21 August 2012

انت عيدى ♥

.




عارف يعنى ايه انت عيدى؟
يعنى بالرغم من ان اول يوم عيد يمر من غير اى اختلاف عن اى يوم
الا انى افضل مستنياك تيجى
عشان عارفه انك بوجودك هـ تحلى يومى

عارف يعنى ايه انت عيدى؟
يعنى اول ما تيجى واشوف نظره عينيك وابتسامتك اللى بحبها
 وانت بتقولى كل سنه وانتِ طيبه يا حبيبى
اعرف فعلا ان العيد النهارده

عارف يعنى ايه انت عيدى؟
يعنى ابقى مش حاسه بالعيد اصلا الا وانا معاك


عارف يعنى ايه انت عيدى؟
يعنى الاقيك بتعملى كل واقل حاجه تفرحنى بيها 

عارف يعنى ايه انت عيدى؟
يعنى اول يوم من كل عيد استناك تيجى تدينى العيديه
لانى بستنى كلامك الجميل زيك اللى بتكتبه ليا عليها
ولحد دلوقتى مش قادره انسا العيديه اللى ادتها ليا من قبل حتى ما نرتبط
وكتبتلى عليها يارب اشيل اولادك
ومش كنت لا انا ولا انت نتخيل 

ان ولادى دول ان شاء الله هيكونوا حته منك

عارف يعنى ايه انت عيدى؟
يعنى تبقى فاكر حاجه نفسى فيها قولتهالك بقالى كتير
وانا نفسى اصلاً مش فاكراها... وتحققهالى

عارف يعنى ايه انت عيدى؟
يعنى تحسسنى انى طفلتك الصغيره
لما تهادينى بأكبر عروسه شوفتها فى حياتى لحد دلوقتى
واللى قربت اصلا تبقى طولى

عارف يعنى ايه انت عيدى؟
يعنى اكون مشتاقه اوى لـ صلاه عيد
تاخدنى فيها من ايدى عشان نروح الجامع نصلى مع بعض

عارف يعنى ايه انت عيدى؟
يعنى ابقى مستنيه العيد الجاى بفارغ الصبر
عشان هيكون اول عيد يجمعنا فيه بيت واحـ♥ـد



35 comments

faroukfahmy said...

ديــــــــــنا
وانا كمان من نفسى اقول يا دينا تعقيبا على هذه الخاطرة التى يستحقها حبيبك

العيد قرحة العيد كلمة حلوة من حب صادق غير هادف لأى مصلحة حب يخللى ايامنا كلها اعياد مش عيد واحد خاطرة زى الفل

محمد جمال said...

ربنا يفرحكم ببعض يا دينا ويجعله دايما عيدك
عيد سعيد عليكى وعليه
والعيد الجاى تكونوا مع بعض
كل سنه وانتم طيبين

كريمة سندي said...

إن شاء الله يارب ربنا يوفقكم لما يحبه ويرضاه جميلة أوي الأحاسيس بتعتك دي ربنا يكرمكم يارب وتجمعوا في بيت واحد وتظلل عليكم شجرة الحب المورقة

شمس النهار said...

كل سنة وانتي طيبة

وتسلم مشاعرك الجميلة
وتسلم ايدك اللي ترجمتها بكلام
يفرح القلب
ربنا يسعدك

نهر الحب said...

اولا بس
حقول بسم الله ما شاء الله الله اكبر
:))

ثانيا
يااااااااااارب يسعد قلبك ويجمعك بحبيبك يااارب والعيد الجاي يبقي احلي عيد في حياتك وانتوا مع بعض

كل يوم بزعل اوي لما اكتشف اني كنت في كايرو ومعرفتش اشوفك
بس تتعوض ان شاء الله

قوليلي عقبالك بقي
عشان عاوزة من ده يا جزومبل

ربنا يحلي ايامك يارب

reemaas said...

حبيبتى حلوة اوى اوى

ربنا يهنيكو يارب

سواح في ملك اللــــــــــــــــــه- said...

ههههه هنيئا له دينا بتلك الجميلة

وفقكما الله وسدد خطاكم

Unknown said...

بحب أوي طريقى وصفك لمشاعرك ... ربنا يديم ليكي هذا الحب الصادق .. و كل سنة و أنتي طيبة

MoHaMeD Alaa said...

لا فعلا غلبتيني ;)

بس فعلا فرحان بيكي ..
بحس معاكي كتير اني اختارت صح
ام .. زوجة .. خطيبة .. حبيبة

اخترت دنيا جميلة اوي , اجملها انها دنيتي لوحدي

بحمد ربنا عليكي كتير ..وبتمني يارب يتممهالنا علي خير .. وياااارب يهديكي ليا ويهديني ليكي

واشيل اولادنا بقي

gmr14 said...

بسم الله ماشاء الله تبارك الله
شو هالجرعة الرومانسية ع العيد ولا فيروز كمان.. خدي بالك الجرعة الزائدة ممكن تسبب الوفاة هههههه

الله يديم السعادة والمحبة عليكما ويتممها لكما ويجمع بينكما في خير ويبعد عنكما اعين الحساد
لو كنت بعرف ازغرد لفعلت ههههههههه
تحياتي لكما

eng_semsem said...

كل سنه وعيدك سعيد
كل سنه وعيدك معاه
كل سنه وانتم اقرب
والعيد اللي جاي يكون بيتكم بيجمعكم
تحياتي

حنين محمد said...

صباح الغاردينيا دينا
ام اقول ايه انا خايبة عشان قلبي رقيق اوي بجد عيطت :(
ربنا يخليكو لبعض ويحميكومن عيون الناس
ويفضل هو عيدك وأنتي عيده
ويشيل ولادك قريب بقى ههههههههههه"
؛؛
؛
كل سنة وأنتي طيبة
لروحك عبق الغاردينيا
كانت هنا
reemaas

ضياء عزت said...

ربنا يديم عليكم الفرح يارب

ويخليكو لبعض ويتمم عليكم بير ويبعد عنكم ولاد الحرام والحاسدين

Anonymous said...

مساء الورد

كل عام وانت بقربه وكل عام وانتما أسعد

بإذن الله فهو عيدك كل الأيام وانتِ له أعياد

العمر ...

تحياتي وإحترامي

safa7_karmooz said...

كل سنة وانتى طيبة ويارب دايما تكونوا مبسوطيين :)

هبة فاروق said...

ربنا يهنيكم ويفرح قلوبكم ويحرسكم من كل عين
ويارب نفرح قريب بيكم

Bent Men ElZman Da !! said...

faroukfahmy58

العيد فرحه مش بالعيد نفسه لكن بوجود نفس بيكونوا هما نفسهم العيد :)
ربنا يجعل كل ايامك اعياد يارب :))

Bent Men ElZman Da !! said...

mohamed

ربنا يخليك يا محمد
ويجعل ايامك كلها عيد :))

Bent Men ElZman Da !! said...

كريمة سندي

ربنا يخليكِ شكرا جدا على كلام حضرتك
بيسعدنى وجودك الدائم :))

Bent Men ElZman Da !! said...

شمس النهار

كل دقيقه وحضرتك بألف خير :)
شكرا ليكِ جدا
وجودك هو اللى بيفرح القلب :)

Bent Men ElZman Da !! said...

نهر الحب

ربنا يخليكِ يا حبيبه قلبى ويسعدك انتِ كمان يااارب
انا كمان زعلت منكم اصلا لانى مش شوفتك وعرفت بعدها :(
بس احنا لازم يكون لينا مقابله تانى بقى ان شاء الله

عقبالك يا حبيبتى ياااارب ويرزقك بأنسان صالح يليقك بقلبك الجميل ده :)

Bent Men ElZman Da !! said...

reemaas

انتِ احلى بكتييير بقى
ربنا يخليكِ يا حبيبتى ياااارب ♥

Bent Men ElZman Da !! said...

سواح في ملك اللــــــــــــــــــه-

ربنا يخليك يا خالد
ويسعدك يارب دايماً :))

Bent Men ElZman Da !! said...

Angie

وانا بحب وجودك جدا يعنى :) .. ربنا يخليكِ يا جميله
ويسعدك يارب دايماً :))

نيللي علي said...

تعرفي يعني أيه بقي أنتي عيدي..يعني ألاقيكي بتتصل بيه ع طول وقت ماأكون مضيقة وتفرحني ..

تعرفي أحلي حاجة فيكي أيه إحساسك اللي بتكتبي بيه..

ع فكرة أنا بقالي كتير مش بدخل مدونات بس بصراحة مدونتك دي عاملة زي فاتح الشهية فتحتي نفسي أني أقري تاااااااني:)

Bent Men ElZman Da !! said...

MoHaMeD Alaa

انت اللى بتغلبنى بكلامك ومش بعرف ارد خالص عليه بقى :$
ربنا يخليك ليا عشان انا مش ليا غيرك اصلا :)

Bent Men ElZman Da !! said...

gmr14

ربنا يخليكِ يا جميله ويسعدك يارب دايماً
لا انتِ لازم تتعلمى تزغرطى اومال مين اللى هيعملهالى على بلوجر بقى ^__^
ربنا يخليك يا عسل :))

Bent Men ElZman Da !! said...


ياسر سليم

وانت بخير .. نورتنى

Bent Men ElZman Da !! said...

eng_semsem

ربنا يخليك يارب
ميرسى ليذوقك
وربنا يسعدك يارب دايماً :)

Bent Men ElZman Da !! said...

ريـــمـــاس

لا انتِ مش خايبه انتِ قلبك جميل اوى بس ^__^
ربنا يخليكِ يا حبيبه قلبى ويسعدك ياااارب دايماً ويجعل ايامك كلها اعياد ♥
ان شاء الله تشليهم بس انا اشوفك الاول بقىىى ^_^



Bent Men ElZman Da !! said...

Deyaa Ezzat

ربنا يخليك يا ضياء
ميرسى اوى على ذوقك وربنا يسعدك يارب :))

Bent Men ElZman Da !! said...

ريبال بيهس

مساءك ياسمين
تسلم فارس على ذوقك
ربنا يسعدك يارب :)

Bent Men ElZman Da !! said...


safa7_karmooz

كل سنه وانت بخير يا محمد ربنا يخليك :)

Bent Men ElZman Da !! said...

هبة فاروق

ربنا يخليكِ يا حبه ويسعدك يااااارب يا جميله انتِ

Bent Men ElZman Da !! said...

نيللى

عارفه بقى يعنى ايه انا بحبك؟
يعنى اشوف كلامك الجميل اوى زيك ده ومش الاقى كلام يكفيكى اقوله ♥

بما انك واخده اجازه من الفيس بوك
خليكى فى بلوجر بقى احلى بكتير على فكره ^_^

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment