27 June 2012

فكر بره الصندوق

.




فكر بره الصندوق
جُمله كتير بنسمعها
عشان نوسع تفكيرنا ومداركنا شويه
ونخرج بره صندوق عقلنا اللى بيحكمنا كتير فى تصرفاتنا
بس انا الحقيقه شايفه ان الجُمله دى مش صح فى احيان كتير
افكارنا دى هى صندوق من اختيارنا
لما بنفكر فى حاجه بتبقى عن اقتناع مننا
يعنى الصندوق ده بكل كراكيبه بيعبر عننا واحنا اللى عملناه
ممكن نطور فيه ونخلى اللى جواه افضل
وارد ندخل فيه حاجات جديده
ووارد جدا نخرج منه حاجات مش بقت مناسبه مع الوقت اللى احنا عايشينه
بس مش هينفع نخرج بره منه خالص
والا ساعتها مش هنبقى احنا اصلاً !!

36 comments

Unknown said...

جاااامده جدا عمري بصراحه مااعترفت باان دي حكمه لان اي شيء نفكر فيه او نبتكره او نبعد فيه هيبقى وليد هذا الصندوق والخروج من الصندوق هيكون بالتقيلد الاعمى او السمع والعمل بدون تفكير جميل جدا استمري

rona ali said...

الله دة ايه التفكير العالى دة

بصس معاكى جدااا
اننا لو خرجنا بره صندوقنا هنتوه لان الصندوق كان في الحاجات بتاعتنا اللى بنحتاجها
بس ربما في بعض الاحيان لازم تخرجى برة الصندوق علشان تغيري وعلشان تستفادى من اللى برة
علشان تجربه الخروج بتكون مهمه اوى :))

Tamer Nabil Moussa said...

الخروج من الصندوق متاهة الا اذا كان الامر يستحق التجربة وسوف يضيف الينا

تدوينة جميلة

تسلم ايدك
مع خالص تحياتى

Hanan w Haneen said...

انا معاكـي ان الصندوق ده احنا وممكن نخرج منه حاجة وندخل حاجة .. لكن نغيره تماما مش ده الصح :)

نــايس دندون :h:

Nour said...

اول مرة افكر فيها كده
انا كنت دايما بفهمها بطريقة اننا نوسع مداركنا وبلاش نفكر في اتجاه او طريقة واحدة

عجبتني وجهة نظرك :)

مصطفى سيف الدين said...

لو خرجنا برة الصندوق خالص ممكن منعرفش نرجع تاني و وقتها هنتوه في الفراغ
تحياتي

حنين محمد said...

صباح الغاردينيا دينا
لاغنى لنا عن ذلك الصندوق
ولاغني لأفكارنا عنه "
؛؛
؛
وفكرة رائعة
لروحك عبق الغاردينيا
كانت هنا
reemaas

Menna said...

الافضل من اننا نخرج برة الصندوق هو اننا نوسع الصندوق و نطوره
متميزة كعادتك
تحياتي

رؤى عليوة said...

شوفى انتى صح وهما كمان :)

اكيد لازم نرتب صندوقنا اللى بيجمع كل الحجات اللى جوانا
لكن فيه وقت عشان يترتب الصندوق بيكون محتاج اننا نبعد عنه شوية ونشوفه من بعيد
او بنظرة من اعلى :)


دمت بخير

كريمة سندي said...

اتفق معك غاليتي ولكن بعض الأجزاء وليس الكل يحتاج منا أن نرمي الصندوق ونستبدله بصندوق آخر

Habiba said...

معاك حق والله
مع انى مسمعتش الجملة دى قبل كده بس فاهمة قصدك
دمت بخير حال

نهر الحب said...

جميل الرأي ده
...
لو خرجنا بره الصندوق مش حنبقي احنا...صح اوووي

.......
وشاااااايف البحر شوكبييييييييييييير كبر البحر بحبك
:DD

الله الله

.........
بصي هو مش حكاية نخرج بره الصندوق هو بنكون محتاجين نفكر بطريقة مختلفة ومش ديما بنقدر نعمل ده في كل وقت بس بنعمله لما بندي لنفسنا فرصه عشان نهدي ونفكر احسن حاجة لو الوقت ده كان هو المناسب وميبقاش اتاخرنا

شمس النهار said...

وحياتك كله من جوه الصندوق

واه من الصندوق اللي شغال ليل نهار بيبقا حمل تقيل علي صاحبه

βent Pasha said...

البوست جامد جدا
الصندوق ده بكل كراكيبه بيعبر عننا واحنا اللى( عملناه )
عندك حق

بس الجملة بتاعة ( فكر بره الصندوق ) دي جديدة وأنا أول مرة أسمعها .

:-))
تحياتي لكِ

مروه زهران said...

جميلة الفكرة اللى جوه الصندوق
كلماتك بسيطة ومعبرة جدا

ضياء عزت said...

معاكي .. بس ده مايمنعش اننا أوقات ممكن نفاجئ نفسنا بأفكار مختلفة ماكنتش موجودة في حساباتنا

حلو تحليلك ومنطقك

eng_semsem said...

هو الغرض من الحكمه تجديد الافكار مش تغيير المبادئ واحيانا الواحد لما بيكون في مشكله مش بيكون شايف غير الحل اللي يرضيه مش الحل الافضل
تحياتي

reemaas said...

طب ما اللى احنا وصلناله انه بره الصندوق وصلناله ازاى اكي حتى لو مختلف فهو من بنات تفكيرنا لو جاز التعبير..فهمانى

الصندوق عبرة مجازية نحددد بيها مجالنا ده لو احنا عاوزين نحدده

Bent Men ElZman Da !! said...

shreif elsaftty

وممكن يكون الخروج بره الصندوق يولد افكار احنا مش مقتنعين بيها اصلا
انما هتتسرب لينا عشان عايزين نخرج منه وخلاص

اسعدنى وجودك ومبسوطه ان الموضوع عجبك :)

Bent Men ElZman Da !! said...

rona ali

ممكن فعلا تجربه الخروج تفيد
بس خروج لمجرد اننا ناخد فكره ندخلها جوه الصندوق اللى احنا بنجمع فيه افكارنا ده

نورتينى يا رونا :))

Bent Men ElZman Da !! said...

Tamer Nabil Moussa

المهم انه يضيف مش ياخد من صندوقنا

اسعدنى وجودك :))

Bent Men ElZman Da !! said...

NoNa AnGeL

ايوه هو الغلط فى التغيير الكلى ده

نورتينى يا حبيبتى :)

Bent Men ElZman Da !! said...

Nour

ما هى فكرتها اننا نوسع مداركنا فعلا
بس مش معناها اننا نتنازل عن الصندوق ده خالص

نورتينى يا جميله :))

Bent Men ElZman Da !! said...

مصطفى سيف الدين

هيتوه مننا طريق الرجوع لنفس الصندوق من تانى

اسعدنى وجودك وتعليقك
نورتنى :))

Bent Men ElZman Da !! said...

ريـــمـــاس

وجودك هو الاروع ريماس

نورتينى يا حبيبتى :)

Bent Men ElZman Da !! said...

Menna

ده اللى اقصده يا منه
اننا نقدر نوسع الصندوق ده للافضل
انما مش نسيبه او نغيره خالص

نورتينى يا جميله :))

Bent Men ElZman Da !! said...

رؤى عليوة

حياتنا كلها بنحتاج فيها اوقات فعلا لازم نشوفها بنظره من اعلى
ومنها صندوق افكارنا اللى لازم يتدخل عليه تعديلات من وقت للتانى

نورتينى يا رؤى بتعليقك الجميل زيك :))

Bent Men ElZman Da !! said...

كريمة سندي

اكيد بعض الاجزاء من وقت للتانى بنحتاج نستبدلها
انما نغير الصندوق كله
دى صعبه اوى

اسعدنى وجودك :)

Bent Men ElZman Da !! said...

habiba

ميرسى ليكى يا جميله
نورتينى بوجودك :))

Bent Men ElZman Da !! said...

نهر الحب

انا قصدى ان وقت حتى ما بنخرج بره الصندوق بنبقى لاننا عايزين نطوره هنجيب فكره جديده نحطها فيه عشان يكون دايما افضل

مبسوطه برأيك ووجودك
نورتينى :))

Bent Men ElZman Da !! said...

شمس النهار

الصندوق ده اصلا شكله هيجننا فى يوم من الايام

مبسوطه بوجودك :)

Bent Men ElZman Da !! said...

βent Pasha

بجد اول مره تسمعيها؟
دى معروفه وبتتقال كتير يعنى

مبسوطه ان البوست عجبك
نورتينى يا جميله :))

Bent Men ElZman Da !! said...

MEROOooOOoo

وجودك هو الاجمل يا ميرو
نورتينى يا قمر :))

Bent Men ElZman Da !! said...

Deyaa Ezzat

وهو ده اللى بيأدى دايماً لتطوير الصندوق بتاعنا اللى فوق ده :))

نورتنى بوجودك :)

Bent Men ElZman Da !! said...

eng_semsem

لما بنكون فى مشكله مش بنقدر نشوفها صح
وبالتالى مش بناخد القرار الصح

اسعدنى وجودك :))

Bent Men ElZman Da !! said...

reemaas

فاهماكى اكيد
بس المهم ان الصندوق اللى هو مجازنا بيعبر عن عقلنا وتفكيرنا
الا ان شويه الافكار اللى جمعناها طول حياتنا ماينفعش نسيبها ونخرج براها
ممكن نجيب شويه افكار جديده عليها او نغير فيها
انما نسيبها خالص
ده اللى انا بتكلم فيه بقى

نورتينى يا جميله :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment