25 May 2012

يعنى ايه أمل فى بكره ؟

.





يعنى اصحى الصبح وفى ابتسامه جوه قلبى لانى عارفه انه يوم مختلف

يعنى اول حاجه افكر اشوفها هى اخبار الانتخابات عشان اعرف اهم الاحداث

يعنى يبقى كل واحد فى البيت هيختار مرشح مختلف عن التانى عن اقتناع داخلى منه

يعنى كل واحد فينا يقعد يتناقش مع اللى حواليه من غير ما يحاول يغير رأى اى حد فيهم

يعنى نبقى كلنا بندعى بحاجه واحده مش لمرشح معين لكن ان ربنا يولي الاصلح لينا

يعنى كل واحد فينا يبقى نازل رايح اللجنه بكل حماس

يعنى يبقى كل واحد ملتزم بمكانه بكل هدوء وحب برغم الحر والزحمه

يعنى نبقى لاخر لحظه قدام اللجنه محتارين وبنفكر عشان عايزين نختار انسب واحد ومقتنعين ان صوتنا ده امانه

يعنى لاول مره ابص لفرد جيش بنظره مع ابتسامه جوايا

يعنى الاقى طفل نازل مع مامته من اللجنه مبسوط وبيجرى عشان انتخب

يعنى اشوف ام شايله ابنها اللى مش اتعدى شهور لانها حريصه انها تدى صوتها فى الانتخابات

يعنى نكون لاخر لحظه وبرغم كل التكهنات مش قادرين نعرف مين اللى ممكن يكسب

يعنى نبقى قاعدين مستنين النتيجه ولا كأننا مستنين نتيجه الثانويه العامه

يعنى يبقى جوانا حلم والامل اللى فى قلوبنا يخلينا واثقين ان الحلم ده هيتحقق :)



23/5/2012



6 comments

m.hallawa said...

يعني أن شاء الله مصر سوف تكون من أعظم الدول المحترمة
تحياتي

حنين محمد said...

صباح الغاردينيا دينا
ماتمر به مصر هذة الايام هو انتظار وترقب وخوف وجميعها يخالطها حلم وأمل وأمنيات وصباح متمنين شروقه لتشرق أم الدنيا من جديد"
؛؛
;
دعواتنا جميعاً بأن يكون الأصلح لمصر
لروحك عبق الغاردينيا
كانت هنا
Reemaas

سواح في ملك اللــــــــــــــــــه- said...

ربنا يسنر دينا

ويولي علي مصر من يخدم شعب مصر

zeze said...

جميلة اووووي كلماتك يادينا وبجد هو دا احساسي
ويارب كل الناس تفكر كدا
بارك الله فيكي وحفظك من كل سوء

rona ali said...

الله عليكى يا دندن
انا حاسيت كانى معاكى اة والله
لانى كنت بفكر في كل اللى بتقولى
وشوفت كل اللى شوفتى بيجد
ياربببببب بقي

Moahmed abdelmeguid said...

انا لسه شايف البوست ده النهاردة ... هحاول اكون متفائل لأقصى درجة و اقول :

يعنى ايه أمل فى بكرة ؟
يعنى بعد النتيجة اللى طلعت دى و بعد مابقينا قدام اختيارين الاتنين أصعب من بعض (وان كانوا مش زى بعض ابداً)لسه بنحلم و بنفكر هنخليها أحسن ازاى حتى وسط كم الاحباط اللى احنا فيه ده :)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment