09 August 2014

أفرح بضمير :)

.




مع كل فرحة جديدة بتعدي في حياتنا
وعلي أد ما الفرحة دي بتكون كافية إننا نكون مبسوطين جدًا
إلا إننا دايمًا بنكون عايزين نحس بفرحتنا دي وسط لمة وناس بنحبهم
والأهم يكونوا بيحبونا

الغريب واللي بقيت أخد بالي منه أوي
إن مطالب مننا نخبي فرحتنا دي عن اللي حوالينا
سواء بقي خوفًا من الغيرة أو الحسد
أو عشان اراعي مشاعر الناس لأي سبب من الأسباب
ساعتها وفجأة هتلاقي نفسك حاجات كتير حلوة بتمر عليك
ومش بتديها حق فرحتها الصح

مثلًا..
في عيد الأم مش مطلوب مننا إننا نجاهر بحبنا لأمهاتنا لأن في ناس محرومة من الأم
في عيد الحب مش المفروض إننا نجاهر بحبنا لأن ده مش من طبيعة مجتمعنا.. بعيدًا عن الحرام والحلال
لو نجحت ماينفعش تعمل هيصة وفرحة عشان المفروض تراعي ناس تانين ربنا مش كرمهم زيك
وينطبق علي ده أمثال كتيييييير
بس لو فكرنا كدة..
ليه أنا ماديش أمي حقها من الحب قبل لا قدر الله ما اتحرم منها زي غيري؟!!؟
وساعتها هقول يارتني مافكرت في أى حد وحسيت بوجود أمي معايا
ليه مافرحش بالحاجة اللي ربنا رزقني بيها أيًا كان أيه الحاجة دي
لان لما يعدي وقتها هاقول أنا ماحستش بفرحتها زي ما كنت متوقعة!
ولا أستغليت إن ربنا كرمني بفرحة عشان قلبي يضحك!

مش عيب إننا نعمل حساب لمشاعر الناس حوالينا
بس مش المفروض إن ده يجي علي حساب احساسنا إحنا بالفرحة

لما ربنا يبعتلك حاجة تفرحك..
وقتها أفرح بضمير ومن قلبك وأنسى أي حاجة تانية لان الفرحة قليلة

4 comments

Sara said...

هنفرح بضمير يا دينا وهنزعج الكون بصرختنا المفرحة :)

شمس النهار said...

بقينا بنصعبها علي نفسنا
في فرق بين انك تعملي اللي انتي عيزاه وانك باللي بتعمليه ده بتجرحي الاخر
هي شعره
ممكن نعمل اللي احنا عايزينه من غير مانتسبب في حزن حد
وبجد عمرنا ماسمعنا الكلام ده اللي اليومين دول المجتمع اتغير اوي

Bent Men ElZman Da !! said...

sara

أتمني كلنا والله ياسارة :)

ربنا يفرح قلبك

Bent Men ElZman Da !! said...

شمس النهار

إحنا بنصعب علي نفسنا ونراقب بعض في كل حاجة ودي المشكلة اللي إحنا فيها
لو كل واحد أتعامل في الحدود والوسط من غير تطرف لأي إتجاة هنبقي كويسين أوي بجد

ربنا يفرحك يا شموسة :)

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget