25 July 2012

من رمضان اللى فات :)

.



السنه اللى فاتت زى دلوقتى
كان فى حمله للتدوين اليومى فى رمضان
وكان مفيش بينها وبين حمله التدوين اليومى بتاعه شهر يونيو كتير
بس كنت فى دماغى فكره نفسى اعملها والحمدالله عملتها

كنت بنزل سلسله اسمها رمضان مابين زمان ودلوقتى
وبقول فيها من وجهه نظرى ايه اللى اختلف ما بين رمضان زمان ودلوقتى
وبعدها نزلت سلسله تانيه اسمها احلى ما فى رمضان
وفيها كنت بقول الحاجات اللى دايماً بتحلى رمضان وبتحسسنا بيه

كنت مبسوطه جدا بالفكرتين دول
واللى خلانى مبسوطه اكتر
لما لاقيت مُعده ومذيعه برامج راديو 
بعتتلى رساله على صفحه المدونه على الفيس
انها عايزه تستخدم تدويناتى دى
فى البرنامج بتاعها اللى بتحضره لـرمضان
كنت مبسوطه جداااا ان فكره زى دى 
لفتت نظر حد وأهتم أنه يقدمها فى برنامجه
وعشان انا بعتز جدا بالفتره دى من رمضان اللى فات
وبالافكار دى
حبيت اشارككم بيها رمضان السنادى كمان


سلسله رمضان بين زمان ودلوقتى










سلسله أحلى ما فى رمضان








ودول موضوعين بعيداً عن السلستين اللى فاتوا






26 comments

m.hallawa said...

كل عام وأنتي بخير

رمضان كريم

جعلها الله في ميزات حسانتك

تحياتي

كريمة سندي said...

كل عام وأنت بخير جميل جدا أن نجد من يقدر كلامنا وخصوصا في شهر الفرقان
لما له من مكانة خاصة في قلوبنا

تحياتي الصادقة

ياسمين said...

جميل ان أفكارك مؤثرة وبالتوفيق

faroukfahmy58 said...

المذيعة التى اتصلت بك استشعرت كما نستشعر جميعا ببراعة افكارك وسلاسة اسلوبك اللذان يقابلان دائما محلهما
الفاروق

ابراهيم رزق said...

طبعا انا كنت متابع السلسلتين
قد ايه الايام بتجرى

كل سنة وانتى طيبة

تحياتى

Deyaa Ezzat said...

الفكرتين حلوين جدا فعلا ويبقو برامج حلوة

هبتدي اقرا السلسلتين..بس .. احم :$ :$:$

ممكن كل يومين تلاتة كدة تفكريني؟ *_*

انتي عارفة الزهايمر بقن

ورمضان كريم

mohamed said...

رائعه يا دينا بجد
الفكرة فعلا تستاهل تتقدم فى برنامج
كل سنه وانتى طيبه

ريبال بيهس said...

صباح الورد

أفكارك جميلة لهذا الشهر الفضيل والأجمل أن

هناك من اذاعها ونشرها باسمك وهذا إنجاز

بحد ذاته اهنئك عليه ....

كل الامنيات لك بالتوفيق

تحياتي وإحترامي

Angie said...

حلوة أوي الفكرتين و كتبتي موضوعاتها بأسلوب حلو رجعني للأيام دي فعلاً ... و كل سنة و أنت طيبة :D

rona ali said...

مش قولتى ليه يا انسه عن المعده والبرنامج دة قبل كده

علي فكرة انا فاكرة السلسله دى جدااا وبحبها اوى هذه احد علاماتك التدوينيه :))))))

انا كنت متابعها سايبه الفس والدنيا عليها ومتابعه بس السلسله دى الكلام دة السنه اللى فاتت :) طبعا

المهم ربنا يدايما يوفقك لخير والشئ الحلو ويكرمك دائما وابدا :)

شمس النهار said...

مجموعة لطيفة فعلا

وياريت تكملي السنة دي كمان
مااعتقدش ان الكلام خلص
:))
كل سنة وكتاباتك منورة بلوجر

gmr14 said...

مساء النور..
جميل ان يجد المرء اهتمام وتقدير لجهده وعمله
السلسلتين حلوين وفعلا تستحقان الاذاعة
ولكن ماذا عن رمضان هذا العام!!

Bent Men ElZman Da !! said...

m.hallawa

وحضرتك بألف خير
الله اكرم
شكرا ليك جدا
اسعدنى وجودك :))

Bent Men ElZman Da !! said...

كريمة سندي

وحضرتك بخير دايماً يارب

فعلا بيكون احساس جميل اوى لما بنلاقى كلامنا ده أثر فى شخصياتنا تانيه ماتعرفناش اصلا واهتموا بيه
شكرا جدا لحضرتك :))

Bent Men ElZman Da !! said...

ياسمين

وجودك اجمل يا ياسمين
نورتينى يا جميله :))

Bent Men ElZman Da !! said...

faroukfahmy58

انا مش بيسعدنى اد تعليقات حضرتك
اللى دايماً بتدينى دفعه قويه لقدام عشان اكون احسن
ربنا يسعدنى دايماً بوجودك وتعليقك يارب :))

m.hallawa said...

صباح الخيرات
رمضان كريم

ودي وأحترامي

Bent Men ElZman Da !! said...

ابراهيم رزق

الايام بتجرى اوى
الواحد مش مصدق ان رمضان اللى فات عدى عليه سنه وادى التانى قرب على نصه كمان

منورنى بوجودك :))

Bent Men ElZman Da !! said...

Deyaa Ezzat

مبسوطه انهم عجبوك يا ضياء
وانا موافقه افكرك بس قولى ازاى بقى ^_^

لا تقلق ابدا
كلنا بنعانى من نفس ذات الزهايمر اللعين ده :D

الله اكرم ونورتنى بوجودك :))

Bent Men ElZman Da !! said...

mohamed

شكرا ليك جدا يا محمد
ده بس من ذوقك
اسعدنى وجودك كل سنه وانت طيب

Bent Men ElZman Da !! said...

ريبال بيهس

شكرا ليك يا فارس
والله مش عارفه لحد دلوقتى اذا كانت اتذاعت والا لا
لانى للاسف مش تابعت الموضوع من وقتها انا ابديت موافقتى ومش تابعت بعد كده :)
شكرا ليك جدا على ذوقك
ونورتنى بوجودك اللى اسعدنى :))

Bent Men ElZman Da !! said...

Angie

انتى احلى يا انجى
مبسوطه اووى بوجودك
وكل سنه وانتى طيبه يا جميله :))

Bent Men ElZman Da !! said...

rona ali

حضرتك الموضوع ده كان قبل ما اتشرف بمقابله حضرتكم وبعدين انا اصلا كسلانه ومش تابعت الموضوع من ساعتها :D

عجبتنى صراحه علاماتى التدوينيه دى اوى ^___^

ربنا يخليكى يا حبيبتى
ويكرمك يااارب ويوفقك دايماً للى فيه الخير ان شاء الله ♥

Bent Men ElZman Da !! said...

شمس النهار

هو فعلا الكلام مش خلص
بس اليوم هو اللى بيخلص بطريقه مش معقوله خالص
حد يصدق اننا النهارده 10 رمضان اصلا !

ان شاء الله كل ما يجى حاجه فى دماغى هاجى اكتبها بردو مش هتاخر :))

Bent Men ElZman Da !! said...

gmr14

فعلا احساس جميل ومميز
للاسف رمضان السنادى انا مش محضره حاجه
وكمان مفيش وقت خالص انى اتابع دايماً
لكن بحاول ادخل على اد ما اقدر
وده مش هيكفى ابداً انى ادون بنفس القدر ده

شكرا ليكى جدا اسعدنى وجودك :)

Bent Men ElZman Da !! said...

m.hallawa

صباح السعاده
دمت بخير :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget