2011
الواحد مش قادر يصدق ان السنه دى خلصت
السنه دى اصلا ماتتصدقش
احداثها كتيره وتغيراتها كبيره
كنا قبل كده بنعيش ايام كتير شبه بعضها مفيش فيها اىجديد
انما السنادى
كان كل دقيقه خبر
وبقينا احنا اللى بنجرى وراء الاحداث والاخبار
عشان نقدر نفهمها ونستوعبها
لان اللى حصل السنادى كان اكبر من تخيلات واستيعاب اى حد
وماكنش ابداُ حد يتصور ان كل ده يحصل فى سنه واحده
فعلا سنه صنعت تاريخ هنفضل نحكيه لولادنا طول العمر
وكأن التاريخ اختزل كل احداثه فى السنين اللى فاتت
عشان تتكتب كلها فى تاريخ 2011
فى 2011
بلدى اتغيرت ولسه بتتغير وهاتتغير
احنا بقينا نبص لمستقبلنا بطريقه مختلفه
وبنظره فيها امل وتفاؤل اكبر من الاول
انتمائنا لبلدنا بقى شئ واضح وبيزيد يوم عن يوم
اما فى حياتى انا
فا 2011 كانت من اهم سنين حياتى اللى فرقت معايا اووى
يمكن ربنا كان بيهون عليا الاحداث اللى بتحصل فى البلد
باحداث حياتى انا نفسها
اللى اختلفت كتيييير للاحسن الحمدالله
فى 2012
نفسى بلدنا تبقى احسن بلد فى الدنيا
نفسى كل احلامنا تتحقق
نفس كل حاجه من حوالينا تبقى حلوه
نفسى من جوانا احنا نبقى احلى
كل سنه وانتم طيبين
وسنه سعيده علينا كلنا ان شاء الله
^_^
.jfif)
