04 October 2013

زى النهاردة من سنة ♥

.



بحب في علاقتنا إنها خلفت كل التوقعات زي ما أنت دايماً تقولي
وعدت كل الحواجز اللي كانت قدامنا 

بالرغم من إني كنت مش متوقعة إني ممكن اللي اتجوزه ابقي عرفته من النت
بس ده حصل بينا

وبالرغم من إني مش كنت مقتنعه إني أرتبط بزميل ليا في الكلية 
إلا أن ده بردو حصل بينا

بالرغم من إنك كنت أخر واحد ممكن أفكر فيه
إلا أن قلبي والظروف وجهتني ليك من غير ما أحس !

وبالرغم من أن كان في حاجات كتير تمنعنا نرتبط 
إلا أنك واجهت كل حاجة وقفت قدامك
وحبيتني واتقدمتلي

بالرغم من أن ماحدش كان مصدق الحكاية اللي بدأت بكلمة وصدفة وشوية هزار وتلميحات
وفجأه لاقناها بقت جد من غير ما ناخد بالنا
إلا إنها كانت أحلي صدفة في حياتنا

بالرغم من تأكيدنا لكل اللي حوالينا إننا أصحاب وبس
وإحنا من جوانا عارفين إن الموضوع فيه حاجة أكبر من كده .. كنا بنسكت !

وبالرغم من أن أوقات مش بصدق كل اللي حصل بينا وبحس إنه حلم
بس بعد سنة من جوازنا
و كل ما ببص لتفاصيل بيتنا بحس إنه أكيد حقيقة
ولما بشوف صور فرحنا بحس إنه فعلاً حقيقة
ولما أنت بتهون عليا حاجات كتير بكلمة أو نظرة بس منك بتأكد إنه حقيقة
ولما بتساعدني أنجح و أكون أحسن بوجودك جنبي
بتأكد يوم عن يوم إنك أنت أجمل حقيقة في حياتي
ربنا يرزقني بحقيقة تانية تكون حته منك ♥


10 comments

ابراهيم رزق said...

و بالرغم من كل ده
فى قصص كتبر بتنتهى نهايات جميلة

نحنا و القمر جيران
بيته خلف تلالنا

بيطلع من قبالنا
بيسمع الالحان
نحنا و القمر جيران
عارف مواعيدنا وتارك بقرميدنا

اجمل الالوان
ياما سهرنا معه بليل الهنا مع النهدات

ياما على مطلعه

شرحنا الهوى

وغوى حكايات

نحنا والقمر جيران
لما طلّ وزارنا ع قناطر دارنا
رشرش المرجان
http://youtu.be/PGrk0UserBg

ربنا يخليكوا لبعض و يحفظكوا

شمس النهار said...

ساعات من كتر السعادة الواحد بيخاف
وبيعتقد انه في حلم
ربنا يسعدك ويهنيكي

reemaas said...

يااااااااااااارب يسعد ايامكم يارب وديما كده بداياتك الغير متوقعه تبقى نهايتها سعيدة

Sara said...

مبروك عليكم السعادة يا دينا وربنا يديمها على طول يا رب :)

كلماتكِ أثرت فيّ ولمستني من جوا :)

دمتي بود

سامسونج دوس said...

مبروك يا دينا ... كلامك ده بجد كنت محتاج أقرائه تسلم الأيادى

Bent Men ElZman Da !! said...

ابراهيم رزق

بالرغم من كلامي الكتير ده إلا أن تعليقك ده أحلي من حاجات كتير أوي :)
ربنا يخليك يااااارب

Bent Men ElZman Da !! said...

شمس النهار

هي كل الحاجات الجميلة بتكون أصلًأ بدايتها حلم
ربنا يخليكِ ليا يارب :)

Bent Men ElZman Da !! said...

reemaas

نور.. ربنا يخليكِ يا حبيبتي
وربنا يرزقك ببدايات غير متوقعة ونهايات سعيدة دايمًا يااارب :)

Bent Men ElZman Da !! said...

sara

سووو ربنا يخليكِ يارب
ويسعد قلبك يارب إن شاء الله
دمتِ بحُب صديقتي :)

Bent Men ElZman Da !! said...

سامسونج دوس

ربنا يخليك وسعيدة إن البوست أثر معاك كدة
أسعدني مرورك علي مدونتي وتعليقك :)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment