04 May 2014

عن وجع الفقد!!

.




في كل مرة بنفارق حد فيها بنضايق أوي وبنزعل
مش بس علي المرة دي من الفراق
لكن علي كل مرة قلبنا بيتوجع فيها لما حد بيخرج من حياتنا
خصوصًا لو كان خروجه ده بالموت مثلًا
لأن وقتها مش بنقدر نفتكر له إلا كل حاجة  كويسة حصلت
وساعتها مش بس بتتوجع عشان خاطر الشخص ده تحديدًا
لكن بتتوجع عشان أفتكرت تقريبًا كل الأشخاص اللي خسرتهم في حياتك
واللي وارد جدااا يكون الوقت والظروف وحتي أنت نفسك مش سمحتلك تودعهم.
وقتها غير إنك بتتوجع من الفراق
لكن كمان بتحس بالذنب
وبتفكر كتير.. ياتري ممكن حد يروح مني تاني من غير ما أقدر أودعه؟!
لو بكيت ساعتها مش بيكون عشان الموقف المحدد اللي أنت فيه
لكن عشان أحساسك إن وارد جدًا الزمن مش يسمحلك تودع ناس مهمة في حياتك
وفجاة تلاقيهم مابقوش موجودين
وقتها بس لا بكاك بيريح ولا وجعك بيروح!!


"العين أحيانًا بتتعود علي الفُراق.. وبالتالي بـ تبطل تبكي
لكن القلب لازم كل مرة فيه حته تتوجع
!"
-كلام والسلام-



4 comments

Unknown said...

صدقت ِ

شمس النهار said...

ده مش كلام والسلام ده كلام صح وفي الصميم
الفقد شئ سئ للغاية
وخوف بيعشش في القلب
ننساه شوية لكن عند اقرب فرحة بيرجع
وعند اول فقد بيظهر ويغلغل تاني فينا

Bent Men ElZman Da !! said...

عبير علاو

أشكرك عبير :)

Bent Men ElZman Da !! said...

شمس النهار

الفقد ولو إنه بيبدأ كبير لكن لما بيصغر بيفضل مستخبي جوانا مستني أول موقف عشان يظهر بوجعه من تاني

مبسوطة جدًا بوجودك وتعليقك اللي وحشوني :)))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment