06 April 2012

الـلـــون الابـيــض

.



فتحت عينيها برويه لتتحقق مما يحيط بها كما تفعل كل صباح
لتصطدم كالمعتاد بهذا الفراغ الابيض الذى يحيط بها

هى عكس كل البشر
اصبحت تبغض كثيراً ذلك اللون الابيض الناصع
والذى اصبح بالنسبه لها هو لون الموت !!

هذا اللون الذى يكسو ارجاء غرفتها التى اصبحت وحدها دون غيرها منزلاً لها
يمر يومها دون شئ اخر سوى النظر فى انحاء غرفتها 
والتى قليلاً ما يأتيها احداً من ذويها ليزورها
وكأنهم اعتادوا على وجودها هناك

يبدأ يومها وينتهى به 
لا ترى سواه هذا البياض الصامت القاتل
ولا تستمع سوى لرنين تلك الاجهزه الطبية الموصله بجسدها
لتغلق عينيها فى نهايه اليوم
متمنيه من الله ان تستيقظ غداً
لترى عينيها أحدى الالوان الأخرى
او حتى ألا ترى أى لون اخر ابداً !!






44 comments

سواح في ملك اللــــــــــــــــــه- said...

هكذا الانسان حين يسام المرض

عبرتي جيدا يادينا

احسنتي الوصف


تحيتي

Radwa Ashraf said...

ده جانب وحش من اللون الأبيض فعلا :(
لون قد يبعث على الملل و خصوصا فى حالة المرض

تدوينة حلوة اوى
وحشتنى تدويناتك :)

رؤى عليوة said...

مؤلمة جداااااااا


لا كل الابيض ولا كل الاسود

دمت بخير وربنا يهون

rona ali said...

الله احسنتى الوصف فعلا كما قال استاذ خالد

ووصلي نفس الشعور برضوا اللى وصله
هى ملت ذلك اللون وتريد ان تري الوان الحياه
ملت من رؤيه نفس الشئ

ابدعتى يا دودو

رحلتنا في الحياة said...

فى بعض الثقافات الابيض بيرمز فعلا للموت ومعرفش ليه التفسير دا

reemaas said...

توحيد اللون او توحيد الحالة ايا كانت مرض او غيره بيوصل لنفس النتيجة فما بالك بحالتها

جميلة اوى

شمس النهار said...

جميلة
كتبتيها جميلة
الابيض دايما يذكرني بالوحدة
ورغم هذا احبه

هبة فاروق said...

الصحه تاج على رؤوس الاصحاء
عبرتى عن حاله المريضه بعد ان اصبح المرض ملازم لها واللون الابيض سجن تعيش بداخله بطريقه رائعه
اجدتى فى وصفك وتعبيرك

ابراهيم رزق said...

الاحاسيس داخلنا
و من المستحيل ان نستمتع بجمال الالوان و نسعد بها و نشعر بها
ما لم يكن داخلنا سعيد

تحياتى

Unknown said...

و لو أنها نظرت من زاوية أخرى لرأت أنه النقاء .. كل النقاء هو

Angham Salah said...

رااااااااائعه كالعاده يا دينا

Bent Men ElZman Da !! said...

سواح في ملك اللــــــــــــــــــه-

شكرا ليك يا خالد
مبسوطه بوجودك دايما :)

Bent Men ElZman Da !! said...

Radwa Ashraf

بالرغم من صفائه الا انه يصيب بالملل فعلا
واحشنى وجودك اووى هنا يا رودى
نورتينى :)

Bent Men ElZman Da !! said...

رؤى عليوة

مش معنى ان اللون ابيض
يبقى شرط يمنحنا السعاده :)

اسعدنى مرورك واتمنى يتكرر مره تانيه
نورتينى :)

Bent Men ElZman Da !! said...

rona ali

وما ابشع الملل بقى فى المواقف دى
مبسوطه بوجودك خالص بقى :)

Bent Men ElZman Da !! said...

ღ أحاسيس آيـــوشـه ღ

جديده المعلومه دى اول مره اعرفها
ميرسى ليكى يا آيوشه نورتينى :)

Bent Men ElZman Da !! said...

reemaas

وجودك هو الاجمل يا نور
شرفتينى :)

Bent Men ElZman Da !! said...

شمس النهار

انا كمان الابيض بيحسسنى باحساس غريب
سعيده بوجودك :)

Bent Men ElZman Da !! said...

هبة فاروق

شكرا ليكى يا هبه
اسعدنى وجودك وردك :)

Bent Men ElZman Da !! said...

ابراهيم رزق

احنا بنشوف الالوان باللون اللى متلون بيه قلبنا :)
شرفتينى بوجودك :)

Bent Men ElZman Da !! said...

عبير علاو

هى شافت الزاويه اللى جواها قبل ما تشوف اللون اللى حواليها
نورتينى بوجودك يا عبير :)

Bent Men ElZman Da !! said...

Angham Salah

الرائعه هى انتى يا انغام
نورتينى بوجودك يا جميله :)

نهر الحب said...

رغم انها حزينة لكن معبرة اوي اوي

عارفة
احساس الوحدة كمان شبه المرض بيخليكي عايشة في حتة صغيرة اةي من الدنيا مش شايفة فيها غير الركن ده وبس لون واحد مش بتغير ومش قادرة تخرجي منه

Unknown said...

كده يا دينا نكدتي عليه :(
فلسفه جديده ليست كل الألوان تعبرعن مظهرها

وحشتيني يا فاندم و آسفه للتقصير
:)

بندر said...

مهما كان اللون . فإن المرض سيريها بشاعة المنظر.

لك تحياتي..

eng_semsem said...

ربنا يعافي كل مريض
جلسته في مكان واحد بتحسسه بضعفه عدم قدرته على رؤية الحياه بالوانها بتحسسه بضعفه وانت نقلتي الصوره بشكل معبر
تحياتي

EMA said...

ياه الملل فعلا شيء فظييع ..

جميلة اوى يا دينا و معبرة جدا

وحشاني يا قمر

تحياتي

حنين محمد said...

مساء الغاردينيا دينا
قصة مؤلمة جداً جداً لكنها وصفت ذلك البياض البارد والمؤلم "
؛؛
؛
رائعة
لروحك عبق الغاردينيا
كانت هنا
reemaas

zeze said...

فعلا الحاجة لما تستمر مبحش بطعمها،واهم حاجة انوا الابيض يفضل دايما مالي قوبنا
بوست جميل ،بارك الله فيكي يا حبيبتي

رحيق الورد said...

مساء الخير ..
جميلة ورائعة ومؤترة
سرنى التواجد هنا
تحياتى لك
ياسمين

Imane Belâbbes said...

مرحبا ..
أعجبتني التدوينة و المدونة ..
سلامي ..
إيمي

Bent Men ElZman Da !! said...

نهر الحب

المرض اصلا بيكون اسوء شئ فيه انك منعزله عن العالم
بتحسى انك فى حته لوحدك كده وبالتالى مش بتشوفى غير اللون اللى محاوطك وبس
نورتينى يا جميله :)

Bent Men ElZman Da !! said...

شيرين سامي

معلش ماكنش قصدى بقى :(
انتى وحشانى خاااالص
وولا يهمك كفايه وجودك ده دلوقتى :))

Bent Men ElZman Da !! said...

بندر الاسمري

بشاعه المرض تنتقل الى الالوان بالتباعيه

شكرا ليك
واسعدنى توجدك :)

Bent Men ElZman Da !! said...

eng_semsem

اللهم آمين
شكرا ليك جدا
نورتنى بوجودك :)

Bent Men ElZman Da !! said...

EMA EMA

الملل والمرض هما اسوء حاجتين بيجتمعوا مع بعض

وحشنى وجودك اوووى
نورتينى :)

Bent Men ElZman Da !! said...

ريـــمـــاس

الرائع هو وجودك يا ريماس
نورتينى يا جميله :)

Bent Men ElZman Da !! said...

zeze

يارب مش يفضل فى قلوبنا غير الابيض اصلا
ميرسى يا قمر
نورتينى بوجودك :)

Bent Men ElZman Da !! said...

رحيق الورد

مساء النور
انا اللى اسعدنى جدا وجودك
نورتينى :)

Bent Men ElZman Da !! said...

إيمي

مبسوطه جدا ان المدونه عاجبتك
واسعدتنى زيارتك واتمنى مش تكون الاخيره
نورتينى :)

د.ريان said...

صباحكِ ورد وياسمين سيدتي

وكلمات مؤثرة من قلمكم

كم سعدت بهذ الحرف العميق

وهذه المدونة التي أعجبتني فعلاً

وسرني الصباح هنا أنا وقهوتي

دمتم بكل ود وجمال

Israà A. Youssuf said...

يا الله..

كلماتك موجعة أوي :(

أسلوبك جميل :)

تحياتي..

Bent Men ElZman Da !! said...

د.ريان

شكرا ليك جدا
واسعدنى تواجدك :)

Bent Men ElZman Da !! said...

Israa' A. Youssuf

وجودك اجمل :)
نورتينى يا قمر

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment