19 July 2012

كل حمله وانتم طيبين :)

.




مش عارفه اوصف شعورى بالحمله دى ازاى
بس مبدأيا انا اتفاجئت اول ما شيرين سامى اعلنت عن الحمله
اتفاجئت عشان مش صدقت ان عدى سنه كامله على الحمله اللى فاتت
واللى كانت سبب فى انى اعرفكم
وسبب فى انى اعرف نفسى ومدونتى اكتر

لما بدأت الحمله دى ماكنتش محضره لأى حاجه ولا اى تدوينه اكتب عنها
 زى الحمله اللى قبل كده
بس كنت حاطه فى نيتى اكتب 30 تدوينه
مش عشان حاجه
بس كان تحدى لنفسى مش اكتر زى ما عملت السنه اللى فاتت
ولسبب ظروف ما وقع منى كام يوم فى الحمله
بس مبسوطه جداً بالتدوينات بتاعه الشهر ده
مبسوطه اكتر بالمدونات اللى عرفتها
والمدونات اللى كنت عرفاهم واستمتعت بيهم فى الحمله اكتر
مبسوطه بقى اوى ان نفس المدونات اللى عرفتها السنه اللى فاتت من خلال الحمله
كنت بردو بتابعهم السنادى وكأن الزمن بيعيد نفسه وبنفس الجمال تانى ويمكن اكتر

حسيت السنادى ان تدويناتى اختلفت خالص عن الحمله بتاعه السنه اللى فاتت
يمكن لان السنه اللى فاتت كانت كل تدويناتى اجتماعيه جداً
والسنادى كانت قليله جدا التدوينات اللى من النوع ده
بس انا كنت براعى انى مش اكتب تدوينات كبيره 
لضغط الحمله والتدوينات الكتير اللى فيها
لكن سعيده جدا بيكم وبنفسى وبكل المدونات اللى عرفتها السنادى
نفسى نكون على نفس التواصل طول السنه
ونفسى اوى اوى السنه الجايه ان شاء الله
نتقابل فى نفس الحمله على خير :)

 

41 comments

حنين محمد said...

صباح الغاردينيا دينا
بجد الحملة كانت جميلة رغم اني تعبت اوي وانا بجري من مدونة لمدونة ههههههههههه لان كل تدوينة كانت جميلة وعرفتني على ناس عسل وناس مبدعين :) ويارب كل سنة وكل حملة وأنتم طيين "
؛؛
؛
كل عام وأنتِ بخير
ورمضان كريم
لروحك عبق الغاردينيا
كانت هنا
reemaas

Hanan w Haneen said...

احلى حملة بجد عرفتنى على احلى مدونات لأجمل نـــاس .. وان شاء الله نعيدها تانى :h:

Hanan w Haneen said...

وكل رمضان وانتى بخير يادندوون :h:

نيسآان said...

كل سنه وانتي طيبه ...وما شاء الله عليكم ابدعتم بجد هذا الشهر:)
رمضان كريم عليكِ وعلى احبتك يا رب.

ابراهيم رزق said...

كل سنة و انتى طيبة

فعلا الحملة كانت ممتعة

تحياتى

faroukfahmy said...

دينــــــــــا
كم انا فخور بستاتنا الافاضل وحبهم للجمع والبعد عن الوحدة الكئيبة
ولأن الله موجود فانك يادينا لست وحدك وذلك معناه الشعور المستمر بالائتناس والصحبه والامان مع الصفوه ومشاركتهم فيما يكتبون فلا هجر مع النفس الوحيدة ولا ضياع ولا وحده ولا وحشه ولا اكتئاب وذلك حال اهل لا اله الا الله يذوقون باللمه والجمعه شميم الجنه فى الدنيا قيل ان يدخلوه
عاشت مدوناتنا وعاش كاتبيها وعاش معلقيها
فمدوناتنا جنتنا على الارض
وكل عام وانتى يخير

ضياء عزت said...

ماكنتش موجود السنة اللي فاتت والسنادي شاركت بعد ماعرفت الحملة عن طريق صديقتي ياسمينا سعيد
وبجد مبسوط أوي إني اشتركت فيها لأني استفدت كتير جدا وأكبر استفادة هي إني عرفت ناس جميلة زيكم..

وإن شاء الله على تواصل بعد الحملة

ربنا يديم المعروف

محمد جمال said...

كل سنه وانتى طيبه يا دينا
وكل رمضان وكل حمله وجميعا بخير
تشرفت بالتعرف الى مدونتك
تقبلى تحياتى

سندباد said...

انا مشتكرتش في الحملة اللي فاتت لاني كنت شايف ان الموضوع هايبقي مرهق ومجهد وكنت مشغول اوي وقتها بس فعلا ندمت اني مشتركتش لما اشتركت السنادي - حسيت قد ايه الموضوع ممتع وجميل وتحدي رائع مع العقل والقلم واتعرفت علي ناس كتير الفترة دي في منتهي الاحترام والابداع
كل سنة واحنا متجمعين وحابين اقلامنا وافكارنا وعندنا القدرة علي الكتابة والفضفضة
كل سنة وانتي طيبة

الذوق الرفيع said...

كل سنة وانت طيبة حبيبتي
هذه المرة راحت علي الحملة والله مقهورة
بالتوفيق للجميع

Unknown said...

احنا اسعد واكيد متواصلين طول السنه كل حملة تدوين وكلنا احسن واكثر ابداعا

زينة زيدان said...

كل عام وأنتِ بكل خير

وكل حملة تدوين ونحن على الحب نلتقي

سعدت بالتعرف إليكم
والتواجد هنا

Unknown said...

كل سنة و إنت بألف خير و هنا و سعادة يا دندونه

Casper said...

حملات التدوين رغم انها تضطر الانسان للكتابة لكنها دافع وحافز للكتابة والتعبير عما يجول بخاطر كل إنسان

=========

كل سنة وحضرتك طيبة
تقبلي مروري

Casper

شمس النهار said...

كان شهر جميل وممتع
وياريت ماتغيبيش عن المدونة وحددي لك يومين تدوني فيهم في الاسبوع

كل سنة وانتي بالف خير وصحة وسعادة

سواح في ملك اللــــــــــــــــــه- said...

كل سنة وانتي طيبة دينا

Sara said...

كل حملة و انتي طيبة :)

السنة دي ما شاركتش كويس للأسف

بس كنت مبسوطة إني قدرت أتابع لك :)

بالتوفيق دومـًا

موناليزا said...

وكل رمضان وأنتِ بخير :)

rona ali said...

وانتى طيبه يا طيوبه انتى :))

يابنتى سيبك من الحمله كل رمضان واحنا سوا وانا فضحاكى ومجنناكى ونور مشقياكى ومها مضحكاكى ونيللي معقلاكى :)))))))))

ويارب تقضي ايام رمضانيه حلوة ويعود عليكى بالخير والبركه وراحه البال والسكينه انتى وجميع اسرتك واللى بتحبيهم يارب :)

Bent Men ElZman Da !! said...

ريـــمـــاس

صباحك بهجه ريماس :)
ايوه هى حكايه الجرى دى اللى متعبه اوى
وصراحه انا كنت بكسل أقرا التدوينات الطويله :$
بس الواحد بيطلع من الحمله بناس متألفه ومبدعه وبيكون مشتاق جدا لمتابعتهم دايماً
وكل حمله وانتى جميله يا ريمو :))

Bent Men ElZman Da !! said...

Hanan w Haneen

احلى حمله عشان انتى فيها يا حنون
بجد مبسوطه اوى انك اشتركتى السنادى
وان شاء الله السنه الجايه كمان نكون مع بعض
وكل سنه وانتى طيبه يا حبيبتى :))

Bent Men ElZman Da !! said...

نيسآان

وانتى بخير يااارب
فعلا الشهر ده كان فى ناس متميزه كتير جدا
شكرا ليكى وتعود عليكى الايام بالخير والسعاده يارب :))

Bent Men ElZman Da !! said...

ابراهيم رزق

وحضرتك بخير
فعلا كانت ممتعه جداااا
منورنى دايماً :))

Bent Men ElZman Da !! said...

faroukfahmy58

دايماً بعد تعليقات حضرتك
بيعجز لسانى عن الرد
فـ ردك يكفى جدا
عاش وجود حضرتك وسطنا :)

Bent Men ElZman Da !! said...

Deyaa Ezzat

يارب ان شاء الله

سعيده جدا يا ضياء انى عرفت مدونتك من خلال الحمله
وان شاء الله نكون على تواصل دايماً :))

Bent Men ElZman Da !! said...

mohamed

انا اللى زادنى شرف تعرفى على مدونتك
وان شاء الله نكون على تواصل دايماً
كل سنه وانت طيب :)

Bent Men ElZman Da !! said...

سندباد

الموضوع مرهق فعلا
بس هو تحفيز مش اكتر
انا مش باخدها بفكره انى مجبره ادون
وبرغم الارهاق ده الا ان الواحد بيحس انه مستمتع جدااا سواء باللى بيكتبه او اللى بيتابعه فى باقى المدونات
حمله بتعمل حاله من النشاط اكثر من رائعه
ان شاء الله نتقابل كل سنه فيها
كل سنه واحنا متجمعين يارب
وكل سنه وانت بألف خير يا امجد :))

Bent Men ElZman Da !! said...

الذوق الرفيع

وانتى طيبه يا حبيبتى
مش مشكله نستناكى الحمله اللى جايه
او اعملى حمله لوحدك واحنا هنتابعك بردو :)
حمدالله على سلامتك :)

Bent Men ElZman Da !! said...

shreif elsaftty

كل حمله واحنا متجمعين ومتابعين بعض كده ان شاء الله
سعيده انى اتعرفت على مدونتك من خلال الحمله :)

Bent Men ElZman Da !! said...

زينة زيدان

انا كمان مبسوطه جدا انى اتعرفت على مدونتك
وان شاء الله متجمعين دايماً
كل سنه وانتى بخير يااارب :))

Bent Men ElZman Da !! said...

شيرين سامي

كل سنه وانتى بخير وجميله اوى زى ما انتى يا شيرين :)))

Bent Men ElZman Da !! said...

Casper

بالرغم من ارهاقها
الا ان انها بتحفزنا دايماً على الكتابه
وبتحفز عقلنا انه يكون صاحى لكل التفاصيل اللى بيمر بيها اللى ممكن تكون فى الايام التانيه مش بتلفت نظرنا خالص

اسعدنى وجودك :)

Bent Men ElZman Da !! said...

شمس النهار

من اجمل شهور التدوين اللى فى الحمله دى بجد
ان شاء الله احاول فعلا احدد يوم لانها عاجبنى فكره تحديد يوم فى الاسبوع دى اوى

كل سنه وحضرتك بخير وتعود عليكى الايام بالسعاده والحب ان شاء الله :)

Bent Men ElZman Da !! said...

سواح في ملك اللــــــــــــــــــه-

وانت بخير يا خالد دايماً ياااارب :)

Bent Men ElZman Da !! said...

Sara

وانتى طيبه يا جميله
ان شاء الله الحمله اللى جايه تتابعى وتشاركى معانا اكتر بقى

نورتينى يا حبيبتى :))

Bent Men ElZman Da !! said...

موناليزا

كل رمضان وانتى مبسوطه يااارب :))

Bent Men ElZman Da !! said...

rona ali

وانتى عسوله وانا بحبك كده :))

هههههههههههههههههههههههه
كل رمضان فى حياتى وانتوا بتنوروه بوجودكم وحبكم
وكل رمضان وانا مبسوطه بيكم اوووووى بقى

ياااارب انا وانتى يا حبيبتى اللهم آمين ♥

Umzug Wien said...

شكرا على الموضوع

ا لعاب said...

كل الشكر والامتنان على روعة بوحـك

Bent Men ElZman Da !! said...

Umzug Wien

شكرا ليك

Bent Men ElZman Da !! said...

ا لعاب

كل الشكر ليك على وجودك

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment