18 August 2009

اما ناس سيس صحيح !!

.

ناس سيس صحيح بجد يعنى
الاول يقولوا هنحدد النت
وبعدين يلغوا تحديد النت
انا طبعا مش ضد انهم لغوا القرار
بس ضد الهبل والتخلف والاستهبال اللى هما ماشيين بيه
اول ما القرار نزل واصحابى قالولى عليه
قولتلهم وحياتكم مش هيكمل
لما يلاقوا الناس نطت فى كرش كل واحد قال القرار ده
ساعتها كل واحد هيخاف على كرشه وهيتراجعوا
ما هى حصلت قبل كده
لما قرروا فى الاول ان النت كله يبقى محدد
الناس اعترضت والفيس بوك اتملى جروبات
وناس كتير قالت هنشيل النت خالص بلا نت بلا تحديد
قالوا خلاص هيبقى فى محدد وغير محدد
ولما حبوا يستذكوا تانى وينزلوا نفس القرار بطريقه اشيك
فاكرين الناس هبله اصلها
بس الناس بردو عملت نفس القصه
و هما بردو تراجعوا !!
لازم الواحد يقل ادبه ويعمل مظاهرات واحتجاجات عشان تحترموا اخلاقكم
طب ما الواحد يعمل جروبات وانقلابات بقى عشان حاجات تانيه يمكن يتراجعوا فيها
زى الاسعار مثلا
الاسعار فى الطالع طاااااالع طااااااااااالع
وانا شاكه ان هى اللى السبب فى خرم الازون
بمناسبه خرم الازون
انا عايزه اعرف حاجه
ياترى ده ليه علاقه بأنهم قفلوا الخرم الللى فى الربع جنيه؟
يعنى افتكروا انهم لو سدوا الخرم بتاع الربع جنيه هيتقفل بتاع الازون؟
واصلا شكله بقى وحش اخر حاجه
فين الربع جنيه بتاع زمان ده اللى كان بيملى الايد اييييه دونيا
وهاموت وافهم ليه غيروا الجنيه الورق بالجنيه المعدن
عشان المعدن عمره اطول
والا مثلا يكونش ضد الميه ضد النار ضد الحشره ضد الفار
وبعدين انا اصلا العملات المعدنيه الكتيره دى بقت موترانى الصراحه
كل ما ادى فلوس لحد الاقيه جايبهالى جنيهات معدن
فى ايه يا جدعان؟!
هنمشى بسره من الدنانير بعد كده والا ايه عشان ابقى عامله حسابى يعنى ؟!!
اما انتم عالم تشل صحيح
وانا مازلت عند رأيى بردو
ناس سيسسسسسسسس فعلا

8 comments

adel said...

ههههههههههههههه
ناخد من كل رجل قبيلــــــــــــــــــــــة
ههههههههه
الفلوس المعدن دي مشكلة
بدي لواحد 20 جنية رجع الباقي كله معدن
كنت هتشل
وعندك حق الربع جنية بعد ما اتقفل مابقتش حاسه
حاسس انه غريب عني
مش هو ده الربع جنية اللي شاف معانا سنين
واخرتها نقفله
داحنا طلعنا مثل مخصوص بيقولك احنا اللي خرمنا الربع جنية
هنقوله ازاي بقي
كده لو قالناه تاني نبقي نكدب
ولو قالنا انا خرمنا الربع جنية و رجعنا صلحنا
يبقي شعب فاضي بقي طب خرمنا ليه من الاول
الموضوع كبير قوي ولازم نعالجة بشئ من الشفافية

بالنوسبة للنت
قال يحدوده قال

micheal said...

ههههههههههههه..هما سيس..بس أنا بقيت حاسس أنهم بيفتعلوا أي مشاكل يلهونا بيها والسلام
أما الحنيه المعدن فده بلوة واتحدفت علينا..كل شوية ألاقي ناس ترفضه..تقوليش بديهم قرش حشيش
:)
تحياتي

maioya said...

ههههههههههه
انا اول مره اعرف ان خرم الربع جنيه اتقفل
:o:
بصي هيا حكومتنا حكومه تحب تجرب اوي
فاكره انتي 6 ابتدائي
اللي كل شويه يشيلوها ويحطوها
والثانويه العامه اللي نظامها احتار
هما كده نظام مش مستقر يبقي قراراته مش مستقره
وديما في حاله تغيير
وبيني وبينك هما خافوا اوي
عشان الناس مكنتش هتسكت كمان
وجايين علي نقطه ايه مفيهاش كلام
النت اللي بيمثل اهتمام شريحه كبيره اوي
منالشعب لو مكنش كله
بس في الاخر بردو ناس سيس :D
ولاتزعلي

Bent Men ElZman Da !! said...

adel

انت عارف يا عادل لما واحد بيدينى جنيهات معدن كتير كده بعمل ايه
بشيلهم لنفس المكان اللى خدتهم منه وبرجع ادفعهلهم على مراحل
ايوه لازم تبقى الفلوس دى منهم وليهم :D
زعلت انا اوى على الربع جنيه دى :(

Bent Men ElZman Da !! said...

micheal

اه والله معاك حق
هما بيخترعوا حاجات يلهونا فيها فعلا
انا من الناس اللى مش بتحب الجنيه المعدن
بخاف انسا الجنيه الورق تقريبا :D
بس هو ممل اوى بجد وبيعمل دوشه على الفاضى
ميرسى ليك

Bent Men ElZman Da !! said...

maioya

معقول يا مى ماتعرفيش انه اتقفل
طب والله لانا مصورهولك هو انا عندى الا مى ههههههههههههههه
انا بجد كان بيشلنى حوار 6 ابتدائى ده
كل طفل ياعينى يقعد يدعى ربنا انهم ماينزلوش القرار على السنه السودا اللى هيبقى فيها
وهما بمزاجهم ينزلوا او ماينزلوش
وبعدين مين اللى كان هيسمحلوهم يحددوا النت اصلا
هما قالوا اما نجرب يمكن يوافقوا
بس على مين
لسنا نحن هؤلاء :D

mimi said...

معلش يا حبيبتي أعذريهم

سيس أشاسا

هههههههههههههه

كل يوم وا،تي طيبة وبخير يارب

Bent Men ElZman Da !! said...

والله بحاول اعزرهم بس مش قادره ههههههههههههههه
كل سنه وانتى بخير يا قمر ويعود عليكى بالخير ان شاء الله

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment