08 September 2012

I'm Yours ♥

.


"أمنيتي أن أتسمّى ( بك) و أصبح أمّـاً لـ أبنائك
  تهديني دبلة .. و أهديك عُمراً لم يكُن إلا لك"
 (ايمان بكرى)                                                    



4 / 9 / 2012
وتحققت أولى أمنياتى فى التسمى بك 

ايوه اخيرا دلوقتى بقيت زوجتك رسمياً 
لكن مع ايقاف التنفيذ لمده شهر بس ^_^
حاجات كتير كده حسيت بيها فى الايام اللى عدت
خوف وقلق وتوتر ومشغوله فى حاجات كتير مش عارفه اصلاً ايه هى!
الحاجات الغريبه دى استوعبتها لما بنت عمتى بتقولى شوفى جوزك
هو انت فعلا بقيت زوج ليا؟؟؟
وانا بجد خلاص اتسميت بأسمك؟؟؟
حاسه ان ده كان من الاحلام البعيده واللى بقى قريب مننا اوى 
لحد ما مسكناه بأيدينا

على اد ما انا خايفه من الحياه المختلفه اللى جايه
على اد ما بطمن اوى كل ما بتقولى تخافى ازاى وانتِ معايا

على ما اد ما انا بردو مش مستوعبه
على اد ما انا مبسوطه بيك اوى
ومبسوطه ان اولادى ان شاء الله هيتسموا بأسمك
ودلوقتى كل ما ببصلك بحس ان عينى بتشوفك بطريقه تانيه غير قبل كده
عينى بتشوف فيك حياتى الجايه 
اللى بتمنى من ربنا انها تبقى خير لينا احنا الاتنين

و مش عارفه لحد دلوقتى اوصفلك ازاى احساسى بيك
اول ما خلصنا كتب الكتاب 
وانت سبت الناس والدوشه اللى حوالينا دى كلها
ولاقيتك فى اخر الجامع بتصلى ركعتين لينا وبتدعيلنا
كان نفسى اجرى اقف وراك ونصلى اول صلاه مع بعض
وقتها عرفت ان ربنا اختارلى صح الحمدالله
ربنا يكملنا على خير ياااارب ♥


54 comments

كريمة سندي said...

ألف مليون مبروك فرحت لك من القلب ربما يتمم هناكم يارب آمين

MoHaMeD Alaa said...

بحبك
.
ربنا يباركلي فيكي يارب
.
بس كتب الكتاب عمل شغل :D
.
اوعدك ان اللى جاي احسن
.
بإذن الله

MEROOooOOoo said...


مبرووووك يا دينا
فرحتلك أوى
ربنا يسعدك يا حبيبتى ويباركلك فى حياتك الجاية

Nour said...

الف الف الف مبرووووووووووووووووووووووك وعقبال الفرح بقى ان شاء الله
ربنا يباركلكوا ويسعدكوا يارب دايما .. موضوع اةل بيبي يبقى اسمه نور ده اكيد شيء مفروغ منه :P

مبرووووووووووووووووك :* :*

سواح في ملك اللــــــــــــــــــه- said...

دينا الاخت الطيبة

الف مليون مبروك ياستي

ربنا يحفظكم ويكرمكم ويرزقكم بالذرية الصالحة

تحيتي لكي ولزوجك

هبة فاروق said...

بجد كنت حدمع ربنا يبارك لك فيه ويهديهولك ويرزقك بالذريه الصالحه
ربنا يوفقك حبيبتى ويتمم لك على خير

مصطفى سيف الدين said...

الف مليون مبروك ربنا يتمم بخير ان شاء الله
و يسعدك و يهنيكي دايما

لبنى أحمد نور said...

ألف مبروك يا دينا
ربنا يبارككم ويباركم لكم ويديم أفراحكم

شهرزاد المصرية said...

ألف مبروك
ربنا يسعدكم و يكتبلكم كل خير

شمس النهار said...

الف ااااااااااااااالف مليون مبروك
ربنا يبارك لكم ويبارك عليكم
:)
وهو مع الدبلة يهديكي اسمه وعمره

أحمد أحمد صالح said...

بارك الله لكما وبارك عليكما وجمع بينكما في خير..ألف مبروك،وربنا يجعل حياتكم كلها سعادة وفرح يارب و يرزقكم الذرية الصالحة التي تقر بها عيونكم.

Sara said...

فرحتلك جدًا لما قريت البوست :)

ألف ألف مبروك يا دندن و ربنا يتمم بخير :*

و ربنا يبارك لكم على طول و يديم عليكم الأفراح :)

ريـــمـــاس said...

مساء الغاردينيا دينا
ياااااااااه والله بعيط مش عارفة ليه نفسي بجد اخدك في حضني وابوسك على قد ماانا فرحانة والله يلا يادينا دعواتك ليا انا وفارس نلحقكوا قريب يارب ربنا يتمم لك على خير ويسعدك مع زوجك ويجعل أيامك الجايه فرح وحب وسعادة ويحميكي يارب من شر عيون الناس "
؛؛
؛
ألف
ألف
ألف مبرووووك
لروحك عبق الغاردينيا
كانت هنا
Reemaas

نهر الحب said...

الله يا دينا
:)))))))))))))))
عارفة احساس جميل اوي لما الاقي حد بحبه سعيد كدة وبيحقق حلمه
وان اعرف واتاكد ان الاحلام الحلوة بتحقق اكيد بتتحقق
:))

ربنا يسعد قلبكم ويبارك لكم يا رب ويرزقكم بالذرية الصالحة

Angie pieceofpaper said...

ألف مبروك ... ربنا يتمملكوا بخير قريباً إت شاء الله ... و إن شاء الله تكون حياتك الجاية زي ما تخيلتيها و أحلى كمان ...

بارك الله لكما و بارك عليكما و جمع بينكما في الخير ...

نيللى said...

ألف ألف مبروك يادينا ياحبيبة قلبي وربنا يسعد ويفرحك ويارب تكوني أحلي زوجة وأم في الدنيا دي كلهاااااااا:)

zeze said...

الف مليون مبروك والله فرحت بجد وعيني دمعت لاني حسيت احساسك بالفرحة اد ايه
ربنا يتمم لكم علي خير ويسعدكم بالذرية الصالحة امين
ادعيلي بقي يا دودو

rona ali said...

دة اللى انا مكنتش اعرفه هتضربي بس مش ضرب مبرح علشان منعملمش وانتى فرحك خلاص قرب

المهم لولولولولىىىىىىىى مبيروك من هنا لصبح بجد
فرحانه ليكى جدااا اوى
بس برضوا هتضربي بقي :)))))))

mohamed said...

مليار مبروك يا دينا ليكى و أ/ محمد
ربنا يديم عليكم حب كتب الكتاب طول العمر
بجد فرحانين من قلوبنا وبنهنيكم

زينة زيدان said...

ألف مبرووك دينا

بالتوفيق يارب
و تدوم السعادة والمحبة


كل الود

ظلالي البيضاء said...

بارك اللهم بكما وعليكما وجمع بينكما في خير ..
أسأل الله لكما السعادة في الدارين والتوفيق فيهما ..
مع التحية الطيبة ..
"أبو أسامة"

reemaas said...

الف الف مبروووووووووك حبيبتى وان شاء اللهالشهر يعدى هوا ونفرح بيكى

Bent Men ElZman Da !! said...


كريمة سندي

الله يبارك فى حضرتك
ربنا يخليكِ يااارب :))

Bent Men ElZman Da !! said...


MoHaMeD Alaa

احم .. وانا كمان :$
بس انا خدت وعد منك اهو عبر صفحات البلوج لو حصل حاجه كده والا كده هانرجعله ماشى :P
ربنا يباركلى فيك ويكملنا على خير يااارب ♥

Bent Men ElZman Da !! said...


MEROOooOOoo

الله يبارك فيكِ يا ميرو
ربنا يخليكِ يا حبيبتى ويسعدك يارب :)

Bent Men ElZman Da !! said...

Nour

الله يبارك فيكِ يا نوووووووووووووور
هههههههههههه احب انا فيكِ الثقه دى

ربنا يخليكِ يا حبيبه قلبى :*

Bent Men ElZman Da !! said...


سواح في ملك اللــــــــــــــــــه-

الله يبارك فيك يا خالد
ربنا يخليك يارب :))
وتحياتى لوجودك الرائع دايماً :)

Bent Men ElZman Da !! said...


هبة فاروق

سلامه عيونك من الدموع :)
ربنا يخليكى يا حبيبتى ويبارك فيكى يارب :))

Bent Men ElZman Da !! said...


مصطفى سيف الدين

الله يبارك فيك يا مصطفى ويسعدك يارب دايماً :))

Bent Men ElZman Da !! said...


لبنى أحمد نور

الله يبارك فيكِ يا لبنى
ربنا يخليكِ يا جميله يارب :))

Bent Men ElZman Da !! said...


شهرزاد المصرية

الله يبارك فى حضرتك
ربنا يخليكِ ونورتينى بوجودك :)

Bent Men ElZman Da !! said...


شمس النهار

الله يبارك فى حضرتك
ربنا يخليكِ ياشمس الشموس :)

Bent Men ElZman Da !! said...


أحمد أحمد صالح

الله يبارك فيك يا احمد
ربنا يخليك وميرسى اوى على كلامك وذوقك
وربنا يسعدك يارب :)

Bent Men ElZman Da !! said...


Sara

ربنا يخليكِ يا ساره ويبارك فيكِ يااارب
ويسعدك قلبك يا حبيبتى ان شاء الله :*

Bent Men ElZman Da !! said...


ريـــمـــاس

مساء الحب يا ريمو
سلامه عيونك من العياط
انتِ اللى كده هتخلينى اعيط
بجد قلبى طار من مكانه كده بكلامك ده
حاسه انى عايزه اشوفك دلوقتى حالا اصلا :))))))
ربنا يسعد قلبك يا حبيبتى ويكملك على خير انتِ وفارس ياااارب
عشان افرح بيكِ قريب واخدك فى حضنى بجد بقى ♥

ربنا يخليكِ يا حبيبتى ويبارك فيكِ ياااارب :)

Bent Men ElZman Da !! said...


نهر الحب


ربنا يخليكِ يا حبيبه قلبى
ويسعد قلبك ياااارب انتِ كمان
وتحققى كل اللى نفسك فيه ان شاء الله :))

Bent Men ElZman Da !! said...

Angie pieceofpaper

الله يبارك فيكِ يا انجى
ربنا يخليكِ يا جميله ميرسى اوووى على ذوقك :))

Bent Men ElZman Da !! said...


نيللى

الله يبارك فيكِ يا نينووووووو ^_^
ربنا يخليكِ يا حبيبه قلبى ويسعدك يااارب انتِ كمان دايماً ♥

Bent Men ElZman Da !! said...


zeze

الله يبارك فيكِ يا حبيبتى سلامه عينك
والله لو اعرف ان البوست ده هيخليكم تعيطوا كده مش كنت نزلته ^_^
ربنا يخليكِ يا جميله ويسعد قلبك يارب وتحققى كل اللى بتتمنيه :))

Bent Men ElZman Da !! said...


rona ali

ايوه يا هانم ده اللى مش تعرفيه
ده انتِ اللى هتتعضى مش هتضربى بس :P
الله يبارك فيكِ يا حبيبتى
انا مش هتنازل عن لولولى دى فى الحقيقه على فكره ماشى :D

Bent Men ElZman Da !! said...


mohamed

الله يبارك فيك يا محمد
ربنا يخليك يااااارب ميرسى ليك اوى على ذوقك :))

Bent Men ElZman Da !! said...


زينة زيدان

الله يبارك فيكِ يا زينة
ربنا يخليكِ :)

Bent Men ElZman Da !! said...


ظلالي البيضاء

الله يبارك فيك وفى كلامك ابو اسامه
اسعدتنى بتهنئتك :)

Bent Men ElZman Da !! said...

reemaas

الله يبارك فيكِ يا حبيبتى ويسعدك يااارب :))

Deyaa Ezzat said...

ألف مبرووووووووووووووك
وربنا يتمم عليكم بخير يارب

بس معزومين بقى وللا إيه

:D

momken said...

ربنا يتمم بخير
ويجمع بينكما فى خير

خالص التهانى

....

habiba said...

السلام عليكم
بسم الله ما شاء الله
ألف ألف ألف مبرووووك وربنا يتمم بخير ويرزقكم الذرية الصالحة :)
معلش لو متأخرة شوية.

رؤى عليوة said...

هو انا جيت متأخر بس مبسوطه اوى عشانك عقبال الفرح بقى وهانت اهى :)

مبروووووووووك يا دودو ربنا يسعدك

على فكرة عجبنى الترز ده جداااا وياريت تعرفينى منين او ازاى

eng_semsem said...

بارك الله لكما وبارك عليكما وجمع بينكم في خير
ربنا يسعدكم في حياتكم وتحققي امنياته ويحقق امانيكي
تحياتي والف مبروك

Bent Men ElZman Da !! said...

Deyaa Ezzat

الله يبارك فيك يا ضياء ميرسى ليك اووووووى :))
اكيد طبعا معزومين ودى فيها نقاش يعنى ^_^

Bent Men ElZman Da !! said...

momken

ميرسى ليك اوى ربنا يخليك :)

Bent Men ElZman Da !! said...

habiba

وعليكم السلام ورحمه الله وبركاته
الله يبارك فيكِ يا جميله
ربنا يخليكى يا حبيبتى وكفايه والله انك قولتيها :))

Bent Men ElZman Da !! said...


رؤى عليوة

لا خالص انتِ جايه فى ميعادك ^_^
الله يبارك فيكِ يا رؤى ربنا يخليكِ يا حبيبتى ياارب

انتِ قصدك على المنديل؟
انا شوفت زيه فى بيدج على الفيس عملت اوردر بيه وجالى لو عايزه البيدج قوليلى وابعتهالك :)

Bent Men ElZman Da !! said...


eng_semsem

الله يبارك فيك :)
ميرسى ليك اوى على ذوقك

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget