10 July 2012

بعضاً منى ومنك ..♥

.



لما حد يقولى ده اتغير اوى من ساعه ما خطبك
استفسر : اتغير ازاى؟
يكون الرد : بقى اهدى واحسن الحمدالله
وخصوصا لما يكون الحد ده اقرب الناس ليك..مامتك
ببقى طايره من الفرحه بيك

انت: انا حسيت بقيمتك اوى دلوقتى
انا: هو لازم كان كل ده يحصل عشان تحس بقيمتى؟
انت: لا بس دلوقتى بقيت حاسس بيها زياده اكتر عن الاول
 

لما استنا يوم واحد فى الشهر تخلص شغلك
عشان اسالك انت قبضت النهارده؟
تقولى اه يا حبيبى الحمدالله
ارد انا بــ كل شهر وانت طيب يارب
وقبل ما اسمع ردك اسمع ضحكه قلبك

بحب يبقى لينا عادات مش اى حد غيرنا بيعملها
حتى لو كانت بسيطه اوى زى دى



انت: طيب انا عندى فكره تانيه حلوه 
انا: ايه هى؟
انت: بلاش كل ده وساعتها نبقى نسافر نعمل عُمره ايه رأيك؟
انا: (بعد ذهول كتير) وبردو فى الاخر ماعرفتش ارد عليك الرد المناسب
اصل فكره ان احنا نروح نزور الرسول عليه الصلاه والسلام 
دى كبيره اوى
تخيل لما تكون انت كمان مَحرِم ليا
بيتهيألى مش هاكون عايزه اى حاجه من الدنيا تانى



بحب اوى لحظات جنانك 
ولما الاقيك فجأه فى لمح البصر بتحضر لحاجات كتير حلوه تجمعنا
وهتفضل ذكرى جميله اوى فى حياتنا الجايه
بتأكد ان انت اللى بتصنع بوجودك حياتى


انت: ايه اللى انتى عملتيه ده .. هو فى يا مجنونه حد يعيط ويعمل كده
انا : اه فى ...انا
انت: بس بردو بتبقى
طفله اوى وعسل كده وانتى بتعيطى
 

ماكنتش حاسه بحكايه ان الولد ينزل على رجله
عشان يطلب ايد اللى بيحبها وانها تبقى ام اولاده
او عشان يلبسها الدبله وانها تبقى على اسمه
بس معاك دايماً بتحسسنى بحاجات حلوه ومختلفه :)
وبعدين انا اصلاً بحب اسمك
فـ طبيعى انى اوافق اتسمى بيه
 

 انت : تقبلى تاخدى بأيدى عشان تقربينى من ربنا اكتر
ونكون مع بعض فى الجنه
انا : (بعد شويه ذهول و صمت) اكيد ان شاء الله
شويه الذهول والصمت دول
عشان انت خطفت قلبى و عقلى بـ الجنه اللى هتجمعنا
قبل ما تخطف الاجابه من على لسانى

 

اوقات لما بقعد مع نفسى
وارجع بشريط حياتى لورا
وافتكر تفاصيل كتير اوووى كنت احب انها ماتبقاش موجوده فى حياتى
واوصل فى الاخر
ان ربنا كان كاتب اعيش التفاصيل دى كلها وكميه الصدف دى
عشان بس اقابلك فى النهايه
بقول الحمدالله يارب على حكمتك فى اللى دايماً بتكتبهولى

وبحمد ربنا عليك ♥


33 comments

MoHaMeD Alaa said...

انا : بحببببببببببببببببببببببببببببببببببببببببك
انتي: اشمعناااااااااااااااااااااااااا
انا : علشان انتي اجمل حاجة في حيـــــــــــــاتي
يا كــــــل حياتي

وكان هذا هوة الرد
مع احترامي لكل الموجودين
بس لازم يتقالها كده

Bent Men ElZman Da !! said...

احم احم
ايه الاحراج ده :$$$$$

m.hallawa said...

مساء الخير

قل لمن جرحك عشره اشياء فقط

قل لهـــــــــــــم..

انـك نسيتهـم .. وأدر لهـم ظهـر قلبـك , وأمـض ِفـي الطـريق المعاكـس
لهـم فربما كان هناك.. فـي الجهة الأخرى.. أناس يستحقونك أكثـر منهـم

قل لهـــــــــــــم ..

إن الأيـام لا تتكـرر.. وإن المـراحـل لا تعـاد .. وإنـك ذات يـوم .. خلفتهـم
تمـامـاً كمـا خلفــوك فــي الـوراء وإن العـمـر لا يعـود إلــى الــوراء أبــداً

قل لهـــــــــــــم ..

إنك لفظت آخر أحلامك بهـم.. حين لفظت قلوبهـم.. وإنك بكيت خلفهـم
كثيـراً حتـى إقتنعـت بمـوتهـم وإنـك لا تملـك قـدرة إعادتهم إلـى الحياة
فــي قلبــك مــرة أخــرى بعــد أن إختــاروا الـمــوت فيــك .

قل لهــــــــــــم ..

إن رحـيلهــم جعلـك تعـيـد إكتشاف نفسـك.. وإكتشـاف الأشيـاء حولـك
وإنـك إكتشفــت أنهـم ليـسـوا آخـر المشـوار.. ولا آخـر الإحساس.. ولا
آخـر الأحـلام.. وأن هنـاك أشيـاء أخــرى جـمـيلـة.. ومـثيـرة.. ورائعــة
تـستـحــق عـشــق الـحـيــاة وإسـتـمــراريـتــهــا .

قل لهـــــــــــــــم..

إنـك أعـدت طـلاء نفـسـك بعـدهـم.. وأزلـت آثـار بصمـاتـهـم مـن جـدران
أعماقـك.. وأقتلعـت كـل خناجـرهم من ظهرك وأعدت ولادتك مـن جديـد
وحرصت على تنقية المساحات الملوثة منهـم بك ، وإن مساحتك النقيـة
مـــا عـــادت تـتـســع لـهـــم .

قل لهـــــــــــــــــم ..

إنك أغلقت كـل محطات الإنتظار خلفهـم.. فلـم تعـد ترتـدي رداء الشـوق
وتقـف فـوق محطـات عودتهـم.. تترقـب القـادميـن.. وتدقـق في وجـوه
المسافريـن.. وتبحث في الزحام عـن ظلالهـم وعطـرهـم وأثـرهـم عـل
صـدفــة جـمـيـلــة تـأتــي بـهــم إلـيــك .

قل لهـــــــــــــــم ..

ان صـلاحيتهـم إنتهت.. وأن النبض في قلبك ليس بنبضهم.. وأن المكان
فـي ذاكرتك ليس بمكانهم.. ولم يتبق لهم بك سوى الأمـس.. بكل ألم
وأســى وذكـــرى الأمـــس .

قل لهــــــــــــــم ..

إنـك نزفتهـم في لحظـات ألمـك كدمـك.. وإنـك أجهضتهـم فـي لحظـات
غيابهـم كجنيـن ميـت بداخلـك.. وإنـك أطلقـت سراحهـم منـك كـالطيـور
وأغلقـت الأبـواب دونـهـم وعـاهـدت نفسـك ألا تفـتـح أبـوابـك إلا لأولئـك
الــذيــن يسـتـحـقـــون .

قل لهــــــــــــــــــم..

إن لكـل إحسـاس زماناً.. ولكل حلم زماناً.. ولكـل حكايـة زمانـاً.. ولكـل
حزن زماناً.. ولكل فـرح زمانـاً.. ولكل بشـر زمانـاً.. ولكـل فرسـان زمانـاً
وإن زمنهـم إنتهـى بــك منـذ زمــن .

قل لهـــــــــــــــم..

لا تقل لهم شيئا.. إستقبلهم بصمت فالصمت أحيـاناً قـدرة فائقـة علـى
التعبيـر عمـا تعجـز الحـروف والكلمـات عـن تـوضيحــه

ahmed said said...

مساء المكان وما حوى
ولا أجمل من وجود نصفُكِ المُكمل لتداعيات الحياة
فالمرأة الصالحة سمة من سمات واتمام الزواج
" فاظفر بذات الدين تربت يداك " صدق رسول الله
صل الله علي وسلم ، والرجل الصالح أيضا هكذا
" إذا جاءكم من ترضون دينه وخلقه فزوجوه " صدق رسول الله صل الله عليه وسلم ،
وفي الختام دعـاء بأن يبارك الله لكما ,
ويبارك عليكما ، وان يجمع بينكما على خير
تحية و تقدير .

..
..
..

أحمــ سعيـد ــد

مروه زهران said...

جميلة جدايادينا
ربنا يخليكم لبعض
تحياتى لاحساسك الجميل

حنين محمد said...

صباحك الغاردينيا دينا
:)
مش قادرة اقول حاجةغير ربنا يجمعكم على خير ويوفقك مع خطيبك وافرح بيكي يارب ويارب أشوفك سعيدة ومبتسمة "
؛؛
؛
لروحك عبق الغاردينيا
كانت هنا
Reemass

مصطفى سيف الدين said...

طسي هو ينفع تعليق بعد الكلام الحلو ده اللي الواحد يبدأ بيه يومه
يسلم احساسك
و ربنا يسعدك دايما

Unknown said...

بحب اوى لحظات جنانك
ولما الاقيك فجأه فى لمح البصر بتحضر لحاجات كتير حلوه تجمعنا

وهتفضل ذكرى جميله اوى فى حياتنا الجايه
بتأكد ان انت اللى بتصنع بوجودك حياتى

جميلة اووووووووووووي ماشاءالله عليكي :)
ومدونتك كلها جميلة اصلاً بس بتخلي الجهاز بتاعي يعاني عشان اعرف اقرء وارد :) بس فداكي لان كلماتك تستحق ^_^

سواح في ملك اللــــــــــــــــــه- said...

ايام جميلة يجب التمسمك بكل لحظاتها

تحيتي دينا

هبة فاروق said...

مشاعر جميله ورقيقه بين حبيبين
ربنا يحميكوا حبيبتى ويكفيكوا شر العين ويحفظكوا من كل شر

Unknown said...

دينا أنا بحبك و إنت جميله و تستاهلي كل خير
بس خفي شوية عشان الحسد :)

ربنا يحفظكم لبعض و تحققوا كل أحلامكم

rona ali said...

يا ولد وجون وجون وجون :)))

ربنا يسعدك ياقلبي ايوة كده حاجه تفرح اهو وفي قلب واقف مزقطط كده
بسم الله ماشاء الله

عجبتنى اوى هو كان لازم يحصل كل دة علشان تاخد بالك رجاله غريبه (امويشن مستعجب) هههه

سندباد said...

اعتقد مفيش تعليق يقدر يوصف الحالة دي حتي لو جه نزار او حتي شكسبير نفسه لانها حالة خاصة
عشان كده مش هاقول غير ربنا يخليكم لبعض
تحياتي

richardCatheart said...

:) :)

ضياء عزت said...

ربنا يخليكم لبعض
ويديم عليكم الفرحة
ويتمم عليكم بخير

قولو آمين
^_^

من الحاجات اللي بتخلي الواحد يبقى مبسوط .. إني اشوف حاجة زي كدة

ما شاء الله عليكم

رؤى عليوة said...

طب هو البوست ده متاح للتعليق ولا نتفرج بس :)

ابتسمت من كلامك المحسوس جداااااا والعفوى جدااااا

ربنا يديم عليك الفرح والسعادة يارب



دمت بخير

آرثـر رامبـو said...

رمضان كريم^^

Bent Men ElZman Da !! said...

m.hallawa

رائعه هى كلماتك استاذى
سعيده انك شاركتنى بيها :))

Bent Men ElZman Da !! said...

ahmed said

صدق رسول الله صل الله عليه وسلم
شكرا ليك جدااا على روحك الطيبه ودعائك
اسعدتنى بوجودك الجميل :))

Bent Men ElZman Da !! said...

MEROOooOOoo

انتى اجمل يا مروه
ربنا يخليكى يا حبيبتى :))

Bent Men ElZman Da !! said...

ريـــمـــاس

ربنا يخليكى ليا حبيبتى
ويسعدك ياااارب دايماً انتى كمان آمين ♥

Bent Men ElZman Da !! said...

مصطفى سيف الدين

ربنا يخليك يا مصطفى
مبسوطه ان البوست بالنسبه ليك كان حاجه كويسه تبدأ بيها يومك :))
ربنا يسعدك يااارب :)

Bent Men ElZman Da !! said...

Yasmina Saied

انتى اجمل يا ياسمين ^_^
مبسوطه ان المدونه عجبتك والبوست كمان
بس هو كده المدونه اللى تقيله عندك والا ايه بالظبط مش فاهمه؟
بجد اسعدتنى جدا زيارتك ونورتى المدونه يا جميله :)

Bent Men ElZman Da !! said...

سواح في ملك اللــــــــــــــــــه-

اكييد
لانها بيتهيألى الايام الحلوه بتيجى مره واحده
ممكن تيجى غيرها تانى بعد كده لكن مش بنفس الشكل ده

نورتنى بوجودك يا خالد :)

Bent Men ElZman Da !! said...

هبة فاروق

ربنا يخليكى يا هبه ويسمعك منك
نورتينى بوجودك الجميل زيك ده :))

Bent Men ElZman Da !! said...

شيرين سامي

ههههههههههههه
ما انا كنت مقضياها نكد الفتره اللى فاتت قولت لما اجدد بقى
ربنا يخليكى يا شيرين يااارب
وعلى فكره بقى انتى اجمل وانا بحبك كتيير يعنى ^_^

Bent Men ElZman Da !! said...

rona ali

احم احم بس بقى عشان بتكسف ههههههه

ربنا يخليكى يا حبيبه قلبى ويسعدك يااارب دايماً :))

ايوه ما هما مش بيجوا الا بالمشاكل صدقينى هههههههه

Bent Men ElZman Da !! said...

سندباد

ربنا يخليك يا امجد
ميرسى اوى على ذوقك وكلامك الجميل ده :)

Bent Men ElZman Da !! said...

richardCatheart

:))

Bent Men ElZman Da !! said...

Deyaa Ezzat

اللهم آمين ^_^

ربنا يخليك يا ضياء ده بس من ذوقك
نورتنى بوجودك الجميل ده :)

Bent Men ElZman Da !! said...

رؤى عليوة

ربنا يخليكى يا رؤى
مبسوطه اوووى ان البوست رسم ابتسامه على وشك كده
نورتينى يا حبيبتى بوجودك وكلامك الجميل :))

Bent Men ElZman Da !! said...

آرثـر رامبـو

الله اكرم :)

Sara said...

:)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment