15 August 2011

(1) احلى ما فى رمضان

.



لما الواحد بيشوف شكل الجوامع فى رمضان
وقت صلاه التراويح خصوصا 
بجد قلبه بينشرح
المنظر بيبقى يفرح اووى
واول حاجه الواحد بيقولها يارب نبقى كده على طول
معظم الناس بتتجمع فى الوقت ده وخصوصا الرجال
بتبقى فرصه عشان الناس تتقابل
يعنى دى حكمه من ربنا كمان فى صلاه الجماعه
عشان يقوى الترابط اللى ما بينا

الشارع بيكون مقفول ساعه الصلاه
الناس كلها بتتزاحم بحب عشان تروح تصلى
كله بيحاول يساعد بعض جوه الجامع
وشوش الناس اصلا تحس انها بتضحك
صعب اوى اتنين رايحين يصلوا التراويح 
ويتخانقوا على مكان يقفوا فيه مثلا !
عشان احنا فى بيت ربنا صعب ده يحصل
بيبقى فى راحه نفسيه موجوده وده من رضا ربنا علينا واحنا بين ايديه



حتى فى صلاه العيد كمان الجو بحس انه ملائكى اوى حوالينا
جو خاص لا يُعوض 
الواحد فينا يحب يعيشه كل يوم مش كل سنه مره ولا كل كام شهر

المشكله تبقى فى حاجه واحده بس
ان بعد رمضان مش بنلاقى ناس كتير بتصلى فى الجامع زى ما كنا بنشوف
طيب ليه مش نستمر زى ما احنا بعد رمضان
يعنى نحاول نشجع بعض اننا نصلى فى جماعه زى ما كنا بنعمل.. ايه المانع؟

***********************

دعاء النهارده

اللهم طهرنى فيه من الدنس والاقذار
وصبرنى فيه على كائنات الاقدار
ووفقنى فيه للتقى وصحبه الابرار
بعونك يا قره عين المساكين

******

معلومه النهارده

ماهى صلاه التراويح


هي الصلاة التي تصلى جماعة في ليالي رمضان
والتراويح جمع ترويحة،سميت بذلك لأنهم كانوا أول ما اجتمعوا
عليها يستريحون بين كل تسليمتين ,وتعرف كذلك بقيام رمضان.

حكمها

سنة مؤكدة , وقيل فرض كفــاية
وهي شعار من شعارات المسلمين في رمضان
قال القحطاني رحمه الله في نونيته:
وصيامنا رمضان فرض واجب وقيامنا المسنون في رمضـان
إن التراويـح راحـة في ليله ونشاط كل عويجز كســـلان
والله ما جعل التراويح منكـراً إلا المجوس و شيعـة الشيطان

دليل الحكم

قيام رمضان في جماعة مشروع سنه رسول الله صلى الله عليه وسلم 
ولم يداوم عليه خشية أن يفرض، عن عائشة رضي
الله عنها أن رسول الله صلى الله عليه وسلم خرج ليلة من جوف الليل فصلى في المسجد، وصلى رجال بصلاته،
فأصبح الناس فتحدثوا، فاجتمع أكثر منهم، فصلى فصلوا معه،
فأصبح الناس فتحدثوا فكثر أهل المسجد من الليلة الثالثة،
فخرج رسول الله صلى الله عليه وسلم فصٌلِّي بصلاته، 
فلما كانت الليلة الرابعة عَجَزَ المسجد عن أهله حتى خرج لصلاة
الصبح، فلما قضى الفجر أقبل على الناس فتشهد ثم قال: 
أما بعد فإنه لم يخف عليِّ مكانكم، ولكني خشيتٌ أن تفرض
عليكم فتعجزوا عنها، فتوفي رسول الله صلى الله عليه وسلم والأمر على ذلك"

فضلها

لقد حث رسول الله صلى الله عليه وسلم على قيام رمضان ورغب فهي ولم يعزم،
فعلى جميع المسلمين أن يحيوا سنة نبيهم وألا يتهاونوا فيها 
ولا يتشاغلوا عنها بمالا فائدة منه، 
فقد قرن صلى الله عليه وسلم بين الصيام والقيام،
فعن أبي هريرة رضي الله عنه قـال:
"سمعت رسول الله صلى الله عليه وسلم يقول
لرمضان من أقامه إيماناً واحتساباً غفر له ما تقدم من ذنبه".
وفي رواية في الصحيح كذلك عنه:
"من قام رمضان إيماناً واحتساباً غفر له ما تقدم من ذنبه". وقتها
من بعد صلاة العشاء إلى طلوع الفجر ... وتختلف من مسجد إلى آخر 
فمنهم من يطيل ومنهم من يخفف ,, فالأمر متاح للجميع وفيه سهولة ويسر ..

عدد ركعاتها
 
أفضل القيام في رمضان وغيره إحدى عشرة ركعة، 
وهو ما واظب عليه صلى الله عليه وسلم، 
كما صح عن عائشة رضي الله عنها وقد سئلت:
كيف كانت صلاته صلى الله عليه وسلم في رمضان؟ 
فقالت: ما كان يزيد في رمضان ولا فيغيره
عن إحدى عشرة ركعة، يصلي أربعاً11 فلا تسأل عن حسنهن وطولهن، 
ثم يصلي أربعاً فلا تسأل عن حسنهن وطولهن، ثم يصلي ثلاثاً"
وإن كان الأمر فيه سعة، وقد أحصى الحافظ ابن حجر رحمه الله في الفتح
الأقوال في ذلك مع ذكر الأدلة، وهي:
1. إحدى عشرة ركعة مع الوتر بثلاث ركعات.
2. ثلاث عشرة ركعة مع الوتر بثلاث ركعات.
3. إحدى وعشرون ركعة مع الوتر بثلاث ركعات.
4. ثلاث وعشرون ركعة مع الوتر بثلاث ركعات.
5. تسع وثلاثون ركعة مع الوتر بثلاث ركعات.
6. إحدى وأربعون ركعة مع الوتر بثلاث ركعات.
7. تسع وأربعون ركعة مع الوتر بثلاث ركعات.

لم يصح حديث عن النبي صلى الله عليه و سلم في عدد ركعات صلاة التراويح
إلا حديث عائشة: "أحد عشرة ركعة"، 
وما روي عن ابن عباس رضي الله عنه:
"كان رسول الله صلى الله عليه وسلم يصلي في رمضان عشرين ركعة والوتر"
فإسناده ضعيف كما قال الحافظ ابن حجر.

و الأعداد الأخرى سوى الإحدى عشرة أُثرت عن الصحابة والتابعين ومن تبعهم بإحسان إلى يوم الدين ، 
والقاعدة  عندهم في ذلك أنهم كانوا إذا أطالوا القراءة قللوا عدد الركعات 
وإذا أخفوا القراءة زادوا في عدد الركعات.
و لله در الشافعي ما أفقهه حيث قال، كما روى عنه الزعفراني:
(رأيت الناس يقومون بالمدية بتسع وثلاثين، وبمكة
بثلاث وعشرين، وليس في شيء من ذلك ضيق)
وقال أيضاً: (إن أطالوا القيام وأقلوا السجود فحسن وإن أكثروا السجود وأخفوا القراءة فحسن، والأول أحب إلي).

والخلاصة أن أصح وأفضل شيء أن يقام رمضان بإحدى عشرة ركعة مع إطالة القراءة، ولا حرج على من قام بأكثر من ذلك.
واحذروا أيها الأئمة من التخفيف المخل، 
بأن تقرءوا في الأولى مثلاً بعد الفاتحة بآية نحو "مدهامتان" أو بقصار السور
من الزلزلة وما بعدها، وفي الثانية دائماً بالإخلاص، فهذا تخفيف مخل، هذا مع عدم الاطمئنان في الركوع والسجود

والمسابقة حيث يصبح من التجاوز إطلاق القيام على من يفعل ذلك.
وحذار أيها المأموم أن تحتج على إمامك إذا حول أن يطيل في ظنك بقوله صلى الله عليه وسلم: "من أم الناس فليخفف"،
فهذا استدلال مع الفارق والفارق الكبير، حيث قال صلى الله عليه وسلم ذلك لمعاذ عندما قرأ في الركعة الأولى في
صلاة العشاء بالبقرة كلها، وفي الثانية بما يناصف البقرة


26 comments

Lady E said...

الله عليكي

اللهم أمين الدعاء حلو جدا بجد

أينعم واحنا في صلاة التراويح في ناس بتغلس أحيانا لكن بتلاقي اننا متقبلين غلاستهم بكل هدوء احتراما للصلاة واحتراما لبيت ربنا

بجد يا دينا ياريتك سنة يا رمضان وياريتك بتدوني كل يوم :)

سواح في ملك اللــــــــــــــــــه- said...

لوعلمت الامة مارمضان لتمنت ان يكون العام كله رمضان

تحيتي لكي

Bent Men ElZaman Da !! said...

Lady E

بنقدر نعدى اى غلاسه من اى حد واحنا فى الجامع
عشان بنحس اننا ماعندناش استعداد نضيع لحظه زى دى فى تفاهات

ياريته فعلا رمضان سنه

ميرسى ليكى اووى يا أيناس على زوقك
ومبسوطه انك نورتينى :))

Bent Men ElZaman Da !! said...

سواح في ملك اللــــــــــــــــــه-

معاك حق والله بجد

شكرا لحضرتك جدا ومنورنى دايما :))

مى said...

فعلااا والله .. الواحد بيتمنى لو الناس تستمر ع الحال ده.. ساعتها سلوكيات كتيير فينا هتتغير

بجد تسلم ايدك على المعلومات القيمه دى
متابعه معاكى ^^

reemaas said...

تعرفى انا ايه اكتر حاجة بتلفت نظرى فى ده مش بس الاقبال على الصلاة
لا
وحدة الصف
وحدة الصف اللى كل العالم بينهدشوا ليها

m.hallawa said...

السلام عليكم دينا
بجد مشاء الله علي التدوينات الرائعة الرمضانية
بارك لله فيكي وجعلها في ميزان حسانتك اختي العزيزة
واشكر حضرتك عالزيارة الكريمة ومواساتي
ما اوقعكم الله في مكروة ولا يكتب عليكم غربة
وتمنياتي لكم بصوم مقبول وعمل ميسور
تقبلوا فائق احترامي
السلام عليكم

Noha Saleh said...

صحيح والله صلاة التراويح من اجمل الحاجات فى رمضان انا بحب صوت الشيخ وهو بيصلى وبيقول الادعية لكن عمرى ماصليتها فى الجامع للاسف

Bent Men ElZaman Da !! said...

مى

فعلا احنا هنبقى احسن وقتها كتير
ميرسى ليكى يا جميله
ومبسوطه بزيارتك :))

Bent Men ElZaman Da !! said...

reemaas

صحيح يا نور
سبحان الله حتى لو واقفين فى الشارع عشان مفيش مكان فى المسجد

ميرسى ليكى ونورتينى :))

Bent Men ElZaman Da !! said...

m.hallawa

شكرا لحضرتك جدا
وحمدالله على السلامه
ويارب تكون احسن دلوقتى :))
وربنا يتقبل منك يارب ومننا جميعاً

منورنى دايما :))

Bent Men ElZaman Da !! said...

Noha Saleh

صوت الشيخ بيفرق اوى
صعب اى حد يفكر يسرح فى الصلاه وهو سامح الشيخ بيقول الادعيه كده

ميرسى ليكى يا قمر ومنورانى دايما :)

NaDa said...

أه بيبقى إحساس جميل أوي
المنظر بيحسسك براحة وطمأنينة
وهدوء كده جواكي

وفعلاً الوقت ده كله بيصلي التراويح
تنزلي الشارع
تلاقي الناس بيصلوا برا الجامع
عشان الجامع بقى زحمة

وصلاة العيد
كفاية وقت الفجر كده
وإنتي قاعدة مستنية صلاة العيد
:)

..
وجزاكِ الله خير على كل المعلومات لصلاة التراويح
ربنا يكرمك :)

شهرزاد المصرية said...

لفعلا أحلى ما فى رمضان التراويح
و خاصة
الأضواء التى تزين الجوامع و زحمة الناس و هم يغلدرون بعد الصلاة
أجواء رائعة جدا

تحياتى لك

sabry abo-omar said...

مجهود مشكور وعمل طيب يجازيكى الله به خيرا..هل لاحظتى أن كل مظاهر رمضان الجميلة مرتبطة بوجودك فى مصر دائما؟؟ ولكن القرآن والقيام مع المسافر بالخارج خير رفيق .. اللهم ساعدنا وأغفر لنا

ريبال بيهس said...

مساء الورد

بالفعل الملاحظ في صلاة التراويح تزاحم ولكن

تزاحم محبب وجميل فيها روحانية عظيمة لا يشعرها

إلا من حضر فقط فياليت زيارة المسجد تستمر حتى

بعد رمضان .. أما عدد ركعات التراويح فأعتقد

كل واحد وأستطاعته بشرط أن تكون وتر بمعنى يصلي

عدد ركعات وتر بعد أنتهائه من التراويح ..

أشكرك جداً على هذه الكلمات الإيمانية بحق أحلى

مافي رمضان ...

تحياتي وإحترامي

ابراهيم رزق said...

هذه هى بركة رمضان

نجدها فى المساجد و عمل الخير

ما اجمله جو روحانى

تحياتى

sendbad said...

جزاك الله خيرا عنا ويجعله في ميزان حسناتك
تحياتي الخالصة

Bent Men ElZaman Da !! said...

NaDa

بردو حكايه توقيت صلاه العيد نفسها
بيدى روح جميله اوووى

ميرسى ليكى يا قمر
ومنورانى :))

Bent Men ElZaman Da !! said...

شهرزاد المصرية

وزحمه الناس دى بتخليهم يتكلموا مع بعض اكتر وبتعمل ألفه بينهم

ميرسى لحضرتك
ومنورانى دايما :))

Bent Men ElZaman Da !! said...

sabry abo-omar

انا عارفه ان المظاهر دى بتبقى فى مصر بس فى الغالب
كل بلد ليها طريقتها وعاداتها اللى بتحتفل بيها بشهر رمضان

شكرا لحضرتك
وسعيده جدا بمتابعتك :)

Bent Men ElZaman Da !! said...

ريبال بيهس

معلومه صحيحه اللى حضرتك قولتها على عدد الركعات
ولذلك الرسول عليه الصلاه والسلام مش حددها بعدد معين
كل انسان وقدرته

شكرا لحضرتك جدا
ومبسوطه بوجودك :))

Bent Men ElZaman Da !! said...

ابراهيم رزق

حبيت اوى تعبير بركه رمضان :)

شكرا لحضرتك
ومنورنى دايما :))

Bent Men ElZaman Da !! said...

sendbad

شكرا لحضرتك
وميرسى اوى على المتابعه :)

خالد ناجى said...

اللهم طهرنى فيه من الدنس والاقذار
وصبرنى فيه على كائنات الاقدار
ووفقنى فيه للتقى وصحبه الابرار
بعونك يا قره عين المساكين

امين يارب


تدوينه جميله

Bent Men ElZaman Da !! said...

خالد ناجى

اللهم آمين

شكرا لحضرتك
وشرفتنى بوجودك :))

:a: :b: :c: :d: :e: :f: :g: :h: :i: :j: :k: :l: :m: :n:

Post a Comment

 

FaceBook Comments

wibiya widget