17 August 2012

فرحه العيد

.




من قبل نهايه رمضان باسبوع او اكتر
بتبدا الناس تعمل فى الكحك
بتبقى فى روح حلوه فى البيوت اللى اتعودا يعملوا كحك دايماً
ومش بيحبوا انهم يتخلوا عن الجو ده
وخصوصا لمه الاطفال واستمتاعهم بمشاركه اهلهم فى نقش الكحك

فى بيوت للاسف مش متعودين على العاده دى
ويمكن بيتنا  منهم
فـ مش بنقدر نحس بفرحه عمايل الكحك بالشكل اللى ناس تانيه بتحس بيه

الكحك الجاهز غطى الى حد كبير على الكحك اللى بيتعمل فى البيت
وفى ناس كتير بتشوفها من ناحيه ان كفايه تعب ودوشه
ونجيب الجاهز احسن واريح

وعشان كده
عاده عمايل الكحك فى العيد
من العادات اللى بتختفى مع الوقت



احنا نفسنا مابقناش نحس بفرحه العيد فى حد ذاتها زى قبل كده
زمان كنت فاكره انى بستنى العيد ده بفارغ الصبر
واصحى من بدرى والبس لبس العيد واخرج اقف فى الشارع
حتى لو مش هاخرج فى حته او مش معايا اصحابى
بس اخرج وخلاص
لان ده عيد وماينفعش اقعد فى البيت
بس دلوقتى الموضوع مش بقى كده
العيد زيه زى اى يوم تانى
ممكن اخرج وممكن مش اخرج
انا اه ببقى ساعتها بحقد على الناس اللى بتخرج وانا قاعده فى البيت
بس مش بتبقى مشكله بردو

هى المشكله فى الايام نفسها اللى اختلفت والزمن؟
والا المشكله ان كل ما الواحد يكبر الحاجات الصغيره اللى كانت بتفرحه
بيبقى احساسها عادى؟؟

الاهم من كل ده بقى
كل سنه وانتم طيبين
وان شاء الله يكون عيد سعيد علينا كلنا :)




37 comments

ابراهيم رزق said...

اولا كل سنة و انتى طيبة

ذكريات البراءة والطفولة لن تتعوض

ممكن نحس بشجن لها

عيد سعيد عليكى

Bent Men ElZman Da !! said...

ابراهيم رزق

وحضرتك بخير يارب
فعلا مش هتتعوض ابدا
مهما شوفنا ايام احلى بس هتفضل ايام الطفوله هى البراءه
عيد سعيد عليك ياااارب ان شاء الله :)

سواح في ملك اللــــــــــــــــــه- said...

كل سنة وانتي طيبة يادينا




تحيتي لكي

Unknown said...

كل سنة و إنت طيبة و بألف خير و سعاده
أنا كمان بحب ألبس جديد و أخرج للشارع أتمشى و خلاص حتى لو لوحدي

عيدك سكر زيك :)

faroukfahmy said...

العزيزة دينـــــــــــــا
واحنا صغار كان العيد فرحة وزينات وفسح وجناين ولعب وباللونات وعربات كارو نركبها وتوصلنا للحدائق
واحنا كبار فرحتنا قرحتين فرحة اتمام صيامنا قى الشهر الفضيل وفرحة الفطر
ولكن فرحتنا واحنا صغار لا تقدرها فرحة
وكل فرحة عيد وانت طيبه يا دينا

m.hallawa said...

كل سنة وأنتي طيبة
عيد سعيد أن شاء الله
الله علي الذكريات الجميلة وعاميل الكحك في البيت
والبيتيفور والبسكويت أممممممم
واللهي ما في احلي من أيام زمان كانت كلها خير وبركة
عيدكم مبروك
تحياتي

كريمة سندي said...

كل عام وانت بألف خير وهنا وسعادة يارب

أحمد أحمد صالح said...

كل عام و انتِ بخير و الأسرة الكريمة،و كل عام و الأمة الإسلامية بخير و أمن وأمان..وتقبل الله منا و منكم

شمس النهار said...

كل سنة وانتي طيبة

كل مابنكبر في السن فرحتنا بالاشياء بتتغير
ورد فعلنا تجاه المناسبات برضوا بتتغير

Anonymous said...

مساء الورد

عيدك سعيد وكل عام وانتِ بخير

للعيد نكهه خاصة تميزه على الأقل في قلوبنا

ولا يعرف طعمه إلا الأطفال وقد يكون سبب تحوله

من يوم تنتظريه إلى يوم عادي هو غياب بعض

الفعاليات التي كانت تحصل في صغرك من زيارات

أو عمل كحك أو عمل حتى الزينة أو العيديات

أو غيرها من الأمور فإذا غاب أمر في صغرك

فكوني أنتِ العضو الفعال وأعيديها حتى لو لم

تري تفاعل ممن حولك فيكفي أن تشعري به لوحدك .

كل عام وانتِ بخير

Miss LoZa said...

بعيدا عن الكحك البيتى الى بيختفى

والفرحة الى بقينا مش بنحس بيها

كل سنة وأنتِ طيبة يا دندونى

يا رب عيدك جميل وأمور ومليان فرحة

:)

نهر الحب said...

دينا كل سنة وانتي طيبة وبخير

كل حاجة زمان كانت حلوة حتي انتظارنا للايام للمدرسة وللعيد وللمتنا وحتى نزولنا الشارع تحت البيت
دلوقتي بقضي العيد في الصيدلية
:(
مش اجبار من حد ولا حاجة بالعكس بمزاجي لاني عارفة اني مش حيبقي عندي حاجة اعملها وعارفة ان التليفزيون ممل جدا وعارفة اني مش حعرف اخرج عشان بتخنق من الزحمة
العيد بقي مجرد اسم للاسف
.......

كان عاجبني البوست اللي فات وملحقتش اقول تعليق بس فضفضتك بتلمسني كالعادة

Israà A. Youssuf said...

كل سنة وإنتي طيبة يا دينا :))

موناليزا said...

يارب يكون عيد سعيد علينا جميعاً
واضح اننا كبرنا يا دينا ومظاهر اليد طبعاً بالنسبة لنا اتغيرت
فين المراجيح .. ياااه وحشنى أوى أنى اتمرجح
ما تيجى نعملها سوا :)

Casper said...

كل سنة وحضرتك طيبة

محمد جمال said...

كل سنه وانتى طيبه يا دينا
فعلا العيد ما بقاش زى زمان , يمكن عشان كبرنا ممكن ؟ يمكن عشان فقدنا ناس بنحبهم اكيد ؟ لكن لازم نفرح ونبص للحياه بنظرة تفاؤل
عيد سعيد

Tamer Moghazy said...

كل عيد.. وانت اكتر حد سعيد :)

P A S H A said...

كل سنة وأنتِ طيبة وبألف خير وصحة وسعادة أنتِ وأسرتك الكريمة وإن شاء الله يكون عيد سعيد عليكم جميعاً بإذن الله :)
تحياتنا

Tamer Moghazy said...

فكرتيني بزكريات العيد الحلو..
العيد بتاع زمان..
العيد بتاعنا :)

Bent Men ElZman Da !! said...

سواح في ملك اللــــــــــــــــــه-

كل سنه وانت بخير يا خالد :))

Bent Men ElZman Da !! said...

شيرين سامي

كل سنه وانتِ طيبه يا شيرى
احساس اللبس الجديد اصلا فى العيد بيبقى ليها روح مختلفه كده
العيد لازم يبقى عيد بالحاجات بتاعته دى

عيدك جميل اوى زيك :*

Bent Men ElZman Da !! said...

faroukfahmy58

استاذى الرائع
فعلا الفرحه واحنا كبار بتبقى مختلفه هى موجوده لكن بردو مختلفه
بس فرحتنا واحنا صغيرين هى فرحه العيد بجد من جوانا واللى صعب نلاقيها دلوقتى
كل عيد وحضرتك بخير وسعيد يااارب :)

Bent Men ElZman Da !! said...

m.hallawa

كل سنه وحضرتك بخير يااارب
ايام زمان دى مش هتتعوض ابدا

عيدك سعيد :)

Bent Men ElZman Da !! said...

كريمة سندي

وحضرتك بخير وسعاده يارب دايما :)

Bent Men ElZman Da !! said...


أحمد أحمد صالح

وانت بخير ياااارب دايماً
وربنا يتقبل مننا جميعا ان شاء الله :)

Bent Men ElZman Da !! said...


شمس النهار

لان احنا اصلا من جوانا مش بنكون نفس الاشخاص بتوع زمان
كل سنه وحضرتك بخير :)

Bent Men ElZman Da !! said...

ريبال بيهس

مساءك ياسمين
الاطفال بيحسوا بالعيد اكتر مننا انا شايفه كده بصراحه
فى عادات كتير كل سنه جديده بنبطل نعملها وده اللى بيضيع احساسنا مع الوقت بالعيد
يمكن نحاول نعيدها
بس مش هتكون بنفس طعمها الاول
عيدك سعيد :)


Bent Men ElZman Da !! said...


Miss LoZa

كل سنه وانتِ طيبه يا موهتى
وعيدك سعيد وجميل زيك كده ياااارب :))

Bent Men ElZman Da !! said...

نهر الحب

وانتِ طيبه يا حبيبتى
احنا اصلا نفسنا بقينا مختلفين خالص عن زمان
العيد فعلا بقى زيه زى اى يوم
مش مشتاقين نخرج ولا نلبس جديد
بس لما بنبص للاطفال فى الشارع بنفتكر العيد زمان وازاى كنا زيهم كده مشتاقين لاول يوم العيد واللبس الجديد

مبسوطه ان البوست اللى فات عجبك وكفايه والله عندى انك حساه كده :))

عيدك جميل يا جميله :))

Bent Men ElZman Da !! said...

Israa' A. Youssuf

كل سنه وانتِ بخير يا قمر :))

Bent Men ElZman Da !! said...

موناليزا

ياااه المراجيح دى قصه لوحدها
بيتهيألى بطلت اركبها من اعداداى مثلا :(
لو هتعمليها انا معاكى اساسى بس قوليلى فين ^_^
كل سنه وانتِ طيبه يا حبيبتى وعيدك سعيد يارب :)

Bent Men ElZman Da !! said...

Casper

كل سنه وانت بخير يارب :)

Bent Men ElZman Da !! said...

mohamed

احنا كبرنا وتفكيرنا كبر وقلوبنا كمان كبرت اوى
وفقد بعض الاشخاص اللى كان وجودهم اصلا بيحسسنا بالعيد ده كمان ليه تأثير كبير
اكيد لازم نحاول نتفائل والا هنكتئب :D
كل عيد وانت مبسوط :)

Bent Men ElZman Da !! said...

Timo..

كل عيد وانت مبسوط وسعيد :))

Bent Men ElZman Da !! said...

P A S H A

وانت بخير ياااارب
ويسعد ايامك ان شاء الله :)

Bent Men ElZman Da !! said...

Timo..

ايوه هو العيد الحلو بتاع زمان ده
انما دلوقتى العيد بالنسله لينا مسمى مش اكتر

ضياء عزت said...

كل سنة وانتي طيبة وعيد سعيد عليكي انتي وكل حبايبك

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment