02 July 2012

كلام والسلام ... كلاكيت 17 مره

.



حاسه ان جوايا صوتين بيحكوا مع بعض
وانا قاعده فى النص
يا اسمع ده يا اسمع ده
ماينفعش اقول رأى وسط ما بينهم
لانهم الاتنين مش هيتجمعوا مع بعض اصلا

*******

بتخنق اووى من القرارت اللى ذو حدين زى ما بيقولوا
يمين هيبقى فيها خساره
وشمال فيها خساره
هو ليه ماينفعش الواحد يطلع كسبان فى الحالات اللى زى دى؟!!؟

*******

بستغبى اوى الناس اللى بتقول دموع الرجل ضعف
انهى غبى اللى طلع النظريه دى
من وجهه نظرى بقى
ده هى دى عز قوه الرجل
الرجل فى الاول وفى الاخر انسان جواه مشاعر محتاج يخرجها
وعشان يخرجها بدموعه ده بيحتاج قوه كبيره منه

*******

ازاى فى ناس قادرين يدخلوا فى حياه غيرهم ويفسدوها بالطريقه دى !!!

*******

بتيجى اوقات على الواحد
من كتر الوجع اللى جواه
بيبقى عايز يقف فى مكان فااااضى مفيش فيه حد غيره
ويصرخ بأااااعلى ما عنده
بس اللى مابيعرفش يصرخ واللى مش عنده مكان فاضى
يعمل ايه فى نفسه؟؟
ينتحر؟؟

*******

اكيد ربنا بيبقى ليه حكمه فى كل حاجه بتحصل فى حياتنا
نفسى ياربى تقولى الحكمه من ده كانت ايه

*******

عمر ما فى حد يقدر يخلينى اعمل حاجه انا مش عايزه اعملها
يوم عن يوم بتأكد من ده ..انى دماغى جزمه

*******

تأثير بعض الاشخاص فى حياتك
مش بيكون بمدى قربهم جسدياً ليك
بس بمدى قرب روحهم وقلبهم لروحك

32 comments

زينة زيدان said...

كأننا نحيا في برزخ بين البينين

ودوما التوهان يحيط بنا من كل جانب

تحيتي لكِ

سواح في ملك اللــــــــــــــــــه- said...

ازيك يادينا


هي دي الدنيا يادينا

ولازم نعيش كل لحظة فيها بحلوها ومرها

فلولا المرارة

مأدركنا

ان هناك شيئا حلوا

Bent Men ElZman Da !! said...

زينة زيدان

دى الحقيقه للاسف

اسعدنى وجودك وتعليقك :)

Bent Men ElZman Da !! said...

سواح في ملك اللــــــــــــــــــه-

انا تمام
ازيك انت يا خالد حمدالله على السلامه :)

المراره دى هى اللى بتخلينا قادرين نحس بقيمه الحلو

مبسوطه بوجودك :))

ابراهيم رزق said...

1 لكن فى الاخر صوت هيعلى و هو الصوت اللى هييجمع اصوات العقل و القلب و الضمير

2 احيانا الحلول الوسطتنفع لكنها ليست مقياس

3 الدموع شعور انسانى و انا لا اخجل من دموعى

4 بس متقوليش ناس

5 يضحك

6 لا يعلم الغيب الا الله

7 ههههههه

8 الارواح جنود مجندة

تحياتى

rona ali said...

يا هلا يا هلا :)

اعلق علي ايه ولا ايه
علي فكرة هما مش بيبقوا صوتين يس بيبقوا 100 صوت وكلهم عكس بعض يعنى من الاخر دوشه

صحيح مين قال ان دموع الراجل ضعف :)

اطلعى علي المقطم وولايهمك بس لو اتقفشتى اوعى تقولى ان انا اللى نصحتك :))

العند وعارفينه ذنب الجزمه ايه في الموضوع بقي :)))

بالنسبه لقرارات اللى زى الحدين بتبقي صعبه بس احنا دايما مش بنلاحظ ان في خيار منهم معروف مستقبله بيبقي عامل ازاى :)

بالنسبه للناس احيانا علي فكرة احنا بنعتقد كده ودة بيكون صح واحيانا بيكون تدخلهم ورانا اشياء كتير مكناش شيفنها :))

ولناس اللى مش بقربهم اتفق معاكى جدا :))

ضياء عزت said...

عن دموع الرجال يقول صلاح جاهين
دموع رجال، لكن دموع
لا فيها ذل ولا خضوع
لكنها.. في المنتهى.. كانت دموع

بكيت نعم
كما يبكي عشاق الفنون قصاد قصيدة أو نغم
بكيت نعم
لكن كما تبكي السما من قلبها المليان همم

كبسولاتك الفكرية بها عمق ومنطق

تحياتي

شمس النهار said...

اه من الصوتين دول
تحسي ان حد بيشدك من دراعك اليمين والتاني من دراعك الشمال

عجبتني اخر فقرة جداااااااااااااا

مصطفى سيف الدين said...

زي ما قلتلك قبل كده بحب جدا كلامك و السلام
بيبقى مركز جدا و فيه حكم و احساس رهيب

eng_semsem said...

ان اريد وانت تريد والله يفعل ما يريد
وصدق الرسول الكريم عندما اخبرنا بان المسلم كل امره خير ان شرا صبر وان خيرا شكر اللهم اجعلنا من الصابرين الشاكرين
تحياتي

Unknown said...

دينا كالعاده بتلمسيني بكلامك

العبره مش بالأجساد المتقاربه أبداً
بالأرواح المتقاربه..بس

ربنا معاكِ و تاخدي دائماً القرار الصح
بعيداً عن الناس
و عن الإتنين اللي جواكِ

الأغنيه
ممممممممممم
تُحفه :)

حنين محمد said...

مساء الغاردينيا دينا
كتير اووي باتعارض الاصوات جوانا بس طبيعي حينتصر واحد فيهم بالنسبة لنشوفية الدماغ انا كمان بعاني منها هههههه اما الارواح دي احلى احساس ممكن تقابليه من اشخاص بعيدة عنك جسدياً"
؛؛
؛
لروحك عبق الغاردينيا
كانت هنا
Reemaas

zeze said...

بستغبى اوى الناس اللى بتقول دموع الرجل ضعف
انهى غبى اللى طلع النظريه دى
من وجهه نظرى بقى
ده هى دى عز قوه الرجل
الرجل فى الاول وفى الاخر انسان جواه مشاعر محتاج يخرجها
وعشان يخرجها بدموعه ده بيحتاج قوه كبيره منه


عندك حق في الحتة دي يعني هو مش انسان
كميلة زي عدتك يادودو

سندباد said...

وهانفضل دايما في صراح القرارات المصيرية التي تجعلنا دائما في حيرة وتوجس وتردد
بكاء الرجل كبكاء السماء اذا انهمرت بلا توقف
تحياتي لقلمك الرائع

كريمة سندي said...

والله عندك حق الدنيا بتلف بينا ونسمع أصوات من بره ومن جوا كلها بتكون معوقات في أغلب الأحيان

جميل ما قرأته هنا من فضفضة تحياتي

عمرو يسرى said...

عاجبنى كلامك اوى
كله حكم

Bent Men ElZman Da !! said...

ابراهيم رزق

1- الغريبه ان الواحد مش بسهوله يوصل اصلا للقرار اللى بيجمع التلاته دول مع بعض
لانهم قليلا لما يجتمعوا

2- الحلو الوسط هى اغلب الحلول تطبيقاً

3- انا بحترم جداااا الراجل الذى لا يخجل من دموعه حقيقى

4 - ههههههههههه حاضر مش هاقول

5- على رأيك والله يعنى هناخد منها ايه :))

6- ونعم بالله

7- ايه بقى هو حضرتك بتضحك على الجزمه اللى قاعده فوق دى ليه :))))

8- فعلا والله جنود مجنده لسلامه القلوب :)

مبسوطه جدا بتعليق حضرتك واهتمامك بكل فقره فيه
نورتنى بوجودك :))

Bent Men ElZman Da !! said...

rona ali

دوشه كبيره اووى واحنا فى النص
تخيلى الحاله بقى

فى ناس اغبياء بتشوف الدموع دى ضعف
او مش طبيعى ان الرجل يبكى عموما

فكرك كده؟ وبعدين انا اصلا اتكسف اصرخ فى المقطم كده الناس يقولوا اتجننت دى والا ايه

ده الجزمه دى هى السبب اساسا

معاكى حق
احيانا بيكون واحد منهم واضح ايه نهايته

مش فى كل الاوقات يا رنا
الاكتر ان بيكون فساد حياتنا ده هنفضل طول عمرنا نفتكر انهم السبب
ولو مش كانوا دخلوا حياتهم كانت هتبقى مختلفه ويمكن احسن
يعنى هنفضل معلقين عليهم فساد حياتنا بالشكل ده

مبسوطه بوجودك يا حبيبتى
نورتينى :)

Bent Men ElZman Da !! said...

Deyaa Ezzat

ونعم الكلمات بصراحه
انا حقيقى بحترم جدا الرجل اللى بيحتفظ بدموعه لوقت التعبير عن مشاعره بطريقه افضل

سعيده ان التدوينه عجبتك
ونورتنى بوجودك :))

Bent Men ElZman Da !! said...

شمس النهار

ايوووه هو ده الوصف المظبوط بجد

وانا عجبنى وجود حضرتك اكتر بكتير :))
نورتينى

Bent Men ElZman Da !! said...

مصطفى سيف الدين

بكون مبسوطه بجد اوى لما البوست بيعجبك يا مصطفى
بحس انه خلف توقعاتى الحمدالله :))

منورنى دايما بوجودك

Bent Men ElZman Da !! said...

eng_semsem

اللهم آمين ياااارب

نورتنى بوجودك وتعليقك الجميل ده :)

Bent Men ElZman Da !! said...

شيرين سامي

ده شئ بيسعدنى اووووى ان كلامى بيوصلك كده :))
المهم تلاقى الارواح ده

يااارب انا وانتى يا حبيبتى

الاغنيه مممم
انتى وجودك دايماَ بيخلى نكهتها احلى ^_^

نورتينى يا حبيبتى

Bent Men ElZman Da !! said...

ريـــمـــاس

اصعب القرارت فى حياتنا هى اللى بتكون مختلفه وذو حدين دايماً

ايوه الدماغ الناشفه دى بتودى فى داهيه والله

احنا بنقدر نعيش بقرب الارواح دى مننا اصلا

نورتينى يا ريمو يا جميله :))

Bent Men ElZman Da !! said...

zeze

انتى كميله اكتر بقى يا زيزى

نورتينى يا حبيبتى :))

Bent Men ElZman Da !! said...

سندباد

وماينفعش الحياه تمشى الا بالقراره الحاسمه والصرعات اللى بنمر بيها
اسعدنى وجودك
ونورتنى :))

Bent Men ElZman Da !! said...

كريمة سندي

الغريبه ان المعوقات دى فى احيان كتير هى اللى بتوصلنا للافضل

سعيده جدا ان البوست عجبك
نورتينى بوجودك وتعليقك :))

Bent Men ElZman Da !! said...

عمرو يسرى

شكرا ليك اوى
نورتنى بوجودك :)

Nour said...

بتيجى اوقات على الواحد
من كتر الوجع اللى جواه
بيبقى عايز يقف فى مكان فااااضى مفيش فيه حد غيره
ويصرخ بأااااعلى ما عنده
بس اللى مابيعرفش يصرخ واللى مش عنده مكان فاضى
يعمل ايه فى نفسه؟؟
ينتحر؟؟
*******
تأثير بعض الاشخاص فى حياتك
مش بيكون بمدى قربهم جسدياً ليك
بس بمدى قرب روحهم وقلبهم لروحك

حاساهم اووووووووووووي اوي اوي بجد
البوست كله رائع وواقعيته هي اللي موصلاه لينا كده

Bent Men ElZman Da !! said...

Nour

يارب تحسى دايماً كل حاجه حلوه بلاش الحاجات الوحشه دى
بس مبسوطه ان كلامى كان قريب من قلبك كده :))

نورتينى يا جميله

Hanan w Haneen said...

بستغبى اوى الناس اللى بتقول دموع الرجل ضعف

فعلا غبي اللى بيقول كده انا كمان رأيي من رأيــك .. راجل او بنت .. كلنا عندنا قلب ومشاعر .. ده انا بحس ان اللى مش بيعتبر دموعه ضعف ده بني ءادم حساس وعنده قلب واحساس :m:
.....
بتيجى اوقات على الواحد
من كتر الوجع اللى جواه
بيبقى عايز يقف فى مكان فااااضى مفيش فيه حد غيره
ويصرخ بأااااعلى ما عنده
بس اللى مابيعرفش يصرخ واللى مش عنده مكان فاضى
يعمل ايه فى نفسه؟؟
ينتحر؟؟

يبقا انا كده هنتحر :a:

..
فكرتيني بتوبيــك ليك رسالة ملغومة :D :h:

Bent Men ElZman Da !! said...

Hanan w Haneen

انا بردو بحس ان اللى عمره ما بيعيط ده مابيعرفش يحس صح :D

بعد الشر عنك من الانتحار يا نونا :*

ههههههههههههههههههههه
طب والله كان جامد رساله ملغومه ده
اييييه دونيا ليت الرسايل تعود يوماً :D :D

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment