

سواح في ملك اللــــــــــــــــــه- said...

لاتغليق غير اني

قد رأيت اختا مرهفة الاحساس

تحيتي يادينا

rona ali said...

مكنش ينفع اشوف دندن منزله بوست
ومخرجش بره قوقعتى واعلق

كلام والسلام
واقول الكلمه المعهوده بتاعتى
عمرة ما كنا كلام والسلام

اكتر جزء ظبطنى كدة وروقنى ومزجنى
انك لما تحط شئ قدام عينيك وتخسر وتضحى بحاجات كتير علشانه وتنسي انه ممكن يكون مش من نصيبك كتير بنعل كدة مع ان في نفس اللحظه ربنا بيدينا حاجه احلى وافضل من اللى كنا حاطين عينا عليه بس بنفضل برضوا باصين علي اللى مخدنهوش طمع بشري ههههههههههه
ونعتقد اننا طالما مخدنهوش يبقي ربنا بيعاقبنا ومش راضي عنا

رحيق الورد said...

مساءك طيب..
كلام رائع
يسرنى التواجد بمدونتك
تحياتى لك
ياسمين

heba atteya youssef said...

رائعه .. معبره جداً

كتيييييييييييير وحشتني كتاباتك

بعتذر عن عدم وجودي بصفه مستمره ..

دمت بود

eng_semsem said...

كلام جميل ومن واقع بنعيش فيه كلنا بنحب ندور على ناس تشيل همومنا وبنفرح لما نلاقي ناس بتدور علينا عشان تقف جنبنا وناس بتكون جزء من حياتنا وناس تكون كل حياتنا
تحياتي

I have changed said...

فعلا كلام جميل
لما بقعد افكر وافكر لحد ما اتخنق وازهق"
عشان اعرف اوصل أيه اللى وصلنا لكده
ومابوصلش !
بتأكد ان ده اللى كان المفروض يحصل
باختلاف الظروف والاوقات والاسباب
بس ده اللى ربنا كاتبه
وكان لازم يكون"
قل لن يصيبنا الا ما كتب الله لنا ،
بس الانسان مبيعرفش ان اللي ربنا كتبهولو هو الخير

نهر الحب said...

بتأكد ان ده اللى كان المفروض يحصل
باختلاف الظروف والاوقات والاسباب
بس ده اللى ربنا كاتبه
وكان لازم يكون

اكيد لو كل واحد امن بده صدقيني محدش حيكون تعبان
:))
**********

ربنا يخليكوا لبعض
:)
بس

reemaas said...

للمرة ال14 بسجل انا بحب البوست ده جداااااااااا

عجبتنى جدا حكاية العيب فيك ده تصدقى صح

Bent Men ElZman Da !! said...

عبير علاو

ميرسى ليكى يا حبيبتى على ذوقك
شرفنى وجودك :))

Bent Men ElZman Da !! said...

faroukfahmy58

انا بنت الزمن ده :))
اسعدنى وجود حضرتك اللى اكيد شرفنى :)

Bent Men ElZman Da !! said...

سواح في ملك اللــــــــــــــــــه-

شكرا ليك يا خالد
ده بس من ذوقك :)
منورنى دايماً بوجودك

Bent Men ElZman Da !! said...

rona ali

وماكنش ينفع البوست يكمل من غير كومنتك اللى دايماً بيضيف حاجه مهمه

تصدقى والله انتى اصلا قولتى الجزء ده بالظببببببببط زى ما انا بفكر فيه
مش بقولك تفكيرنا واحد :))

Bent Men ElZman Da !! said...

رحيق الورد

انا اللى سعيده جدا بوجودك
اللى اتمنى يتكرر تانى
نورتينى يا قمر :)

Bent Men ElZman Da !! said...

heba atteya youssef

الرائعه هو انتى يا هبه
مبسوطه جدا بزيارتك ووحشنى وجودك انتى هنا
نورتينى يا قمر :))

Bent Men ElZman Da !! said...

eng_semsem

وعشان كده الناس فى حياتنا بيتقسموا لكذا مرتبه
فى اللى قريبين من القلب وفى اللى لا
فى اللى بينسونا همومنا وفى اللى بيزودوها
وهكذا

شكرا ليك جدا
نورتنى بوجودك :))

Bent Men ElZman Da !! said...

I have changed

عشان احنا بس مش بنصبر ونشوف نتيجه اللى ربنا كتبهولنا ده ايه
مستعجلين احنا دايماً

ميرسى ليكى ونورتينى يا جميله :)

Bent Men ElZman Da !! said...

نهر الحب

احنا بنأمن بده
بس تقولى ايه فى الطمع اللى جوانا بقى

ربنا يخليكى يا حبيبتى
نورتينى :)

Bent Men ElZman Da !! said...

reemaas

وانا للمره اللى مش عارفه كام
بقولك انى بحب وجودك هنا :)

Bent Men ElZman Da !! said...

reemaas

وانا للمره اللى مش عارفه كام
بقولك انى بحب وجودك هنا :)

MoHaMeD Alaa said...

متألقة كعادتك ...

سيدتي

Bent Men ElZman Da !! said...

MoHaMeD Alaa

متألقه انا بك ... سيدى :$

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment