15 July 2012

مِـن حَـقـيّ

.



من حقى انى اقول ارائى السياسيه بحريه مهما كان اختلافها

  
من حقى احلم واسعى لتحقيق احلامى دى

من حقى اكون مبسوطه

من حقى اشتغل زيى زى اى رجل لان البنت زى الولد مش بس كماله عدد

من حقى تحترمنى زى ما انا بحترمك

من حقى اقول  "لا" على اى حاجه مش عاجبانى

من حقى اتعلم تعليم كويس احبه

من حقى اعيش بمبدأ أن الانسان اغلى شئ على وجه الارض

من حقى اعيش فى بلد فيها عيش حريه عداله اجتماعيه

من حقى احافظ على كرامتى مهما كانت الخساير

من حقى ابص لسعادتى قبل ما ابص لسعاده غيرى

من حقى اعمل رجيم وقت ما انا عايزه وابطله وقت ما انا عايزه

من حقى اخلى اسرارى لنفسى وماحدش يعرفها

من حقى  الناس تحترم اسرارى دى وماتحاولش تدور فيها

من حقى لما اضايق وازعل اعبر عن ده بجميع الطرق اللى تريحنى

من حقى انى ماسبش حقى مهما كانت الاسباب والخساير
 

من حقى أحلم .. أنا أنثى .. أنا انسان



فكره البوست مقتبسه من فكره بيدج مِـن حَـقـيّ






26 comments

مصطفى سيف الدين said...

لهذا قمنا بثورتنا
فإن لم تتمكني من اخذ حقا من تلك الحقوق فهو دليل على فشل الثورة
تحياتي

Bent Men ElZman Da !! said...

مصطفى سيف الدين

احنا محتاجين ثوره على النفوس قبل ما كنا نعمل ثوره على النظام اصلا

نورتنى بوجودك :)

shreif elsaftty said...

من حقي اعلق واقولك جميله فعلا احنا عايزين تغير مفاهيم وافكار قبل مانغير نظام ومن حقي اقولك رائعه تسلم ايدك يادينا

rona ali said...

عحبتنتى اوى انا انثي انا انسان

تعرفي كنت بفكر البارح في موضوع الاسرار دة يمكن انا مبحبش الناس اللى بتدور فيها وتحشر مناخيرها بس احيانا لما حد بيتدخل بطريقه تحبيها يحاول يساعدك ويفهم ويعرف بيكون افضل من ان كل ناس سيباكى كده فهمانى يعنى حد مهتم بطريفه كويسه وخير افضل من 20 حواليكى بس محدش فيهم بيحس ولا بيهتم :)

ومن حقك دة كله في حاجات منهم علقنا عليها مع بعض البارح ودى تاخدى فيها 20 من 10 :)

بحبكى

Mohamed Amer said...

وماله, خدي حقك

ريبال بيهس said...

مساء الورد

بالتأكيد من حقك لأنك انسانة لها حقوق

ولا ينتقص من حقك أحد إلا شخص مريض أراد

تعطيل نصف المجتمع بتزمت و تشدد وعنترية

لا مبرر لها غير أن يفرض نفوذه ...

تحياتي

richardCatheart said...

اه من حقك ومن حقى ومن حق كل انثى و كمان انسان بوجة عام

بس الفترة الاخيرة واللى شوفته اكدلى اننا فى مجتمع لسة بدرى علية على مايفهم انه حق لينا ربنا عز وجل وهبهلنا مش فضل علينا من مجتمع اقل مايقول على اغلبة متخلف و مدعى للاسف

مابيخدش من الدين غير القشور واللى يكيفة هو ومابيخدش من الحرية غير اسؤ مافيها للاسف

جمييييييييييييييييييييييل اوى يابنوتة البوست كلامك صح اوى واتمنى اللى يجى اليوم بنتى وبنتها مايكتبهوش :)

habiba said...

معك حق...
قلت كل اللى فى نفســـى :))

هبة فاروق said...

من حقك ومن حقى اننا نعيش بحريه
كلامك صح مليون الميه

سندباد said...

الحرية في التعبير وابداء الراي من غير خوف خو ابسط قواعد الحرية اللي كنا بندور عليها من زمان اوي يجي من خمسين ستين سنة كده
من بداية ثورة يوليو وحتي ثورة 25 يناير ونحن في حالة خوف من ابداء الراي - احنا لينا حقوق كتير بس احنا مش عارفين ايه هي

تحياتي لفكرك ولقلمك النابض دائما

AHMED SAMIR said...

دي حقوق بديهية و لا تحتاج لأي مطالبات بها
دي حقوق انسان

Nour said...

من حق كل انسان .. من حقنا كلنا بس ياريت اللي النوعيات الباقية تفهم :D

Deyaa Ezzat said...

من حقك

ولازم ماتسيبيش حقك ولازم تاخديه

MEROOooOOoo said...

كلامك صح جدا
دية حقوق الانسان.. والانثى انسان

تحياتى لفكرك واحساسك

Bent Men ElZman Da !! said...

shreif elsaftty

من حقى اكيد اقولك انى سعيده جدا بوجودك وتعليقك اللى بوافقك فيه جدا

نورتنى :))

Bent Men ElZman Da !! said...

rona ali

ايوه انا معاكى فى كلامك جدااا
ان فى ناس بتدخل لمجرد انهم يعرفوا اسرارك مش اكتر
وفى ناس بتدخل لانهم فعلا خايفين عليكى وعايزين يكونوا معاكى

انا بحبكى اكتر على فكره :))

Bent Men ElZman Da !! said...

Mohamed Amer

ما انا بحاول اهو :)

Bent Men ElZman Da !! said...

ريبال بيهس

انا بـحيك على رأيك بصراحه
فعلا مش بيعطل نصف المجتمع الا انسان مريض
اسعدتنى بوجودك ورأيك الجميل
نورتنى :))

Bent Men ElZman Da !! said...

richardCatheart

فى ناس بتاخد الحريه كلمه وبرستيج مش اكتر
فى ناس بتاخد الدين مظاهر وبس مش اكتر
مش بيقدروا يفهموا ان مفاهيم مهمه اوى زى دى
وراها اسلوب حياه كامل مختلف عن اللى هما عايشينه

اتمنى يجى اليوم اللى تبطل كل انثى تحارب عشان حقها
مش عشان بطلت تطالب بيه
لكن عشان خلاص بقى واصله لكل حقوقها المعنويه منها قبل المادية

منورانى بوجودك :))

Bent Men ElZman Da !! said...

habiba

ده اللى فى نفس اى انثى :)

نورتينى يا جميله :))

Bent Men ElZman Da !! said...

هبة فاروق

اكيد من حقنا
ومن حقنا نوصل للى بنطالب بيه
ميرسى ليكى يا هبه نورتينى :)

Bent Men ElZman Da !! said...

سندباد

احنا اصلا ربنا خلقنا وجوانا احساس بالحريه مش بنتخلى عنه
ولذالك هنفضل طول حياتنا بنطالب بيه

بيسعدنى دايما وجودك :))

Bent Men ElZman Da !! said...

AHMED SAMIR

بالرغم انها حقوق بديهيه
الا ان مش بسهوله الحصول عليها دلوقتى للاسف

نورتنى بوجودك :)

Bent Men ElZman Da !! said...

Nour

يااااااريت والله :D

Bent Men ElZman Da !! said...

Deyaa Ezzat

بالرغم من كل حاجه محبطه
بس بحاول مش اسيبه

نورتنى يا ضياء :)

Bent Men ElZman Da !! said...

MEROOooOOoo

ميرسى ليكى يا ميرو
نورتينى يا جميله بوجودك ورأيك :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget