14 July 2012

كلام والسلام ... كلاكيت 19 مره

.




ازاى بعد ما كنت انا وانتى بنقعد بالساعات نتكلم
ولما نسيب بعض نفتكر ان بردو لسه فى حاجات مش قولناها
ودلوقتى لما اتقابلنا مابقتش عارفه اتكلم معاكى فى ايه !
ومكالمتنا مش بتتعدى دقيقتين
اوقات لما بتتكسر وتموت حاجات بينا وجوانا
مش بنقدر نصلحها ابداً
مهما حاولنا !

********

فى اوقات كده بتبقى حياتنا محتاجه ترتيب
مش عشان متلغبطه ولا عشان نرجع بالزمن لورا  لا لا
قصدى بنبقى عايزين نرتب اشخاص معينين فى اماكن معينه
وصدف معينه بنلاقيهم بتليق على اشخاص مختلفين
وبعض الكلام اللى بنقوله لو غيرنا ترتيبه 
هنلاقيه بيقول حاجات احلى كتير
تخيلوا كده لو حياتنا عامله زى البازل
هتبقى مختلفه تماماً
يمكن كنا نقدر نخليها احسن 
لو عيدنا ترتيب الاشخاص والظروف والاماكن والاحداث و الكلام
ما اجمل الحياه فى شكل البازل !!


********

فى حاجات كده صغيره
وارد تكون مش بتهم اى حد فى الدنيا
بس بتفرح قلبى انا
يمكن لانها بتفكرنى باوقات كنت مبسوطه فيها اوى
ويمكن لانها بتفكرنى بحاجات مابقتش موجوده دلوقتى
بس الاهم انى ببقى مبسوطه بفرحه قلبى دى


********

اختلاف حالتنا النفسيه بتبقى حسب قابليتنا احنا للاختلاف
يعنى لو عندنا استعداد نفرح
اقل وابسط حاجه بتفرحنا
ولو عندنا استعداد نكتئب
بنبقى بنتلكك على اى حاجه تضايقنا
احنا من جوانا اللى بنحدد عايزين نكون حاسين بأيه


********

على فكره انا طيبه اوى
واقل حاجه بتسعدنى
بس للاسف فى نفس ذات الوقت شريره جدا
واقل حاجه بتضايقنى !!

23 comments

Śђąžล ฬąђ٤єĐ ♥ said...

اول كلامك حساه اوي اوي يا دينا
وبستغرب جدا من التحول اللي بيحصلنا احيانا

ناس كانت الاقرب لينا بتبقا في وقت من الاوقات زي الأغراب

بس ده مش بيحصل من فراغ
دي نتيجه لمراحل كتير اوي بتمر بيها العلاقه
بعد وعدم اهتمام وحاجه جوانا بتتكسر وبيبقى صعب جدا نصلحها مهما حاولنا

كل الكلام مقتنعه بيه جدا
بس انتي مش شريره اساسا ^_^

Bent Men ElZman Da !! said...

Śђąžล ฬąђ٤єĐ ♥

اكيد تحولنا ده مش بيكون من فراغ
بيكون لاسباب كتير وارد مننا ووارد من اللى حوالينا

لا انا شريره على فكره بس بحاول اعمل طيبه ^_^

Nour said...

اول حاجة دي اعتقد مفيش حد فينا مامرش بيها .. والحالة دي فعلا مابتحصلش غير لما يكون في حاجة جوانا اتكسرت من ناحية الشخص ده ومش قادرين نرجعها زي اللأول
وموضوع الحالة النفسية ده صح جدا .. ساعات الواحد يبقى ماشي مستني اني حاجة عشان يضحك ده اذا كان اصلا مش بيضحك مع نفسه كده وساعات بتقفل وبنبقى مش طايقين حاجة ومع اول موقف نقلب

طبعا خلاص المفروض تبقى عرفتي ان بوستات الخواطر و الحديث مع النفس دي بتدخل دماغي جدا :D

ريـــمـــاس said...

صباح الغاردينيا دينا
دائماً هنا تكونين على طبيعتك وتكتبين بكل عفوية محببه لتدخل القلب
ولكن لستِ شريرة :)"
؛؛
؛
لروحك عبق الغازدينيا
كانت هنا
Reemaas

مصطفى سيف الدين said...

مزيج جميل جدا من الاحاسيس
تسلم ايدك يا دينا

sahar 2013 said...

جميلة دينا كروحك
عجبتنى ♥

Deyaa Ezzat said...

ممكن يكون الملل.. ممكن تكون حاجة اتكسرت جوانا زي ما قلتي.. ممكن يكون حد مش حريص أوي على العلاقة زي التاني .. أسباب كتير

متفق معاكي في كل اللي قلتيه بعد كدة وعاجبني ^_^

بالتويق دايما

ابراهيم رزق said...

جميلة جدا

ياريت تقللى الخواطر قليلا عشان نقدر نعلق بما يجب و تستحقى

تحياتى

faroukfahmy58 said...

انا معكى تماما
لو امكننا ان نعيد ترتيب الاشخاص بعد كل حين وحين فقد نرفع من مقام اشخاص وقد نخفض من قدر الآخرين وكذلك فى الامامن ما كنا نراه عاليا قد نجده بعد حين لم يستكمل ارتفاعه
وبذلك يمكن نقدر نشوف الامور بمنظار اكثر واقعية

نهر الحب said...

الجزء الاول
لما كلامك مع حد بيتغير مع تغيير الوقت بتقعدي تفتكري هو ازاي زمان كان بيحصل كذا وكذا
مممم
يمكن العلاقة مش بتكون مفهومة عشان كدة بتتغير
............
لو حيتنا زي البازل نقدر في اي وقت نشيل ناس ونحط ناس مكنش ده بقي حالنا
تعرفي ساعات بحس اننا زي ما تقولي كدة بنتدبس في علاقات بناس ولما بنكتشف اننا غلط بيكون عدي الوقت اننا نصلح ده ولو صلحناه بياخد كتير اةوي من مشاعرنا
..............

الحاجات الصغيرة الحلوة اللي تفرح دي حاجة فينا كلنا بس الاهم مين اللي بيعكل كدة وبيغهم امتي وازاي محتاجين الحاجات الصغيرة دي حتي لو كلمة
...........
الاستعداد للاكتئاب او السعادة بايدينا صح والله بس كتير بتبقي الحالة حواليكي مش مشجعة حتي انك تبتسمي
:((
........

مش معني انك بتزعلي بحاجات صغيرة انك شريرة
متهيألي معناه انك حساسة
:))

سندباد said...

لو امكنا ترتيب انفسنا وان نتحكم في مشاعرنا بان نحب وقت ما نريد وان ننسي وقت ما نريد وان نلغي اشخاص من حياتنا وقت ما نريد اعتقد ان عذابات كتير مامنتش عدت علينا وغيرت في ملامح وشوشنا
جميل البوست كتير
تحياتي لقلمك الراقي

هبة فاروق said...

على فكره انا طيبه اوى
واقل حاجه بتسعدنى
بس للاسف فى نفس ذات الوقت شريره جدا
واقل حاجه بتضايقنى !
حبيت دى اوى وحبيتك اوى يا دينا لانك فيكى منى

شمس النهار said...

:) بقا عندي ايمان اكيد ان احنا هنا في بلوجر شبه بعض
كتير ناس بتكتب كلام بحس ان هو ده اللي جوايا
انا كمان طيبة وشريرة:)))

Bent Men ElZman Da !! said...

Nour

ماهو لازم يكون فى حاجه بقت غلط بينا وبين الشخص ده عشان مانعرفش نتعامل بنفس الاسلوب اللى كان قبل كده

وتخيلى وانتى ماشيه لما يقابلك 100 حاجه تخليكى تضحكى وانتى بردو تفضلى مضايقه
لانك اصلا مش ناويه تبقى مبسوطه من جواكى !

انا مبسوطه بقى ان البوست ده بيعجبك كده :))

Bent Men ElZman Da !! said...

ريـــمـــاس

ربنا يخليكى يا حبيبتى انتى اللى عسل خالص بجد :))

نورتينى يا ريمو :)

Bent Men ElZman Da !! said...

مصطفى سيف الدين

شكرا ليك يا مصطفى
بتسعدنى دايماً بوجودك :)

Bent Men ElZman Da !! said...

Deyaa Ezzat

حاجات كتير اوى بتخلينا علاقتنا بغيرنا تتغير
وارد تكون الحاجات دى بسببنا كمان على فكره !

ميرسى ليك اوى يا ضياء
نورتنى :)

Bent Men ElZman Da !! said...

ابراهيم رزق

وجودك اجمل :)
بعتذر ليك انا فعلا مش بحدد عدد معين للخواطر فى البوست ده
وخصوصا ان حمله التدوين فيها تدوينات كتير اوووى
بس ان شاء الله احددها بعد كده
اربعه كويس صح؟

Bent Men ElZman Da !! said...

faroukfahmy58

اهو تبديل الاماكن والاشخاص والمواقف بالشكل ده
كان هيخلى حياتنا واقعيه فعلا وكمان اجمل

سعيده جدا بوجود حضرتك :))

Bent Men ElZman Da !! said...

نهر الحب

وممكن تكون العلاقه مفهومه بس احنا اللى مش قادرين نصدق ان اقرب الناس لينا ممكن يبقوا ابعد الناس عننا كده !

كلامك صح جدااا
واهو ده بالتحديد اللى بيخلينا نخاف من الفراق لاننا بنخاف على مشاعرنا انها تكون اسوء

مش بسهوله حد يستوعب ان الحاجات العبيطه الصغيره دى بتفرق اوى كده

الحاله اللى حوالينا جزء مننا
فى حاجات والله لو شوفناها بفكره انا تخلينا نكتئب هنفضل طول العمر مكتئبين
والعكس بردو

اه تقريبا
بس الموضوع بيقلب بشر معايا مش عارفه ليه ههههههههه

نورتينى يا حبيبتى :))

Bent Men ElZman Da !! said...

سندباد

حياتنا وقتها كانت هتبقى مثاليه اوى
وده مش بيحصل

الاجمل هو وجودك اللى اسعدنى :)

Bent Men ElZman Da !! said...

هبة فاروق

وانا كمان بحبك ومبسوطه اننا شبه بعض كده :))

Bent Men ElZman Da !! said...

شمس النهار

انا كمان بقيت مؤمنه بالشبه اللى بين آل بلوجر ده جدااااا :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget