29 November 2012

كلام والسلام ... كلاكيت 22 مرة

.




لما بناخد موقف معين من شخص
بنستقبل كل وأبسط تصرفاتة وكلامة على إنها أثبات للموقف دة
مع أن ممكن جدًا مايكنش ده صح
بس عقلنا وقتها مش بيقدر يترجم التصرفات إلا بطريقة واحدة
اللى هو اصلًا متوقعها ومستنيها

*****

لما بننجرح وبنبعد عن أشخاص كانوا مهمين فى حياتنا
وبتجمعنا بيهم الظروف والأيام من تانى
بنخاف اوى نرجع نكون معاهم زى الاول
بيبقى فى جوانا سببين للخوف ده
خوف من مشاعرنا اللى اتغيرت من ناحيتهم او حتى أصبحت مبهمه التفاصيل
وخوف انهم يقدروا يجرحونا تانى !

*****

الحنين
كلمة حروفها قليلة اوى
بس كل حرف منها
بيخلق جوانا كيان كامل .. بنشتاقلة ..و بنحتاجة
كل ما بترجع تانى ذكرياتنا وتجبرنا نَحَنّ لحاجات كتير مرينا بيها فى حياتنا
وارد جدًا الحاجات دى مايكنش ليها مكان
او حتى مابقاش ليها طعم
بس الحنين اللى جواك دايمًا بيشدك أنك تشوفها بنفس النظره 
اللى كنت بتشوفها بيها زمان
وعشان كدة بتفضل بردو شايفها بنفس جمال زمان
واللى اصلًا مابقاش موجود
وده اللى بيخلي الحنين فى اوقات كتير اوى يتغلب علينا

*****

فى حاجات فى حياتنا سواء بسيطه جدًا او كبيرة جدًا بنحس أنه مُسَلِّم بيها
يعنى كأنها لازم تكون فى حياتنا
وغير وارد فكرة فقدها نهائى فى بالنا
بس اول ما بنشوف حد غيرنا مش بيملكها
بنتخيل نفسنا من غير النعمة دى
وبنبدأ نستوعب فكرة فقد نعمه من نَعَم ربنا علينا
وساعتها بس مش بنقدر غير أننا نحمد ربنا على حاجات كتير اوى بعتها لينا
ونسينا نشكرة كتير عليها

*****

ماتطلبش من حد يعاملك بأكثر من الطريقة اللى بتتعامل معاه بيها
على اد ما تدى على اد ما هتاخد
وعشان كده ماتستناش اكتر من اللى انت نفسك تقدر تديه


22 comments

Unknown said...

جميله التدوينه يا دوندون

بس عارفه حكايه الحنين دي قلبت عليا حاجات

كتير كده وحستها أوى والله انا وحشه اوى انى مش

بسال عليكي ومقصره في حقك سمحيني بقى يا موزتى


Bent Men ElZman Da !! said...

mena moon

أنتِ أجمل يا مونمون
الحنين فى حد ذاته أصلا بيتخلق جوانا عشان يقلب حاجات كتير اوى الحلو منها والوحش

انا والله اللى وحشة معاكِ أوووووووى ومقصرة معاكِ جداااااااا ونفسى اكلمك أصلا
مش تزعلِ أنتِ مني :*

Ahmed El Desouky said...

كلام جميل جدًا

الأخيرة دي أنا مؤمن بيها جدًا

تحياتي

ميمونة said...

حلو كلامك جدا وبالذات الاولى دي واقعية جدا وبتحصل معايا كثير وبحاول ساعتها احط احتمالات تانية عشان ما اظلمش الشخص
تحياتي وكل الود :)
ميمي

رحاب صالح said...

الله بجد عجبتني اووي
وكلامك كله احاسيس وعبر
مساءك بنفسجات

حَنيّـن نِضال said...

التدوينة جميله و بالاخص جزء الحنين
تحياتي

بلاش فضايح said...

كلام جميل ونصايح مهمة
تحياتى :)

سواح في ملك اللــــــــــــــــــه- said...

عادت دينا بأفكارها الجملةوتدويناتها السلسة

تحيتي دينا

مروه زهران said...

الله يا دينا
عجبتنى أو التأملات والأفكار دية
يسلم اباعك واحساسك :)

نهر الحب said...

لما بناخد موقف من شخص بنركز مع كل حاجة بيعملها بنتلكك بمعني اصح
***********

لما بنتجرح من حد عمرنا ما بنرجع زي الاول حتي لو رجع التعامل لأن بيبقي فيه حاجات جوانا اتكسرت واتبنت مكانها حواجز تمنعنا عنه

******************

الحنين
بفكر في الكلمة دي اليويمن دول كتير وبستغرب لحنيني لناس وحاجات مش عاوزة اصلا احن ليها ومعرفش ليه اصلا بفتكرها
ومش لاقية تفسير

*************

صحيح مجدش بيحس بالنعمة غير لما بيشوف حد من غيرها

********************

انا ماشية بالمبدأ ده علي فكرة واللي مش بيعمل كدة لازم يوصل لمرحلة يقف عندها ويقول انا بعمل غلط ماينفعش ندي من غير ما ناخد ومش حاجة مادية لا بتبقي حاجات تتحس ووبس

............

انتي عارفة قد ايه بحب فضفضاتك دي
:)

Bent Men ElZman Da !! said...

Ahmed El Desouky

ميرسى ليك اوى
انا كمان مؤمنه بيها رغم انى مش دايماً بنفذها :)
اسعدنى وجودك

Bent Men ElZman Da !! said...

ميمي

وجودك أجمل :)
عارفه اصلا لما بنحط احتمالات بنفضل شايفين الاحتمال اللى احنا مقتنعين بية كأول اختيار قدامنا بردو

نورتينى يا جميلة :)

Bent Men ElZman Da !! said...

re7ab.sale7

ميرسى ليكِ يا رحاب
مبسوط أن الكلام عجبك
مساءك عبير الورد :)

Bent Men ElZman Da !! said...

haneen nidal

ميرسى ليكِ اوى يا حنين
نورتينى بوجودك :)

Bent Men ElZman Da !! said...

بلاش فضايح

شكراً ليكِ على تعليقك ووجودك اللى أتمنى أنه يتكرر :)

Bent Men ElZman Da !! said...

سواح في ملك اللــــــــــــــــــه-

أنا اصلا بلاقى نفسى فى البوست ده :)
نورتنى بوجودك يا خالد :)

Bent Men ElZman Da !! said...

مروه زهران

مبسوطة اووووووى ان البوست عجبك كده
ميرسى اوى يا جميلة
نورتينى يا مروة :)

Bent Men ElZman Da !! said...

نهر الحب

انتِ عارفة أد ايه انا بحب تعليقاتك دى
بحب كلامك ده اووووى :)

باحث عن حب said...

فعلا لما بناخد موقف من حد وبننجرح منه
اى كلام معاه بيترجم على اساس اللى انطبع جوانا
بس هو الغلطان علشان حتى مش حاول انه يصلح نفسه واحنا غلطانين علشان متسرعين حبه
بس محدش بالصفا ده الدنيا بتلهى
وابسط ما فيها انسى

Bent Men ElZman Da !! said...

محمود(باحث عن حب)

فى النهايه احنا بنفضل مستنين ان اللى قدامنا يغير نظرتنا ليهم
واللى قدامنا بيفضل مستنى احنا نغير تفكيرنا ضده
وبالتالى كل واحد فينا مستنى التانى يصلح حاجه ومش بيحصل
ويبقى الوضع كما هو عليه

نورتنى بوجودك اللى اتمنى انه يتكرر :)

محمد جمال said...

غبت عن هنا كثيرا فعذرا اختنا
اما ما قد قرأته بالاعلى فهو حقا حكم رائعه وليس كلام والسلام
تحياتى دينا

Bent Men ElZman Da !! said...

محمد جمال

ولا يهمك يا محمد
يكفينى وجودك بين الحين والآخر
تحياتى لك :)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment