01 March 2012

My Sweet Home ♥

.




السنادى مدونتى بقى عندها 5 سنين :))
اوى مره افكر انى احتفل بوجود المدونه وبدأيه كتابتى فيها
يمكن لانى مش كنت مبسوطه بوجودها اد ما انا مبسوطه بيه دلوقتى
مبسوطه  انها ادتنى فرصه انى اخرج حاجات كتير من جوايا
مبسوطه لانها كانت طريق عشان اقابل ناس 
بقى وجودهم مهم بالنسبه ليا

لما بشوف اول مواضيعى فى المدونه هنا
واشوف دلوقتى
بكتشف بجد الفرق
فى اختلاف جذرى فى كل حاجه
طريقه كتابتى الاول ماكنتش بقدر اكتب فى موضوع بطريقه كويسه او اقدر اوصل افكار كويس
انما دلوقتى بقدر بشكل احسن بكتير من الاول
حتى ارائى مختلفه
وافكارى مختلفه
وحياتى مختلفه

الاول كنت ببقى مكسوفه من اى حاجه بكتبها
انى اكتب كل حاجه بحسها من غير قيود
ده بالنسبه ليا شئ مش سهل

اول ما كتبت هنا
ماكنتش بقول لحد انى عامله مدونه اصلا
ولا كان حد بيشوف اللى بكتبه
ولا انا كنت بحب حد يقرألى
ويمكن ده كان سبب انى ابعد فتره عن المدونه
بس مع الوقت
بدأت ابقى مبسوطه جدا باللى بكتبه
وابقى مبسوطه اكتر لما الاقى حد بيشوف اللى بكتبه ده 
ويعلق عليه او يعجبه و يشجعنى

اكبر سبب للتغير ده
كانت حمله التدوين اللى حصلت فى شهر يونيو
غيرتنى وغيرت طريقتى وغيرت مدونتى نفسها
ادتنى ثقه ودفعه فى اى حاجه بكتبها حتى لو مش مهمه


بقيت فخوره اوى لما اقول لحد انى عندى مدونه
بيتى الصغيور اللى ماحدش ببيتكلم فيه غيرى
بيتى اللى ماحدش بيغير ترتيبه ويظبطه غيرى
بيتى اللى بشخبط على كل حيطه فيه من غير ما حد يقولى عيب كده
بيتى اللى بحب اقعد فيه وقت ما ابقى مبسوطه اوحزينه اومجنونه
بيتى اللى ماحدش يقدر يخرجنى منه
بيتى اللى انا جواه وهو حته منى

مبسوطه بكل الناس اللى بتعلق عندى 
لانهم بجد بيزيدوا حاجه فى  تفكيرى
مبسوطه بكل حد انا عرفت مدونته 
لانه بيزيد حاجه فى اهتماماتى وشخصيتى ونظرتى لكل شئ حواليا
مبسوطه بكل المدونات اللى عرفتها
واللى مهما اوصف انا كنت مبسوطه بيهم دا ايه مش هاعرف
وخايفه اقول اسم حد عشان مش انسى حد تانى
بس بجد كل حد عرفته عن طريق المدونه 
انا بعتز جدا بيه وبمعرفتى بيه 
حتى لو كانت عن طريق المدونات بتاعتنا بس

مبسوطه بقى اكتر ان اليوم ده
متوافق كمان مع نفس اليوم اللى كان فيه قرايه فاتحتى
دايماً الحاجات الجميله بتيجى مع بعضها

34 comments

سواح في ملك اللــــــــــــــــــه- said...

كل سنة وانتي طيبة يادينا

عقبال ميت سنة واربعة

البساطة والعمق في مواضيعك اهم مايميزك

تحيتي لكي

Bent Men ElZman Da !! said...

سواح في ملك اللــــــــــــــــــه-

وانت بألف خير يا خالد
ده بس من ذوقك
سعيده بوجودك اللى دايماً بيشجعنى :))
نورتنى

مصطفى سيف الدين said...

كل سنة و مدونتك طيبة
ياااااااه خمس سنين؟
مدونتك اكبر من مدونتي بسنة الا اسبوع
مدونتي من مواليد 22/2/2008
بس مرضتش احتفل السنادي
مش عارف ليه
فعلا حملة التدوين كانت مهمة جدا حفزت جوانا كتير
و عرفتنا اننا نقدر نكتب يوميا
كل سنة و مدونتك بخير و كلماتك مصنوعة من الذهب
تحياتي ليكي

هبة فاروق said...

ماشاء الله خمس سنين
عقبال ما يبقو عشره وعشرين
كل سنه وانتى طيبه ومدونتك منوره بيكى

شهرزاد المصرية said...

كل سنة و مدونتك طيبة و انت بخير و سعادة يا دينا و دايما فى تقدم

موناليزا said...

كل سنة وأنتوا طيبين :)

عبير علاو said...

عقبال مليون سنة حبيبتي دينا

شمس النهار said...

كل سنة وانتي طيبة ومدونتك بخير
ودايما متألقه وجميلة
بحب اوي المناسبات تتجمع مع بعض
يعني انا مدونتي عملتها يوم عيد ميلاد مامتي
بتبقا لطيفة الحكاية دي

Sarah .. said...

Home sweet home .. :)
كل سنة وانتى والبلوج منورين عالم بلوجر دايما

أنا كمان البلوج بتاعتى كملت سنتين من كام يوم
ويمكن دا اليوم الوحيد اللى بحبه فى فبراير .

عقبال سنين كتير جاية وبوستات أكتر يا دينا :)
مفيش بيبسى بقى عشان نحتفل .. :))

Miss LoZa said...

Kol Sana w heya tayeba :)
w Kol Sana wentii m3aha :)

جارة القمر said...

مبسوطة انى عرفت مدونتك فى يوم مميز كدا

كل سنة وانتى و مدونتك طيبين يارب

ويارب دايما مبسوطة و جميلة زى ما انتى

m.hallawa said...

مساء الخير
عقبال 100 سنة
تحياتي

I have changed said...

كل سنة وانتي طيبة وعقبال 100 سنة ،انا ل مرة ادخل هنا ومبسوطة ادخلت في مناسبة سعيدة زي دي ،انتوا فعلا جروب حلو اوي ربنا يديم عليكم المشاعر الحلو دي ،واتمني تقبليني اخت جديدة ليكي ، وانا نفسي يكون ليا مدون زيك علشان اكتب اللي جويا بس خايفة شوية ،احبك في الله

reemaas said...

فعلا يا دينا لما بنقارن بين كتابتنا دلوقتىواول مابدئنا نعرف اد ايه المدونة فرقت معانا وبقت جزء من حياتنا مهم جدا

كل سنة وانت ديما معانا

Sara said...

كل سنة و (بنت من الزمن دا) بخير و صاحبتها زي الفل و جميلة كدا :)

ألف مبروك
و عقبال السنين الجاية كمان و احنا بنحتفل معاكي :)

I have changed said...

علي فكرة انا كتبنلك قبل كده ،بس مش عارفة ليه مظهرش ،عالعموم يا ستي بقولهالك تاني "كل مدونة وانتي طيبة وعقبال 100 سنة ان شاء الله
انا جديدة هنا وارجو اني اكون ضيفة خفيفة عليكي يا سكررة،ولو باقي من التورتة حتة صغيرة انا معنديش مانع "دي باين عليها داخلة علي طمع" هههههه

Bent Men ElZman Da !! said...

مصطفى سيف الدين

عاجبنى اوى التاريخ بتاع مدونتك ده

فعلا حمله التدوين دى كانت مختلفه جدا بجد

ربنا يبارك فيك يا مصطفى
اسعدنى وجودك :))

Bent Men ElZman Da !! said...

هبة فاروق

ربنا يخليكى يا جميله
المدونه دايماً بتبقى منوره بوجودكم
نورتينى :))

Bent Men ElZman Da !! said...

شهرزاد المصرية

شكرا لحضرتك جدا
شرفنى وجودك :))

Bent Men ElZman Da !! said...

عبير علاو

تسلمى يا حبيبتى
ميرسى ليكى اوى

Bent Men ElZman Da !! said...

شمس النهار

بتبقى جميله حكايه المناسبات مع بعض
عشان بنحس وقتها ان السعاده بقت اكتر مرتين :)

شكرا لحضرتك
شرفتينى بوجودك :))

Bent Men ElZman Da !! said...

Sarah ..

وانتى بألف خير يا جميله
واضح ان الفتره دى عيد ميلاد بلوجات كتير :))
ميرسى ليكى يا قمر
وسعيده بوجودك اوى :))

Bent Men ElZman Da !! said...

Miss LoZa

وانتى طيب يا حبيبتى
تسلميلى :))

Bent Men ElZman Da !! said...

جارة القمر

انا مبسوطه اكتر بوجودك بجد
ويارب انتى كمان مبسوطه وجميله دايماً
نورتينى يا قمر :))

Bent Men ElZman Da !! said...

m.hallawa

ميرسى لحضرتك
نورتنى :))

Bent Men ElZman Da !! said...

I have changed

وانتى طيبه يا جميله
انا اللى مبسوطه بوجودك
كله من زوقك بس :)
حاولى تجربى وتعملى مدونه ومش تخافى من حاجه
انتى فى الاول والاخر بتكتبى لنفسك وبس
كأنك تفضفضى فى مكان لوحدك وبتكتبى اى حاجه عن كل حاجه لافته نظرك
الكتابه بتفرق كتير على نفسيه الواحد
ومع الوقت بيبقى احسن واحسن كمان
جربى مش هتخسرى حاجه ابدا
انا مستنيه اشوف مدونتك قريب بقى
ميرسى ليكى يا قمر
واسعدنى مرورك جدا واتمنى مش يكون الاخير :))

على الهامش بقى
معلش عشان انا عامله اشراف على التعليقات مش بتظهر الا لما اوافق عليها :))
عشان كده تعليقك مش ظهر على طول
وماتقلقيش هاسبلك حته من التورته الصغيوره اللى فوق دى :))))

Bent Men ElZman Da !! said...

reemaas

اه فى اختلاف جذررررى بجد
ميرسى ليكى يا نور
بيسعدنى وجودك دايماً :))

Bent Men ElZman Da !! said...

Sara

ميرسى ليكى يا ساره
وانتى دايماً اجمل يارب
ان شاء الله كل سنه تبقى موجوده المدونه بوجودكم :))
نورتينى

نهر الحب said...

كل سنة وانتي ومدونتك طيبين نفس احساسي بالمدونة زمان ودلوقتي علي فكرة
:))

أبـجـديات بندر الاسمري said...

كل سنة وانتي طيبة وبصحة وسلامة..

وهذه المدونة من المدونات التي تشرفت بمعرفتها ..


تمنياتي لك بالتوفيق ..

rona ali said...

فعلا تحسي البلوج بقيت ملذانا وبيتنا
وبلوكنتنا وكل حاجه في حياتنا

وانا من اسبوع قولت كل سنه والمدونه طيبه وبخير وتعيشي وتكتبي من بعدها مكتبتيش حد حسدك ولا إيه ياريتك كنتى تقصدى بالخمس سنين تداري العين هههههههههههههههههههه

وحشتينى اوى ووحشنى كلامك يا بنتوته :)

ريـــمـــاس said...

صباح الغاردينيا دينا
وكل سنة وأنتي ومدونتك بيننا :)
؛؛
؛
لروحك عبق الغاردينيا
reemaas

ابن السور said...

كل يوم يمر علينا نتعلم فيه شيئا
فكيف بخمس سنوات من عمرنا
بالطبع سيكون الامر مختلف ورائع
لانه سيكون مليء بمعلومات وتحصيل مفيد
بوست راسع وكلام منطقي وجرف جميل

رحيق الورد said...

مساء الخير ...
كل سنة وانتى والمدونة بخير
وعقبال مية سنة
تحياتى لك

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget