12 July 2012

غابات الدَش الكتيره !!

.



بالرغم من ان احنا من الدول الناميه وبيقولوا علينا العالم التالت
وده معناه تاخرنا فى كل حاجه والأهم اقتصادياً
الا ان فعلا فى حاجات كتيره غير ضروريه يوم عن يوم بتزيد
وبتبقى من اساسيات حياتنا
واكتر حاجه لافته نظرى بقى حكايه الدَش دى


ممكن تلاقى بيت خلاص اصلا هيقع من كتر ما هو قديم
ساكنين فيه ناس بيقضوا يومهم بالعافيه
ومع ذلك تلاقى البيت ده فوقه يجى 10 اطباق دش
كل شقه فيها واحد ده على الاقل يعنى
زمان كان اللى عنده دَش ده يبقى غنى
انما دلوقتى ده ما بقاش مقياس خالص
لانه بقى من الكمليات اللى اصبحت ضروريات
ممكن حد يقولى ده اصلا الدَش والرسيفر بقت حاجات رخيصه 
والصين غرقت البلد بيهم
بس الفكره فى ان اولياتنا اصلا اختلفت
انا متاكده ان السبب فى كل كده
التلفزيون المصرى
اللى زَهق الناس منه وخلاهم يروحوا للتركى و توفيق عكاشه
على الاقل دول اهون شويه منه


22 comments

Habiba said...

فعلا معك حق...
حتى فى العشــوائيات هتلاقى كده برضه
وأعتقد ان الناس دول بيتسمكوا بأى حاجة تربطهم بالعالم الخارجى علشان يحسوا انهم لسه عايشين

مصطفى سيف الدين said...

دي ظاهرة صحية على فكرة الناس بقت بتهتم باللي حواليها و تعرف اكتر
و دليل على دور الاعلام في البلد و عدم الاكتفاء بحد معين يسيطر علينا فكريا و اعلاميا
علشان كده في رايي ان الدش مبقاش كماليات
تحياتي

رؤى عليوة said...

اااااااه التركى اللى لحس دماغ البنات ههههه

شوفى لاننا نستورد شكليات التطور وليس الجوهر

عشان كده احنا كده زى الفل بعد 30 سنة تخريب عقول


دمت بخير

Śђąžล ฬąђ٤єĐ ♥ said...

قيسي على كده حاجات كتير اوي يا دينا
في ناس كتير مش لاقيه تاكل وعندها دش وموبايل ونت
وحاجات كتير

وفي واحد ممكن ميكونش في جيبه غير 10 جنيه ويركب بيهم تاكسي او يشتري كارت شحن
عادي يعني
احنا شعب التناقضات الكتييييير

^_^

richardCatheart said...

اه والله احنا مجتمع غريب نفس الفكرة بفكر فيها فى الموبيلات كلنا نشيل موبايل واتنين وممكن تلاته او اكتر من خط واشحنننننننننن وفواتيييييييييييير وكلنا او اغلبنا بيستلف علشان يكمل الشهر واللى استلف منة بيستتلف من واحد تانى عيييييييييييشة والله جميل بوستك اوى :) اه والاغنية طبعا يسلم ذوقك

ابراهيم رزق said...

ههههههههههه

الدش ما هو الا تعبير عن ازدواجية المجتمع

نهارا الجزيرة و الرحمة و اقرا

و ليلا تتراقص الاطباق لتبحث عن اشياء اخرى

تحياتى

ضياء عزت said...

مش التلفزيون المصري هو السبب الرئيسي يا دينا .. فيه أسباب إجتماعية أهم.. محتاجة لدراسة فعلا

بس ملاحظتك في محلها أوي

بالتوفيق دايما

Unknown said...

فعلا والله يادينا تلاقي الواحد ممعوش ياكل ومعه موبايل اخر موديل ودش هو مش عيب بس في حاجات اولى

حنين محمد said...

مساء الغاردينيا دينا
ههههههههههه
عارفة بجد دا موجود حتى في السعودية
الدش بقى ضروري ومستحيل تلاقي حد بيتابع القنوات الأرضية "
؛؛
؛
لروحك عبق الغاردينيا
كانت هنا
reemaas

سواح في ملك اللــــــــــــــــــه- said...

دينا

صح اولوياتنا اختلفت

وأصبح العالم يجري علي ويرة اسرع

ومالم نستطيع عمله نستطيع مشاهدته عبر الآقمار

هكذا اكتفينا فقط بالمشاهدة

تحيتي

كلام حسام said...

كلامك فيه كتير من الحقيقة

Bent Men ElZman Da !! said...

habiba

حبيت جدا وجهه نظرك يا حبيبه للموضوع
فعلا الواحد لو بعد عن الدش شويه مش بيقدر يتابع الاخبار الا من النت مثلا
لكن دول مش عندهم وسيله الا دى

نورتينى برأيك ووجودك يا جميله

Bent Men ElZman Da !! said...

مصطفى سيف الدين

بيتهيألى الدش هو اللى بيربطهم بكل العالم الخارجى اللى بيحيط بيهم
هو فعلا مابقاش من الكمليات
زى حاجات كتييير جدا اختلفت درجه مطالبها بالنسبه لينا

نورتنى بوجودك ورأيك يا مصطفى :)

Bent Men ElZman Da !! said...

رؤى عليوة

انا بحس انهم فى المسلسلات التركى دى بيحقنوها مخدر مثلا اسمه مهند

هو بعد التخريب ماعتقدش ان فى مجال نوصل لأسواء من كده يعنى

نورتينى يا جميله

Bent Men ElZman Da !! said...

Śђąžล ฬąђ٤єĐ ♥

على رأيك يا شذى
احنا اصلا شعب يختلف عن الاخرين خالص
ندعونا نتميز بقى :D :D

منورانى يا شوشى والله ^_^

Bent Men ElZman Da !! said...

richardCatheart

انا حاسه ان دى بتاخد حته منها منظره بصراحه
ليه انا امشى بموبيلين يعنى؟
هو الواحد ملاحق على موبيل لما يلاحق على اتنين

نورتينى بوجودك ورأيك :))

Bent Men ElZman Da !! said...

ابراهيم رزق

ههههههههههههههههههههه
عجبتنى اوووووى تتراقص الاطباق للبحث عن اشياء اخرى دى
اهو الدش ده بيوضح فعلا اد ايه احنا متناقضين جدا فى الحكايه دى

منورنى دايماً برأيك الجميل ده :))

Bent Men ElZman Da !! said...

Deyaa Ezzat

ما هى دى مشكله من ضمن مشاكل كتيييير فى مجتمعنا يا ضياء فعلا
نورتنى بوجودك :)

Bent Men ElZman Da !! said...

shreif elsaftty

بالظبط .. فى حاجات اولى

نورتنى بوجودك ورأيك :)

Bent Men ElZman Da !! said...

ريـــمـــاس

ما هو ده اصلا عشان القنوات الارضيه مابقتش مشبعه لفضول المواطن العادى اللى بيدور على كل حاجه جديده

نورتينى يا حبيبتى :))

Bent Men ElZman Da !! said...

سواح في ملك اللــــــــــــــــــه-

وعشان كل حاجه اسرع احنا بنحاول نجرى وراها ونشوف كل جديد
و عندنا امل دايماً اننا نكون يد فى صنع الاحداث

منورنى بوجودك دايماً يا خالد :)

Bent Men ElZman Da !! said...

كلام حسام

شكرا ليك على تعليقك ووجودك اللى اسعدنى :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment