03 October 2012

أجازه سعيده :)

.




بكره حياتى هتختلف تمامًا
بكل تفصيله فيها
حياه مختلفه بتمنى فى كل لحظه جايه انها تكون دايماً يارب اجمل

مش متخيله اصلاً ان بكره خلاص فرحنا
وهنرجع مع بعض لـ بيتنا اللى تعبنا فيه اوى عشان يطلع بالشكل ده
كل ما ببصلك بستغرب اوى
هو انت بجد تحديدا اللى بقيت جوزى؟
مش هاقولك لسه لحد دلوقتى مش مستوعبه
بس ده مايمنعش انى بردو لسه مستغربه
وكل ما تفاصيلنا وحاجاتنا الصغيره اللى بينا وبنحبها بتكبر
كل ما بحس انك بجد اجمل بكتير من اللى كان فى خيالى

على اد ما انا مبسوطه ومستنيه اليوم ده
على اد ما انا خايفه ومرعوبه
انا بصراحه كنت بحب فكره انى البنوته الصغيره اللى اعرف ادلع على ماما
وبيتحققلى كل اللى انا عايزاه ومش شايله مسئوليه
هو اه يعنى انا هابقى بدلع عليك انت وهتحققى اللى انا عايزاه بردو ^_^
انما دلوقتى هاحس انى بجد كبرت !
المفروض اشيل مسئوليه بيت لوحدى
وانسان كمان مسئول منى
واطفال فى المستقبل حياتهم وشخصيتهم هتتوقف على تربيتى ليهم
الفكره دى كانت ومازالت مرعبه بالنسبالى !!

بس مطمنه وعارف وبدعى أن شاء الله نعدى كل حاجه صعبه مع بعض
زى ما عدينا كل الصعب اللى شوفناه الايام اللى فاتت

بعتذر عن تقصيرى فى متابعه المدونه وباقى المدونات الفتره اللى فاتت
بس لازم دلوقتى اخد اجازه سعيده 
اشوفكم على خير
^___^


34 comments

maioya said...

هههههههههه فكرتيني ببوست كنت كاتباه قبل فرحي
بشهر
ضحكت اوي وانا بقرأ افتكرت نفسي اول جوازي
ودلوقتي
مع اني كنت خايفه ومرعوبه
في الاول بس دلوقتي بقيت بخاف اكتر
لما جوزي او بنتي يغيبو لحظه عن عيني
ربنا يقدرك يادودو علي المسئوليه
ويسعدك ويرزقك الخلف الصالح يارب امين
وادلعي براحتك;)
وعيشي يومك بكره بفرحه
ومتخليش اي حاجه تاثر عليكي فيكي
اصل هوا اكتر يوم هايفضل في بالك بكل تفاصيله علي مدي حياتك ف خلي كل تفصيله فيه تفرحك
ويارب يفرحك :) ويكملك فرحتك بخير

Sara said...

ألف مبرووووووووووووووك ♥

فرحانة لك أوووي :)

ربنا يتمم بخير :*

أتمنى لك حياة سعيدة للأبد ♥

سواح في ملك اللــــــــــــــــــه- said...

مبروك يادينا

ربنا معاكم ويحفظكم من كل شر

تحيتي

نهر الحب said...

vربنا يسعد قلبك ويتمم لك علي خير يااارب
ليا نصيب افرح معاكي في نفس ذات الوقت
:))))))))))))

الحمد لله رب العالمين
يا رب تسعدي طول العمر ويخليكوا لبعض وتحققوا كل احلامكوا

موناليزا said...

ألف مبرووووووووووك
ربنا يتمم بخير يا دينا :)

محمد جمال said...

الف الف مبروك يا دينا
بارك لكما وبارك عليكما وجمع بينكما فى خير
شهر عسل سعيد

هبة فاروق said...

مبرووووك يااحلى بنوته فى الدنيا شهر عسل سعيد باذن الله يارب يسعد قلبك ويهنيكى فى حياتك الجديده

yasmeen gamal khodeer said...

ياااا شعورك واصل بشكل جميل اوى .. الف الف الف مبروح يا دودو ربنا يامملك على خير

شمس النهار said...

اااااااااااااااااالف مليون مبروك
بارك الله لكم وبارك عليكم
يارب ايامك كلها تبقا سعادة وهنا

Amira Ramadan said...

ألف مبروووووووووووووووووك يا دندونة تستاهلى كل خير ربنا يسعدكوا ويهنيكوا طول العمر
أجازة سعيدة وحياة مختلفة أحلى
بارك الله لكما وبارك عليكما وجمع بينكما فى خير:))))

P A S H A said...

ألف ألف مبروك :))
بارك الله لكما وبارك عليكما وجمع بينكما في خير ورزقكما بالذرية الصالحة إن شاء الله اللهم آمين
:))
ربنا يسعدكم ويفرحكم
:))
خالص تحياتنا

رؤى عليوة said...

مبروووووووووووووووووووووك يا جميل
ربنا يفرح قلبك دايما وتكون حياة جديدة سعيده حتى لو فيها مسئوليات

بارك الله لكما وبارك عليكما وجمع بينكما فى خير ورزقكما ذرية تقر بها اعنكما

دمت بخير

مروه زهران said...

ربنا يسعدك وتكون أحلى من توقعاتك وأحلامك

العاب said...

well done

ضياء عزت said...

ألف مبروووووووووك

وربنا يتمملك بخير يارب

momken said...

الف الف مبروك ربنا يتمم بخير

خالص التهانى

EMA said...

الف م برووووووووووك يا دندونة و ربنا يسعدك يا جميلة و يوفقك يا رب و الف مبرووووووك كمان على كتابك ربنا يوفقك دايما

Bent Men ElZman Da !! said...


maioya

هو طبيعى يا ميويا اى حاجه فى اولها بتبقى غريبه ومرعبه جدا
بس مع الوقت بنستهبل نفسنا اصلا اننا كنا خايفين للدرجه دى
ربنا يخليكى يا حبيبتى ويخليلك احمد وجوجو ياااارب :)

Bent Men ElZman Da !! said...


Sara

سوووو الله يبارك فيكى ربنا يخليكى يا حبيبه قلبى :)

Bent Men ElZman Da !! said...


سواح في ملك اللــــــــــــــــــه-

الله يبارك فيك يا خالد ربنا يخليك ويسعدك يارب :)

Bent Men ElZman Da !! said...


نهر الحب

ربنا يخليكى يا حبيبتى ومبسوطه بجد ان نفس الوقت كان بيحصلك انتى خطوه جميله اوى فى حياتك
يارب دايماً حياتك تبقى سعاده وفرح كده ان شاء الله :)

Bent Men ElZman Da !! said...


موناليزا

الله يبارك فيكى يا منى
ربنا يخليكى يا جميله :)

Bent Men ElZman Da !! said...


محمد جمال

الله يبارك فيك يا محمد
ربنا يخليك يارب :)

Bent Men ElZman Da !! said...


هبة فاروق

الله يبارك فيكى يا جميله انتى
ويسعد قلبك يارب :)

Bent Men ElZman Da !! said...

yasmeen gamal khodeer

مبسوطه اوى بجد ان احساسى واصلك كده
الله يبارك فيكى يا ياسمين
ربنا يخليكى يا جميله :)

Bent Men ElZman Da !! said...


شمس النهار

الله يبارك فى حضرتك يااارب ربنا يخليكى :))

Bent Men ElZman Da !! said...

Amira Ahmed

الله يبارك فيكى يا ميرو
ربنا يخليكى يا حبيبتى ويسعدك انتى كمان ياااارب :))

Bent Men ElZman Da !! said...


P A S H A

الله يبارك فيك
ميرسى ليك اوى على ذوقك :)

Bent Men ElZman Da !! said...


رؤى عليوة

الله يبارك فيكى يا جميله
وربنا يسعدك انتى كمان يارب ويفرح قلبك دايما :))

Bent Men ElZman Da !! said...


مروة زهران

ياااارب يا مروة
ربنا يخليكى يا جميله :)

Bent Men ElZman Da !! said...


العاب

Thanks

Bent Men ElZman Da !! said...

Deyaa Ezzat

الله يبارك فيك يا ضياء
ربنا يخليك:)

Bent Men ElZman Da !! said...

momken

الله يبارك فيك
ميرسى اوى :)

Bent Men ElZman Da !! said...


EMA EMA

الله يبارك فيكى يا حبيبه قلبى
ميرسى اوى على ذوقك
وربنا يوفقك يارب انتى كمان دايما ويسعدك ان شاء الله :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment